крузер – Kurir.mk

Заборавете на јахтите и крузерите – пристигнува „Pangeos“: Морски џин кој може да прими 60.000 гости

Ристе Здравков — Tue, 15 Nov 2022 20:48:39 +0000

Неверојатното пловило во облик на желка претставува пловечки концепт којшто би можел да прими 60.000 гости и има неверојатни понуди какви што може да најдете само во луксузните ресорти ширум светот.

ФОТО+ВИДЕО: Најголемиот брод во светот тргна на првото патување, има капацитет за 6.988 гости

Ивона Петрова — Tue, 08 Mar 2022 12:57:13 +0000

Најголемиот брод за крстарење во светот, по три години градба е подготвен да ги дочека првите патници. Со должина од над 360 метри, „Royal Caribbean Wonder of the Seas“ е испорачан минатиот месец и своето патување од Флорида до Карибите го започна на 4 март. Крузерот со 18 палуби е изграден во Франција, а има капацитет за 6.988 гости и 2.300 членови на екипажот. -Возбудени сме што гостите ширум светот ќе ги запознаеме со „Wonder of the Seas“ и со неговите карактеристики кои се светска класа по шест години долг процес, вели Марк Тамис, висок потпретседател на хотелски операции во компанијата „Royal Caribbean International“. Бродот ќе започне со крстарења од пет до седум ноќевања од Флорида до Кариби, а во мај ќе крстари од Барселона и Рим. "Wonder of the Seas" има осум целини, од кои една содржи повеќе од 20.000 вистински билки, а услугите на бродот вклучуваат и она што се опишува како „највисок тобоган на море“, зиплајн преку 10 палуби, голем базен со базен филмско платно.

Goodbye old, hello bold. 🤩 #WonderoftheSeas is sailing off on her maiden voyage to the Caribbean — and we’re giving you the first looks at the world’s biggest ship day-by-day, all week long. pic.twitter.com/cLDe7lLCGM
— Royal Caribbean (@RoyalCaribbean) March 5, 2022

-Секогаш се гордеевме дека на гостите им нудиме најдобри и најиновативни бродови за навистина да им пружиме неверојатно искуство. Ова наше чудо го опфаќа сето тоа, додава Тамис. Бродот требало да биде испорачан во 2021 година, но тоа е одложено поради корона пандемијата.

Epic from every angle. 🤳 #WonderoftheSeas 🎥: Dmitry S. pic.twitter.com/ABsYqhHzkg
— Royal Caribbean (@RoyalCaribbean) March 7, 2022

На брод за крстарење откриени 48 патници позитивни на коронавирусот

Магдалена Андонова — Mon, 20 Dec 2021 14:54:52 +0000

Компанијата „Royal Caribbean Group“ денеска соопшти дека 48 лица биле позитивни на коронавирусот на бродот за крстарење „Symphony of the Seas“. Според Ројтерс, во соопштението на компанијата се наведува дека на бродот имало 6.091 гости и членови на екипажот. Крузерот го заврши еднонеделното крстарење во Мајами во саботата, откако испловел на 11 декември. Патниците позитивни на коронавирус биле асимптоматски или имале благи симптоми, се вели во соопштението на компанијата, додавајќи дека шест патници биле симнати порано за време на крстарењето и биле пренесени дома. Исто така, соопштено е дека 95 отсто од патниците кои биле на бродот биле целосно вакцинирани, додека 98 отсто од оние кои биле позитивни на коронавирусот исто така биле целосно вакцинирани, наведува Ројтерс.

Силен пожар: Гори крузер во Грција (ВИДЕО)

Ивана Ефремовски — Fri, 12 Mar 2021 18:15:09 +0000

Силен пожар избувна на крузерот МСЦ Лирика денес околу 15:30 часот. Големиот брод кој плови под знамето на Панама е закотвен пред пристаништето Крф во Грција, пренесуваат регионалните медиуми. Екипажот на бродот, 51 лице, беа навремено евакуирани. Сите се на безбедно. Немало патници на крузерот. „Силен црн чад и пламен се појавуваат од десната страна на бродот кој е закотвен на Крф“, наведе очевидците. Противпожарен брод пристигнал до крузерот и пожарникарите се обидуваат да го совладаат огнот. Локалните медиуми објавија дека пожарот започнал од местото каде што биле поставени два спасувачки чамци на палубата. Причината за пожарот не е позната.

Од силината експлозија се превртел крузер: Сателитски снимки ги покажуваат размерите на катастрофата во Бејрут (ВИДЕО)

Тале Кристо — Fri, 07 Aug 2020 06:34:44 +0000

Руската вселенска агенција „Роскосмос“ објави сателитски фотографии од пристаништето во Бејрут пред и по вчерашната експлозија. Сателитските фотографии беа објавени од израелска и француска компанија. Првата фотографија е од 4 ноември 2019 година, во која се прикажани голем број магацини, хангари и други објекти во близина на водата. Втората фотографија е направена денес и ги прикажува само контурите на зградите во пристаништето. Фотографиите ги направи рускиот сателит „Канопсус-V“.

Before/After satellite image over Beirut, #Lebanon ?? taken by Pléiades satellites?
Before: 25 Jan. 2020
After: 5 Aug. 2020
Copyright @Cnes/@AirbusSpace pic.twitter.com/YdgJ8UY2PF
— Airbus Space (@AirbusSpace) August 5, 2020

Фотографиите од вселената беа објавени и од компанијата „Ербас Спејс“, како и израелската компанија „Имиџ Сат Интернационал“. „Ербас“ објави фотографии од францускиот сателит „Плејадес“. Тие покажуваат дека сите складишта во пристаништето биле уништени, а останале само урнатини на станбени згради. На своите објавени фотографии, израелската компанија ги обележа димензиите на кратерот што остана по експлозијата, како и подрачјето зафатено од ударниот бран. Исто така, прикажана е и фотографија од крузерот „Ориент квин“ што се преврте од силата на ударот.

#Líbano | El crucero Orient Queen, se hundió en el puerto de Beirut tras resultar dañado por las explosiones registradas allí este martes. Dos personas que se encontraban a bordo murieron y otras siete, integrantes de la tripulación, resultaron heridas. pic.twitter.com/qaNhSs70jn
— Óscar Peraza (@_OscarPeraza) August 5, 2020

Од 1 август шест грчки пристаништа отворени за крузери

Ивона Петрова — Tue, 28 Jul 2020 08:55:28 +0000

Преку информативен допис до Меѓународното здружение на крузери и три големи компании кои работат со крстарења, министерот за туризам на Грција Харис Теохарис, официјално соопшти дека од 1 август 2020 година, шест грчки пристаништа ќе бидат отворени за крузери, јави дописничката на МИА од Атина. За бродовите за крстарење отворени ќе бидат пристаништата на островите Родос, Крит и Крф, во Волос, на Пелопонез, како и најголемото грчко пристаниште Пиреас. По првото закотвување на некое од овие шест пристаништата, крузерите ќе имаат можност да пристапат до било кое друго грчко пристаниште вклучено во нивната програма. -Сите бродови за крстарење се добредојдени во Грција за да им понудат уникатно искуство на патниците, напишал Теохарис во писмото, соопштуваат од грчкото Министерството за туризам. Објаснил дека здравствените процедури и протоколи што ќе се применуваат под надзор на грчките власти се врз основа на објавените стандарди на Европската унија. Паралелно, министерот за туризам на Грција, побарал од најголемите меѓународни туристички агенции за крстарење, на нивните клиенти, да им препорачаат патување во Грција и по завршувањето на летната сезона. -Тековната сезона се продолжува до крајот на годината, потенцирал Теохарис во писмото.

Крузер не смее да влезе во Сан Франциско, сомнеж за вирус

Ивона Петрова — Thu, 05 Mar 2020 09:01:31 +0000

На крузерот „Гранд принцес“, на кој претходно имало двајца патници заразени со новиот коронавирус, не му е дозволено да се врати во пристаништето во Сан Франциско од каде тргна на нов пат кон Хаваите, откако 20 лица пријавиле симптоми слични на коронавирус. Гувернерот на Калифорнија Гавин Њусом изјави дека бродот, на која има повеќе илјади патници, ќе остане на море се додека не бидат тестирани патниците и членовите на екипажот со симптоми кои можат да се поврзат со новиот коронавирус. Тестовите за присуство на коронавируси ќе бидат доставени до бродот, а подоцна ќе бидат анализирани во државната лабораторија во заливот во Сан Франциско. Процесот може да се заврши за неколку часа, рече Њусом. Симптоми, кои можат да бидат последица на новиот коронавирус, но и на сезонски грип и настинки, пријавиле 11 патници и десет членови на екипажот. Во зависност од резултатите од тестовите, бродот може да се пренасочи некаде надвор од Сан Франциско. Крузерот се упати кон Хаваите, но се врати во Сан Франциско откако некои патници и членови на екипажот почувствувале симптоми кои можат да бидат поврзани со коронавирусот. На претходното патување кон Мексико, на крузерот имало двајца патници, за кои било утврдено дека се заразени со коронавирусот. Здравствените работници изјавија дека тие најверојатно се заразиле на бродот. Еден од нив, постар човек кој живеел во близина на Сакраменто во Калифорнија, кој веќе имал здравствени проблеми, почина од последици од коронавирусот. Другиот е многу болен, информира Њусом и додаде дека здравствените власти, со помош на Центарот за контрола на болести, се обидуваат да контактираат со 2.500 патници кои патувале во Мексико.

Дачиќ потврди: Двајца Срби заразени со коронавирус

Ивона Петрова — Tue, 25 Feb 2020 09:25:56 +0000

Двајца државјани на Србија, членови на екипажот на бродот „Дајмонд Принцес“, се заразени со коронавирус, изјави денеска српскиот министер за надворешни работи Ивица Дачиќ. Во изјавата за агенцијата Танјуг, Дачиќ рече дека од Министерството за надворешни работи на Јапонија добиле известување дека двајца од преостанатите 11 државјани на Србија, членови на екипажот на бродот кој беше во карантин во пристаништето Јокохама во Јапонија, се позитивни на новиот коронавирус. – Амбасадата на Србија во Јапонија е во постојан контакт со нив. Сите наши граѓани на овој брод ги имаат телефонските броеви на нашата амбасада во Јапонија, како и мобилен телефонски број на кој може да се јават 24 часа. Укажано им е и на тоа дека доколку бидат хоспитализирани треба да побараат да стапат во контакт со амбасадата, рече Дачиќ. Тој додаде дека последната група патници кои се позитивни на новиот вирус наречен Ковид-19 е сместена во новоотворена болница на околу 300 километри од Токио и дека постои можност и двајцата српски државјани да бидат сместени таму. На бродот, кој беше во карантин во Јапонија, имаше 3.700 патници, од кои 14 државјани на Србија, меѓу кои 12 членови на екипажот. Во Србија се вратија двајца патници и еден член на екипажот.

Во Кина нови 508 случаи на коронавирус, во Јапонија почина уште еден патник од бродот „Дајмонд Принцес“

Ивона Петрова — Tue, 25 Feb 2020 07:49:14 +0000

Во Кина во текот на вчерашниот ден има 508 новопотврдени случаи на заразени од коронавирус. Вкупниот број потврдени случаи во континентална Кина изнесува 77.658, објави денеска Националната комисија за здравство на земјата. Бројот на починати, според најновите податоци, е 2.663 лица. Во Јапонија, пак, од новиот коронавирус, наречен Ковид-19, почина четвртиот патник од бродот „Дајмонд Принцес“, објави телевизијата НХК, додавајќи дека починатиот имал 80 години. Јапонскиот министер за здравство Кацунобу Като, сепак, изјави дека се уште е рано да се зборува за откажување на летните олимписки игри во Токио, кои почнуваат на 24 јули. Јужна Кореја пријави 60 нови случаи на коронавирус, со што е зголемен вкупниот број на заразени лица во земјата на 893, соопшти Корејскиот центар за контрола и превенција на болести.

Уште 99 лица од крузерот „Дајмонд принцес“ заразени со новиот коронавирус

Ивона Петрова — Mon, 17 Feb 2020 11:14:01 +0000

Кај уште 99 лица кои се наоѓаат на крузерот „Дајмонд принцес“, закотвен во близина на јапонскиот град Јокохама, е потврден новиот коронавирус, соопшти денеска јапонското Министерство за здравство. Бројот на заразени на бродот, во кој има 3.711 патници и членови на екипажот, се зголеми на 454, откако вчера беа прогласени 355 луѓеза заразени. Група американски државјани евакуирани од тој брод пристигнаа денеска со специјален лет во Калифорнија, а порано беше објавено дека има најмалку 40 заразени од приближно 400 Американци кои го напуштиле бродот. Инфицираните ќе бидат лекувани во јапонските болници.