кружен тек – Kurir.mk

Промовирано идејно решение за нов кружен тек со војводата Александар Турунџев на сообраќајница во Битола

Тале Кристо — Fri, 05 May 2023 13:54:29 +0000

Општина Битола подготви проектна документација и склучи договор со изведувачот „Јоска транс“, со што наскоро ќе почнат градежните работи за нов кружен тек на улица „Прилепска“ со улица „Баталјон Стив Наумов“ (место викано кај Ветеринарната станица). Од Општина Битола информираат дека за изградба на новиот кружен тек обезбедени се 11,8 милиони денари, во кои е вклучена канализациона мрежа, коловоз и улично осветлување. -Со завршувањето на овој проект, ќе се промени и режимот на сообраќај во овој дел на градот од крстосница со сигнализација во крстосница со кружен тек на која ќе биде поставен и споменикот на македонскиот револуционер и војвода, Александар Турунџев, посочија од Општина Битола. Од локалната самоуправа информираат дека во моментот се работи на улиците „Зборска“, во населбата „Недопирливи“, пешачка патека во должина над еден километар кон Долно Оризари, партерно уредување кај Офицерскиот дом на површина од 2.100 метри квадратни, а во тек е и првата фаза од адаптацијата на објект за ветеринарна заштита на кучиња скитници.

Почна изградба на кружен тек на влезот во општина Илинден

Тале Кристо — Thu, 09 Mar 2023 08:03:19 +0000

Општина Илинден отпочна изградба на кружен тек на влезот на Општината, кој е еден од ветените проекти од програмата на градоначалникот Александар Георгиевски. Станува збор за нов кружен тек на важна крстосница кој ги опфаќа главните улици ,,2”, ,,8” ,,9” и новопроектирана улица ,,10” на влезот во Илинден. Градоначалникот на Општина Илинден, Александар Георгиевски направи увид на градежните работи на почетокот од изградбата и истакна дека со изградбата на овој кружен тек ќе се растерети сообраќајниот метеж во овој фрекфентен дел од општината, а воедно ќе се зголеми безбедноста на сите учесници во сообраќајот. Во рамки на проектот планирана е изградба на кружен тек со партерно и хортикултурно уредување како и јавно осветлување на просторот. Дополнително улиците и кружниот тек ќе бидат сообраќајно хоризонтално и вертикално обележани согласно сообраќајниот проект за траен режим на сообраќај.

Дали знаете како се вози на КРУЖЕН ТЕК? Статистиката говори дека…

Ристе Здравков — Sat, 12 Feb 2022 12:05:55 +0000

Најголема е неизвесноста кај помладите возачи. Меѓу оние на возраст под 40 години, секој петти возач не е сигурен која лента да ја избере на кружните текови, а 15% не знаат како се пропуштаат возила, се вели во истражувањето спроведено од Ipsos за норвешката осигурителна компанија Gjensidige. Меѓу оние постари од 40 години, има малкумина кои не знаат кој има предност во кружните текови, а уште помалку се несигурни во изборот на ленти во кружните текови со повеќе ленти. Според студијата на Gjensidige, 30 проценти од возачите ги нервираат луѓето кои избираат погрешна лента во кружниот тек. Сепак, несреќите на кружните текови се ретки, а оштетувањето на возилата е помало отколку на класичните крстосници.

Стојанов: Поставена хоризонтална и вертикална сигнализација на кружниот тек во Неготино

Тале Кристо — Thu, 02 Dec 2021 11:57:19 +0000

Поставена хоризонтална и вертикална сигнализација на кружниот тек, информирмираше преку социјалната мрежа на Фејсбук градоначалникот на општина Неготино д-р Горан Стојанов. -Со поставувањето на хоризонтална и вертикална сигнализација на кружниот тек на влезот и излезот во и од Неготино, комплетно се финализираа работите на овој проект. Стручните служби при локалната самоуправа истакнуваат дека со поставувањето на сигнализацијата протокот на возила ќе се одвива побрзо и побезбедно, а тоа пак значи зголемена безбедност во сообраќајот за сите моторизирани граѓани, како и за пешаците, уште повеќе ако се има предвид фактот дека во близина е и СОУ„Св. Кирил и Методиј“ каде што настава посетуваат ученици кои се движат токму на оваа локација, пишува Стојанов во својата објава.

Трајановски: Во двата мандати ги решив најцрните сообраќајни точки преку изградба на 8 кружни текови во Скопје- се зголеми безбедноста, се намалија гужвата и штетните гасови

Катерина Бојаџиева — Wed, 21 Jul 2021 16:52:05 +0000

Во текот на двата мандати како градоначалник на Скопје ги решив најцрните сообраќајни точки преку изградба на 8 кружни текови, со што ја зголемивме безбедноста, ја намаливме гужвата во сообраќајот, билансот на жртви на овие локации се сведе на нула, а придонесовме и да се намали емисија на штетни гасови во воздухот, истакна поранешниот градски татако Коце Трајановски и сподели видео на Фејсбук од сите 8 кружни текови.

Проект наспорти Реалност: Кружен тек во Струмица поставен неправилно со електрични столбови на сред пешачки патеки! (ФОТО)

Магдалена Андонова — Mon, 19 Jul 2021 12:14:54 +0000

КРУЖЕН ТЕК - ЕДНА ПОИНАКВА ПРИКАЗНА ПРОЕКТ наспроти РЕАЛНОСТ Прикачуваме слики од проектот како требал да биде поставен кружниот тек и како градоначалник на СДСМ успеал да го "реализира" Што би рекле од СДСМ, "Чекор по чекор" или "од идеја до реализација". Електрични столбови на сред пешачки патеки и несразмерно позиционирани кружни текови гледаме деновиве. До овој степен се неспособни, еден кружен тек не можат да погодат правилно позициониран. На сето ова СДСМ на следниве локални избори ги понуди скоро истите градоначалници по општините и град Скопје. И тоа значи во превод дека вакви промашени "ремек дела" можеме и натаму да очекуваме од оваа неспособна екипа. Овој кружен тек се наоѓа во Струмица. Не не исклучуваме можност дека вакви кружни "бисери" можеме да начекаме и во многу други општини. СДСМ 2021ва година. Срамота. Комисија за инфраструктура, урбанизам и транспорт. Фејсбук статус на Комисии на ВМРО-ДПМНЕ

Велковски: Шилегов и СДСМ и денес како и пред скоро 4 години даваат секакви ветувања, меѓутоа за Чаир ќе останат само лажните ветувања и ништо повеќе

Катерина Бојаџиева — Tue, 04 May 2021 15:32:27 +0000

Шилегов и неговиот таканаречен кружен тек!, пишува Координатор на Советничката група на ВМРО-ДПМНЕ во Советот на Општина Чаир Ѓоко Велковски на Фејсбук. -На 2-ри Ноември 2019 година кога беше завршена реконструкцијата, читај гребење на 1 милиметар асфалт, на сега веќе поранешната улица Лазо Трповски, денешна Ферид Мурати во Опшитна Чаир, како Координатор на Советничката група на ВМРО-ДПМНЕ во Советот на Општина Чаир јавно го повикав Градоначалникот на Град Скопје Петре Шилегов да даде одговор на следните прашања: -Кои се минимум стандардите и минимум пропорциите за изградба на кружен тек согласно закон? -Како може на улица која ниту има потреба, а најмалку соодветен простор да се изгради еден ваков кружен тек? -Дали оваа градежна ситуација е предвидена во проектот на постоечката улица Ферид Мурати? -Дали оваа градежната ситуација е предвидена во техничката спецификација на постапката за јавна набавка која ја опфаќа реконстуркцијата на улицата Ферид Мурати? -Дали истата е заведена во пропратната градежна ситуација и градежен дневник од фирмата која ја изведуваше градежната ситуација на оваа улица? И пред повеќе од една година и денес остануваат неодговорени овие прашања, со тоа што пред само неколку дена се започна со нови градежни активности на овој потег на овој таканаречен кружен тек. Започнати се зафати за проширување на кракот кај кружниот тек за да може истот да биде функционален. Добро е што и покрај тоа што не одговараше на прашањата на граѓаните на Општина Чаир за овој циркузантски и непрактичн кружен тек, што конечно се надеваме дека се исправува оваа грешка и со надеж дека новиот градежен зафат на овој дел од улицата ќе донесе поголема функционалност и безбедност и на учесниците во сообраќајот и на пешаците. Денес нашите прашања, а истите се сосема легитимни, зошто требаше да се вложуваат повторно средства и да се трошат парите на граѓаните на општина Чаир кои ги плаќаат во форма на даноци и други давачки. Колку средства дополнително се трошат за да се санираат грешките кои ги прави Градоначалникот на Град Скопје Петре Шилегов и неговите советници. Зошто да се плаќа за една иста работа повеќе пати, зар граѓаните на општина Чаир заслужиле ваков однос од градските власти. Петре Шилегов и СДСМ и денес како и пред скоро четри години даваат секакви ветувања, меѓутоа за Чаир и Чаирчани ќе останаа само лажните ветувања и ништо повеќе од тоа. Не исполнија ниту еден капитален проект кој беше ветен од страна на Шилегов во неговата програма, што релно и не ме зачудува, меѓутоа и веќе готовите проекти кои беа оставени само за реализација требаа да седат повеќе од 3 години во фиоките на градската управа само за да се заборави дека ВМРО-ДПМНЕ и неговите градоначалници во Град Скопје вистински се грижеа за жителите на Чаир. Меѓутоа од овие постапки на Петре Шилегов страдаат само и единствено граѓаните на Општина Чаир, пишува Ѓоко Велковски на Фејсбук.

ВИДЕО: Дивеел со „БМВ“ на кружен тек во Тетово во полициски час, заврши во станица

Ивона Петрова — Wed, 07 Apr 2021 09:50:46 +0000

Полицијата го пронајде лицето кое вчера за време на полициски час, дивеело со автомобил „БМВ“ на кружен тек во Тетово. Од Секторот за внатрешни работи Тетово велат дека лицето околу 21 часот и 35 минути на кружниот тек на улиците „Илинденска“ и „Видоја Смилевски-Бато“ во Тетово, направил сообраќаен прекршок. -Станува збор за 28-годишниот Л.А. од Тетово, кој денеска (7 април) е повикан во Полициската станица Тетово и ќе му бидат изготвени соодветни поднесоци, информира портпаролот на СВР Тетово, Марјан Јосифоски. Видеото до редакцијата на Курир е испратено од граѓанин.

ВИДЕО: Погледнете како изгледа тунелот со кружен тек на дното на Атланскиот Океан

Ивона Петрова — Sun, 06 Dec 2020 13:54:44 +0000

Завршени се подводните работи на тунелот со кружен тек кој е изграден во Атланскиот Океан и истиот ќе биде отворен за неколку недели. Како дел од новиот 11 километри долг тунел на дното од океанот кој поврзува два од 18 Фарски острови, кружниот тек не е само функционален туку е и вистинска архитектонска скапоценост. За неговото уредување се погрижил фарскиот уметник Трондур Патурсон. Најниската точка на тунелот се наоѓа на 189 метри под морската површина. Фарскиот парламент во 2014 година ги одобри плановите за изградба на тунелот кој е втор по големина во светот. Тунелот ќе го скрати времето на патувањето меѓу двете места од 64 на само 16 минути, односно од 55 километри патување на 17 километри.

До Припор и Сопиште во следните 10 дена по споредна улица, се затвора патот за сообраќај кај Енергосистем

Ивона Петрова — Thu, 12 Sep 2019 08:21:26 +0000

Град Скопје ги информира граѓаните дека поради градежни активности за поставување попречна решетка за прифаќање атмосферски води, од денеска (12.09.2019 година, четврток), па во наредните 10 дена комплетно ќе биде затворен за сообраќај кракот на улица Христо Татарчев, на потегот од Енергосистем до новиот кружен тек. Целокупниот сообраќај од Припор и кон Припор ќе се одвива по споредната улица (околу објектот на Енергосистем). Градот Скопје апелира до сите учесници во сообраќајот да ја почитуваат поставената сообраќајна сигнализација и да се придржуваат до времено поставениот режим на сообраќај. Истовремено, ги замолуваме сите учесници во сообраќајот за трпение и разбирање поради можното отежнато одвивање на сообраќајот во овој дел на градот.