Куќа на славни – Kurir.mk

Европски кошаркарски великани влегуваат во „Куќата на славните“

Бошко Тасиќ — Sat, 12 Aug 2023 17:47:32 +0000

На церемонијата која традиционално се одржува во Спрингфилд денеска официјално ќе бидат промовирани новите „жители“ во „Куќата на славните“. Три од нив ќе бидат европските кошаркарски легенди, Пао Гасол, Дирк Новицки и Тони Паркер. Шпанецот, Германецот и Французинот оставија голема трага во НБА лигата, освојувајќи седум трофеи со Лос Анџелес Лејкерс, Далас Маверикс и Сан Антонио Спарс. Најмногу од нив, четири, му припаѓаат на францускиот плејмејкер кој ја предводеше ерата на тимот од Тексас под водство на Грег Попович кој воедно и самиот ќе влезе во „Куќата на славните“. Покрај нив тука е и легендата на Мајами Хит, Двејн Вејд, како и менторката Беки Хемонд.

Легендите на Јунајтед и Арсенал влегоа во „Куќата на славните“ во Премиер лигата

Ивона Петрова — Wed, 23 Mar 2022 10:37:19 +0000

Поранешниот напаѓач на Манчестер јунајтед, Вејн Руни и поранешниот играч од средниот ред на Арсенал, Патрик Виера се примени во „Куќата на славните“ во Премиер лигата. Руни и Виера се првите примени во „Куќата на славните“ во 2022 година, објави официјалната веб-страница на Премиер лигата.

View this post on Instagram

A post shared by Premier League (@premierleague)

Пред овие двајца, членови на Куќата на славните во Премиер лигата станаа: Тиери Анри (Арсенал), Алан Ширер (Њукасл), Ерик Кантона (Манчестер јунајтед), Рој Кин (Манчестер јунајтед), Френк Лампард (Челзи), Денис Бергкамп (Арсенал), Стивен Џерард (Ливерпул), Дејвид Бекам (Манчестер јунајтед), Вејн Руни (Манчестер јунајтед) и Патрик Виера (Арсенал).

Ширер и Анри први фудбалери во Куќата на славни на Премиер лигата

Ивона Петрова — Mon, 26 Apr 2021 10:19:19 +0000

Поранешните англиски и француски фудбалски репрезентативци, Алан Ширер и Тјери Анри, станаа првите играчи примени во Куќата на славни на Премиер лигата од нејзиното формирање во 1992 година. Ширер, кој во својата кариера со голем успех го носеше дресот на Блекбурн и Њукасл, и натаму го држи рекордот на најдобар стрелец во Премиер лигата со 260 голови на 441 натпревари во 14 сезони. Со Блекбурн ја освои шампионската титула во сезоната 1994/5 под водство на Кени Далглиш., по што од 1996 до 2006 година играше за Њукасл. – Кога ќе ги погледнете имињата на сите играчи одликувани во Премиерлигата, влезот во Куќата на славни за мене претставува огромна чест. Сè што посакував во животот е да бидам професионален фудбалер. Мојот сон беше да освојувам трофеи, да постигнам гол на „Сент Џејмс парк“, да го облечам „црно-белиот“ дрес со бројот 9 … Уживав во секој момент, изјави Ширер. Французинот Анри дојде во Премиер лигата по трансферот од Јувентус во Арсенал во 1999 година и освои две шампионски титули со тимот од северен Лондон. Најдобриот стрелец во историјата на Арсенал рекордни четири пати ја освојуваше „Златната копачка“, а за Арсенал постигна вкупно 175 голови на 258 натпревари. – Приемот во Куќата на славни заедно со Алан Ширер е нешто посебно. Да ми кажевте на почетокот на кариерата дека еден ден ќе бидам дел од Куќата на славните немаше да ви верувам. Ова е неверојатна чест за мене, рече Анри. Потесниот избор на уште 23. фудбалери номинирани за влез во Куќата на славни ќе биде соопштен вечерва, а избрани ќе бидат шестмина од нив.