крвен притисок – Kurir.mk

Убавиот зачин ќе ви помогне во борбата против овој „тивок убиец”

Ивана Ефремовски — Sat, 24 Sep 2022 12:58:31 +0000

Доколку ве мачи крвниот притисок, дефинитивно мора да ги промените навиките во исхраната и пред се да го намалите внесувањето на сол и маснотии, а да го зголемите внесувањето на вода во организмот. Но, освен тоа, во борбата против овој „тивок убиец” ќе ви помогне и уште еден, мирислив зачин. Неколку истражувања потврдија дека систолниот (горен) и дијастолниот (долен) крвен притисок, можат да бидат намалени со помош на познатиот зачин – цимет. Доколку додадете два грама (или половина мала лажичка) цимет во вашата дневна исхрана, полесно ќе го контролирате високиот крвен притисок. „Топло го препорачувам вклучувањето на цимет во исхраната, но немојте да мислите дека само со тоа ќе успеете да го намалите крвниот притисок. Храната во целина треба да се прилагоди на здравствената состојба. Вожбите се исто така неопходни, бидејќи нив сигурно ниту еден зачин нема да може да ги замени”, пишува авторот на книгата „The SooperfoodsRr Diet”, Венди Бразилијан. Освен во десертите, циметот лесно можете да го додадете во појадокот па со него да го посипете кафето или јогуртот со житарки.

Овие 8 намирници успешно го намалуваат високиот крвен притисок

Ристе Здравков — Wed, 31 Aug 2022 14:30:36 +0000

Хипертензијата или високиот крвен притисок е најчестиот ризик фактор за срцеви заболувања кој може да се спречи. Лековите често се користат за намалување на крвниот притисок, меѓутоа, промените во начинот на живот, вклучително и модификациите на исхраната, можат да помогнат во овој процес и да го намалат ризикот од срцеви заболувања. Здравата исхрана е неопходна за намалување на крвниот притисок и одржување на оптималното ниво, а истражувањата покажуваат дека одредени видови храна, особено оние со висока содржина на одредени хранливи материи како што се калиум и магнезиум, го намалуваат нивото на крвниот притисок. Во продолжение ви откриваме кои 8 намирници можат да ви помогнат да го намалите крвниот притисок на природен начин: Цитруси Цитрусното овошје, вклучувајќи грејпфрут, портокали и лимони, може да има моќни ефекти врз намалувањето на крвниот притисок. Тие се преполни со витамини, минерали и растителни соединенија кои можат да помогнат во одржувањето на здравјето на срцето, намалувајќи ги факторите на ризик од срцеви заболувања, како што е хипертензијата. Лосос и други масни риби Масната риба е одличен извор на омега-3 масти кои имаат важни придобивки за здравјето на срцето. Овие масти можат да помогнат во намалување на нивото на крвниот притисок со намалување на воспаленијата и нивото на соединенија кои ги стеснуваат крвните садови наречени оксилипини. Истражувањата го поврзуваат зголемениот внес на масна риба богата со омега-3 со намалување на нивото на крвниот притисок. Семки од тиква Семките од тиква се хранливо богатство. Тие се концентриран извор на хранливи материи важни за контрола на крвниот притисок, вклучувајќи магнезиум, калиум и аргинин. Бобинки Бобинките се поврзани со различни импресивни здравствени придобивки, вклучувајќи ја и нивната способност да ги намалат факторите на ризик за срцеви заболувања. Бобинките се богат извор на антиоксиданти, вклучувајќи антоцијанини, пигменти кои ја даваат црвената боја на бобинките. Утврдено е дека антоцијанините го зголемуваат нивото на азотен оксид во крвта и го намалуваат производството на молекули кои ги стеснуваат крвните садови, што може да помогне во намалувањето на нивото на крвниот притисок. Капините, малините и јагодите се само некои од бобинките кои се поврзани со ефектите на намалување на крвниот притисок. Ф’стаци Ф’стаците се многу вкусни и здрави. Тие содржат голем број хранливи материи неопходни за здравјето на срцето и регулација на крвниот притисок, вклучувајќи го и калиумот. Моркови Крцкави, слатки и хранливи, морковите се основен зеленчук во исхраната на многу луѓе. Морковите се богати со фенолни соединенија, како што се хлорогенската, п-кумаринската и кофеинската киселина кои помагаат во опуштање на крвните садови и намалување на воспаленијата, што може да помогне во намалувањето на нивото на крвниот притисок. Јогурт Јогуртот е млечен производ богат со хранливи состојки кој е преполн со минерали кои помагаат во регулирање на крвниот притисок, вклучувајќи калиум и калциум. Целер Целерот е популарен зеленчук кој содржи соединенија наречени фталиди, кои можат да помогнат во опуштање на крвните садови и намалување на високиот крвен притисок. извор: thehealthystation.com

Бананата помага за понизок крвен притисок

Ивана Ефремовски — Mon, 04 Jul 2022 08:29:46 +0000

Она што ce јаде и пие игра важна улога во намалувањето на високиот крвен притисок. А, еден вид храна особено може да помогне да се реши овој здравствен проблем… -Бананата е на прво место кога станува збор за овошја што имаат способност да го намалат крвниот притисок, изјави нутриционистката Британи Дан за списанието „Ит дис, нот дет“. Бананите се богати со калиум, што ги намалува негативните влијанија на натриумот врз телото. Калиумот, исто така, помага да се намали опасноста од мозочен удар и срцеви заболувања. Една банана содржи приближно 420 милиграми калиум, а има и голема количина разни други електролити, кои ја одржуваат работата на нервниот систем и го регулираат нивото на телесни течности. Инаку, електролити се – калиумот, магнезиум, натриум, калциум и хлоридите. Сепак, треба да се има на ум дека е важно да се најде средината. Премалку калиум и премногу натриум, на пр. всушност го зголемуваат крвниот притисок. Возрасните треба да внесуваат 3.500 – 4.700 мг. калиум и 2.300 мг. натриум дневно. (МИА)

Фајзер повлече лекови за висок крвен притисок, содржеле соединенија кои предизвикуваат рак

Ивона Петрова — Thu, 24 Mar 2022 13:07:55 +0000

Фајзер соопшти дека повлекува три од своите лекови за висок крвен притисок од пазарот – Accuretic и неговите две генерички верзии дистрибуирани од Greenstone. Фајзер самостојно одлучил да ги повлече таблетите кои содржат повисоки нивоа на нитрозамини, соединенија кои можат да доведат до развој на рак. Но, компанијата во соопштението нагласи дека „не постои таков непосреден ризик за пациентите кои го земаат овој лек”. – Нитрозамините најчесто се наоѓаат во водата и храната; во сувомеснатите и млечните производи и во зеленчукот. Секој е изложен на одредено ниво на нитрозамин. Овие нечистотии може да го зголемат ризикот од рак доколку некој е изложен на нив во големи количини во подолг временски период, соопшти фармацевтската компанија, пренесува Си-Ен-Ен. Фајзер додаде дека досега нема извештаи за негативни ефекти по употребата на лековите за висок крвен притисок и оти овие производи имаат безбедносен профил кој се темели на повеќе од 20 години искуство. Компанијата ги советува пациентите кои досега го земале нивниот лек да се консултираат со својот лекар за алтернативни третмани.

Ракописот го открива карактерот, но и проблеми со здравјето: Начинот на кој пишувате крие симптом на честа болест

Ивона Петрова — Sun, 07 Feb 2021 14:34:53 +0000

Анализата на ракописот открива многу работи за карактерот на една личност. Дали знаете дека пишувањето може да открие и каков е вашиот крвен притисок? Кога пишуваме постојат три начини на кои пенкалото или моливот го допираме до хартијата. Токму ова открива многу. Силно притискате Луѓето кои пишуваат како да сакаат да го „пробијат“ листот со пенкалото се енергични, посветени, сериозни и не сакаат да губат време. Понекогаш се под стрес или големо оптеретување бидејќи мислат дека сиот товар е на нив. Би било добро повремено да се опуштат и да побараат помош. Можно е лесно да се навредат на критика. Слабо притискате Луѓето кои пишуваат лесно, едвај оставајќи трага на хартијата се многу чувствителни. Тие се вистински емпати и одлично ги разбираат сите останати. Повремено им е потребно некој друг нив да ги разбере поради што треба да бидат погласни и поотворени. Другите понекогаш ги сметаат за премногу тивки и затворени. Притисокот варира Напишете неколку реченици и погледнете дали некои букви се послабо, а други посилно напишани. Притисокот кој варира додека го држите пенкалото може да биде индикатор за висок крвен притисок, особено доколку почнете послабо да пишувате, па потоа буквите стануваат се појасни и подебели.

Овошјето, виното и чоколадото може да помогнат за понизок крвен притисок

Ивона Петрова — Thu, 29 Oct 2020 09:51:46 +0000

Лошата диета е еден од клучните фактори за кардиоваскуларни болести. Поради тоа, од исклучително значење се истражувањата за врската меѓу исхраната и крвниот притисок. Во еден таков научен труд на Универзитетот во Ридинг, Англија, стручните лица откриле врска меѓу поголемиот внос на флавонол и понискиот крвен притисок кај испитаниците. Во истражувањето објавено во „Сајентифик рипортс“ учествувувале повеќе од 25.000 луѓе. Резултатите посочуваат дека целокупното зголемување на нивото на флавонол може да помогне во намалување на крвниот притисок. Флавонолите се природни соединенија кои се наоѓаат главно во овошјето и зеленчукот. Тие се една причина зошто храната – од црвеното вино до чоколадата – е поврзана со здравствени придобивки, но исто така се наоѓаат и во јаболката, бобинките... За време на ова истражување, исто така, е откриено дека клучната разлика меѓу учесниците со најголем наспроти најмал внос, е разликата меѓу два и четири милиметри жива (mmHg). – Претходните истражувања врз поголеми групи, секогаш се потпирале на податоците што испитаниците ги кажале за себе, за да се извлечат заклучоци. Но, ова е прв труд што објективно ја истражува врската помеѓу одредено биоактивно соединение и здравјето, објасни проф. Гантер Канл, нутриционист, кој раководеше со испитувањата. Добрата вест, според него, е тоа дека има многу други причини да се прибегне кон храна богата со флавонол, покрај тоа што помага во спречувањето висок крвен притисок. – Бобинките се одлични за здравјето на цревата, јаболката се добар извор на влакна, а одредени чаеви може да помогнат при надуеност, главоболка… Поврзаноста којашто ја забележавме може да се припише на внесувањето на флавонол, тврди Канл.

Топлата бања има многу предности, а особено овие – Проверете доколку имате висок крвен притисок

Магдалена Андонова — Tue, 06 Oct 2020 15:03:19 +0000

Капењето в када со топла вода најмалку четирипати неделно може да го намали крвниот притисок, но и ризикот од дијабетес тип 2. Ова, според ново истражување на Европската асоцијација за проучување на дијабетесот. Иако има многу придобивки поврзани и со ладната бања, и топлата вода има и свои предности. Претходни истражувања ги поврзуваа сауните и топлата када со поквалитетниот сон, како и со здравјето на срцето. Новото испитување опфатило 1.297 возрасни лица со дијабетес тип 2 во однос на влијанието што редовното топло капење ги имало врз нивното метаболичко здравје. Пациентите биле поделени во три групи, засновани на фреквенцијата на капење. Првата група испитаници се капеле во топла бања четири или повеќепати неделно, втората група се капела еднаш до четирипати неделно, а третата група – само еднаш неделно. Податоците покажале дека оние кои се капеле почесто, односно првата група испитаници повеќе слабееле, имале подобар крвен притисок и постабилен индекс на шеќер во крвта. Сиве овие фактори заедно можат да помогнат при намалување на ризикот од дијабетес тип 2. Во просек, кај луѓето што се капеле во топла бања четирипати неделно, по најмалку 16 минути, или поретко, овие параметри имаат за нијанса помала вредност. Топлата бања влијае врз нивото на шеќер и крвниот притисок, без оглед на возраста, тежината, полот, како и евентуалните лекови и разните терапии кои човекот ги има.

Намалете го високиот крвен притисок за само 10 секунди: Кога немате таблета при рака, ова проверено делува

Ристе Здравков — Fri, 07 Aug 2020 16:55:42 +0000

Високиот крвен притисок е тивок убиец, а за да ја спречите неговата појава потребно е да ја регулирате исхраната. Тоа веројатно веќе го знаете, но она што можеби не го знаете е дека е потребно во своето мени да ги вметнете овие две намирници. Цимет Неколку студии потврдуваат дека систоличкиот (горниот) и дијастоличкиот (долниот) притисок кај возрасните лица се намалува со, на сите добро познатиот зачин – циметот. Само половина лажичка дневно во исхраната го регулира високиот крвен притисок, а за инстант ефект растопете малку цимет во прав во устата и голтнете го. Лук Оваа здрава намирница речиси инстантно го намалува високиот крвен притисок. Лукот делува на крвните садови така што ги опушта и ги шири со што крвта полесно циркулира низ телото и со тоа се намалува притисокот. За инстант делување, изедете едно чешне лук со малку леб или исецкајте го во салата или оброк.

Нормалниот крвен притисок повеќе не е 120 со 80, туку нешто сосема поинакво!

Предраг Кукиќ — Wed, 23 Oct 2019 18:00:35 +0000

Секој кој некогаш почувствувал потреба да го измери крвниот притисок, знае дека сè е во ред кога горниот е околу 120, а долниот околу 80. Сè што е над, претставува аларм и веднаш се закажува преглед кај интернист или кардиолог. А, ако е под тие норми, се знае дека е време за шеќер и вода. Меѓутоа, сега тоа се променило. Европското кардиолошко здружение издало нови упатства, според кои нормалниот крвен притисок за систолниот е до 140, а за дијастолниот 90. Меѓутоа, ова правило не важи за дијабетичарите, за кои границата е пониска, до 130 со 80, како и кај постарата популација. Порано се сметало дека некој кој има притисок 139 со 89 веќе се наоѓа во состојба на предхипертензија и дека би требало да зема терапија, за да се намали ризикот од инфаркт или мозочен удар.

Кралско овошје кое го намалува крвниот притисок

Предраг Кукиќ — Thu, 29 Aug 2019 10:45:31 +0000

Смоквите содржат голема количина калиум, што помага да се регулира крвниот притисок. Плодот од смокви е во форма на круша, а кората има различни нијанси, па може да биде жолта, зелена, црвена и сива. Смоквите се меки и слатки и навистина претставуваат најдобри летни слатки. Една од најпопуларните типови е т.н. базилика. Поголема од другите сорти, кората и е зелена со пурпурни ленти и зрее во август. И има уште една причина зошто сега е вистинското време да ги јадете! Смоквите содржат голема количина калиум, што помага да се регулира крвниот притисок. Истражувања покажаа дека оние кои консумираат повеќе калиум дефинитивно имаат помал крвен притисок. Смоквите, исто така, помагаат во контролата на зголемувањето на телесната тежина, особено поради растителните влакна што ги содржат, поради што не прават позаситени од другите намирници.