крстосувачки ракети – Kurir.mk

Украина тврди дека соборила 30 од 40 руски крстосувачки ракети

Ивона Петрова — Sun, 06 Aug 2023 09:53:16 +0000

Во текот на ноќта Русија изврши серија напади врз Украина, користејќи крстосувачки и хиперсонични ракети и беспилотни летала од иранско производство. Украинското воено воздухопловство тврди дека противвоздушна одбрана уништила 30 од 40-те крстосувачки ракети и сите 27 беспилотни летала Шахед лансирани од Русија. Но, не е наведен дали има штети од нападите или што се случило со 10-те крстосувачки ракети, што не беа соборени. Русија не ги коментираше тврдењата на Украинците. Претходно, претседателот на Украина, Володимир Зеленски изјави дека руска ракета погодила центар за трансфузија на крв во градот Купјанск, во Харков, и дека има и жртви. - Воздушни напади имаше низ целата земја, а цел на Русите беше фабриката Мотор Сич во Запорожје, посочи Зеленски. Тој не прецизираше дали е оштетена фабриката која произведува делови за авиони и хеликоптери. Според него погоден е и регионот Хмелницки, но не даде дополнителни детали. Бројот на напади се зголеми од двете страни откако Москва се повлече од Договорот за извоз на украинското жито. Во меѓувреме руски претставници соопштија дека украинските сили ја гранатирале зградата на факултетот во Доњецк. За време на нападот немало никој во Универзитетот. Министерот за итни ситуации поставен од Русија, Алексеј Кострубицки наведе дека Украина употребила касетна муниција при нападот врз Факултетот во Доњецк.

Северна Кореја од подморница лансираше крстосувачки ракети

Тале Кристо — Mon, 13 Mar 2023 06:42:57 +0000

Северна Кореја изврши тестирање, при што истрела две стратешки крстосувачки ракети од подморница, објави државната новинска агенција КЦНА. Зборот „стратешки“ обично се користи за опишување на оружје што има нуклеарна способност. КЦНА соопшти дека стратешки крстосувачки ракети биле истрелани од подморницата „8.24 Ионгунг“ во водите крај источниот брег во раните утрински часови. Ракетите поминале околу 1.500 километри пред да ја погодат целта. Агенцијата, исто така, објави дека лансирањето на ракетата ја потврдило ефикасноста на системот, а биле тестирани и подводните офанзивни способности на подморницата. Здружениот генералштаб на Јужна Кореја (JCS) соопшти дека војската на земјата е во состојба на готовност, додека разузнавачката агенција на земјата соработува со своите американски колеги на анализа на лансирањето. Заедничките вежби на Јужна Кореја и САД, наречени „Штитот на слободата 23“ треба да започнат денеска, а ќе бидат најголеми од 2017 година. Пјонгјанг смета дека вежбите се проба за инвазија. Северна Кореја спроведе рекорден број ракетни тестирања и вежби во изминатата година со цел, велат властите, да се зајакнат способностите за нуклеарно одвраќање. Северна Кореја има голема подморничка флота, но 8.24 Ионунг е единствената позната експериментална подморница со балистички проектили.

Украина: Од Русија испукани повеќе од 50 крстосувачки ракети, прекин на струја во неколку региони

Ивона Петрова — Mon, 31 Oct 2022 10:03:40 +0000

Украина соопшти дека денеска кон државата од Русија биле испукани „повеќе од 50“ крстосувачки ракети што резултирало со прекини на струја во неколку региони. -Од 7 часот наутро на 31 октомври, руските окупатори извршија во неколку бранови ракетни напади врз критичната инфраструктура во Украина, соопшти украинската армија на Телеграм. Тие додаваат дека „повеќе од 50 крстосувачки ракети X-101/X-555 беа лансирани“ од Русија.

Русија истрелала 113 крстосувачки ракети врз Украина, дел од нив биле „Искандер“

Ивона Петрова — Wed, 02 Mar 2022 06:41:21 +0000

Од почетокот на руската инвазија, Русија кон Украина истрела 113 крстосувачки ракети, вклучувајќи и Искандер, соопшти украинскиот владин Центар за стратешка комуникација и информации на Твитер. – Гранатирањето на украинските градови и пукањето врз цивили мора да бидат осудени од сите членови на меѓународната заедница, нагласува Центарот.

Пјонгјанг истрелал две крстосувачки ракети, тврдат јужнокорејски медиуми

Тале Кристо — Tue, 25 Jan 2022 07:40:14 +0000

Изгледа дека Северна Кореја денеска истрелала две крстосувачки ракети во морето во близина на нејзиниот источен брег, јави јужнокорејската агенција Јонхап њуз, цитирајќи воени извори. Јужнокорејската војска сега го проценува последното лансирање со цел да ја утврди природата на проектилот, пренесува „Јонхап“. Лансирањето на крстосувачки ракети на Северна Кореја не е забрането во согласност со санкциите на Обединетите нации воведени против Пјонгјанг. Последното тестирање на балистички ракети беше направено на 17 јануари.