кубанци – Kurir.mk

Четворица кубанци протерани од државава поради илегално преминување границата

Тале Кристо — Sun, 19 Sep 2021 10:27:55 +0000

На четворица Кубанци им се издадени решенија за протерување на странец и забрана за влез во државата поради илегално преминување на границата од Република Србија кон Република Македонија, информира Министерството за внатрешни работи. – Вчера во 19:10 часот од полициски службеници од Регионалниот центар за Гранични работи Југ-Кавадарци биле приведени К.Р.Д.(26), П.С.Ј.(43), Р.В.Б.(33) и малолетник, сите од Куба. Тие во патните исправи немале евидентирано влез во државата и изјавиле дека истиот ден илегално ја преминале границата од Република Србија кон Република Македонија. Нив им се издадени решенија за протерување на странец и забрана за влез во државата, наведуваат од МВР.

Двајца Кубанци уапсени на „Меџитлија“- сакале незаконски да ја преминат границата

Дарко Андоновски — Fri, 20 Dec 2019 09:45:03 +0000

На 19.12.2019 во 12.30 часот кај река Негочанка, во реонот на с.Меџитлија, битолско, биле лишени од слобода Е.Г.Ј.(29) и М.З.О.(36), двајцата од Куба, поради незаконско преминување на државната граница. Лицата се предадени на полициски службеници од Полициска станица Меџитлија за понатамошна постапка, информираат од МВР.

Тројца Кубанци уапсени на Меџитлија- сакале незаконски да ја преминат границата помеѓу Македонија и Грција

Дарко Андоновски — Thu, 19 Dec 2019 09:39:19 +0000

На 18.12.2019 во 10.30 часот кај место викано „Макминерал“, битолско, полициски службеници од Полициска станица Меџитлија ги лишиле од слобода Р.Л.Л.А.(25), П.М.А.(26) и А.Г.Х.И.(34), сите од Куба, поради незаконско преминување на државната граница помеѓу Р.С.Македонија и Р.Грција. Лицата се предадени на полициски службеници од Регионален центар за гранични работи „Југ“ за понатамошна постапка.

Уапсени двајца Кубанци во обид незаконски да ја преминат границата со Грција

Дарко Андоновски — Tue, 22 Oct 2019 09:12:41 +0000

Две лица од Куба се уапсени откако синоќа се обиделе незаконски да ја преминат границата помеѓу Грција и Македонија. Од МВР денеска информираа дека синоќа во 20.00 часот кај железничка станица „Кременица’’, биле лишени од слобода М.З.С(31) и О.Г.Р.П.(28), двајцата од Куба, кои се обиделе незаконски да ја преминат граничната линија помеѓу Грција и Северна Македонија. Лицата биле предадени на полициски службеници од СВР Битола за понатамошна постапка.

Околу седум милиони Кубанци го одобрија новиот Устав на земјата

Ивана Ефремовски — Tue, 26 Feb 2019 07:20:54 +0000

Речиси 87 проценти од избирачите го поддржаа новиот Устав на Куба на референдумот кој беше одржан во неделата. Светските агенции коментираат дека тоа е релативно низок процент за земја во која официјалните предлози вообичаено ги одобруваат повеќе од 90 отсто од избирачите. Директорите на кубанската Национална изборна комисија соопштија дека на референдумот гласале 7.848.343 граѓани, а 6.816.169 лица гласале за новиот устав. Уставот кој моментално е во сила, на референдумот во 1976 година доби поддршка од 97,7 отсто од избирачите. Предложените измени во новиот Устав го одразуваат постепеното отворање на Куба од падот на нејзиниот некогашен главен сојузник, Советскиот Сојуз, коментираат светските агенции. Во новиот Устав има одредби кои се однесуваат на пазарот и признавањето на приватна сопственост, странски инвестиции, мали фирми, роден идентитет, право на правен застапник во случај на апсење… Новиот Устав предвидува и реконструкција на власта, односно воведува функција премиер и го ограничува мандатот на претседателот. (МИА)

Кубанците почнуваат разговари за Нацрт-уставот со кој се признава приватната сопственост

Матеја Петровски — Mon, 13 Aug 2018 14:42:32 +0000

Кубанците денеска почнуваат да разговараат за новиот Нацрт-устав, во кој не се споменува комунистичката држава, се признава правото на приватна сопственост и отвора пат за можна легализација на браковите од ист пол. Јавната дебата за Нацрт-уставот е до 15-ти ноември. За таа цел организирани се 135.000 форуми, вклучително по населбите и работните места. Тие ќе ги презентираат заклучоците на 33 пратеници, кои ќе ја напишат финална верзија на Уставот, за што граѓаните ќе гласаат на референдум во февруари 2019 година. Новиот Устав, кој првпат беше одобрен од Парламентот, ќе го замени текстот од 1976 година. Во Нацрт-уставот не зборува за комунистичко општество, но се потврдува социјалистичката форма на политички систем и водечката улога на Кубанската комунистичка партија. Исто така се признава правото на приватна сопственост, улогата на пазарите и важноста на странските инвестиции. Новиот Устав ја воведува функцијата премиер и воведува ограничување за максимум два претседателски мандати. Исто така, создава можност да се легализираат браковите од ист пол. (Миа)