кучиња скитнци – Kurir.mk

Уште два нови случаи: Скопјани каснати од кучиња скитници

Катерина Бојаџиева — Fri, 10 May 2019 08:54:04 +0000

Уште два нови случаи на каснување од кучиња скитници се пријавени во текот на вчерашниот ден. Во 20,15 часот во Полициската станица Центар Н.С. (25) од Скопје пријавил дека истиот ден околу 11,00 часот додека возел велосипед, на плоштад Македонија бил каснат од куче скитник во пределот на десната нога. Во 13,15 часот во Полициската станица Аеродром П.К. (73) од Скопје пријавил дека на 08.05.2019 година околу 17,50 часот на булеварот “Јане Сандански“ бил каснат од куче скитник во пределот на левата потколеница.

Момче од Драчево искасано од кучиња скитници

Катерина Бојаџиева — Sun, 14 Apr 2019 11:15:50 +0000

Д.Т (26) од Драчево ноќеска околу 1 часот по полноќ пријавил дека вчера во 22.15 часот движејќи се по ул. „Иван Хаџиниколов“ пред Паркот на бранителите бил каснат од две кучиња скитници.

Двајца скопјани испокасани од кучиња скитници

Катерина Бојаџиева — Fri, 08 Mar 2019 15:07:23 +0000

Уште два нови случаи на каснување од кучиња скитници се пријавени во текот на вчерашниот ден. Во 12.55 часот, во Полициската станица Центар, М.П. (40) од Скопје пријавила дека на 06.03.2019 околу 17.30 часот на улица „Кирил и Методиј“ била касната од куче скитник во пределот на левата нога. Во 12.00 часот пак, во Полициската станица Драчево, Д.Н. (72) од Скопје пријавил дека на 06.03.2019 година околу 23.00 часот на улица „Иван Хаџиниколов“ бил каснат од куче скитник во пределот на левата нога.

Внимавајте да не ве касне куче- во болниците е потрошен серумот против беснило!

Катерина Бојаџиева — Wed, 14 Nov 2018 16:41:57 +0000

Скопјани искасани од кучиња, кои минатата недела и викендов побарале медицинска помош на скопските клиники, велат дека не можеле да добијат серум против беснило бидејќи го нема на Клиниката за инфективни болести. Од таму ги препратиле во Градската општа болница „8 Септември“, но и таму немало, по што се обиделе да купат и во аптека, но добиле одговор дека воопшто нема серум во целата земја, пренесува порталот „СДК“. Скопјанец кој викендов бил искасан од кучиња додека се шетал по кејот на Вардар во центарот на градот, вели дека откако раната му била санирана во Ургентниот центар на скопските клиники, го препратиле на Клиниката за инфективни болести за да прими антитетанус вакцина и серум против беснило. „На Инфективна ми кажаа да се јавам во ‘8 Септември’. Ме советуваа во рок од два дена да примам антитетанус вакцина и серум против беснило, ми дадоа извештај и ме препратија во ‘8 Септември’, каде исто нема серум. Персоналот е љубезен, но нема со што да нè лекува. Се обидов во неколку аптеки, од каде ми кажаа дека серум против беснило нема никаде во земјава“, вели скопјанецот. На Клиниката за инфективни болести во Скопје велат дека минатиот месец биле прегледани и третирани 95 пациенти каснати од кучиња и дека во овој период ги потрошиле резервите од вакцини и серум. „Во овој период на Клиниката беа потрошени резервите за вакцино и серопрофилакса за тетанус (ампули теталпан , ампули тетабулин), а нивната набавка како и за сите лекови оди со тендерска постапка. Во овој период не сме во можност да распишеме тендер за набавка на истите, и се обративме до Министерството за здравство каде од државните резерви ќе биде надополнет овој дефицит, со што пациентите ќе може по индикација да ја примаат наведената терапија“, велат од Клиниката за инфективни болести. Од инфективното одделение на Градската општа болница „8 Септември“ велат дека антитетанус вакцина имаат, но дека последните две недели ги потрошиле сите резерви на серум против беснило. „Нема ниту кај нас, ниту на Инфективна клиника. Како што ми кажуваат колегите, има мали количини во болниците во Куманово, Тетово и Гостивар. Секојдневно имаме од еден до тројца пациенти каснати од куче, а од јануари до крајот на октомври сме третирале 317 пациенти каснати од куче, а 210 третирани се и со серумска профилакса“, вели д-р Пецо Илиевски, началник на инфективно одделение во „8 Септември“.

Град Скопје има добиено 144 тужби од граѓани кои биле каснати од куче

Катерина Бојаџиева — Thu, 08 Nov 2018 14:38:54 +0000

144 тужби има во моментов добиено Град Скопје од граѓани кои биле каснати од куче на улица односно на јавна површина, пишува СДК. „Согласно евиденцијата на Град Скопје од 2016 година до сега, моментално се активни 144 судски предмети со основ надомест на штета настаната како резултат на каснување од куче, од кои 97 предмети се во прв степен пред Основниот суд Скопје 2 Скопје, а 47 предмети се во жалбена постапка пред Апелациониот суд Скопје. Повеќето тужби завршуваат во полза на граѓаните“, велат од Град Скопје. Според податоците од Град Скопје во просек годишно сто граѓани поднесуваат тужба бидејќи биле нападнати, каснати и повреди од улични кучиња. Речиси сите тужби завршуваат со полза на граѓаните, а обесштетувањето кое потоа им го плаќа Градот се движи од 1.000 до 2.000 евра. Со тоа од буџетот на Град Скопје годишно околу 100.000 евра се даваат за обесштетување на граѓани од каснато куче. Секојдневно граѓани се жалат дека се каснати од улични кучиња, а пред еден месец и вработен во Светска банка на кејот на Вардар беше каснат и повреден. Плоштадот Македонија и улица Македонија кои се најчести рути на туристите, се преполни со улични кучиња, но Шилегов вели дека според постојната програма кучињата мора да се вратат онаму од каде што се земени и друго решение нема. Според постојната програма „Улови, стерилизирај, врати“, кучињата се задржуваат во Вардариште 30 дена, а потоа се враќаат на улица од местото од каде што се земени. Минатиот викенд граѓани од активисти за заштита на животните маршираа и протестираа барајќи хуман третман за уличните кучиња.

Кучињата скитници повторно напаѓаат низ Скопје – повредени три лица

Дарко Андоновски — Fri, 29 Jun 2018 10:56:26 +0000

Кучињата скитници повторно напаѓаат низ Скопје, нападнати три лица. - На 29.06.2018 година Л.К.(75) пријавил дека на 27.06.2018 година околу 19,00 часот движејќи се по улица "Бранко Заревски" во Скопје бил нападнат од куче скитник кое го каснало во пределот на левата надколеницата. На 28.06.2018 година Н.Т.(38) од Скопје пријавил дека на 27.06.2018 година околу 22.00 часот во Комплекс клиники "Мајка Тереза", бил нападнат од глутница кучиња при што се здобил со повреда на десната нога. На 28.06.2018 година Н.Ј.(51) пријавил дека на 27.06.2018 година околу 08.10 часот на раскрсница од улица "Живко Фирфов" со улица “Антон Димитров“ бил нападнат од куче скитник кое го каснало во предлот на десната подколеница.

Општина Кичево ќе се справува со кучињата скитници

Матеја Петровски — Tue, 29 May 2018 08:09:13 +0000

Во Кичево утре ќе стапи во сила договорот помеѓу општината и ветеринарната станица „Ино Вет" која ќе има обврска да се справи со кучињата скитници на територијата на општина Кичево. На ваков начин, како што соопштуват од општината, ќе се обидат да се справат со проблемот со кучињата скитници. Од општина Кичево бараат граѓаните кучињата кои имат сопственик да бидат соодветно обележени за да можат да бидат препознаени, со цел да не се дојде до ситуација и тие да бидат третирани од службата на ветеринарната станица. (Миа)