кучково – Kurir.mk

Стојкоски: Ставен во функција системот за водоснабдување во Кучково, решен децениски проблем

Ивона Петрова — Fri, 09 Dec 2022 11:29:34 +0000

Градоначалникот на Општина Ѓорче Петров, Александар Стојкоски објави дека ветувањата се реализираат и дека решиле децениски проблем. -Селото Кучково конечно добива водоснабдување согласно потребите на жителите. Ставен е во функција системот за водоснабдување. На денот кога го славиме Свети Георгиј Победоносец, заштитник на манастирот во селото, селото добива вода. За многу години! Кучково конечно добива услови според стандарди. Годинава завршени се големи инфраструктурни чекори во ова населено место, напиша на Фејсбук, Стојкоски. Инаку, Кучково доби мапирани велосипедска и пешачка патека, нова урбана опрема, а партерно беше уреден локалитетот Крст. Стојкоски најави дека продолжуваат во насока на реализација квалитетни проекти кои ќе го подобрат животот на жителите на Ѓорче Петров.

Тело во распаѓање пронајдено во куќа во Кучково

Ивона Петрова — Sat, 26 Nov 2022 16:00:58 +0000

Во куќа во село Кучково вчера околу 14 часот бил пронајден починат Т.Р.(60) од с. Кучково. -Од лекар од итна медицинска помош е констатирна смрт без траги на насилство, а телото било во фаза на распаѓање. Увид на местото на настанот извршила екипа од СВР Скопје, информира МВР. По наредба на Јавен обвинител телото е предадено на обдукција.

ФОТО: Завршено партерното уредување на „Крстот“ во Кучково

Магдалена Андонова — Fri, 28 Oct 2022 12:10:45 +0000

Општина Ѓорче Петров информира дека партерното уредување на локалитетот „Крст“ во Кучково е завршено. - Новата урбана опрема е веќе подготвена за користење, а изградена е и еко-училиница наменета за настава во природа. Денеска беше извршен технички прием. Поставени се светилки и урбана опрема, односно партерно се уредени јавен простор на површина од 5.456 m² - амфитеатар што зафаќа вкупна површина од 322м2, две платформи - вкупната површина што ја покрива платформата 1 е 374 м2, а платформата 2 е 263 м2. Поставени се и 2 женски, 2 машки и 1 тоалет за лица со посебни потреби, хортикултурно уредување кое ќе се простира на површина од вкупно 1.750,00 m2, урбана опрема, пешачки патеки (и адаптација на постоечка) - вкупна површина покриена со сите три пешачки патеки = 2.717m2 и осветлување со ЛЕД светилки. Вкупен буџет за проектот е 4.375.761,00 денари, од кои 4.247.773.35 денари се грант средства од Светска банка и ко-финансирање од буџет на општина Ѓорче Петров во износ од 127.987,65 денари, посочуваат од општината. Населеното место Кучково во изминатата година преку реализација на повеќе проекти доби целосно нов современ и урбан лик и стана атракција за скопјани. - Општина Ѓорче Петров успеа да санира и реши децениски проблеми, меѓу кој и водоснабдувањето. Обезбедивме двојно повеќе вода од потребите на селото, се додава во соопштението.

Општина Ѓорче Петров стартува со реализација на проектот „Мапирање на рекреативна велосипедска и пешачка патека со поставување на вертикална сигнализација во с.Кучково“

Магдалена Андонова — Mon, 30 May 2022 09:50:04 +0000

Општина Ѓорче Петров во соработка со Центарот за Скопски плански регион стартува со реализација на проектот "Мапирање на рекреативна велосипедска и пешачка патека со поставување на вертикална сигнализација во с.Кучково“. Вкупната должина на велосипедската патеката е 4.500 метри и 2 м ширина. Должината на пешачката патека е 8.410 метри и 1,5 метар ширина. Почетокот на реализација на проектот го означи градоначалникот на општина Ѓорче Петров, Александар Стојкоски кој рече дека на овој начин се насочуваме кон планинскиот туризам и убавините што ги нуди руралниот дел во нашата општина. -Создадаваме ново прибежиште за љубителите на природата на само 16 км. оддалеченост од центарот на Скопје. Ќе им понудиме на посетителите нов простор за спорт и рекреација, урбано оплеменување на постоечкиот и неоплеменет дел во Кучково. Со проектот предвидено е и расчистување на трасата, поставување видиковци и инфоративни табли, корпи за отпад, клупи и културни знаменитости, изјави Стојкоски. Кучково, додаде градоначалникот, ќе биде на мапата на атрактивни туристички дестинации во Македонија, онака како што ветивме пред граѓаните. Вредност на проектот e околу 4.700.000 милиони денари од кои 10% кофинансира општината. Останатите средства ги обезбедува Центарот за Скопски плански регион.

Арсовска на традиционалното одбележување на празникот Св.Трифун во село Кучково

Тале Кристо — Mon, 14 Feb 2022 14:57:36 +0000

По повод христијанскиот празник Свети Труфун, градоначалничката на Град Скопје, Данела Арсовска, заедно со градоначалникот на општина Ѓорче Петров, Александар Стојкоски, денеска присуствуваа на традиционалното закројување на лозови насади во скопско Кучково, општина Ѓорче Петров, ниформираат од Град Скопје. Традиционално, овој христијански празник се чествува во скопското село Кучково, во манастриот кој е посветен на големиот маченик и исцелител Свети Трифун. Градоначалничката Арсовска го честита празникот кој секоја година се одбележува во чест на Св.Трифун, заштитникот на лозарите, посакувајќи бериќетна година за сите. -На одбележувањето на христијанскиот празник Св.Трифун истакнувам желба за добро здравје и богат род на лозјата - кажа градоначалничката на Град Скопје, Данела Арсовска. Свети Трифун е празник на лозарите, за плодност на лозјето, но како и секој празник, е празник за здравје во семејството.

Ќе се уредува Кучково со амфитеатар и пешачки патеки, Ѓорче Петров добива и ново комунално возило – Стојкоски и Бесими го потпишаа договорот

Магдалена Андонова — Fri, 24 Dec 2021 12:10:16 +0000

Локалитетот „Крст“ во Кучково добива амфитеатар, пешачки патеки, канделабри, хортикултурно уредување, а за Ѓорче Петров се набавува и комунално возило за зимско одржување на улици и патишта во општинските средини. Градоначалникот на Ѓорче Петров, Александар Стојкоски и министерот за финансии, Фатмир Бесими го потпишаа договорот за реализација на проектот. Целта со уредувањето на локалитетот во Кучково е да стане место кое ќе може да се користи за едукативни и културни настани, но и за туристички цели. - Со проектот ќе се уреди просторот од 5.456 квадратни, ќе има партерно уредување, ќе се изгради амфитеатар, платформи, ќе има монтажни тоалети, нови пешачки патеки и адаптација на постоечката, ќе се постават канделабри за осветлување, урбана опрема сосе велосипедски паркинзи. Сакаме локалитетот ‘Крст’ во Кучково да биде ново урбано катче, каде не само ѓорчепетровци, туку и скопјани ќе се собираат, спортуваат, едуцираат, рекреираат. Од ова придобивка ќе имаат и жителите, бидејќи го развиваме Ѓорче со уште повеќе можности, вели Стојкоски за проектот во Кучково. Набавката на комуналното возило за зимско одржување на улиците и патиштата во руралните средини во Ѓорче Петров исто така ќе значи многу за сите жители. - Станува збор за мултифункционално возило кое ќе може да се користи во текот на целата година за превоз на други материјали, зависно од потребите. Откако ќе го набавиме, ќе имаме и заштеди во делот на склучување договори за одржувања со компании по пат на тендери, посочи Стојкоски. Средствата за набавката на возилото и уредувањето на Кучково се дел од неповратен грант, финансиран од Светска банка.

„Капка вода бараме“: Жителите на Кучково на протест

Ивана Ефремовски — Sun, 08 Aug 2021 15:54:23 +0000

Жителите на Кучково денеска одново излегоа на протест поради тоа што три месеци немаат вода за пиење. Тие го блокираа патот кој води до селото и побараа од општината да го реши нивниот проблем. Велат дека ќе блокираат и протестираат додека не се реши горливото прашање кое се провлекува веќе три години. Проблемот е настанат затоа што општина Ѓорче Петров не ги испалаќа услугите кон фирмата задолжена да црпи вода во водоводот. Самостојниот водовод во селото Кучково чистата вода за пиење ја црпи од подземниот бунар кај манастирот „Свети Ѓорѓија“. „Три години е утре, утре, утре и никако да дојде тоа утре. И до тие што се закануваат на народот да не излегува, да знаете не се заканува на кучковци, дојдете и видете еден ден без капка вода како е. Не бркате од општина како да сме стока, од џеб ќе ни ја вадите водата, е па ајде сега да видиме“ се истакнува по повод денешниот протест и додаваат: „Кучково е темелот на Ѓорче, капка вода бараме! Градоначалник изгоревме за вода, како 19 век да е, кучковци молат за вода“!

„Живееме како во 19-ти век“: Жителите на Кучково утре на протест сред село

Ивана Ефремовски — Sat, 07 Aug 2021 10:07:32 +0000

Жителите на с. Кучково утре, во недела (08.08) со почеток во 11 часот ќе одржат протест – блокад. -Веднаш после нашите реакции во медиумите дојдоа лица од општината ветија дека до "утре" ќе се пушти вода и пак ништо. Протестот ќе биде на самото средсело кај чешмата спроти продавницата. Мораме на било каков начин да направиме напор за решавање на овој проблем, зошто во 21 век живееме како да сме 19 век, велат тие.

Андоновска: Гори во Кучково, а таму нема 4 месеци вода

Катерина Бојаџиева — Thu, 05 Aug 2021 14:33:36 +0000

АПЕЛ до неспособната апашка власт на локално и централно ниво, организирајте се помогнете му на народот!!!!, пишува Марија Андоновска од ВМРО-ДПМНЕ на Фејсбук. -4 месеци негрижа на власта за Кучковци! 4 месеци без вода! Денеска се случи она од кое стравувавме, гори Кучково! Граѓаните сами се справуваат! Пожарна нема! Вода нема! Пепел не направија неспособниве 🙁 #ЃорчеПетров

Жителите на Кучково молат за помош: Без капка вода сме, ако се прошири пожарот ќе изгориме!

Ивана Ефремовски — Thu, 05 Aug 2021 14:12:16 +0000

Пожар ги зафати скопските села Ракотинци и Кучково, потврдија за МИА од Центарот за за управување со кризи. За пожарите се известени припадниците на Територијалната противпожарна бригада на Град Скопје. Во моментов се преговара за исклучување на струјата со ЕВН со цел да не се предизвикаат дополнителни искри и ширење од пожарот. Од ЦУК велат дека пожарот од Ракотинци се движи кон Сопиште. На мејлот на МИА стигна и писмо потпишано од жители на селото Кучково, во кое наведуваат дека пожар го зафатил селото и упатуваат апел да се реши проблемот со водата. -Почитувани медиуми вие сте нашиот спас, ПОМАГАЈТЕ! Општината не се јавува на нашите повици. Без капка вода сме, ако се прошири пожарот ќе изгориме! Во селото живееме само постари луѓе ако зафати тешко ќе може да се спаси нешто, се наведува во писмото. (МИА)