крвна група – Kurir.mk

Крвната група открива изложеност на опасност од дијабетес, срцеви заболувања, но и кој е најдобар во сексот

Катерина Бојаџиева — Thu, 11 May 2023 11:13:36 +0000

Најмалку застапена кај луѓето во светот е крвната група АБ. Но, овој дел од населението има најголема опасност од губење на меморијата, вели науката. Повеќето луѓе имаат група 0 и тие се „најдобри љубовници“ во светот, но можат да имаат проблеми со плодноста... Следат уште повеќе факти и претпоставки на науката. Луѓето со крвни групи А, Б и АБ имаат 25 до 30 отсто повисоки нивоа на протеини, а тоа е познато како Вилебранд фактор и Фактор VIII. Делумно поради таа разлика во споредба со лицата со крвна група 0, овие луѓе се изложени на 15 отсто поголема опанот од смрт од срцеви заболувања, според истражувањето на медицинското списание „БМЦ Медисин“ (BMC Medicine). Според наводите, луѓето со крвна група 0 имаат помали количини протеини коишто помагаат во згрутчување на крвта, така што тие се изложени на помал ризик од згрутчување. - Сепак, не треба да се претпоставува дека поединецот со крвна група 0 е позаштитен од тоа или дека луѓето со други крвни групи се изложени на поголема опасност, вели д-р Тери Б. Герншајмер, советник на Американското хематолошко здружение. Инаку, групата 0 не е само најчеста крвна група, туку и најстарата - научниците сметаат дека првите луѓе во светот ја имале оваа крвна група. Оваа крвна група наводно може да ѝ пречи на бременоста. Според истражување на Медицинскиот факултет „Алберт Ајнштајн“, крвната група 0 има двојно поголема веројатност да произведува ФСХ - фоликуло-стимулирачки хормон чие високо ниво укажува на ниска резерва кај јајниците. Имено, ФСХ кај жените го стимулира создавањето зрела јајце-клетка подготвена за оплодување, а нејзините вредности се зголемуваат кога јајниците се исцрпуваат. Луѓето со крвни групи А, Б и АБ се изложени на поголем ризик од рак на желудникот. Причината за тоа е веројатно воспалителен одговор на бактеријата „Helicobacter pylori“, одговорна за чир на желудникот. „H. pylori“ е спирална бактерија што може да се најде на слузницата на желудникот кај луѓето и е отпорна на високо киселата средина којашто се наоѓа во желудникот. Поради разликите во згрутчувањето на крвта, луѓето со крвни групи А, Б и АБ се изложени на 31 отсто поголема можност од длабока венска тромбоза - згрутчување што се создава во вените на нозете, препоните или рацете, отколку луѓето со крвна група тип 0, открива истражување на американски истражувачи од Универзитетот на Минесота. Губење на меморијата е почеста кај групата АБ. Иако најмалку луѓе во светот ја имаат оваа крвна група, тие имаат најголема опасност од губење на помнењето. Истражувањата покажуваат дека лицата со крвна група АБ имаат 82 отсто поголеми шанси да развијат когнитивни проблеми во иднина, во однос на другите. Причината за тоа е што имаат повисоко ниво на Фактор VIII - протеин којшто учествува во процесот на згрутчување на крвта. Луѓето со крвна група А или Б имаат 21 отсто поголем ризик да развијат дијабетес тип 2 во нивниот живот. Истражувачите велат дека не им е сосема јасно зошто е тоа така, но една теорија е дека крвната група може да влијае на микробиомот на дигестивниот тракт, а со тоа и на метаболизмот на гликозата и развојот на воспалението, пренесува „Ридерс дајџест“ (Reader's Digest). Стручњаци од Финска веруваат дека постои одредена поврзаност меѓу крвните групи и специфичните соеви бактерии кои живеат во цревата. Доколку имаат цврсти докази за тоа, тогаш лекарите би можеле да препорачаат одреден вид исхрана во зависност од крвната група на пациентот. Комарците се насочени кон оние со група 0, според истражување од Јапонија. И покрај тоа, луѓето со оваа крвна група имаат најмали шанси да се заразат со најсмртоносниот облик на маларија - болест што ја пренесуваат комарците. Луѓето со крвна група 0, исто така, се најмногу погодени од стресот, според Американската администрација за ветерани. Тоа се објаснува со фактот дека нивото на кортизол (хормонот на стрес) е повисоко кај луѓето од таа група отколку кај другите. Крвната група А е најмногу склона кон опсесивно компулсивно нарушување (ОЦД) во однесувањето, според списанието „Неуросајкобајолоџи“ (Neuropsychobiology). Но, и таа теорија сè уште треба да се доистражи. Експертите откриле врски меѓу таа крвна група и упорноста и трудољубивоста и покрај заморот и фрустрацијата. Најдобрите љубовници имаат крвна група 0. Тие понекогаш ќе си го ускратат задоволството себеси, само за да ја натераат другата страна да ужива уште повеќе во сексот. Научниците од Универзитетот Орду во Турција тврдат дека мажите со крвни групи А, Б и АБ се изложени на четирипати поголема „опасност“ од „неуспех в кревет“, односно еректилна дисфункција во одреден миг од животот. Оние луѓе со крвна група А, пак, од друга страна, се добри пријатели и мислат за другите, но не знаат како да ги изразат своите чувства, па често ги задржуваат за себе. И оние со крвна група Б се добри пријатели и знаат да слушаат, но претпочитаат да се стават себеси на прво место. Знаат правилно да го толкуваат говорот на телото и често имаат силна интуиција. Поединците со крвна група АБ се добри во планирањето и организирање и можат да бидат многу духовно посветени, додека крвната група 0 е признак за луѓе со натпреварувачки дух и желба за моќ, кои се способни да се сосредоточат повеќе на таа таква цел, отколку на создавање добри меѓучовечки односи. . И РХ-факторот открива многу нешта. Секоја крвна група е поделена на две подгрупи во зависност од тоа дали РХ-факторот е позитивен или негативен. Има многу помалку луѓе со негативен РХ-фактор - само околу 15 отсто, пишува davidwolfe .com. Токму за нив се смета дека имаат повисок коефициент на интелигенција од просечниот и дека се многу емпатични. Исто така, тие луѓе, наводно, почесто развиваат необјасниви фобии почесто од другите, имаат помала телесна градба од оние со позитивен РХ и се почувствителни на температурни промени.

Каков чај треба да пиете? Еве какво влијание има крвната група на вашиот избор!

Ивана Ефремовски — Mon, 27 Feb 2023 13:47:40 +0000

Чајот се смета за здрав напиток, а неговото влијание зависи и од тоа која крвна група сте. Погледнете ги најдобрите комбинации од чаеви според крвната група. КРВНА ГРУПА НУЛТА Лицата кои имаат крвна група нулта се „месари“ и би требало да одбегнуваат млеко, мешунки и глутен. Иако добро поднесуваат стресни ситуации, ги мачи желудечна киселина. Чаевите кои се препорачуваат за лицата со крвна група 0 се на база од ѓумбир, гинсег, зелен чај Сенча и чај Мате. Идеален избор на чаеви за нив е мешавината Сенча и ѓумбир, а наместо кафе чајот Мате или чист јапонски зелен чај Сенча. КРВНА ГРУПА А Тоа се многу емотивни и аналитични лица со изразена склоност кон стрес, поради што имаат трајно високи вредности на кортизол, хормон на стресот. Иако кафето не им пречи, потребата за растителна храна, медитација и јога ќе ја надополнат со секојдневно пиење на соодветен чај. Чаевите за лица со крвна група А се тајванскиот зелен чај Gunpowder, чај од јасмин, комбинација од сребрен јасмин и зелен чај, и машавина од ајдучка трева, невен и мајчина душица. КРВНА ГРУПА Б Лицата со крвна група Б најчесто имаат спор метаболизам, склони се кон автоимуни заболувања, дебелеење, летаргија, хроничен умор и неуреден сон. Имаат отпорен дигестивен систем, но слаба одбрана од бактерии, на прво место ешерихија коли. Би требало да пијат врвен млад зелен чај, органски зелен или црвен руибос без додатоци, ханејбаш, и имуно-мешавина од бозел, руибос, жалфија и маточина. КРВНА ГРУПА АБ Припадниците на оваа крвна група се интуитивни, не се склони кон стрес, но имаат намалено либидо. Би требало да се фокусираат на посебни видови зелен чај и сродни препарати, мента, божур, сандаловина и напитоци од ориз. Идеален избор чаеви за нив е природниот жолт чај, врвен зелен чај и мента со пржен ориз. За мажите со крвна група АБ посебно се препорачува мешавина од коприва, мента, катаубе и руибос.

Дознајте каква мајка и сопруга сте вие, крвната група кажува многу за вас

Ивана Ефремовски — Wed, 21 Sep 2022 06:57:53 +0000

Крвна група 0 Жените од оваа крвна група се прилично себични. Во однос на мажите тие се пољубоморни и пострасни. Овие жени се доминантни и силни личности и се обидуваат во сѐ да ги контролираат своите избраници, така што мажот кој ќе се обиде да ги изневери, тешко ќе може да ги оствари своите намери. Овие жени кон мирните и слаби партнери брзо стануваат рамнодушни. Вреди да се напомени дека помеѓу успешните деловни жени и познатите личности, доминираат токму жени со оваа крвна група. Од своите партнери очекуваат среќа, задоволство и нежност. Како сопруги владеат од позадина и често активно учествуваат во изградба на кариерата на нивниот сопруг. Како мајки, кон децата се поставуваат пријателски, а своите амбиции ги остваруваат и преку сопругот и преку децата. Крвна група А Оваа крвна група е карактеристична за жените кои се одликуваат со трпение и смиреност. Многу често за нив е присутно мислење дека се несебични, дружељубиви и многу дисциплинирани. Пред сѐ, овие жени ја ценат уредноста и удобноста. Секогаш се стремат за решавање на проблемите без конфликти. Но, сепак, жените со оваа крвна група се многу тврдоглави и понекогаш нервозни. Често себеси се доживуваат како потчинети, а во љубовните односи се многу срамежливи. Тие го почитуваат својот партнер и неговите квалитети. Сепак, поради нивната емотивна и чувствителна природа, тие ќе ги откријат своите чувства дури кога ќе бидат целосно сигурни дека нема да бидат изневерени и повредени. Како сопруги, тие се идеални. Жените со крвна група А се мајки кои внимаваат и ги поддржуваат своите деца, но и многу бараат од нив. Крвна група Б Овие жени се одликуваат со флексибилност на нивниот карактер. Тие одлично се справуваат со осаменоста, но во голема група луѓе се чувствуваат како риби во вода. За разлика од првите две групи, тие не сакаат ниту да бидат водачи, ниту потчинети. Но, знаат многу добро да извлечат корист од различни ситуации, притоа чувајќи ја својата независност. Таквите жени одлично се снаоѓаат во друштво. Сакаат флерт, па имаат многу пријатели од спротивниот пол. Во љубовта очекуваат нежност и задоволство, среќа и верност, како и постојано внимание од својот избраник. Во односите со нивниот партнер тие бараат многу и затоа тешко се одлучуваат да стапат во брак. Инаку, кога стапуваат во брак и стануваат мајки, тие се многу лојални и посветени. Крвна група АБ Претставниците на оваа група се многу чувствителни и урамнотежени личности. Тие се многу тактични, пристојни и чесни. Така, овие дами многу тешко донесуваат какви било одлуки. Тие често се сакани, а што се однесува до љубовните односи, многу се искрени. Ваквите жени го обожаваат машкиот авантуристички дух, меѓутоа, уживаат во љубовта само додека имаат можност да останат мистични. Како мајки, тие се многу попустливи кон децата и не бараат многу. Успешно наоѓаат мерка во тоа колку можат да бидат пријатели со своите деца.

Луѓето со крвна група 0 се посебни, дознајте кои се нивните моќни особини

Ивана Ефремовски — Wed, 14 Sep 2022 18:54:27 +0000

Луѓето со крвна група 0 се посебни бидејќи можат да им даваат крв на сите останати групи (во ертитроцитите на оваа крвна група нема никаков фактор кој би можел да ја разори туѓата крв), додека тие можат да добиваат само од својата. Но, тоа не е сè што ги прави многу поразлични од другите. Тие се многу посклони на одредени болести, но исто така имаат и неколку моќни особини поради кои се истакнуваат во популацијата. Способност за водство, проактивност, голема енергија и исклучителен фокус се само дел од најдобрите квалитети на луѓето со крвна група 0. Тие исто така често знаат да бидат многу моќни и продуктивни. Од друга страна пак, тие се посклони на одредени болести како чирот, проблеми со тироидната жлезда, како и недостаток на јод во крвта. Овие проблеми можат да предизвикаат несакани последици како прекумерна телесна тежина и задржување вода во организмот. Во Јапонија крвната група 0 се поврзува со одреден вид способности. На разговор за работа, Јапонците често прашуваат за крвната група на апликантите. Оние со крвна група 0 се опишуваат како одговорни, посветени, организирани, фокусирани, совесни и практични. Тие исто така се верува и дека се побистри и подобри логичари од останатите. Тоа се случува бидејќи нивните предци биле ловци кои требало да набљудуваат и прецизно да ја проценат околината со цел да преживеат. Кога се под стрес, тие можат лесно да се разлутат, да станат хиперактивни или импулсивни. Лошата исхрана, недостатокот на телесна активност и другите видови нездрави навики можат да ги направат поподложни на штетни метаболитички процеси, како што се отпорноста на инсулин, намалената работа на тироидната жлезда и дебелината. Тие исто така имаат и поголема количина желудочна киселина од другите крвни групи, па затоа и често имаат чувствителен желудник и се склони на чирови. Луѓето со крвна група 0 би требало да избегнуваат кофеин и алкохол. Кофеинот може да биде особено штетен за нив бидејќи го зголемува нивото на адреналинот кое веќе е повисоко кај овие луѓе. За здрав живот, се препорачува да вежбаат од 3 до 4 пати неделно.

Според вашата крвна група, дознајте каков чај треба да пиете

Магдалена Андонова — Mon, 22 Aug 2022 14:26:00 +0000

Чајот се смета за здрав напиток, а неговото влијание зависи од тоа која крвна група сте. Погледнете ги најдобрите комбинации на чаеви за сите крвни групи. Крвна група 0 На оние кои ја имаат оваа крвна група им одговара конзумација на месо, а би требало да избегнуваат млеко, мешунки и глутен. Иако добро се справуваат со стресот, нив најчесто ги мачи желудочната киселина. Чаевите кои им се препорачуваат на луѓето со крвна група 0 се на основа на ѓумбир, женшен, зелен чај и мате, кој е позната замена за кафе. Крвна група А Станува збор за многу емотивни и аналитични луѓе, подложни на стрес, заради што имаат постојано високо ниво на кортизол, хормон на стресот. Иако кафето не им пречи, потребата за претежно растителна храна, медитација и јога, совршено ќе се надополни со секојдневна консумација на соодветен чај. Чаевите соодветни за оваа крвна група се чајот од јасмин, мешавина од сребрен јасмин и зелен чај, како и мешавина од ајдучка трева, невен и мајчина душица. Крвна група Б Луѓето со крвна група Б имаат бавен метаболизам, склони се кон автоимуни болести, дебелеење, летаргија, хроничен замор и неуреден сон. Имаат отпорен дигестивен систем, но слаба одбрана од бактерии, а на прво место е бактеријата Escherichie coli. Би требало да пијат млад зелен чај, органски зелен или чај од рибизла, како и имуно-мешавина од бозел, жалфија и маточина. Крвна група АБ Припадниците на оваа група се интуитивни, не се толку склони кон стрес, но имаат намалено либидо. Би требало да се фокусираат на посебни видови зелен чај, нане, божур, сандаловина, како и напитоци од ориз. Идеален избор на чај за нив е мешавина од зелен чај и нане. За мажите со крвна група АБ особено се препорачува мешавината од коприва, нане и чај од рибизла.

Крвната група ќе ви открие какви сте во љубовниот живот

Ивана Ефремовски — Thu, 18 Aug 2022 12:40:57 +0000

Група А Луѓето со крвна група А се вредни, сериозни, сензитивни, трпеливи и воздржани. Тие се добри љубовни партнери на кои можете да се потпрете. Секогаш ќе ви вратат одговор на вашата порака. Тие обожаваат да се дружат со пријателите во комбинација со добра вечера и од нив очекуваат емоционална поддршка секогаш кога ќе доживеат стресен период на работа. Тие се добри и кул родители, кои со нетрпение ја очекуваат новата сезона од криминалистичка ТВ серија. Овие се многу добри квалитети за луѓето со крвна група А, а негативно им е тоа што честопати се ситничави и напнати луѓе. Група Б Диви, страсни, креативни и цврсти се луѓето кои имаат крвна група Б, којашто треба да ја избегнувате доколку ги слушате Јапонците. Никој таму не сака да биде во врска со некој кој има крвна група Б, бидејќи овие луѓе според нив се многу себични и неодговорни. Изгледа многу срца биле скршени од страна на секси претставници на групата Б, со текот на годините. Група АБ Искулирани, прибрани, рационални, друштвени и прилагодливи се луѓето кои ја имаат оваа крвна група. Со нив е многу едноставно да изградите добра љубовна врска, но тие се типови луѓе кои никогаш нема да ве сакаат онолку колку што ги сакате вие. Тие едноставно не сакаат да си го губат умот во име на љубовта. Во секој случај, тие се добри партнери и умеат одлично да се забавуваат. Сепак, бидете внимателни бидејќи понекогаш тие знаат да бидат прекритички настроени, па бидете подготвени за цинизам доколку се во лошо расположение. Група 0 Пријатни, симпатични, дружељубиви и оптимистични луѓе. Тие се и топли, мили и силно ќе ви ја притиснат раката додека ве поздравуваат на улица. Луѓето со крвна група нулта умеат да прават спонтани романтични потези и да ве заведат тогаш кога најмалку ќе очекувате. Воедно, тие се и љубоморни, вообразени и арогантни кога ќе се налутат. Немојте да се изненадите и доколку ви го проверуваат мобилниот телефон за да видат на кого му се јавувате.

Оваа крвна група припаѓа на НАЈРИЗИЧНИТЕ: Имаат проблем со венска тромбоза, а овие фактори ја влошуваат состојбата

Магдалена Андонова — Sun, 17 Jul 2022 18:21:26 +0000

Доколку сте повредени или боледувате од одредена болест за чие лекување е неопходна крв, за да се надомести загубата на крв, прво треба прецизно да се одреди крвната група, за да се избегнат несакани компликации при трансфузијата. Затоа, доколку сте повредени или треба итно и без одлагање да примите крв, поседувањето сертификат за крвна група значително ќе заштеди драгоцено време потребно за нејзино утврдување и со тоа ќе ви го спаси животот. Важноста да се има крвна група е да се спречи ризикот од примање крв од некомпатибилна (несоодветна) крвна група во време кога ви е најпотребна (трансфузија на крв или за време на хируршка операција). Услови во кои е неопходно да се примени трансфузија на крв што е можно поскоро: Сообраќајни незгоди кога има голема загуба на крв и состојба на шок Големи хируршки интервенции Крварење од гастроинтестиналниот тракт (езофагус, желудник, дебело црево) Крварење за време на породувањето Автоимуна хемолитична анемија Трансплантирани пациенти Анемии кај хронични заболувања (малигни тумори, дијализирани) Бремените жени мора да ја знаат својата крвна група Исклучително е важно трудниците да ја знаат својата крвна група, како и Rh „факторот“ или Д антигенот. Кога жената е Rh(D) негативна и носи бебе кое е Rh(D) позитивно, тоа може да доведе до состојба позната како Rh некомпатибилност. Ако крвта на Rh(D) позитивното бебе се меша со крвта на мајката за време на бременоста, тоа може да предизвика формирање на антитела против крвта на бебето, познато како Rh-сензибилизација. Генерално, производството на овие антитела нема да влијае на бебето за време на бременоста во која настанала сензибилизацијата, но последователните бремености со бебиња со Rh(D) позитивни може да доведат до фатален исход за бебето. Трансфузиолозите секогаш ја проверуваат крвната група и Rh(D) антигенот во раната бременост, за да се избегнат несаканите компликации и да се намали ризикот. Доколку трудницата е Rh(D) негативна, таа прима превентивен Rh(D) гамаглобулин (Rhogam) во текот на бременоста, кој го спречува создавањето на антитела и сензибилизацијата. Помош на другите Една од највредните причини зошто треба да ја знаете вашата крвна група е за да можете да им помагате на другите. Често се случува во летните месеци или празници, институциите за трансфузија, поради недостиг на крв, да апелираат и да бараат доброволни крводарители. Кога ќе ја знаете вашата крвна група и ќе слушнете дека се бара, можете да им помогнете на повредените во сообраќајни незгоди или масовни жртви, на оние кои боледуваат од малигни заболувања или на оние на кои им е потребна итна хируршка интервенција. Крвните групи и предиспозиции за одредени болести Данските научници (преку испитување на 66.000 луѓе над 30 години) потврдија дека постои генетска предиспозиција и зголемен ризик од длабока венска тромбоза кај луѓето со крвни групи АБ, А и Б, што е за 40% повисоко отколку кај луѓето со крвна група 0. Научниците од Харвард, во 20-годишно истражување на 77.000 луѓе, откриле дека оние со крвна група АБ имаат 23% поголем ризик од срцеви заболувања во споредба со луѓето со крвна група О. Оние со крвна група Б имале 11% поголем ризик, и оние со крвна група А само 5%. Точната причина не е позната, но се верува дека кај крвната група О, каде што ризикот е намален, постои хемиска супстанца која го спречува згрутчувањето на крвта. Сепак, несомнено е дека начинот на живот, тежината, пушењето и исхраната имаат многу поголемо влијание врз срцевите заболувања отколку крвната група. Според истражувањето на лекарите од Институтот Каролинска во Шведска, луѓето со крвна група А се 20% почувствителни на факторите на ризик како што се цигарите и алкохолот.

Ова е најретката крвна група: Со неа се родени само 43 лица на светот! Дали сте меѓу нив?

Ристе Здравков — Sun, 26 Jun 2022 19:29:11 +0000

Ако некогаш сте се обиделе да ја пронајдете најретката крвна група на Интернет, веројатно сте наишле на повеќе прашања отколку одговори. Краткиот одговор е – АБ. Помеѓу 0,06 и 3 проценти од луѓето во светот ја имаат оваа крвна група во популацијата на една земја. Таа е најретката крвна група и е застапена со дури 10 проценти во Јапонија, Кореја и Кина, додека во другите региони е прилично ретко застапена. Примањето погрешна крвна група може да го доведе во опасност човечкиот живот. Луѓето кои имаат АБ позитивна крвна група се нарекуваат „универзални приматели“, што значи дека можат да примаат крв од луѓе од која било крвна група, но можат да донираат само на луѓе со нивната крвна група. „Златна крв“ Луѓето со О негативна крвна група се „универзални донатори“ бидејќи нивната крвна група е компатибилна со сите други крвни групи, но тие можат да добијат само О негативна. Зборувајќи за најретката крвна група, треба да се спомене и Rhnull, која експертите ја нарекуваат и „златна крв“. За прв пат е откриен пред околу 50 години кај жена Абориџина во Австралија. Тоа е многу ретка крвна група која има помалку од 50 луѓе во светот. Луѓето со оваа крвна група можат да даруваат крв на секого, а само неколку луѓе можат да си го спасат животот, пишува How stuff works.

Темпераментот на жената го открива крвната група: Ова многу ќе ве изненади

Ристе Здравков — Fri, 24 Jun 2022 17:54:30 +0000

Кога станува збор за темпераментот, тоа често подразбира комбинација на психолошки карактеристики: длабочина и стабилност на емоциите, енергија на дејствување, индивидуални карактеристики на однесување… Постојат многу пристапи и методи за решавање на ова прашање. Јапонците и Корејците, на пример, се придржуваат до теоријата која ги поврзува темпераментните особини со крвната група на една личност. А која е вашата крвна група? Немојте да се изненадите ако вашата анализа во овој текст се покаже како многу точна. Патем, во Јапонија, крвната група сè уште се зема предвид при вработување. 0 крвна група Жените од оваа крвна група се прилично себични. Тие се многу љубоморни и страсни во односите со мажите. Доминантни и силни личности. Овие претставнички на понежниот пол се трудат во се да ги контролираат своите партнерки, па тешко ќе му биде на мажот кој ќе се обиде да ја изневери. Овие жени брзо стануваат рамнодушни кон смирените и слаби партнери. Треба да се напомене дека меѓу успешните, деловни жени и познати личности доминираат жените со оваа крвна група. Од своите мажи очекуваат среќа, задоволство и нежност. Како сопруги, тие владеат од позадина и често земаат активно учество во градењето на кариерата на својот сопруг. Како мајки, тие се пријателски настроени кон своите деца, а сопствените амбиции ги остваруваат преку своите сопрузи и деца. A крвна група Оваа крвна група ги карактеризира жените кои се карактеризираат со трпение и смиреност. Многу често тие се сметаат за несебични, друштвени и многу дисциплинирани. Пред се, овие жени ја ценат уредноста и удобноста. Тие секогаш се стремат кон решавање на проблемите без конфликт. Но, во сето ова, носителите на оваа крвна група се многу тврдоглави, а понекогаш и раздразливи. Тие често се гледаат себеси како подредени. Тие се многу срамежливи во љубовните врски. Го почитуваат партнерот и неговите квалитети. Сепак, поради нивната емотивна и чувствителна природа, тие ќе ги откријат своите чувства дури кога ќе бидат целосно сигурни дека нема да бидат измамени и повредени. Како сопруги тие се идеални. Жената со крвна група А е мајка која ги чува и издржува своите деца, но и бара многу од нив. Б крвна група Овие жени се карактеризираат со флексибилност на карактерот: многу добро ја поднесуваат осаменоста, но во голем тим се чувствуваат како риба во вода. За разлика од првите две крвни групи, тие не сакаат да бидат лидери или да бидат подредени. Но, тие многу добро знаат како да имаат корист од различни ситуации, а притоа да ја задржат својата независност. Таквите жени добро се согласуваат во општеството. Сакаат да флертуваат. Не треба да се чуди фактот што имаат многу пријатели од спротивниот пол. Во љубовта очекуваат нежност и задоволства, среќа и верност, како и постојано внимание од партнерите. Во врските делуваат малку напорни и недопирливи, па затоа потешко се одлучуваат за брак. Инаку, кога ќе стапат во брак и ќе станат мајки, тие се многу лојални и посветени. Крвна група АБ Претставниците на оваа крвна група се многу чувствителни и избалансирани. Тие се многу тактични, учтиви и искрени. Во исто време, на овие дами им е многу тешко да донесат какви било одлуки: буквално се растргнати од сомнежи и внатрешни конфликти. Таквите жени често се сакани. Во љубовните врски се многу искрени. Обожаваат мажи со авантуристички дух, но во љубовта уживаат само додека им дозволуваат да останат мистични. Како мајки, тие се многу попустливи со децата, нежни се и не бараат. Успешно наоѓаат мерка колку можат да бидат пријатели со своите деца, пишува Успешнажена.

Луѓето со оваа крвна група, имаат поголем ризик од инфаркт

Ристе Здравков — Sun, 27 Mar 2022 12:34:10 +0000

Здравјето на срцето е една од работите што мора да ја одржувате бидејќи болестите на срцето се причина број еден за смртност во светот. Според резултатите од едно истражување, крвна група игра голема улога во тоа. Истражувањето спроведено на 400.000 луѓе открило дека луѓето со крвна група А или Б заедно имаат 8 отсто поголеми шанси да доживеат срцев удар отколку луѓето со крвна група нулта. Слична студија покажала дека луѓето кои немаат крвна група нулта имаат 9 отсто поголеми шанси за појава на болести на кардиоваскуларниот систем или инфаркт. Резултатите од студијата објавена минатата година покажуваат дека луѓето со крвна група Б имаат поголем ризик од луѓето со крвна група А и нулта. Според резултатите, луѓето со крвна група Б имаат 15 отсто поголеми шанси за срцев удар отколку луѓето со крвна група нулта. Кога зборуваме за срцев удар, луѓето кои имаат крвна група А, сепак, се најзагрозената група со дополнителни 11 отсто шанси да доживеат инфаркт. Според кардиолозите, срцевата слабост и срцевиот удар се форми на срцеви заболувања, но застојот на срцето се развива постепено, додека инфарктот настапува веднаш. Инфарктот е исто така последица на срцевиот застој. Според пишувањата на Европското здружение за кардиологија, постои поголема можност за развој на вакви состојби кај сите крвни групи, освен кај крвната група нулта, и тоа е затоа што тие се поподложни на развој на крвни згрутчувања. Научниците открија дека проблемот може да биде во тоа што крвните групи носат протеини кои се поврзани со формирање на тромб во крвта. Ова го потврди уште една студија годинава, која докажува дека луѓето со крвни групи А и Б имаат 44 отсто поголеми шанси да доживеат тромбоза.