крузери – Kurir.mk

Италија им забрани на крузерите да пловат низ Венеција

Тале Кристо — Tue, 13 Jul 2021 19:58:05 +0000

Рим, 13 јули 2021 (МИА) – Италијанската Влада им забрани денеска на крузерите да пловат низ Венеција, изјави министерот за култура Дарио Франческини, додавајќи дека ова е „историски ден“. Министерот потврди дека од следниот месец бродовите ќе бидат пренасочени кон блиското индустриско пристаниште Маргера. – Нема да помине многу време кога овој ден ќе се нарече историски, бидејќи по долго чекање од 1 август, големите бродови повеќе нема да минуваат покрај „Свети Марко“ или да пловат низ Големиот канал, изјави министерот. Франческини додаде дека на бродовите ќе им се исплати компензација поради забраната и ќе им се помогне околу трошоците за привремено закотвување во Маргера.

Во текот на август Грција ќе се отвори и за крузерите

Ристе Здравков — Mon, 27 Jul 2020 09:21:58 +0000

Август е месецот кога ќе отвориме и за крузерите, вели министерот за туризам на Грција Харис Теохарис во интервју за грчката телевизија „Скај“ и додава дека сѐ уште не е одреден конкретен датум, но изрази надеж дека тоа ќе биде првата половина од следниот месец, јави дописничката на МИА од Атина. Теохарис објасни дека минатата седмица, министерската одлука веќе поминала пред надлежната комисија. Август е месецот кога ќе отвориме. Немаме одлучено конкретен датум. Верувам дека во првата половина на август ќе може земјата да отвори за крузерите. Веќе ги имаме првите компании што се подготвени да отворат. Три плус три помали, значи шест компании изразија интерес до нашето министерство за да почнат со крстарења – рече Теохарис. Според грчката новинска агенција АНА-МПА, во текот на оваа недела се очекува надлежните во Грција да ги усвојат и да ги финализираат европските упатства за екипажот и патниците на крузерите што ќе пристигнуваат на грчките пристаништа. Меѓу правилата на ЕУ за работата на бродовите за крстарење, како што пренесува АНА-МПА се и 60 отсто патници од вкупниот број наведени во сертификатот за безбедност на бродот; задолжително мерење температура на патниците и членови на екипажот пред влегувањето; одредување кабини за изолација во случај кај некој од патниците да се појават симптоми на Ковид-19 и сл.

Од август крузери во Грција

Ивона Петрова — Mon, 27 Jul 2020 08:59:11 +0000

Август е месецот кога ќе отвориме и за крузерите, вели министерот за туризам на Грција Харис Теохарис во интервју за грчката телевизија „Скај“ и додава дека сѐ уште не е одреден конкретен датум, но изрази надеж дека тоа ќе биде првата половина од следниот месец, јави дописничката на МИА од Атина. Теохарис објасни дека минатата седмица, министерската одлука веќе поминала пред надлежната комисија. -Август е месецот кога ќе отвориме. Немаме одлучено конкретен датум. Верувам дека во првата половина на август ќе може земјата да отвори за крузерите. Веќе ги имаме првите компании што се подготвени да отворат. Три плус три помали, значи шест компании изразија интерес до нашето министерство за да почнат со крстарења, рече Теохарис. Според грчката новинска агенција АНА-МПА, во текот на оваа недела се очекува надлежните во Грција да ги усвојат и да ги финализираат европските упатства за екипажот и патниците на крузерите што ќе пристигнуваат на грчките пристаништа. Меѓу правилата на ЕУ за работата на бродовите за крстарење, како што пренесува АНА-МПА се и 60 отсто патници од вкупниот број наведени во сертификатот за безбедност на бродот; задолжително мерење температура на патниците и членови на екипажот пред влегувањето; одредување кабини за изолација во случај кај некој од патниците да се појават симптоми на Ковид-19 и сл.

Еден од последните крузери пристигна во Џенова

Тале Кристо — Tue, 21 Apr 2020 16:31:06 +0000

Италијанскиот крузер „Коста Делициоса“, еден од последните што беа на море од избувнувањето на пандемијата на вирусот Ковид-19, е закотвен на брегот на Џенова, последната станица по 15-неделно крстарење. Околу 110 патници, со потекло од Шпанија, Португалија и Франција, претходно се симнаа во Барселона, откако француските власти го одбија барањето за слегување на патниците на пристаништето Марсеј, иако, според италијанската компанија „Коста Кроциере“, во чија сопственост е крузерот, на бродот немало заразени. Останатите 1.519 патници и 898 членови на екипажот, како што е најавено, ќе се симнат утре во Џенова. Од почетокот на крстарењето, три лица го напуштија бродот поради здравствени проблеми, но ниту едно од нив не беше позитивно за вирусот Ковид-19. Крузерот требаше да се врати во Венеција на 26 април, од каде тргна на патување на 5 јануари.

На крузери во води на САД има заробени 90.000 членови на екипажи

Ивона Петрова — Fri, 10 Apr 2020 06:39:57 +0000

Повеќе од 100 крузери и 90.000 членови на екипажи се заробени на море во или во близина на американските води и пристаништа, јави Еј-Би-Си повикувајќи се податоци од Крајбрежната стража. Центарот за превенција на болести предупредува дека најмалку 10 од тие бродови пријавиле дека имаат членови на екипажот кои се позитивни како и оние што имаат симптоми слични на коронаврисот. Тие додадоа дека ситуацијата е слична за 20 бродови што се наоѓаат во или во близина на американските пристаништа. Само во територијалните води на САД околу Флорида, денес има повеќе од 35 крузери со 35.000 членови на екипажот. Крајбрежната стража потсетува дека тоа е информација откако патниците и екипажот на последниот брод се истовариле на Флорида.

Уништен еден од најубавите градови на Јадранот- Венеција на прво место, Дубровник на второ, а еве ја причината

Даниел Василев — Fri, 15 Jun 2018 16:25:40 +0000

На првото место на градови кој е најмногу оштетен од туризмот се наоѓа Венеција, каде големите патнички бродови одиграа голема улога во носењето на огромен број туристи во градот. -Како и Венеција, градот Дубровник едноставно не е дизајниран да се носи со толкав број крузери кои го посетуваат градот на неколку дена. Туристите се превезуваат со автобуси од модерниот дел во Стариот град и назад секој ден. Освен тоа, бројот на туристи кои го посетуваат Дубровник ги поттикна мештаните да ги изнајмуваат своите куќи и апартмани, оставајќи едвај видлива трага од хрватската култура во овој, еден од најзначајните туристички градови во Хрватска, пренесува „Дубровачки вјесник“. Освен Дубровник и Венеција, на списокот дестинации кои се уништени од крузерите се наоѓаат и Белизе, Алјаска, Антартик и Свалбард во Норвешка. Решението на овој проблем може да биде во еколошки одговорни компании со помали бродови.