крштевање – Kurir.mk

Крштевање – очистување и раѓање одозгора

Тале Кристо — Thu, 19 Jan 2023 09:13:22 +0000

Во овој период, односно пред и по празникот Богојавление – Водици, се случуваат многу крштевки оти верниците веруваат дека постои врска меѓу Крштението на нивните деца и Христовото Крштение на реката Јордан, извршено од Јован Крстител. Но, теолозите велат нешто друго. Тие не го поврзуваат крштевањето затоа што Христос бил крстен, туку затоа што умрел и воскреснал од мртвите. Христос по воскреснувањето им се јавил на неговите ученици–апостоли и им рекол: „Ми се даде секаква власт на небото и на земјата. Одете и научете ги сите народи, крштавајќи ги во името на Отецот, и Синот, и Светиот Дух“. Кај нас крштевањето се сфаќа многу формално, нешто што треба да се направи, без притоа, луѓето се да се запрашаат што значи чинот. Кумот, кој го избираат за детето, исто така е формалност, а тој треба да се грижи и да го следи духовниот раст на детето, заедно со родителите. Теолозите апелират крштевањето да не се сфаќа како некоја традиција, како некој фолклор, да не биде формално, туку православните христијани да знаат зошто се крстени, да водат христијански живот, да бидат активни членови на Христовата Црква, да се грижат за духовниот раст и своето спасение и точно да знаат зошто ги крштеваат своите деца. Kрштевањето е првата од седумтте свети тајни на Црквата. Без крштевањето не можат да се извршат другите свети тајни – миропомазание, причест, покајание, свештенство, брак, елеосвештенство. Преку крштевањето се станува христијанин, член на Христовата Црква. Во раното христијанство, крштевањето се вршило само над т.н. зрели верници, кои претходно морале да се пријават како кандидати за обред на крштевање и определен период да постат и да се молат. За некој да биде крстен, тој морал да покаже дека е достоен за тоа. Со крштевањето лицето се чисти гревови, умира за грешениот живот, и се раѓа за нов, духовен и блaгодатен. Со водата во која трипати се потопува новиот член на Црквата, се чистат гревовите на тој што се крсти. Ако се работи за бебе, кое уште не може да згреши, се чисти прародителскиот грев, кој, според Христијанството, луѓето го носат од Адам и Ева. Како повозрасен, со вода се чистат гревовите стекнати од животот. Ова потопување означува погребување на стариот и воскреснување на новиот човек, зашто ја претставува смртта и воскресението на Спасителот (Рим. 6, 3-11). Ако не се родите одозгора, нема да можете да влезете во Царството Небесно (сп. Јован 3, 3). Крштението е насочено кон денот кога човекот ќе умре и ќе зачекори во Царството небесно. Се верува дека оној кој не е крстен не може да влезе во Царството небесно.

Свештеник од Риека одбил да крсти дете на женска хомосексуална двојка: „Совеста ми е целосно чиста“

Магдалена Андонова — Wed, 31 Aug 2022 09:12:54 +0000

Свештеникот Кристијан Зеба во Риека одбил да крсти дете зачнато со вештачко оплодување на женска хомосексуална двојка, а тоа предизвика бура од реакции во Хрватска. Од Риечката архиепископија се уште не се изјасниле. Целата световна јавност не е на страната на свештеникот, кој остана доследен, бидејќи смета дека таквиот чин е против црковното учење и дека детето нема да биде воспитувано во духот на католичката вера. Аргументот на свештеникот е дека хомосексуалната двојка е веќе во грев, бидејќи живее во спротивност со учењето на Католичката црква. - Ние самите добро знаеме дека учењето на Католичката црква е дека бракот се состои исклучиво од маж и жена, се друго е неприфатливо, вели Зеба, пренесе загрепската телевизија N1. Свештеникот за се ги информирал верниците на Фејсбук и предупредил дека нема навреда. - Совеста ми е целосно чиста и мислам дека тоа е единствената вистинска работа за мене, изјави Зеба. Теологот Зоран Грозданов не се согласува со Зеба во многу аспекти. Тој смета дека Црквата не е збир на правила исклучиво за морално достојни луѓе. - Во теолошка смисла, мислам дека токму тука се јавува моралистичката конфузија што е многу присутна во христијанството во последните години, особено во Хрватска. Имено, крштевањето како тајна е дар, а за да биде подарок мора да биде незаслужен, тоа значи дека не зависи од предиспозицијата на оној што го прима, па ни неговите родители, вели Грозданов. Тој додаде дека Црквата треба да вклучува и да функционира на благодатта, а не на тоа дали луѓето живеат прави или погрешни животи.

ВЕРНИЦИТЕ ШОКИРАНИ: Свештеник 26 години погрешно крштевал, обредите мора да се повторат

Ивона Петрова — Fri, 18 Feb 2022 10:15:06 +0000

Илјадници католични верници од САД ќе мора повторно да се крстат откако Црквата открила дека свештеник 26 години користел погрешен збор за време на крштевањата. Отец Андрес Аранго, за време на обредите ги користел зборовите „те крштеваме во името на Отецот, Синот и Светиот дух“ наместо „те крштевам“ како што наложува Ватикан. Зошто разликата меѓу еднина и множина е важна објаснува бискуп Томас Ј. Олмстед. -Не е заедницата таа која крштева, туку Исус Христос и само тој ги предводи сакраментите. Исус Христос е оној кој крштева, објаснува бускупот. Грешката на свештеникот била откриена во средината на 2021 година. -Отецот користел неточна терминологија од почеток на својата служба, се додека минатото лето не било обрнато внимание. Немам точен податок за бројот на луѓето кои се крстени меѓу 1995 и 2021 година, но верувал дека се бројат во илјадници, вели портпаролката Кејти Бурк. Откако грешката била увидена, Аранго ја напуштил досегашната работа „за да се посвети на исцелување и помагање на жртвите од оваа грешка. Бискупијата блиску соработување со него. Се организираат повторни крштевања на сите кои го примиле сакраментот на погрешен начин, вели Бурк.

НЕВИДЕНА ТРАГЕДИЈА ВО РОМАНИЈА – бебе починало при крштевање во црква

Магдалена Андонова — Thu, 04 Feb 2021 17:58:47 +0000

Јавноста во Романија изминатиов период е потресена по шокантната информација дека во понеделникот шест недели старо новороденче починало во болница, непосредно по крштевање во црква во место наречено Сучаева. Имено, бебето откако три пати било потепено во благословената вода, се разболело и по неколку часа во болница било констатирано дека починало од срцева болест. Многу Романци се мобилизираа оваа недела на социјалните мрежи за да ја убедат Православната црква да го смени обредот на крштевање по смртта на новороденче, ден по таа церемонија. Иницијаторите на петицијата на Интернет, велат дека трагедијата со овој случај е голема и не смее да е повторлив. Во болница преку аутопсија било откриено дека бебето во неговите бели дробови имало течност, и по тоа е отворена истрага за убиство од небрежност против свештеникот кој ја водел церемонијата. Според извештаите на медиумите, во последните години се случиле неколку такви случаи.

Свештеникот сакаше да ја благослови, а девојчето направи потег кој го насмеа светот (ВИДЕО)

Магдалена Андонова — Sat, 24 Oct 2020 10:44:10 +0000

Ниту свештеникот не знаеше што се случи! Крштевањето на деца понекогаш може да биде невообичаено, пред се затоа што децата се непредвидливи и никогаш не знаете како ќе реагираат. Токму вакво нешто се случи во оваа црква:

Holding his laugh in 😂😂😂 pic.twitter.com/sdLPhiAMpP
— CCTV_IDIOTS (@cctv_idiots) October 21, 2020

ОД ОВАА СНИМКА ЌЕ ВИ СЕ ЗГРОЗИ: Свештеникот го малтретирал бебето, родителите му викале да престане

Магдалена Андонова — Wed, 21 Oct 2020 14:40:08 +0000

Мајката на дете кое се крстело во неделата во Лимасол, Кипар најавила тужба против свештеникот кој ја оддржувал церемонијата на крштевање бидејќи бил исклучително груб кон бебето. Тој агресивно го потопувал бебето во водата, а тоа постојано плачело, а по церемонијата било полно со модринки по целото тело. На видеото се забележува како мајката во еден момент се тргнува настрана бидејќи не можела да го гледа таквото мачење, а свештеникот упорно одбивал да престане. -Викавме по него, му велевме да престане, а тој само кажа: 'Јас така крштевам, оставете ме да си ја завршам својата работа' и продолжи. Свештеникот нѝ го уништи најубавиот ден, а бебето го однесовме на лекар и 24 часа по инцидентот се уште беше во шок“, раскажала мајката Нтина Шита, која го објавила шокантното видео на својот Фејсбук профил. -Сум крштевал многу деца. Кога забележав дека детето е под стрес, настојував да го завршам ритуалот што побрзо, изјавил свештеникот за кипарските медиуми, но ниту извинувањето нема да го спаси од тужба на родителите против него.

Анастасија откри необичен детаљ од крштевањето на внукот- Вељко покажа како ќе го воспита синот додека расте (ВИДЕО)

Дарко Андоновски — Mon, 13 Jul 2020 12:23:12 +0000

Синот на Цеца вчера го крсти синот на неговите 40 дена откако се роди. Имено Вељко Ражнатовиќ заедно со Богдана се одлучија да го крстат синот на неговите 40 дена во црквата Свети Сава во Белград. Тие по крштевањето направија и прослава за најблиските во семејниот дом на Цеца, но сепак во центарот на вниманието освен бебето беше и неговата торта. -Денеска на големиот православен празник го крстивме нашиот наследник, изјави Вељко за медиумите додека неговата сестра Анастасија сподели видео од тортата која предизвика илјадници коментари. Имено таа е во боите на српското знаме и ја симболизира нивната земја, погледнете.

Видео кое го разбесни светот: Најгрубото крштевање кое се граничи со давење во вода

Предраг Кукиќ — Mon, 10 Dec 2018 21:42:10 +0000

На социјалните мрежи почнаа да се шири видео од едно крштевање во Бразил, на кое се гледа дека свештеникот воопшто не го спушта нежно детето во осветената вода. Тешко е да се каже дали брзал или едноставно го изгубил трпението, но според неговиот изглед, се чини дека нешто поприлично го налутило.