куче трагач – Kurir.mk

ФОТО: Царина доби уште едно куче трагач кое ќе открива наркотици, оружје и пари

Ивона Петрова — Wed, 26 Jul 2023 08:48:36 +0000

Сузбивањето на организираниот криминал и сивата економија е еден од клучните приоритети на Царинската управа. Во оваа борба царинските кучиња се од особена важност и успешно се користат при спречувањето на нелегален транспорт на наркотици, оружје и пари. Делегација на Царинска управа предводена од директорот Стефан Богоев и заменик директорот Муарем Асани присуствуваше на последниот дел од обуката на царинско куче донирано и обучувано од страна на Германското друштво за меѓународна соработка (ГИЗ). Кучето кое е од расата лабрадор (црвена лисица) успешно ја заврши специјализираната обука за откривање на пари, дрога и оружје. Со ова Цариснката управа располага со 5 кучиња трагачи кои на царинските службеници им го олеснуваат секојдневното работење, учествуваат во повеќе откривачки акции кои се со успешна реализација. Директорот Богоев присуствуваше и на практична вежба на Аеродромот Св. Апостол Павле во Охрид, каде беше демонстрирано откривање на недозволена трговија од страна на мобилните тимови со помош на царинските кучиња во реални услови. -Богоев изрази благодарност до Германското друштво за меѓународна соработка за досегашната поддршка и истакна дека Царинската управа е подготвена за понатамошно интензивирање на соработката во овој домен бидејќи благодарение на исклучителните способности на кучињата трагачи покрај што им се олеснува работата на цариниците, значително се подобруваат резултатите при спречувањето на шверцот и недозволената трговија, информираат од Царина.

Турција ѝ подари куче-трагач на Mексиканската армија

Ивана Ефремовски — Fri, 05 May 2023 09:43:37 +0000

Турција ѝ подари куче на мексиканската војска, откако нивното куче-трагач Протео угина за време на спасувачки потфат по земјотресот во евроазиската земја претходно годинава, пренесува Си-ен-ен. Мексиканската армија оваа недела стана побогата за еден член - тримесечен германски овчар. Тој ќе биде дел од специјалната единица за наоѓање и помош на преживеани лица по земјотрес и други природни катастрофи. Кучето беше пречекано завчера на посебна воена свеченост во Мексико Сити, на која на војската ѝ се придружија нови колеги - луѓе и кучиња. Војничкото куче се вика Аркадас, што на турски јазик значи „пријател“. Ќе го тренира истиот тренер кој се грижеше и за Протео, соопшти Армијата. „Благодарение на моите пријатели во Мексико кои ме примија со голема љубов, ветувам дека ќе дадам сѐ од себе да бидам одлично куче за потрага и спасување“, објави мексиканското Министерство за одбрана на Твитер во име на кучето. Мексико испрати спасувачки кучиња во Турција по разорниот земјотрес што ја погоди областа. Кучето-трагач Протео угина во февруари спасувајќи луѓе под урнатините. (МИА)

Со помош на куче трагач откриени се 70 килограми кокаин во контејнер со банани во Грција

Магдалена Андонова — Sat, 01 Aug 2020 11:07:08 +0000

Царинските службеници од Независната управа за јавни приходи на Грција, со помош на рендген и куче трагач во контејнер со банани откриле и заплениле 70,5 килограми кокаин, јави дописничката на МИА од Атина. Контејнерот што пристигнал од Јужна Америка, а бил наменет за земја од Западен Балкан, пријавил дека пренесува банани, но било одлучено рендгенски да се провери. Откако системот открил сомнителен материјал, бил извршен и физички преглед со помош на кучето трагач Аксел и биле пронајдени 60 пакети кокаин, со вкупна тежина од 70,5 килограми. Дрогата била внимателно скриени во контејнерот, во машините за ладење. (МИА)