Крсто Мукоски – Kurir.mk

Мукоски пред да гласа за Законот за Јавно обвинителство доби милионски тендер

Тале Кристо — Mon, 10 Feb 2020 17:43:06 +0000

Исклучениот пратеник од редовите на ВМРО-ДПМНЕ, Крсто Мукоски кој гласаше за промена на името и поради тоа беше исклучен од партијата, а деновите е актуелен затоа што е еден од одметнатите кој ќе гласа за новиот закон за Јавно Обвинилсто доби тендер, пишува Лидер.мк. Имено неговата компанија ,Атриум ДОО” од Вевчани доби тендер од државното акционерско друштво за изградба и стопанисување со деловен простор. Повеќе прочитајте на Лидер

Мукоски, Василевски, Димовски, Арнаудов и Трачуловски добија амнестија

Ивана Ефремовски — Fri, 28 Dec 2018 10:50:59 +0000

Пратениците Крсто Мукоски, Сашо Василевски, Љупчо Димовски, Љубен Арнаудов и Јохан Тарчуловски се помеѓу првите обвинети што добија амнестија за крвавиот четврток на 27 април минатата година, пишуваат дел од медиумите. Покрај петте пратеници, амнестија е одобрена и за вработените во кабинетот на поранешниот претседател на Собранието, Елена Божиновска и Иван Цветановски, како и за обвинетиот Захарије Симовски, браќата Стефан и Михаил Младеновски, Митре Питроповски и Илија Славевски. По барањата за амнестија одлучувал Кривичен совет. Други одлуки се очекуваат во текот на утрешниот ден. Од Јавното обвинителство информираа дека пристигнале 66 барања за амнестија, од кои за 12 биле дадени позитивни мислења. Обвинетите на кои ќе им биде одбиено барањето за амнестија имаат рок од 3 дена за жалба по издавање на решението. Од 33 обвинети за 27 април, барање за амнестија не поднесоа само Митко Чавков, Душко Лазаров, Игор Југ, Јане Ченто и Игор Дурловски.

Мукоски го повлече предлогот, Данев нема да сведочи

Ивона Петрова — Tue, 27 Nov 2018 10:41:49 +0000

Пратеникот Драган Данев нема да сведочи во судот за настаните во Собранието од 27 април. Бранителот на обвинетиот Крсто Мукоски, Гоце Ристевски на почетокот од денешното рочиште го повлече предлогот Данев да сведочи за настаните од 27 април. Данев е еден од двајцата сведоци предложени од Мукоски, а предлогот е повлечен бидејќи од здравствени причини тој не можел да дојде да сведочи.

Крсто Мукоски излегува од притвор

Предраг Кукиќ — Fri, 19 Oct 2018 12:10:13 +0000

Пратеникот од ВМРО-ДПМНЕ, Крсто Мукоски, кој беше во куќен притвор, од денеска е пуштен да се брани од слобода. Апелациониот суд Скопје до Основниот суд Скопје 1 – Скопје, денеска достави решение со кое ја уважил жалбата на Крсто Мукоски, обвинет во предметот со КОК бр. 40/18 поврзан со настаните од 27 април 2018 година во Собранието на РМ со кое ја уважил жалбата изјавена против решението на Кривичниот совет. Судот го преиначил решението на советот со што ја укинал мерката куќен притвор, определена со решение на Врховен суд на РМ, продолжена со решение на кривичен совет при Основен суд Скопје 1 – Скопје. Судот му определил на Мукоски мерки за претпазливост – Одземање на патна исправа, односно забрана за издавање нова и Обврска обвинетиот повремено да се јавува на овластено службено лице во судот во Струга, соопшти Судот. Претходно, од куќен притвор беше ослободен пратеникот на ВМРО-ДПМНЕ, Сашо Василевски, кој е обвинет во случајот со настаните од 27 април лани во Собранието, и кој даде гаранција во недвижен имот. во вредност од околу 400.000 евра. Од куќен притвор беше ослободен и пратеникот Љубен Арнаудов, така што сега нема ниту еден пратеник обвинет за насилствата на 27 април во притвор.

Мукоски до судот: Не постои делување за загрозување на уставниот поредок, ќе докажеме дека сме чесни граѓани

Катерина Бојаџиева — Fri, 24 Aug 2018 19:26:53 +0000

На денешната трета расправа од судењето по обвинение за терористичко загрозување на уставниот поредок на Република Македонија, пратеникот од ВМРО-ДПМНЕ Крсто Мукоски кој е еден од 33-цата обвинети посочи дека се неточни наводите на Основното јавно обвинителство според кое целта на претпоставената организирана акција за упад во Собранието била „спречување на изборот на Талат Џафери за Претседател на Собранието на РМ“. Мукоски посочи дека ова е неточно, односно дека ниту тој, ниту некој друг пратеник имал вакво дејство, поради што основното тврдење во обвинителниот акт, околу крајната цел на наводно организираниот упад во Собранието - е неточно. Тој додаде и дека не постоела никаква меѓусебна порзаност и комуникација помеѓу него и претставници на другите групи од обвинението, во какви што Обвинителството ги подели обвинетите - маскирани и немаскирани лица кои извршиле наводно насилство, лица од МВР, пратеници и иницијатори на собирите на Граѓанската иницијатива за Заедничка Македонија. Според Основното јавно обвинителство, на 27-ми април овие четири групи извршиле планиран и организиран упад во Собранието, а во првите три заседанија на судот во овој предмет, сите адвокати на одбраната жестоко и аргументирано ги нападнаа претпоставките на ОЈО кои не се базирани ниту на факти, ниту на докази. Мукоски додаде и дека не постоеле никакви наредби за извршување на конкретно дело, што е уште еден доказ дека обвинувањата во самиот обвнителен акт се неосновани. „Ниту едно дејство што сме го направиле не сме го направиле со умисла, а не дај боже таа умисла да биде да го загрозиме уставниот поредок и да повредиме некого...Поради тешката квалификација и срамот и флеката со која сакаат да нè оцрнат, имам голема желба да докажеме која е вистината. Ќе докажеме дека сме чесни граѓани“, рече Мукоски.

Пратениците Мукоски и Василевски остануваат во домашен притвор

Ивана Ефремовски — Wed, 28 Mar 2018 10:55:50 +0000

По определениот 30-дневен притвор на поранешниот министер за внатрешни работи Митко Чавков и на уште четири лица обвинети за настаните во Собранието на 27 април минатата година, Кривичниот суд го одби барањето на Обвинителството иста мерка да им се изрече и на пратениците Крсто Мукоски и Сашо Василевски. Судот им ја продолжи мерката куќен притвор. На пратениците Љупчо Димовски, Јохан Тарчуловски и на уште две лица им се продолжени мерките за претпазливост. - За С.В. и К.М опфатени со предлогот на Обвинителството, предлогот се одбива како неоснован, а се продолжува мерката „куќен притвор“ определена со решение на Врховен суд на РМ. од 26.03.2018 година, за Љ.Д., Ј.Т., Е.Д.Б. и И.Д., предлогот на Обвинителство се одбива како неоснован, а се продолжуваат мерките за претпазливост определени со решение на Врховен суд на РМ. од 26.03.2018 година, се наведува во соопштението од Судот. За преостанатите лица опфатени со обвинителниот акт, предлогот делумно се уважува и се продолжуваат мерките притвор и мерките куќен притвор, претходно определени со решение на Апелацискиот суд Скопје. Претходно, Кривичниот совет на одделението за организиран криминал и корупција при Основниот суд Скопје 1, постапувајќи по предлог на Основното јавно обвинителство за гонење на организиран криминал и корупција, им определи 30 дена притвор на Чавков, М.П., Д.Л. О.П. и Г.Ѓ, поради постоење на основано сомнение дека сториле кривично дело „терористичко загрозување на уставниот поредок и безбедноста“ од член 313 од КЗ. Против овие решенија странките имаат право на жалба во рок од 24 часа по приемот на решенијата до Апелацискиот суд Скопје. (МИА)

Мукоски: Во мојот досегашен политички ангажман сум носел одлуки во интерес на граѓаните

Ивона Петрова — Thu, 22 Feb 2018 17:25:16 +0000

Во мојот досегашен политички ангажман секогаш сум носел одлуки во интерес на граѓаните, а за време на собраниските настани бев на своето работно место, рече Крсто Мукоски на денешната јавна седница на Апелациониот суд за разгледување на неговата жалба за укинување на затворскиот притвор. Пред судскиот совет тој изјави дека во изминатите 80 денови минува низ страшна агонија, а целата ситуација предизвикува траума за неговите четири малолетни деца. Освен за Мукоски, Апелациониот суд денеска ги разгледуваше и жалбите на пратеникот Љупчо Димовски, како и разузнавачот Мунир Пепиќ. Скопскиот апелационен суд трет ден по ред разгледува жалби на осомничените за собраниските настани од 27 април.. За дел од нив, судот ги потврди одлуките на кривичен, а дел затворскиот притвор го заменија со куќен.. Така во домашен притвор заминаа пратеникот Љубен Арнаудов како и организаторите на протестите За заедничка Македонија, Борис Дамовски и Богдан Илиевски. Во куќен притвор заминува и актерот Владо Јовановски. Во притвор останаа пратеникот Сашо Василевски и екс министерот за внатрешни работи Митко Чавков. Инаку во следните денови и Кривичен ќе се произнесе за секој осомничен одделно какви мерки ќе им одреди во четвриот месец од истрагата.

Мукоски останува во притвор

Ивона Петрова — Wed, 17 Jan 2018 13:49:42 +0000

Апелациониот суд ги одби како неоснована жалбата на пратеникот Крсто Мукоски, кој по оваа одлука останува во притворот во Шутка.

Во апелациониот суд најверојатно од понеделник ќе има јавни седници за пратениците Жаклина Пешевска и Љупчо Димовски, како и за режисерот Борис Дамовски. Мислењето од Вишото Јавно Обвинителство, сè уште не е стасано до Апелација, за да можат да ги закажат расправите. Во меѓувреме, Кривичниот суд на пратеникот Јохан Тарчуловски не му дозволува да се оддалечува од дома. Со ова Тарчуловски утре нема од собраниска клупа да го слуша обраќањето на генералниот секретар на НАТО Јенс Столтенберг. Од Кривичен се повикуваат на членот 163 од ЗКП. „На лицето против кое е определен куќен притвор судот може по исклучок, да му определи да се оддалечи за определено време од станот или од друг простор ако тоа е потребно за лекување или тоа го бараат посебните околности поради кои може да настапат штетни последици за животот, здравјето или имотот на лицето или неговите блиски“, велат од Кривичен. Во Шутка се 25 осомничени за собраниските инциденти од „крвавиот“ четврток, додека во домашен притвор шестмина. Четворица од осомничени МВР сè уште ги нема пронајдено. На сите 35 на товар им се става кривичното дело терористичко загрозување на уставниот поредок и безбедноста.

На пратеникот Крсто Мукоски му се слошило во притвор

Ивона Петрова — Fri, 22 Dec 2017 21:31:33 +0000

Република неофицијално дознава дека вечерва му се слишило на пратеникот Крсто Мукоски, кој е во притвор во затворот во Шутка од 5 декември. По интервенцијата на затворскиот лекар, со возило на Брзата помош бил пренесен на скопските клиники на контрола, но набрзо бил вратен во затворот во Шутка. Мукоски е во притвор во затворот во Шуто Оризари откако Судот на петти декември му изрече мерка притвор за инволвираност во насилствата во собранието судот изрече. Тој штрајкува со глад. Притворените од 27 април се сместени во супстандардни услови. Ќелии полни со мувла, прозорци од 80-тите од минатиот век кои не функционираат и само 2 часа парно во текот на 24 часа и тоа по еден час наутро и еден навечер, иако надвор има минусни температури. Премрзнати и под психолошки притисок се притворените од 27 април меѓу кои и оперскиот пејач Игор Дурловски, актерот Владо Јовановски, режисерот Борис Дамовски, архитектот Богдан Илиевски, поранесниот прв човек на МВР Митко Чавков, пратениците Сашо Василевски, Крсто Муковски и Љубен Арнаудов и десетици други кои ќе ја докажуваат својата невиност.