крвна слика – Kurir.mk

Подгответе напиток кој ќе ви ја подобри крвната слика

Ивана Ефремовски — Wed, 25 May 2022 16:02:25 +0000

Направете напиток кој ќе ви ја поправи крвната слика. Донесува фантастични резултати, а многу е вкусен и може да го конзумирате како десерт. Ова ви е потребно: 200 мл мед 200 грама ореви 200 грама суво грозје 200 мл сок од моркови 200 мл сок од цвекло 2 лимона Подготовка Исечете и исчистете ги двата лимона, а потоа сомелете ги со или без кора. Во тоа додајте го медот, цеденото цвекло и сокот од моркови, па измешајте. На крајот во смесата додајте ги меланите ореви и сувото грозје. Ќе добиете смеса богата со витамини која може да ја чувате во тегла. Конзумирајте секојдневно по една чаша и ќе добиете супер резултати.

Буквално ја „храни“ крвта: Нема добра крвна слика без овие три витамини, а еве во кои намирници ги има најмногу

Магдалена Андонова — Mon, 16 May 2022 14:42:58 +0000

Крвта е неопходна за телото бидејќи носи кислород и хранливи материи до органите во телото, па затоа е неопходно да се јаде за да се обезбедат сите хранливи материи потребни за крвта. Постојат пет суштински и многу важни функции на крвта. - Пренесува кислород и хранливи материи до органите, витамини и минерали за поддршка на нивната работа. - Го контролира крварењето, бидејќи содржи тромбоцити кои овозможуваат згрутчување на крвта, доколку дојде до крварење. - Се бори со инфекции. Нашиот имунитет ја користи нашата крв за да ги пренесе имунолошките клетки и антителата до местото на инфекција. Подобрувањето на здравјето на крвта ќе ја зголеми способноста на телото да се бори против инфекциите и брзо да го исчисти телото. - Чисто тело. Крвта помага да се пренесат отпадните производи од нашите органи до бубрезите и црниот дроб. Крвта се филтрира во црниот дроб, што овозможува токсичниот отпад да се елиминира од телото што е можно поскоро. - Ја регулира телесната температура, бидејќи ја апсорбира и дистрибуира топлината низ нашето тело. Неколку витамини се потребни за крвта да биде здрава, но железото, витаминот Б12 и фолната киселина се клучни. Железо Постојат два извора на железо, растителен и животински. Растителни извори на железо се збогатени житарки, грав, леќа, тофу, спанаќ, сушено овошје, сок од сливи и ореви. Кога станува збор за храна од животинско потекло, ги вклучуваме пилешкото, црвеното месо и рибата. Фолна киселина Храната богата со фолна киселина вклучува темно зелен лиснат зеленчук, грав, грашок, јаткасти плодови, а овошјето вклучува јагоди, лимони, портокали, банани и дињи. Витамин Б12 Недостатокот на овој витамин може да предизвика анемија. Најмногу го има во храната од животинско потекло, млекото, пилешкото, мисиркиното, рибата и повеќето млечни производи.

Важна вест за луѓето кои се слабокрвни, ова жените најмногу треба да го знаат

Ивана Ефремовски — Wed, 10 Nov 2021 13:10:33 +0000

Анемијата е предизвикана поради недостиг на железо во крвта, витамин Б12 и фолна киселина. Болеста се јавува доста често, а најчесто ги напаѓа жените на возраст од 15 до 50 години. Најчесто до слабокрвност доаѓа поради недостиг на железо. Железото е неопходно за изградба на хемоглобин, а поради недостиг на железо доаѓа до ослабување на апсорпцијата на други минерали и елементи во крвта, што може да доведе до поголема чувствителност на инфекции. Слабокрвноста или анемијата може да се лекува со препарати кои се збогатени со железо. Лекувањето на анемијата трае подолг период, дури и до шест месеци, а важно е да се напомене дека оваа болест не се лечи со витамински препарати со додаток на железо бидејќи тие не содржат доволна количина железо за лекување на болести. Исто така, за време на лекувањето на анемијата, важно е да не се внесуваат преголеми количини железо во организмот. Важна улога во лекување на слабокрвноста има исхраната, при што важно е да се внесува храна богата со железо, како грав, леќа, говедско месо, јајца, морски плодови, суви смокви, какао… Употребата на намирници со доста витамин Ц ја поттикнува апсорпцијата на железо, така што добро е со оброкот да се испие чаша цеден портокал, или да се дополнува исхраната со витамин Ц (до два грама дневно). Веќе споменавме дека најзагрозени се жените на возраст од 15 до 50 години, односно во време на репродуктивниот период. На жените на таа возраст им е потребно 15 мг железо, на доилките 20 мг, а на трудниците дури 25 мг. За време на циклусот жената може да изгуби и до 13,5 мг железо на ден, а некои студии покажуваат дека секоја петта жена поради силни месечни циклуси има анемија. Потребите за железо се зголемуваат и во текот на растот и развојот, и во адолесценцијата. Железото се апсорбира во дванаесетпалачното црево и во почетниот дел на тенкото црево, па во посебна ризична група спаѓаат лицата кои имаат проблеми, или болест на желудникот и цревата.