крсто јовановски – Kurir.mk

Јовановски: Дел од тие луѓе коишто беа прогласени за „терористи“ беа амнестирани и гласаа за промена на Уставот

Ивана Ефремовски — Mon, 27 Apr 2020 18:44:27 +0000

На вечерашната дебата на 24 Телевизија помеѓу поранешните пратеници Павле Богоевски и Крсто Јовановски, Јовановски посочи дека наводното „терористичкото дејствување“ за 27-ми април е измислено, затоа што луѓето коишто беа „терористи“ беа амнестирани и гласаа за промена на Уставот. -Не верувам во тоа, измислено е „терористичкото дејствување“ за 27-ми април. Дел од тие луѓе коишто беа „терористи“ беа амнестирани и гласаа за промена на Уставот. Тоа значи дека тие во истиот момент додека беа амнестирани престанаа да бидат „терористи“. На два милиони луѓе во Македонија толку многу луѓе ли беа „терористи“ , тоа е огромна бројка на „терористи“, истакна Јовановски. Тој вели: “Тоа е нон сенс, глупост и не може да му се верува на истото, смислено сценарио да, но од кого ќе видиме“.

Јовановски: Сите знаеме дека за 27 април, нема ни „т“ од тероризам

Ивона Петрова — Thu, 28 Nov 2019 12:13:52 +0000

Пратеникот од редовите на ВМРО-ДПМНЕ, Крсто Јовановски на денешната седница на пратенички прашања во Собранието на Република Македонија, го праша премиерот Зоран Заев дали до изборите, тој нема да направите притисок врз судиите и обвинителите кои останаа. Тој напомена дека сите се свесни оти во случајот 27 април, нема ниту „т“ од тероризам туку станува за политички мотивиран, и монтиран случај. -Сите знаеме дека за 27 април, нема ни „т“ од тероризам. Вие менувате претседатели на судови, менувате судии. Слушаме како Катица Јанева зела 160 илјади евра за заштита на тајноста на податоците. Се прашувам, колку години им треба на луѓето во Тинекс и Веро да ги заработат тие пари, колку години им треба на актерите да дојдат до овие пари. Тие пари се незаконски земени од оваа држава и овој народ. Премиере Заев, дали сте размислувале за оваа состојба. Дали имате намера да поразговарате на оваа тема, дали сте среќни со ваквото СЈО. Дали до изборите, вие нема да направите притисок врз судиите и обвинителите кои останаа, истакна Јовановски.

Јовановски: Средствата не беа фер распределени од страна на Министерството за култура

Предраг Кукиќ — Wed, 27 Feb 2019 15:37:56 +0000

Денеска на седницата за пратенички прашања се обрати и Крсто Јовановски, пратеник од редовите на ВМРО-ДПМНЕ и Коалицијата „За подобра Македонија“, кој говореше за доделување на парични средства за културни институции и проекти од страна на Министерството за култура. Денес сакам да проговорам малку за она од каде доаѓам јас. Доаѓам од сферата на културата. Многумина од вас ќе си кажат да многу се зборуваше за околу распределбата на средства во Министерството за култура, рече Јовановски. Јовановски појасни дека она што е во овој момент карактеристично е навистина лошата распределба на финансиските средства оваа година. Па и минатата имаше такви во однос на некакви институции во културата кои во изминатите 20,30,40,70 години биле многу значајни за нашата држава. Откако се објави оваа распределба за финансиските средства по разни институции по културата, и по институциите и по проектите, имаше лавина од незадоволство и тоа оправдано, нагласи Јовановски.

Јовановски до Заев: Немој пратениците да ги туркате онаму кај што не треба

Предраг Кукиќ — Tue, 16 Oct 2018 11:06:17 +0000

Пратеникот Крсто Јовановски при една прилика на говорот на Заев реплицираше при заседавањеto на Седницата во Собрание на Република Македонија. Господине Заев, не мислев да станувам да одговарам, но станав да ви кажам уште еднаш најучтиво најчовечки од дното на душата немој пратениците да ги туркате онаму кај што не треба. Седнете со господинот Мицкоски разговарајте и донесете вистинско решение, нагласи Јовановски. Јовановски истакна дека пратениците имаат заклетва дадено во Собранието. Дека секое друго убедување на Заев не води кон добро и да размисли добро за постапките, бидејќи тој ја водел сам целата постапка.

Јовановски: Никогаш нема да ја изневерам мојата татковина и никогаш нема да гласам за промена на уставното име на Македонија!

Ивана Ефремовски — Wed, 10 Oct 2018 14:13:14 +0000

Јас сум христијанин и воспитуван во таков дух. На сите нив им ги простувам гревовите, бидејќи не знаат што прават, вели во своето јавно обраќање, пратеникот на ВМРО-ДПМНЕ, Крсто Јовановски. -На тој што прв ме нападна му порачувам: во најможен краток рок да објави материјален доказ, од кого, кога и на кое место сум примил 250 000 евра за да го извршам велепредавството. Ги повикувам органите на партијата јавно да се оградат од обвинувањата кон мене, бидејќи обвинувањето кон мене е и обвинување кон партијата. Во спротивно ќе сметам дека обвинувањата се заеднички. Се колнам, во својата чест и морал дека никогаш нема да ги изневерам принципите на партијата, никогаш нема да ја изневерам мојата татковина и никогаш во собранието нема да гласам за промена на уставното име на Р.Македонија а со цел промена на уставот, порачува тој.

Заев сам се препозна во епитетот “предавник“!

Ивана Ефремовски — Mon, 02 Jul 2018 13:04:25 +0000

На денешната седница за пратенички прашања, пратеникот од редовите на ВМРО-ДПМНЕ, Крсто Јовановски со цитати и метафори од нашите познати дејци и револуцинери говореше за предавствата врз македонскиот народ.

Иако Јовановски говореше метафорички, сепак премиерот Заев се пронајде во неговиот говор и настапи со крајно недоличен и понижувачки речник против Јовановски, непознат до сега во собраниската практика.

Јовановски притоа го искористи своето право да му постави прашања на премиерот Заев околу промената на името и Уставот.

- Кога се колневте во вашите предци и кога тврдевте дека нема да со смените името и уставот на оваа држава што мислевте ? Според кое право со оваа т.н спогодба вие превземавте за било кој иден парламентарен состав да не може да додаде ништо во врска со ова што сте го пишале. Во основа на која научна мисла сте запишале дека не постои никаква поврзаност во делот на историјата, културата и наследството помеѓу луѓето од Северниот дел на јужниот наш сосед, рече Јовановски.

Во останатиот дел од своето излагање, Јовановски додае дека Европа не прифаќа и не прима луѓе и држави кои имаат 0.1% БДП и имаат неколку милијарди евра долг.

Притоа Јовановски ја посочи изјавата на Европратеникот Ковачев кој има изјавено ако Македонија не ја смени историјата нема да добие датум за преговори.

Јовановски: Криминалци се пуштија на слобода за на нивно место да влезат во затвор политичките противници

Ивана Ефремовски — Wed, 11 Apr 2018 15:23:07 +0000

Политичкиот прогон е секојдневно присутен. Имаше закон за амнестија, се ослободија многу луѓе. Тие луѓе кои беа во затвор беа криминалци пред се, шверцери со дрога, а богами и терористи. Тие луѓе се пуштија на слобода за да можат политичките противници да влезат таму, изјави пратеникот на ВМРО-ДПМНЕ, Крсте Јовановски на денешната седница во Собранието за гласање на доверба на владата - Дознавме дека за да бидеш терорист не треба да имаш пушки, бомби и патрони, туку треба да имаш телефон со андроид. Те слушаат што ќе кажеш и стануваш терорист. Тоа е дел од планот 3-6-9 да се замолчи опозицијата и никој нема право ништо да проговори, истакна Јовановски. Тој ги потсети присутните во Собранието дека во еден изминат период новинари бараа смрт за некои политичари, но тоа помина и сега имаме ново време, имаме „слобода“ на медиуми, арно ама никој не смее ништо да проговори, затоа што ако се проговори ти следат пријава и тужба. Јовановски се обрати и до Заев истакнувајќи дека иако против него се води процес на суд, тој се ставил на чело на реформите за правосудство. - Има постручни луѓе кои во тој контекст ќе направат многу повеќе и ќе го доведат ова правосудство како што треба да има правда, нагласи Јовановски.

ВМРО-ДПМНЕ: Само Талибанци и радикални исламисти уриваат споменици како СДСМ

Ивана Ефремовски — Thu, 22 Feb 2018 15:12:40 +0000

Само Талибанците во Авганистан и радикалите на ИСИС во Сирија и во Ирак уриваа споменици. Нивната деструкција, невидена за 21 век ја осуди целиот цивилизиран свет. Истото што го правеа Талибанците и ИСИС во регионите зафатени од војна, го гледаме денес во Македонија, во срцето на Европа, од страна на СДСМ, обвинува Крсто Јовановски од ВМРО-ДПМНЕ. -СДСМ, кукавички во раните утрински часови решија да го задоволуваат својот апетит за деструкција. СДСМ не може да поднесат да гледаат ништо што е изградено, создадено и што претставува паметник за македонската историја. Не им дава мир истовремено многу ги боли бидејќи тие самите се неспособни за ништо креативно. СДСМ денес манифестираа длабока фрустрација и гнев кон никој друг освен кон Македонија, и кон македонската историја и кон македонската култура. СДСМ работи за рушење на македонскиот национален дух, имаме историја кој се продава, неуставен закон за јазици, преминувани аеродром и автопат за што нашата татковина Македонија не доби ништо, споменици на херои кои се руштат, рече тој. СДСМ во тајност, далеку од очите на јавноста, во текот на ноќта го срушија споменикот на македонскиот револуционер Андон Јанев Лазов - Ќосето. -Надвор од умот и од цивилизираното однесување, надвор од законот, вандалите испратија механизација за да отпочнат со уривање за да ја покријат неспособноста и неработењето овие 9 месеци откако се на власт. Споменикот на Андон Јанев Лазов – Ќосето, почитувани мои не е дивоградба, како што тие сакаат да кажат и оправдаат! Советот на град Скопје согласно закон со бандинтерово мнозинство има донесено одлука за негово поставување. Општината Центар има доделено и маркица врз основа на деталниот урбанистички план. Тоа се фактите, а тоа што го направи СДСМ е вандалски чин за кој се одговара. Во Македонија од илјадници дивоградби, вандалите одлучија да почнат да уриваат споменици кои се поставени согласно закон. За ова, почитувани мои, се одговара и морално, а се одговара и правно! За ова ќе има и мора да има кривична одговорност. Шилегов вели дека нема пари за нови проекти но пари за уривање има. Власта потроши скоро 1 година во рушење и во расипничко трошење на парите на граѓаните. Истовремено нема направено ниту еден капитален проект. Од СДСМ скоро година дена гледаме само деструкција. Рушењето на споменикот е резултат на гневот на СДСМ кон генерациите македонци кои останале доследни на идејата за македонската државност. Почитувани мои, ВМРО-ДПМНЕ откако ќе се врати на власт ќе ги исправи сите штети кои ги предизвикува оваа вандалска власт, рече Јовановски.

Јовановски: Mакедонската држава со сите природни бoгатства што ги има и интелектуален капацитет може сама да опстане, Груевски тоа го покажа

Катерина Бојаџиева — Fri, 02 Feb 2018 10:55:04 +0000

Поранешниот премиер Никола Груевски ја смени комплетната свест на Македонецот која му беше наметната и докажа дека Македонците со сето природно и интелектуално богатство може самостојно да опстанат, истакна пратеникот Крсто Јовановски во емисијата „Sид” на Алфа Телевизија. -Дојде Груевски на власт во Македонија и ја смени комплетната свест условно на Македонецот. Наназад 4-5 години ние сме во константна некоја криза создадена од овие луѓе како од овде така и од надвор. За да се смени комплетно сликата дека Македонецот или македонската држава со сите природни бигатства што ги има и интелектуален капацитет може сама да опстане. Груевски тоа го покажа. И со намалување на невработеност и со капацитет и таканатаму и со константен раст на БДП и со покачување на пензии и така натаму, рече Јовановски. На ова, Јовановски се надоврза дека овие мерки кои ги спроведе Никола Груевски ги нема бидејќи новата влада потпомогната со многу пари и пијар ја доведе државата во ситуација народот да мрази се што е добро. Јовановски потенцираше дека новата Влада им вети укинување на Радиодифузната такса која чинеше 190 денари, меѓутоа од друга страна ја спроведува Тиранската Платформа, потпиша договор со Бугарија и сега ќе го менува идентитетот на државата. - Народот кај нас се уште не е свесен на економски план уште што се ќе се случи. За 190 денари ни се случува сега Бугарски договор, Тиранска Платформа и продавање на името. За 190 денари, нагласи Јовановски.

Јовановски: Јас никогаш не би гласал за Законот за јазици затоа што задира длабоко во унитарноста на мојата држав

Ивона Петрова — Thu, 11 Jan 2018 14:19:21 +0000

Ако се има во предвид што содржи Законот за јазици и што е целата позадина на тој Закон за јазици тогаш јас лично никогаш не би го гласал тој закон затоа што задира длабоко во Унитарноста на мојата сопствена држава во која јас сум пораснал, сум живеел и сеуште живеам, рече пратеникот Крсто Јовановски од редовите на ВМРО-ДПМНЕ во емисијата „Алфаскоп“. Јовановски констатираше дека ако Законот за јазиците има лоша перспектива за државата тогаш ниеден политички врв нема да го натера да гласа за тој закон. -Ако вие туркате еден закон кој треба да биде јазик, покрај македонскиот втор јазик во нашата држава и приота да го браните тој закон со казни ако не се изучува и ако тој закон носи лоши перспективи за нашата држава, тогаш јас незнам која е тој политички врв што ќе ме натера да гласам обратно од принципите. Ние кога гласаме во Собранието, ние гласаме за доброто на граѓаните, потенцираше Јовановски. Тој рече дека Законот за јазиците е остварување на уште една точка од Тиранската Платформа која е прифатена во целост од СДСМ. -Знаете законот како беше донесе, првин со тоа европско знаменце, на мала врата и така натаму, со сила. Иако господинот Хан рече дека тоа не е приоритет нити пак тоа е многу важно во овој момент за европските перспективи во македонија, беше искористен за европското знаменце, беше сменета комисијата на која требаше да се дискутира. Тоа се доволно индикатори да ти покажат дека тој Закон за јазици на „криминален“ начин влезе во Собрание и на „криминален“ начин сака да се изгласа. Но со текот на периодот додека ние разговаравме дека тој закон е еден од точките во Тиранската Платформа заради која нели и се направи ова парламнтарно мноинсво бидејќи СДСМ ја прифатија во целост тие тврдеа дека нема такво нешто во изминатиов период а сега гледаме дека има и тоа на голема врата, истакна Јовановски.