ксенија николова – Kurir.mk

ПИСАТЕЛКАТА КСЕНИЈА НИКОЛОВА СКРШЕНА ОД БОЛКА – се соочи со уште една неуспешна бременост, јавно проговори низ што поминала… (ВИДЕО)

Дарко Андоновски — Fri, 24 Feb 2023 10:15:42 +0000

Писателката Ксенија Николова објави дека имала биохемиска бременост, односно дека била бремена и за неколку дека се променила состојбата. „Пред десетина дена имав биохемиска бременост, односно бев бремена и за неколку дена се загуби тоа што се нарекуваше бременост. Иако многумина ќе речат дека тоа не било ни бременост, сепак за мене беше важно, посебно кога го добив резултатот со повисоко ниво на ХЦГ. Повисоко и доволно за бременост, се надевавме дека ќе порасне, но за жал се загуби бременоста“, вели Николова. Таа додадва дека во ваква ситуација нема да се јави докторот со стратегија како да го постигнеш тоа што го сакаш и нема кој да дојде и да ти даде надеж и сила. „Во изминатите 10 дена сфатив дека ние жените сме најсилни суштества на планетата Земја. Не сме свесни колку сме силни и колку моќ има во нас за да ги надминеме најтешките ситуации“, искрено раскажува Ксенија.

View this post on Instagram

A post shared by 𝓚𝓼𝓮𝓷𝓲𝓳𝓪 𝓝𝓲𝓴𝓸𝓵𝓸𝓿𝓪 (@ksenijanikolova)

Нежна невеста: Ксенија Николова се омажи во краток и необичен невестински фустан (ФОТО)

Магдалена Андонова — Mon, 07 Sep 2020 18:05:23 +0000

Писателката Ксенија Николова која пред некоклу дена во матично склучи граѓански брак, денеска со избраникот се венчаше и во црква. На интимна церемонија со најблиските, таа стапи и во брак пред Бога со Ненад Николовски. За посебниот ден, Ксенија изгледаше нежно и преубаво во необичен краток фустан кој не наликува на оние класичните невестински. Нека им е со среќа!

Ксенија Николова: Замина талент кој скришно се бореше со внатрешни демони

Предраг Кукиќ — Sun, 07 Apr 2019 21:10:31 +0000

Писателката Ксенија Николова на својот фејсбук профил се прости од Билјана Беличанец. Почивај во мир, драга Туфи, прекрасна дамо Беличанец. Секој пат кога ќе чујам за смрт, јас се потресувам, дури и да не знам за кого станува збор, јас се потресувам. Таква сум. А, кога од светот ќе замине талент кој скришно се бори со внатрешни демони, срцето ми се распарчува. Се плашам, се плашам од тоа каде оди светот, а колку ние се’ уште молчиме. Демоните не’ грицкаат, нас ни е тешко да признаеме, затоа што ако признаеме, кој ли ќе не’ разбере низ што поминуваме?! Менталното здравје пријатели, тоа е тема за која треба да се зборува. Да имаме емпатија и да даваме помош, да не чекаме да ни ја побараат, стои во објавата.