кујна – Kurir.mk

Промоција на кинеската храна и кујна во Кавадарци

Тале Кристо — Thu, 20 Apr 2023 12:17:34 +0000

Кинеската храна и кујна денеска беа промовирани во Кавадарци. На дегустацијата се обрати амбасадорот на Народна Република Кина, Џанг Ѕуо. - Деликатесите од Кина и Северна Македонија имаат свои карактеристики, но ја објаснуваат суштината на културата на храната од различни перспективи. Преку само едно обично јадење, може да се вкуси цела една длабока историја и култура, рече амбасадорот. Тој потсети дека годинава се навршуваат 30 години од основањето на дипломатските односи меѓу Кина и Северна Македонија. Ѕуо рече дека соработката има широки перспективи, а земјоделските производи од тука се многу популарни меѓу кинеските туристи. - Кина е подготвена да соработува со Северна Македонија преку храната и културата, како мост за размена на можности за попросперитетна иднина, за зајакнување на комуникацијата меѓу двете култури, како и промовирање на соработката на локално ниво, за обостран бенефит на двата народа, нагласи амбасадорот. Кавадаречкиот градоначалник, Митко Јанчев рече дека од 12 октомври 1993 година до денес, односите на двете земји се развиваат во духот на пријателството, меѓусебно развивање и заемно почитување на суверенитетот, територијалниот интегритет и рамноправност на двете земји. - Остваруваме соработка и во областа на економијата, образованието, културата, земјоделството и техничката помош. Во иднина верувам дека нашите две земји можат да ја искористат оваа годишнина на поволност и продлабочување на пријателството и секако да создадат подобра иднина за билатералните односи. Во склоп на ова одбележување Амбасадата денес, секако со поддршка на Општина Кавадарци, организира Кинески ручек, со цел промовирање на кинеската култура и кујна, преку заедничко дружење и разменување на меѓусебно мислење помеѓу двете култури, нагласи Јанчев. Тој изрази надеж дека и во иднина ќе се негуваат добрите односи помеѓу двата народа.

Помошници во кујната: Едноставни додатоци кои секое јадење ќе го направат неодоливо

Ристе Здравков — Thu, 23 Feb 2023 10:59:28 +0000

Уметноста на готвењето е како магија – мешаме состојки во различни пропорции и добиваме повеќе или помалку вкусен „резултат“. Но, она што е најинтересно е дека некои вообичаени зачини можат да се користат на сосема поинаков начин, што резултира со јадење со извонреден вкус. Ова се дел од тајните состојки благодарение на кои во себе ќе ги откриете новите Џејми Оливер или Масимо Ботура… Сок од лимон Немаме навика да користиме сок од лимон премногу често кога готвиме. Можеме малку да го исцедиме врз печена риба, на пример, но тоа е тоа. Сепак, лимонот може да биде исто толку важен како солта, а сокот од лимон ја прави храната помалку мрсна и тешка. Многу луѓе стандардно го додаваат во јадењата, а иако би помислиле дека лимонот ќе одземе од вкусот, тоа не е точно, бидејќи киселината само ќе ги истакне вкусовите на останатите состојки. Некои се колнат дека го користат при подготовка на пире од компири, додека други велат дека можете да спасите и презачинета храна со цедење на сок од лимон. Масло од сусам Маслото од сусам е богато со хранливи материи. Но, пред сè, тоа е познат по својот необичен вкус кој успешно ќе додаде ноти на азиски вкус на секое јадење благодарение на силниот мирис и вкус. Маслото од сусам е исто така супер вкусен додаток на маринадите, а со него успешно ќе ја заживеете секоја салата. Цимет Можеби се прашувате што е тајната. Секој знае дека циметот е апсолутно неопходен во печењето и речиси ниту еден десерт или колач не е комплетен без него. Сепак, циметот може да се додаде не само во слатките јадења, туку е и одличен додаток на разни меса и живина. Додадете цимет на мелено или кое било црвено месо. Не многу, само малку и уживајте во новиот, подобрен вкус. Кафеав шеќер Како и циметот, оваа состојка не мора да се користи само во пецива и слатки јадења. Го додава вистинскиот допир на сладост на сосовите, маринадите, па дури и сланината. Може да се користи за печење месо и гарантира убава кора откако ќе го извадите од рерна. Исто така, малку кафеав шеќер во солено јадење ќе ги излуди вашите гости на вечерата, додека вие само се смеете и не сакате да ја откриете тајната на добриот вкус… Димена пиперка Овој зачин е „братучед“ на слатката пиперка, но има вкусен чаден вкус. Можете да го додадете буквално на сè: месо, компири, чорба, дури и изматени јајца – ако ви се допаѓа вкусот на чад, се разбира. Сепак, лесно е да додадете премногу, па ако не сте го користеле досега, почнете со неколку прстофати. Исто така, ако барате сос за плескавица, измешајте чадена пиперка со мајонез и нема да погрешите…

За првпат погледнете како изгледа огромната кујна во вилата на Цеца – пејачката се погрижила за секој детаљ, Анастасија во неа се учеше да прави палачинки (ВИДЕО)

Дарко Андоновски — Fri, 03 Feb 2023 08:39:13 +0000

Во новата епизода од серијата „Цеца Шоу“ ќе имаме прилика да ја видиме како изгледа Анастасија Ражнатовиќ додека подготвува палачинки со својата братучетка и нејзиниот најдобар пријател. Имено Ражнатовиќ призна пред камерите дека сака да научи да прави палачинки, со оглед на тоа дека нејзиното момче Немања Гудељ ги обожува. -Никогаш не со била заинтересирана за во кујната, не ме привлекувало, додека мојата братучетка Хелена од секогаш тоа и било интересно, раскажува Анастасија. Додека Анастасија имаше прилика да научи да прави палачинки, сите имаа можност да видат како изгледа кујната во вилата на пејачката Цеца која набрзо потоа влета да проба од приготвеното, но запраша дали ќе се отруе од сето тоа.

Внимавајте со теглите за зачини: Најподложни се на налеппување бактерии и вируси во кујната

Катерина Бојаџиева — Thu, 26 Jan 2023 09:28:54 +0000

Теглите во коишто се чуваат зачини, се меѓу оние места во кујната кои имаат најмногу патогени бактерии и вируси, покажа неодамнешно истражување во САД. Имено, американското Министерство за земјоделство, т.е. Одделот за безбедност на храната нарача испитвање на распространетоста и степенот на вкрстена контаминација на различни површини во кујната при подготовка на оброците. Проценките говорат дека еден од пет случаи на болести предизвикани од храна се добива дома. Сепак, не е точно познато како патогените се пренесуваат во кујната. Научниците им наложиле на 371 испитаник да готват храна со мелено мисиркино месо коешто го содржи безопасниот вирус МС2. Потоа зеле примероци од површините во нивните кујни. Откриено е дека 48 отсто од теглите за зачини имаат микроорганизми од мисирката, што укажува на вкрстена контаминација со MС2, односно теглите со зачини имале најголема концентрација на вирусот во споредба со другите кујнски помагала. Советот гласи – редовно мијте ги садовите со зачини. Анализата на брисевите покажа дека во повеќето случаи бројот на примероци кои укажуваат на контаминација со МС2 изнесува околу 20 насто. Исклучок се садовите со зачини. Научниците веруваат дека теглите со зачини се поподложни кон налепување патогени, бидејќи луѓето едноставно не ги чистат доволно често, т.е. вниманието повеќе е насочено кон миење на работните површини, кујнскиот прибор и така натаму.

Како да измиете загорен сад? Тајната состојка ја имате во кујната!

Ристе Здравков — Tue, 24 Jan 2023 11:48:18 +0000

Избегнувајте го агресивното чистење и главоболките предизвикани од тврдоглавите дамки, Дури и највештите во кујната понекогаш откриваат дека храната може да им загори и како резултат на тоа добиваат уништен сад, тврдокорни дамки, кои се чини дека никогаш нема да се измијат. Тогаш повеќето луѓе прибегнуваат кон грубо триење со жица или со агресивни хемикалии, но како и секогаш, решението е таму каде што настанал проблемот – во вашата кујна. Иако содата бикарбоната е повеќенаменски производ кој многу се користи не само во исхраната, туку и во домаќинството кога станува збор за чистење, уште една работа што повеќето луѓе секогаш ја имаат во својот дом, ги отстранува тврдоглавите, изгорени траги од храна на садовите. Тоа е прашокот за пециво. Значи, сè што ви треба за целосно и без напор да го измиете загореното јадење е една кесичка од овој производ, кој најчесто се користи за подготовка на колачи. Истурете три прста вода во загорениот сад, додадете прашок за пециво и загреје до вриење. Изгорените делови треба да почнат сами да се одвојуваат, а можете да користите и стара четка за заби или посебна четка за миење садови. Ако не успеете првиот пат, повторете ја постапката, а потоа тенџерето или кој било друг сад измијте го по вообичаена процедура, со малку детергент и млака вода. Примената на овој трик ќе ви заштеди време, а изгорените садови повеќе нема да ви задаваат главоболки, и секогаш ќе бидат брилијантно чисти.

„Невидлива кујна“, нов тренд во уредувањето на домот

Ивона Петрова — Fri, 28 Oct 2022 06:33:45 +0000

Минималистичката естетика на кујната е популарна веќе некое време. „Невидливите“ кујни се нов тренд, кој има за цел да сокрие што повеќе кујнски елементи за да создаде елегантен простор. Многу луѓе повеќе не сакаат да ги полнат своите кујни со многу предмети, додатоци и апарати, туку наместо тоа, овој дел од домот го сведуваат на неговите основи. „Невидливи“ кујни се оние кои се скриени или камуфлирани со остатокот од внатрешноста. Таквата кујна е сè уште функционална и практична како и конвенционалната - но со клучен исклучок. Стилот е подискретен, па „невидливите“ кујни се совршени за мали простории или домови кои имаат футуристичка архитектура. Кои се карактеристиките на „невидливите“ кујни? Шкафчиња без рачки Механизмите за отворање на допир овозможуваат шкафовите да се слеат со позадината. Скриена остава Тајната за навистина успешна „невидлива“ кујна е во оставата, што е еден од најдобрите начини да се обезбеди голем простор за складирање кој нема да биде забележлив. Можете да му додадете луксузни детали, како што се интегрираното осветлување кое автоматски се вклучува кога ќе се отвори вратата или приклучоци за држење и користење на мали уреди. Скриена плотна Додека рерните и фрижидерите лесно се сокриваат, тоа не е случај со ринглите. Но, грејните плотни може да се постават рамно, „вдлабнати“ во работната површина. „Лизгачка“ работна површина Кујнските острови со лизгачки работни површини се исклучително практични за минималистички изглед на просторот. Островот може да ги содржи сите неопходни работи за готвење, со лизгачки дел кој се отвора и со кој се добива двојна површина која може да се користи како место за сервирање кога имате гости.

Кавадарец измамен за над 300 евра, му било ветено изработка на кујна

Тале Кристо — Tue, 27 Sep 2022 14:57:03 +0000

На 26.09.2022 во полициската станица во Кавадарци, 40-годишен кавадарчанец пријавил дека бил измамен од едно лице за сума од 19.000 денари. Според пријавеното лицето му се јавило и му порачало да му изработи кујна, а капар ќе му даде во текот на денот во Велес. Како што е пријавено, во меѓувреме лицето повторно му се јавило и го замолило пријавителот да однесе 19.000 денари на друго лице од Кавадарци на кое му должело пари, а дека ќе му ги врати при подигање на капарот во Велес. Исто така, според пријавеното, откако ги однел парите отишол во Велес и не успеал телефонски да го добие лицето, сфатил дека е измамен. ОВР Кавадарци презема мерки за расчистување на случајот.

Нашите баби секогаш ги имале ОВИЕ 3 работи во својата кујна, младите домаќинки треба да го следат тој пример

Ивана Ефремовски — Sun, 18 Sep 2022 20:21:22 +0000

Нашите баби се секогаш грижливи и воглавно попопустливи од родителите. Во кујните на бабите секогаш има храна со неверојатен вкус што никогаш не се заборава. Што и да подготват, нивната храна е секогаш послатка и повкусна. Бабите имаат посебно место во животот на секој човек. Дали се сеќавате на работите што вашата баба секогаш ги чувала во домот? Некои од нив повторно се враќаат во домовите и го носат она тешко носталгично чувство што ни ги буди спомените од детството. Ова се 3-те работи што бабите секогаш ги имаат во домот: Мушама Мушамата е нешто што речиси секоја баба го имала на масата од практични причини. Секако, дека бабите користеле и чаршафи за свечени ручеци и слави, но мушамите биле дел од секојдневниот живот во кујната. На нив сме јаделе секакви вкусни јадења, од кои најмногу сме ги обожавале слатките. Освен тоа, ако случајно сме истуриле нешто на масата, бабите воопшто не се лутеле. Само ја пребришувале масата со влажна крпа и сѐ било во најдобар ред. Денес, многу семејства сѐ уште купуваат мушами за маса поради малите деца, бидејќи тие се покажале како практично решение. Бабите имале право! Маст Доколку се сеќавате на пржените јајца со салата од домати и домашен леб што ви ги приготвувала баба ви, сигурно го помните тоа како еден од најслатките оброци во детството. Најзаслужна за тоа била свинската маст, производ што речиси секоја баба редовно го користела при готвењето. Многу доктори советуваат дека треба да се одбегнува овој прехранбен производ, но некои истражувања покажале дека животинската маст е всушност многу поздрава во споредба со растителната маст што може да се најде во речиси сите готови производи. Се смета дека свинската маст содржи дури 60% монозаситени масти и тоа најмногу олеинска киселина. Олеинската масна киселина ја подобрува функцијата на срцевиот мускул, го регулира нивото на холестерол во крвта и го намалува ризикот од срцев удар. Токму од таа причина, многу луѓе кои внимаваат на исхраната, задолжително внесуваат свинска маст. Но, секако дека не треба да претерувате! Мелник за кафе Во ова брзо и лудо време, сѐ помалку време поминуваме во кујната. Повеќето работи ги купуваме од продавница, а подготвувањето зимница сега е многу редок обичај. Кафето исто така го купуваме од продавница, но сите ги помниме мирисот на свежо испечено кафе, подготвено за да се сомеле. Нашите баби го правеле тоа во рачните мелници за кафе, вртејќи ја рачката додека не се сомеле и последното зрно. После овој долг процес, секоја голтка од ароматичното кафе имаше посебна вредност и неодолив вкус.

Истражување: Ова се петте највалкани места во кујната

Ивона Петрова — Sun, 03 Jul 2022 20:53:49 +0000

Според новото истражување спроведено во 100 кујни во Филаделфија, најголем дел од домовите ги прекршуваат здравствените правила. Земени биле и примероци од разни површини во кујната, а резултатите се објавени во списанијата Food Protection Trends и Journal of Food Protection. Податоците се застрашувачки, во најголем дел од домаќинставата имало глодари, а намирниците не биле чувани соодветно. Бактеријата Ешерихија коли била пронајдена во 15 проценти од домовите. Фрижидер Речиси во сите домови сопствениците неправилно го складирале свежото месо, вели истражувањето. Течностите од свежото месо дошле во контакт со друга храна во фрижидерот, а шест проценти од домовите ваквото месо го чувале на собна температура. -Ладењето го забавува или запира растот на бактерии, така што свежото црвено место, или рибата ако се чуваат на температура над 5 степени се овозможува брз развој на бактерии. Кујнски крпи и сунѓерчиња 64 проценти од сунѓерчињата за садови содржеле некоја бактерија. Обидете се често да ги менувате, а кујнските крпи да ги перете на повисока температура. Во и околу мијалникот Бактеријата Ешерихија коли обично е присутна околу мијалникот. Истражувачите откриле дека 82 проценти од мијалниците кои ги прегледале не го минале тестот на чистота. Даска за сечење Gotovo 80 posto dasaka za rezanje imalo je pukotine, gdje bi se bakterije potencijalno mogle množiti, otkrili su istraživači. Još gore, oko 50 posto domova nije imalo čak ni dasku za rezanje – što bi moglo značiti da ljudi pripremaju hranu na kuhinjskoj plohi. Место седат милениците 65 проценти од домовите имале инсекти и измат од глодари. За тоа би можеле да бидат виновни домашните миленици, велат истражувачите.

Во кујната им нема рамен: Тие се најдобрите готвачи меѓу хороскопските знаци

Ивана Ефремовски — Wed, 06 Apr 2022 10:38:38 +0000

Кулинарството е уметност што не ја знаат сите. Да умееш да готвиш добро, во смисла без да се придржувате до рецептите и грамaжата е високо ниво на мајсторство. Постојат три знаци од Зодијаците кои се познати како најдобри во кујната. Близнаци Тие се навистина огромни познавачи на гурманите. Освен што сакаат да јадат добра храна, исто така во нивните вени е и фактот таа да се подготви на посебен начин. Тие често експериментираат со непознати зачини, а од неколку обични производи создаваат извонредни јадења. Лав Тие се кралевите и на кујната, а не само на Зодијакот. Тие го готват месото исклучително добро, а создавањето неверојатни салати е ненадминато. Вие нема да згрешите ако се обложите дека кај Лавот - секогаш има нешто прекрасно да се јаде дома. Скорпија Тие готват чисто и прецизно, а нивните кулинарски ремек-дела се достојни за дегустација од страна на мастер газдите. Нема ништо што може да ги запре во кујната, тие се занимаваат со сè и што е најважно, тие се брзи. И кога ќе направат некое јадење, ќе се најдете во Рајот на храната.