Кшиштоф Пјатек – Kurir.mk

Астон Вила нуди 30 милиони за Пјатек

Ивона Петрова — Wed, 08 Jan 2020 09:03:47 +0000

Напаѓачот Милан, Кшиштоф Пјатек може да ја продолжи кариерата во Англија. Според официјалната веб-страница на италијанскиот новинар и добар познавач на фудбалот во Серија А, Џанлука ди Марцио, Астон Вила им понудила на „росо-нерите“ 30 милиони евра за 24-годишниот Полјак . Милан сè уште не дал одговор и неизвесно е дали ќе ја прифати понудата со оглед на тоа што минатата година тие за Пјатек на Џенова и платија 35 милиони. Мината сезона полскиот фудбалер постигна 30 голови на сите натпреварувања, а во првиот дел од оваа сезона само четири. Слабата форма, како и враќањето на Златан Ибрахимовиќ, може да го натера Милан да се раздели со Пјатек.

Пјатек: Ќе дадам се од себе за да го вратам Милан во ЛШ

Ристе Здравков — Thu, 24 Jan 2019 14:49:27 +0000

Новиот фудбалер на Милан, Кшиштоф Пјатек, денеска беше претставен на медиумите. Тој сподели дека трансферот е остварување на сонот за него, а неговата цел е да заигра со тимот во Лигата на шампионите. – Јас секогаш верувам во себе. Сакав да покажам нешто добро во Серија „А“ кога стигнав во Џенова. За мене е важно да постигнувам голови, бидејќи сум напаѓач. Задоволство ми е да бидам во Милано. Кога бев мал, бев обожавател на Милан. Сонував да играм овде. Се надевам дека ќе ги покажам моите вештини во секој натпревар. Ќе направам се од себе за да го вратам Милан назад во Лигата на шампионите. Се надевам дека со Кутроне ќе формираме добар тандем. Не очекував дека по 13 голови ќе го привлечам интересот на тимови како Милан, но тоа е убавината на фудбалот, рече Пјатек на промоцијата. На прес конференцијата присуствуваа и директорите на клубовите Леонардо, Паоло Малдини и Иван Газидис. – Тој го сакаше дресот со број 9, но ние сметаме дека тоа треба да се заслужи, па решивме да му го дадеме овој со бројот 19. Зборуваме за играч, кој постигна 13 гола во 19 натпревари. Тој ги има потребните карактеристики за да игра во Италија, рече Леонардо. Тој ја прокоментира и ситуацијата со Гонзало Игуаин, кој напушти во насока Челзи. – Ни требаат луѓе кои сакаат да учествуваат во нашиот проект. Ни требаат посветени луѓе, а оние кои не сакаат да останат со нас, се слободни да си заминат, додаде Бразилецот.

Пјатек во Милан

Предраг Кукиќ — Wed, 23 Jan 2019 08:20:31 +0000

Досегашниот фудбалер на Џенова, Кшиштоф Пјатек, кариерата ќе ја продолжи во Милан, објавија италијанските медиуми. Можете да објавите дека работата е завршена, им изјавил Паоло Скарони, претседателот на Милан на тамошните новинари. Трансферот се проценува на 35 милиони евра. Оваа сезона Пјатек настапи на 21 натпревар и постигна 19 голови.