куќа на славните – Kurir.mk

Новицки, Гасол и Паркер и официјално ќе бидат нови членови на Куќата на славните на НБА

Бошко Тасиќ — Sun, 02 Apr 2023 06:27:54 +0000

Легендарните европски кошаркари, Дирк Новицки, Пау Гасол и Тони Паркер и официјално ќе бидат дел од класата 2023 која ќе биде примена во Куќата на славните на НБА лигата во Спрингфилд. Покрај Гасол, Паркер и Новицки, во класата 2023 се уште и легендарниот тренер на Сан Антонио спарс, Грег Попович и поранешната ѕвезда на Мајами хит, Двејн Вејд. Свечената церемонија на која легендарните кошаркари и тренери ќе бидат и официјално примени во Куќата на славните ќе се одржи на 11. и 12. август.

Ману Џинобили влезе во Куќата на славни

Тале Кристо — Sun, 11 Sep 2022 12:10:36 +0000

Аргентинскиот кошаркар Ману Џинобили (45), кој во кариерата освои олимписко злато и четири шампионски прстени во НБА лигата, е примен во кошаркарската Куќа на славните. Џинобили настапуваше за Сан Антонио од 2002 до 2018 година и со „Спарси“ освои четири НБА титули (2003, 2005, 2007, 2014). –Не сум тука затоа што сум многу посебен, туку затоа што бев дел од двата најдобри тимови – Сан Антонио и Аргентина, порача Џинобили во својот говор на церемонијата во Спрингфилд. Исто така, беше клучен играч во аргентинската репрезентација, која на Игрите 2004 во Атина го освои олимпиското злато. На европско почва со италијанската екипа Виртус Болоња ја освои Евролигата.

Тони Кукоч влезе во „Куќата на славните“

Бошко Тасиќ — Sun, 12 Sep 2021 07:17:02 +0000

Поранешниот кошаркар на Чикаго Булс Тони Кукоч ќе стане нов член во „Куќата на славните“. Во пресрет на вечерашната церемонија на инаугурацијата на шеснаесетте нови членови во Нејсмит Меморија - „Кошаркарската куќа на славните во Спрингфилд“, НБА лигата на својата интернет страница објави дека еден од кошаркарите кои ќе ја имаат таа чест е и хрватската легенда.Сплитскиот кошаркар, покрај блескавата кариера во НБА лигата, исто така е и освојувач на сребрениот медал на Олимписките игри во Сеул во 1988 година, откако во финалето Југославија беше поразена од Советскиот Сојуз. Кукоч синоќа одржа и прес-конференција на која зборуваше за неговата кариера, како и за соработката со Мајкл Џордан, кој ќе биде водител на вечерашната церемонија.

Вебер: Имав болки секој пат кога не бев вклучен во „Куќата на славните“

Дарко Андоновски — Thu, 09 Sep 2021 17:42:04 +0000

Познатиот НБА играч Крис Вебер зборуваше за тоа колку сака да влезе во кошаркарската „Куќа на славните“ и колку беше загрижен за време на 8-годишното чекање. Вебер ќе стане член на Куќата на славните на 11 септември. – Отсекогаш мислев дека ќе имам среќа да бидам член на Куќата на славните. Ми се чинеше дека мојата евиденција зборува за себе, но местото таму не е гарантирано за никого. Секоја година кога не бев вклучен во списокот, ме болеше, па најважно беше да се обидам да не правам евиденција кога земаа овој пат. Долго време се обидував да се држам подалеку од сето ова. Си реков, не размислувај за тоа, продолжи да работиш и тргни по својата работа. Но, кога бев вклучен оваа година, беше одлично. Му благодарам на Бога за оваа радост, рече Вебер. Тој во текот на својата кариера настапуваше за Голден Стејт, Вашингтон, Сакраменто, Филаделфија и Детроит.

Тони Кукоч влезе во Куќата на Славните

Бошко Тасиќ — Mon, 17 May 2021 18:14:49 +0000

Легендата на хрватската кошарка и на шесткратниот НБА првак Чикаго Булс, Тони Кукоч после седум неуспешни обиди, конечно влезе во Куќата на Славните. Еден од најдобрите играчи во историјата на кошарката влезе во класата 2021 заедно со Пол Пирс, Крис Бош, Крис Вебер и Бен Волас. Како тренери во оваа класа влегоа Бил Расел, Џеј Рајт и Рик Аделман. Тони Кукоч беше номиниран уште во 2014 година од својот поранешен клуб Чикаго, но постојано беше игнориран и местото му го зимаа други играчи. Тони Кукоч освои три титули по ред со Чикаго булс и беше трипати по ред првак на Европа со тимот на Југопластика. Во дресот на Југославија стигна до две европски злата во 1989 и 1991 година и до едно светско во 1990 година, а со Хрватска освои сребрен медал на Олимписките игри во Барселона во 1992 година.

Коби Брајант примен во Куќата на славните

Бошко Тасиќ — Sun, 16 May 2021 15:49:54 +0000

Кошаркарската легенда на Лос Анџелес Лејкерс, Коби Брајант официјално беше примен во Куќата на славните во Спрингфилд како дел од класата 2020 заедно со Тим Данкан, Кевин Гарнет и уште неколку добро познати имиња. Сосема очекувано најголемо внимание привлече сопругата на починатиот Брајант која на сцената беше заедно со славниот Мајкл Џордан. -Би сакал мојот сопруг да биде тука и да може да ја прими оваа награда. Тој и Џиџи заслужија да бидат тука и да бидат сведоци на сето ова. Џиџи ќе беше многу горда да го виде овде нејзиниот татко. Никогаш нема да има некој како Коби, тој беше уникатен. Тој беше посебен, скромен надвор од теренот, а сепак поголем од животот. Честитки, душо, твојата напорна работа се исплати, -истакна Ванеса. Свој говор имаше и Џордан кој имаше посебен однос со Коби. -Кога почина Коби Брајант, умре и дел од мене. Исто и за луѓето во оваа сала и околу планетата, дел од вас умре. Не би требало да сме тука. Ова се спомените со кои треба да живееме и од кои учиме. Ви ветувам: од овој ден па натаму, ќе живеам од сеќавањето дека имав мал брат на кого се обидов да му помогнам на кој било начин. Почивај во мир, братче, -рече популарниот Ем-Џеј.

Официјално, одложен за една година приемот на Коби во „Куќата на славните“

Тале Кристо — Thu, 28 May 2020 08:17:37 +0000

Лос Анџелес, 28 мај 2020 (МИА) – Церемонијата на која легендата на Лос Анџелес лејкерс, Коби Брајант требаше да влезе во „Куќата на славните“ во НБА, е презакажана за 2021 година. Ова е официјално потврдено на веб-страницата на лигата. Церемонијата првично беше предвидена за 29-31 август во Спрингфилд. Брајант во јануари оваа година почина во хеликоптерска несреќа заедно со неговата 13-годишна ќерка и седум други патници. Кошаркарот играше за Лос Анџелес Лејкерс 20 години и важи за еден од најдобрите играчи во историјата на НБА. На 4 април беше објавено дека Брајант ќе биде вклучен во „Куќата на славните“ постхумно и една година пред предвиденото. Според правилата, кошаркарите ја добиваат оваа чест не порано од пет години по завршувањето на кариерата. Играчот ги заврши настапите во 2016 година.

Брајант, Данкан и Гарнет – официјално нови членови на Куќата на славните

Тале Кристо — Sat, 04 Apr 2020 18:07:13 +0000

Легендарните НБА играчи Коби Брајант, Тим Данкан и Кевин Гарнет се на официјалниот список на потенцијалните новодојденци во „Куќата на славните“ во 2020 година. Кошаркарската „Куќа на славните Нејсмит“ денес официјално го објави списокот на сите финалисти во 2020 година. Покрај Брајант, Данкан и Гарнет, во неа ќе влезат и познатата женска кошаркарка во НБА, Тамика Качингс, како и четири познати тренери: Руди Томијанович, Ким Малки, Барбара Стивенс и Еди Сатон. Брајант постхумно ќе стане член во Домот на славните. Легендарниот кошаркар на Лејкерс почина на 26 јануари во хеликоптерска несреќа во Калифорнија.

Двајт Хауард очекува да биде примен во „Куќата на славните“

Даниел Василев — Mon, 30 Jul 2018 17:50:26 +0000

Новиот центар на Вашингтон визардс, Двајт Хауард, очекува по завршувањето на кариерата да биде примен во кошаркарската „Куќа на славните“. Тој во текот на неговата кариера настапуваше за Орландо меџик, Лос Анџелес лејкерс, Хјустон рокетс, Атланта хоукс‎ и Шарлот хорнетс‎.

- Мојата биографија говори сама за себе. Играв за неколку тимови, но мислам дека Вашингтон е моето последно одредиште. Не влегувам во разни листи и слични нешта, но знам што сум направил во текот на кариерата, а мислам дека бев прилично успешен, истакна 32-годишниот кошаркар.

Тој наведе дека е нормално во една кариера да има и паѓања и искачувања. Хауард пет пати беше избран во првата петорка на НБА, осум пати настапи на Ол стар викендот и три пати беше избран за одбранбен играч на годината. Со Орландо играше во големото финале на НБА. МИА