крушопек – Kurir.mk

Дете нападнато во Сарај

Ивана Ефремовски — Wed, 10 Nov 2021 15:43:38 +0000

На 09.11.2021 во 21:30 часот во СВР Скопје, С.Н.(40) од с.Крушопек, скопско, пријавил дека во с.Сарај, скопско, неговиот малолетен син бил физички нападнат со тврд предмет од неколку лица. Се преземаат мерки за расчистување на случајот.

При претрес во дом на 26-годишник од Крушопек пронајдени пиштол и куршуми – лицето приведено

Магдалена Андонова — Thu, 08 Apr 2021 10:43:58 +0000

На 07.04.2021 околу 08.00 часот во с.Крушопек, скопско, полициски службеници од Единицата за недозволена трговија при СВР Скопје го лишиле од слобода М.С.(26) од с.Крушопек, поради постоење основи на сомнение за сторено кривично дело „неовластено изработување, држење, посредување и тргување со оружје или распрскувачки материи". Имено, во периодот од 06.00 до 08.00 часот, по добиена наредба од Основниот кривичен суд Скопје, извршен е претрес во домот на М.С. од село Крушопек. При претресот во домот се пронајдени пиштол и куршум, кои ги поседувал без дозвола. Лицето е приведено, а по целосно документирање на случајот против него ќе биде поднесена кривична пријава по член 396 од Кривичниот законик.

Поради меѓусебно нетрпение за време на полицискиот час се степале- жител на Крушопек нападнат од тројца сограѓани

Дарко Андоновски — Mon, 08 Jun 2020 12:50:27 +0000

На 07.06.2020 во 12.50 часот било пријавено дека во село Крушопек, Ј.Ј.(55) од с.Крушопек, скопско, поради меѓусебно нетрпение, бил физички нападнат од Н.Ј.(61), Б.Ј.(39) и Б.Ј.(35), сите од село Крушопек. Сочинети се записници за констатиран прекршок по член 12 од Законот за прекршоците против јавниот ред и мир, информираат од МВР.

„Независне новине”: Најголем дел од кокаинот, вреден околу 50 милиони долари, требал да заврши во БиХ

Дарко Андоновски — Sat, 22 Feb 2020 16:48:59 +0000

Најголем дел од кокаинот, вреден околу 50 милиони евра, запленет од италијанската полиција во количина поголема од еден тон во меѓународна акција, требало да заврши на пазарот ви БиХ, објави бањалучкиот весник „Независне новине”. Еден килограм од кокаинот, како контролирана пратка, беше запленет во магацин за овошје во селото Крушопек во скопски Сарај. Кај нас беа приведени четири лица, кои беа одведени во полициска станица, а истрага се води против двајца од нив – сопственикот на фирмата Банекс компани ДООЕЛ, увозник на овошјето и возачот на камионот. Според техничкиот министер за внатрешни работи Наќе Чулев, кој на прес-конференција во четвртокот говореше за меѓународната акција, крајна дестинација на дрогата била нашата земја. Тој тогаш посочи дека станува збор за меѓународна акција, но, како што кажа заради истрагата, не сакаше да каже кои се земји се вклучени во неа. Во меѓувреме Државната агенција на БиХ за истраги и заштита (СИПА) на својата веб страница објави дека во соработка со полицијата и судските власти на Италија, Северна Македонија и Црна Гора, учествувала во спроведувањето меѓународна операција и прекина меѓународен синџир за трговија со кокаин. За време на спроведувањето на оперативните активности, откриени се и привремено одземени големи количини кокаин. Полициски службеници на СИПА на територијата на БиХ уапсиле две лица, сослушале повеќе сведоци, извршиле претрес на повеќе лица и подвижен имот и одземени се предмети што би можеле да послужат како доказ во понатамошната кривична постапка. Според „Независне новине”, станува збор за меѓународна акција со која е пресечен голем синџир за организиран шверц на дрога, што прво го дознала италијанската полиција, која во соработка со колегите од други земји ја следела пратката. Имено, во пристаниште во Италија, полицијата запленила неколку контејнери кокаин, што требало да се испрати во Бар во Црна Гора и понатаму во Македонија и БиХ. Како што е потврдено, полицијата успеала да извлече 970 пакувања наркотици со тежина од 1.128 килограми,а лажна пратка со околу килограм кокаин ја запечатиле заедно со систем за следење за да се утврди дестинацијата на толку голема количина наркотици. Весникот нагласува дека шест камиони пристигнале во Бар за пратката од кои четири од Македонија за запечатени контејнери, без да знаат дека полицијата ги следи, а наместо наркотици, тие содржеле само килограм кокаин оставен од истражителите. Другите два камиона заминале за БиХ, без да знаат дека тие всушност транспортираат празни контејнери и дека иследниците исто така го следат нивниот пат. Лука Миладиновиќ, портпарол на СИПА, рече дека уапсените две лица ќе бидат предадени во Обвинителството на БиХ. -На територијата на БиХ, полицајците на СИПА уапсија две лица, слушнаа повеќе сведоци, извршија претрес на повеќе лица, предмети и подвижни предмети и запленија предмети што може да послужат како доказ во понатамошната кривична постапка, рече Миладиновиќ. Чулев на прес-конференцијата информира дека кокаинот, кој е по потекло од Колумбија, е пронајден во магацин за овошје – банани на правното лице Банекс компани ДООЕЛ. Операцијата се спроведувала од 17 до 19 февруари, а Единицата за специјални операции вршела претреси во магацинот на Банекс компани ДООЕЛ, која во 120 наврати извршила увоз на овошје во најголем дел од Колумбија, а во помал обем и од Еквадор. – Одделот за сузбивање организиран и сериозен организиран криминал, Единицата за недозволена трговија со дрога во период од 17 до 19 февруари 2020 година во координација со јавен обвинител од ОЈО за гонење организиран криминал и корупција, а во рамките на меѓународна полициска соработка во која беа вклучени повеќе земји реализира акција за недозволена трговија со дрога, при што во скопското село Крушопек беше запленет еден килограм кокаин, кои се само дел од поголема количина, која треба да заврши во нашата држава, рече тогаш Чулев.

Нетпрес: Славјанка Петровска ги довела во прашање животите на полицајците во акцијата во Крушопек?

Ивона Петрова — Fri, 21 Feb 2020 09:01:59 +0000

Обвинувањата на советникот на Зоран Заев, Бојан Маричиќ, дека министерот за внатрешни работи, Наќе Чулев, наводно со прераното дејство со антикокаинската рација загрозил меѓународна полициска акција беше причина да истражиме што всушност се случувало за време на полициската рација завчера попладне во скопски Крушопек. Она што беше забележливо е што додека траела полициската акција на социјалните мрежи веќе се појавија информации дека е во тек полициска рација во Сарај и дека целта е наоѓање на кокаин. Веднаш потоа се појавија информации во провладини медиуми за фатен 1.3 тон кокаин, за да подоцна набилданите очекувања спласнат со помало количество. Многу реално за очекување е дека акцијата била пробиена и некој намерно создавал погрешна перцепција во јавноста, пишува Нетпрес. Информациите на порталот говорат дека извор на постојаните брифинзи, прво по социјалните медиуми, а потоа и по провладините медиуми била токму Славјанка Петровска, дополнителната заменичка министерка во МВР, од редовите на СДСМ. Нема официјална информација и останува енигма каде била таа за време на акцијата, но она што неофицијално го дознава Нетпрес е дека за време на акцијата била во кругот на МВР со полициски началник близок на СДСМ. Прво информациите биле брифирани по социјалните медиуми, а веднаш потоа биле преземени од провладините медиуми. Информациите биле полуточни, но она што било алармантно е тоа што чувствителни информации излегувале за време на акцијата, а со тоа биле доведени во прашање животите на полицајците вклучени во акцијата. Со брза и ефикасна акција тоа не се дозволило, но ризикот бил голем бидејќи движењата на полицајците цело време биле разоткривани со вадењето на информациите. Практично и обвинувањата од страна на Маричиќ се користи како бафер за да се сокрие фактот што Петровска за ситни политички поени се обиде да упропасти акција на нејзиниот претпоставен, министерот Чулев, но и ги довела во прашање животите на полицајците кои учествувале во акцијата. Дали некој ќе одговара за протекување на чувствителни полициски информации за време на акцијата?, прашува Нетпрес.

Топ Чанел: Албанската полиција во тајност го следелa камионот кој заврши во Крушопек

Дарко Андоновски — Thu, 20 Feb 2020 15:24:03 +0000

Камионот во која е пронајден дрогата во село Крушопек, Скопско, низ територијата на Република Албанија поминал под целосно набљудување од албанската полиција, информираат од Министерството за внатрешни работи на Албанија, пренесува Топ Чанел. – Во операцијата која имаше за цел контролирана достава на кокаин, учествуваа и структури од албанската полиција, кои овозможија премин на пратката од Црна Гора, преку албанската територија кон Северна Македонија и таа беше спроведена во услови на целосна безбедност и тајност, информираат од албанската полиција. Според нив оваа операција преставува уште еден сериозен ангажман на полицијата во борбата против меѓународниот организиран криминал и доказ плус за довербата на партнерите во оваа борба.

Лидер ексклузивно: Нарко картелот од Крушопек добил и државен тендер од владата на СДСМ и ДУИ!

Ивана Ефремовски — Thu, 20 Feb 2020 13:25:58 +0000

Во компанија за трговија со овошје, како пратки со банани бил пратен кокаинот во скопски Крушопек. Лидер од извори во истрагата стигна до имињата на уапсените за трговија со 1.3 тони кокаин од кој 1 килограм бил фатен на лице место. Проверката во централен регистар покажува дека оваа компанија во изминатите години пријавувала огромен обрт на пари. Да речеме во 2018 оваа компанија имала обрт од 174.307.281 денари или околу 3 милиони евра. -Симптоматично е тоа што оваа компанија која очигледно се бавела со трговија со кокаин прикриен како трговија со банани за време на владеењето на СДСМ и ДУИ добивала и државни тендери, објави Лидер. Целата вест за скандалот погледнете ја на ЛИДЕР

Запленетиот кокаин во Крушопек, дел од пратка со потекло од Колумбија наменет за Словенија

Ивона Петрова — Thu, 20 Feb 2020 09:46:28 +0000

За полициската акција што синоќа се одвиваше во село Крушопек, во скопски Сарај, при што беше запленет еден килограм од вкупно 1,3 тони кокаин контролирана пратка, во магацин за овошје – банани, се очекуваат деталните информации на највената прес-конференција во 12:30 во МВР, а подоцна и од страна на ОЈО. Во меѓувреме, медиумите во земјава, но и во регионот – Албанија, Србија, Словенија, објавуваат дека дрогата по потекло од Колумбија е запленета во магацин за овошје – банани во селото Крушопек, во скопски Сарај, каде биле донесени со три камиони. По насока на јавен обвинител и по наредба од судија на претходна постапка, приведени се возачите на камионите и сопственикот на магацинот, а се трага и по други лица. Увозник на бананите во нашата држава е компанијата „Ванекс“ од Крушопек. Пратката од 124 тони банани била натоварени на мексиканското пристаниште Веракруз, за што биле платени 40.460 американски долари. Во операцијата, започната пред три месеци, според извори од МВР, освен македонската се вклучени и италијанската и црногорската полиција, како и американската ДЕА. Како што објавија медиуми во Албанија и Србија, станува збор шверцерски канал преку кој требало 1,3 тони кокаин да се префрлат прво во Словенија, па понатаму во европските земји. Рутата по која се шверцувал кокаинот, по потекло од Колумбија, била Црна Гора – Албанија, преку граничниот премин Ќафасан. Камионот со кокаин во Скадар беше пречекан со „почести” и бил испратен до Поградец, објави на својот профил на Фејсбук познатиот новинар од Албанија, Артан Хоџа. – Камионот со 1,3 тони кокаин со „почести” беше пречекан од царината на Хани и Хотит во Скадар и беше испратена со „почит” до царината во Ќафасан – Поградец, за потоа да бидат уапсени двајца возачи и еден магационер во едно село во Северна Македонија, пишува новинарот Хоџа, коментирајќи ја најновата акција на македонската полиција во село Крушопек. Дополнително тој како дилема го поставува прашањето дали оваа акција наликува на онаа со контејнерот кога во Маминас, близу Драч, во март 2018 година, беа заплените 613 килограми кокаин и кога беа уапсени двајца возачи и еден работник во магацин за банани. Најмалку тројца приведени досега од полициската акција во Крушопек, Сарај, за заплена на 1,3 тони кокаин, објави новинарката на албанскиот „Топ ченел“, Анила Хоџа, која ексклузивно обезбеди фотографија од камионот со кој се превезувале банани, а влегол во Црна Гора, за потоа да премине преку царинската испостава Ќафасан за Македонија. Во оваа добро организирана акција, објави „Топ ченел“, италијанската и албанската полиција биле информирани за товарот, а во полициската акција во Крушопек, учествувала и албанската управа против организираниот криминал. – Првите информации велат дека кокаинот првично дошол од САД во Бар (Црна Гора), а требало да пристигне во Копер (Словенија). Од засега непознати причини, дестинацијата е сменета и кокаинот завршил во Крушопек. „Топ Чанел“ дознава дека кога влегол во Албанија, полицијата набљудувала, доколку кокаинот би се растоварил во Албанија. Камионот бил со македонски регистарски таблички, додека во Албанија не запрел, објави овој медиум. Информацијата за полициската акција синоќа ја потврди и министерот за внатрешни работи Наќе Чулев кој на Фејсбук објави дека „МВР во овој момент презема широк спектар на оперативни мерки и активности“. -По насоки на јавен обвинител и по наредба на судија на претходна постапка се вршат претреси на подрачјето на село Крушопек во близина на Скопје поради недозволена трговија со дрога. Целиот капацитет на Министерството за внатрешни работи е ставен во заштита на граѓаните и безбедноста на државата, напиша Чулев и повеќе информации најави за денеска.

Згазено деветгодишно девојче од Крушопек, возачот побегнал

Ристе Здравков — Wed, 06 Feb 2019 10:50:14 +0000

Деветгодишно девојче од село Крушопек, скопско, било удрено од автомобил вчера попладне на патот село Лека – село Крушопек, по што со друго возило е пренесено во комплексот клиники „Мајка Тереза“ Скопје.

Автомобилот, управуван од непознат возач, веднаш го напуштил местото. Увид на местото извршила екипа од СВР Скопје. Се работи на расчистување на случајот.