круши – Kurir.mk

Круша за душа, но и за здравје – ниту кората не треба да ја фрлате

Ивана Ефремовски — Thu, 03 Feb 2022 14:01:00 +0000

Овие слатки мали плодови помагаат во борбата против многу болести, а ја чуваат и здравата тежина. Крушите се сочно и слатко овошје кое е благодет за организмот. Плодовите на крушите се полни со минерали: калиум, бакар, фосфор, калциум, магнезиум, железо и многу микроелементи. Богати се со витамини, К, А и Ц, како и повеќето витамини од групата Б и Д. Содржат антиоксиданс-процијанидин, кој помага при вкочанетост во срцевото ткиво и му олеснува на срцето да пумпа крв во целото тело. Исто така, го намалува LDL лошиот холестерол, додека го зголемува HDL добриот холестерол. Во кората на крушите се наоѓа кверцетин, антиоксиданс кој го намалува воспалението, како и ризикот од срцеви заболувања, како што се висок крвен притисок и холестерол. Иако е слатко овошје, крушите се поврзани и со помал ризик од дијабетес. Содржат диетални влакна кои помагаат во забавување на варењето, па телото има повеќе време да го разложи вишокот на шеќер. На тој начин, ќе го намалиме нивото на шеќерот во крвта. Помагаат и кај слабеење Хранливите материи во крушите, освен што го чуваат здравјето, помагаат и кај губењето на несаканите килограми. Причината за тоа е дека крушата има малку калории, многу вода и релативно е богата со диетални влакна. Се покажало дека нискокалорична диета богата со хранливи состојки помага кај слабеењето, додека зголемената хидратација се покажало дека придонесува за здрава тежина. Покрај тоа, влакната во крушите даваат чувство на ситост, и спречуваат прејадување. Го подобруваат варењето на храната и дебелото црево, а тоа е многу важно за одржување на линијата.

Јадете круша за здравје, убавина и душа

Ивана Ефремовски — Sun, 14 Jun 2020 12:57:02 +0000

Крушата е идеално сретство што ќе ви помогне да го прочистите дигестивниот тракт при што ќе се елиминираат сите наталожени токсини во текот на годината. Исто така крушите придонесуваат за нормализирање на функцијата на жлездите со внатрешна секреција. Свежите круши се вистински еликсир преполн со хранливи материи, органски киселини и микроелементи – железо, бакар и цинк. Во 100 грама круши има 120 мг јаболкова киселина, 70 мг лимонова киселина, 3 мг оксалова киселина. Исто така има големи количини витамин А, Ц, К, Б2, Б3 и Б6. Крушите се многу полезни за идните мајки и оние што дојат поради оптималната концентрација на неопходната фолна киселина за правилен развој на плодот. Крушите имаат силни антиоксидантни својства и се идеално средство за зајакнување на имуниот систем како и превенција од рак. Богати се и со калциум кој штити од остеопороза. Затоа не заборавајте на овошјето! Секој ден во вашето мени треба да има по неколку порции од овие лекови од природата!

Пет причини зошто мора почесто да јадете круши

Предраг Кукиќ — Fri, 19 Apr 2019 14:28:48 +0000

Крушата е исклучително здраво есенско овошје, кое има стотина различни видови. Денес се користи за подготовка на солени и благи јадења, а поради природниот извор на фруктоза некои ја користат како шеќер во подготовка за десерти. Покрај сè, јадете почесто круши, бидејќи изобилуваат со хранливи материи кои прават чудо за нашето тело. 1. Го поттикнува варењето Крушата е богата со прехранбени влакна кои благонаклонето дејствуваат на целиот организам, особено на варењето. Таа ја подобрува работата на цревата, па секако консумирајте ја помеѓу оброците. 2. Ги штити срцето Ова овошје изобилува со флавоноиди, кои нивото на шеќер во крвта го одржуваат стабилно, па нејзиното редовно консумирање се смета за добра превенција за борба против дијабетес тип 2. 3. Го зајакнува имунитетот Крушата е богата со витамините Б и Ц, добар извор е на железо и калциум, калиум и бакар. Таа го зајакнува имунитетот на телото и ги ублажува процесите во организмот. Во кората се наоѓа моќен антиоксидант кверцетин кој ги спречува разните болести. 4. Спречува проблеми со видот Морковот не е единствениот плод од природата кој спречува проблеми со видот. Крушата е, исто така, заштитник на овој орган која го намалува ризикот од макуларна дегенерација. 5. Помога во слабеењето Во 100 г круша се наоѓаат околу 80 калории, па таа припаѓа во групата на овошје со нешто повисока вредност на калории. Иако станува збор за слатко овошје, умереното консумирање се препорачува и кај луѓето кои држат диети или ја одржуваат својата тежина.

Колач со мед и круши

Ристе Здравков — Mon, 12 Nov 2018 10:40:30 +0000

Потребно е: 3 големи тврди круши 1/4 чаша (1 чаша = 200 мл) путер 1/4 чаша мед за тестото: 1/2 чаша путер (на собна температура) 1/4 чаша маслиново масло 1/2 чаша мед 1/3 чаша кафеав шеќер 2 лажичиња прашок за пециво 2 лажичиња екстракт од ванила 1/2 лажиче сол 1/2 лажиче мелен кардамон 1/2 лажиче рендано морско оревче 2 јајца 2 чаши брашно 3/4 чаша јогурт 1/2 чаша сецкано ореви или бадеми горгонзола сирење Подготовка: – Крушите убаво измијте ги и исечете ги по долчина на тенки парчиња. – Растопете го путерот на тивко со постојано мешање, тргнете го од рингла и додадете го медот. Постојано мешајте додека да се добие хомогена смеса. – Смесата сипете ја во калап за торта и израмнете. Одозгора наредете ги парчињата круши во круг, така што подебелиот дел да биде кон работ на калапот, а потенкиот кон средината. Повторете ги редовите додека ги потрошите сите круши.. – Во еден сад изматете го путерот со маслото, медот, шеќерот, прашокот за пециво, екстрактот од ванила, сол, кардамон и морско оревче. Додадете ги едно по едно јајцата со постојано матење, а потоа и 1 чаша брашно, јогуртот, па втората чаша брашно. – На крај додадете ги оревите и измешајте. Смесата рамномерно распоредете ја во калапот над крушките. – Ставете да се пече во загреана рерна на 160 целзиусови степени околу 40 минути. – Печениот колач оставете го да се излади во калапот 30-тина минути. Потоа извадете го и превртете го на чинија од опачината.. – Сервирајте го со исечени парчиња горгонзола сирење.

Пет причини зошто мора почесто да јадете круши

Катерина Бојаџиева — Sun, 07 Oct 2018 09:26:29 +0000

Jадете почесто круши, бидејќи изобилуваат со хранливи материи кои прават чудо за нашето тело. Крушата е исклучително здраво есенско овошје, кое има стотина различни видови. Jадете почесто круши, бидејќи изобилуваат со хранливи материи кои прават чудо за нашето тело. 1. Го поттикнува варењето. Крушата е богата со прехранбени влакна кои благонаклонето дејствуваат на целиот организам, особено на варењето. Таа ја подобрува работата на цревата, па секако консумирајте ја помеѓу оброците. 2. Ги штити срцето. Ова есенско овошје изобилува со флавоноиди, кои нивото на шеќер во крвта го одржуваат стабилно, па нејзиото редовно консумирање се смета за добра превенција за борба против дијабетес тип 2. 3. Го зајакнува имунитетот. Крушата е богата со витамините Б и Ц, добар извор е на железо и калциум, калиум и бакар. Таа го зајакнува имунитетот на телото и ги ублажува процесите во организмот. Во кората се наоѓа моќен антиоксидант кверцетин кој ги спречува разните болести. 4. Спречува проблеми со видот. Морковот не е единствениот плод од природата кој спречува проблеми со видот. Крушата е, исто така, заштитник на овој орган која го намалува ризикот од макуларна дегенерација. 5. Помога во слабеењето. Во 100 г круша се наоѓаат околу 80 калории, па таа припаѓа во групата на овошје со нешто повисока вредност на калории. Иако станува збор за слатко овошје, умереното консумирање се препорачува и кај луѓето кои држат диети или ја одржуваат својата тежина.