куќа – Kurir.mk

Гореше куќа во Скопје, сопствениците префрлени во болница

Катерина Бојаџиева — Tue, 31 Oct 2023 15:23:37 +0000

Денеска (31.10.2023) во 03.35 часот во СВР Скопје било пријавено дека на ул.„Фан Ноли“ во Скопје настанал пожар во куќа сопственост на Е.А.(43) од Скопје. Притоа, Е.А.(43), Ф.А.(44) и Е.А.(26) вдишиле чад и биле пренесени во Комплекс клиники „Мајка Тереза“ за укажување лекарска помош. Екипа на Бригадата за противпожарна заштита Скопје го изгаснала пожарот, а увид на местото извршила од екипа од СВР Скопје.

ЗА ОВА ВИ СЕ ПОТРЕБНИ ВРЕЌИ ПАРИ: Погледнете во каков дом се всели пејачката Марија Микиќ, вилата е како од турските серии (ФОТО)

Дарко Андоновски — Fri, 06 Oct 2023 19:23:25 +0000

Пејачката Марија Микиќ и нејзиниот сопруг Јован Пантиќ на почетокот на оваа година се преселија во нов дом. Сето тоа парот го направи пред да дојде нивното второ дете, а куќата која ја купиле за пола милион евра е вистинска семејна оаза.

View this post on Instagram

A post shared by Marija Mikic (@wwwmarijamikiccom)

Пејачката во една прилика изјавила дека дома не е само за време на викендот кога настапува, а сите останати денови е дома со децата иако не може да се избори со нивното правење на неред. -Тука се бабите кога настапувам и помагаат. Нон стоп сум со нив, освен петок и сабота кога навечер имам настапи, а они тогаш спијат. Инаку во куќата секој ден е хаос од играчки и не можам да стигнам да ги расчистам, вели пејачката. Таа додава дека целиот живот израснала во зграда и од секогаш сонувала да живее во куќа.

View this post on Instagram

A post shared by Marija Mikic (@wwwmarijamikiccom)

-Се одлучивме да преземеме некои чекори и сега имам свој дом. Малку сме оддалечени од градот, што и тоа како сакав. Градскиот метеж ни стана товар од кога имаме деца, додава Микиќ.

View this post on Instagram

A post shared by Marija Mikic (@wwwmarijamikiccom)

Инаку во домот преовладуваат деталите, особено во дневната соба каде има многу врамени слики од децата, а на една од полиците се гледа и наградата добиена на „МАК наградите“ оваа година. Веднаш до дневната соба е кујната и трпезаријата, а дворот е вистински рај за семејството кое нема потреба да оди во кафуле за да прошета.

ЗДАНИЕ КОЕ ЛИЧИ НА ХОТЕЛ – домот на Цеца во Житораџе опколено со огромни ѕидови и метална капија, а еден детаљ внатре се гледа само од дрон (ВИДЕО)

Дарко Андоновски — Fri, 06 Oct 2023 16:57:56 +0000

Светлана Цеца Ражнатовиќ е родена во српското село Житораџе во близина на Прокопље каде и пораснала со својата сестра Лидија и родителите, таткото Слободан и мајката Мира. Екипата на емисијата „Папарацо Лов“ го посети родното место на пејачката, каде поразговараа и со мештаните во врска со неа. Тие се едногласни дека пејачката ретко доаѓа во родниот крај, додека нејзината сестра Лидија многу почесто ја гледаат во селото. Селаните додаваат дека двете доаѓаат само за славата, а во меѓувреме потврдија дека Цеца била одличен ученик во средното училиште кое го учела вонредно, бидејќи пеела. Екипата потоа се упатила кон нејзината куќа која е изградена пред повеќе од две децении, а од дрон може да се забележи огромното здание кое наликува на хотел, особено се забележува дворот во кој има огромни зелени дрва и цвеќиња за кои се грижи со години нејзината мајка. Она што е видливо е огромната метална капија и камените ѕидови кои им дава целосна приватност на нејзините родители.

Млад скопјанец украл автомобил и ограбил куќа

Ивана Ефремовски — Fri, 06 Oct 2023 12:02:29 +0000

На 05.10.2023 во 18:15 часот во Струмица, полициски службеници од Секторот за внатрешни работи Струмица го лишиле од слобода Е.И.(21) од Шуто Оризари – Скопје. Тој се сомничи дека претходно одзел едно моторно возило и извршил тешка кражба во куќа во Струмица, при што одзел повеќе предмети. Кај него биле пронајдени возилото и одземените предмети и биле вратени на сопствениците. Е.И. бил задржан во Полициската станица Струмица и за настанот бил запознаен јавен обвинител од Основното јавно обвинителство Струмица. По целосно документирање на случајот против него ќе биде поднесена соодветна пријава.

Охриѓанец си изградил куќа без документација за градба

Ивана Ефремовски — Wed, 04 Oct 2023 10:19:50 +0000

СВР Охрид поднесе кривична пријава О.К.(57) од Охрид поради постоење основи на сомнение за сторено кривично дело „бесправно градење“. Тој, на катарстарска парцела на улицата „Даме Груев“ во Охрид, спротивно на Законот за градба и без соодветна документација за градба, издадена од надлежен државен орган, бесправно изградил стамбен објект за домување.

ПОГЛЕДНЕТЕ ГО ДОМОТ НА АЛЕКСАНДРА ПРИЈОВИЌ ВРЕДЕН 500 ИЛЈАДИ ЕВРА – огромна порта и ѕидини да го прикријат тајниот двор, а клавирот е посебен (ФОТО)

Дарко Андоновски — Tue, 03 Oct 2023 19:46:03 +0000

Пејачката Александра Пријовиќ и нејзиниот сопруг Филип Живојиновиќ набргу по венчавката купија куќа во елитната белградска населба Бежаниска коса. Парот го опреми семејниот дом по свој вкус, но многу детали се наменети за уживање на нивниот син Александар. Како што објавија српските медиуми, Прија и Филип платиле 500.000 евра за луксузниот имот во Белград. Вилата на три ката е опкружена со висока метална порта и со силни бели ѕидови.

View this post on Instagram

A post shared by Filip Branislav Živojinović (@f.zivojinovic)

Во целиот простор доминираат големи прозорци, па затоа е исполнет со светлина. Светлиот мебел и свилените завеси го красат ентериерот на сите соби, а нема премногу детали – минимализмот и елеганцијата се нивните главни мотиви. Во куќата има и неколку големи огледала, а особено омилено на Александра ѝ е големото во спалната соба, пред кое често се фотографира.

View this post on Instagram

A post shared by Filip Branislav Živojinović (@f.zivojinovic)

Стилизираниот мебел во заднината на сликите на пејачката објавени на Инстаграм одлично се вклопува со сите комбинации кои Пријовиќ ги избира за излегување.

View this post on Instagram

A post shared by Aleksandra Prijovic (@aleksandrapriijovic)

Секое парче што го краси ентериерот на оваа прекрасна вила е избрано со вкус и умереност.

View this post on Instagram

A post shared by Filip Branislav Živojinović (@f.zivojinovic)

Foto: A. Nalbantjan

Запалил ѓубре, па опожарил куќа: Кривична за маж од струшко

Ивана Ефремовски — Tue, 26 Sep 2023 17:09:06 +0000

Надворешната канцеларија за криминалистички работи Струга поднесе кривична пријава против Ф.К.(61) од с.Велешта, струшко, поради постоење основи на сомнение за сторено кривично дело „предизвикување општа опасност“. На 31.08.2023 во с. Велешта, пријавениот до куќата на Л.К.(64) запалил ѓубре, стрништа и други запаливи материи и со тоа предизвикал материјална штета на куќата.

Возач од Гостивар прегазил тинејџер, па се забил во куќа

Тале Кристо — Mon, 11 Sep 2023 10:58:08 +0000

На 10.09.2023 во 18.10 часот во ОВР Гостивар било пријавено дека на ул.„ЈНА“ во Гостивар, патничко моторно возило „бмв“ со гостиварски регистарски ознаки управувано од Е.М.(22) од с.Балиндол-гостиварско, удрило во Х.Н.(18) од Гостивар, а потоа во ограда и куќа на истата улица. Во несреќата со тешки телесни повреди се здобиле пешакот и сопатникот од возилото В.Ќ.(28) од Гостивар, констатирани во Општата болница Гостивар. Извршен бил увид од увидна екипа од ОВР Гостивар.

Уривањето на куќата на Мерилин Монро привремено запрено

Тале Кристо — Mon, 11 Sep 2023 08:02:45 +0000

По одлука во Градскиот совет на Лос Анџелес, следи привремено одложување на уривањето на домот на американската уметница Мерилин Монро во Брентвуд - луксузен дел од Лос Анџелес. Советничката Трејси Парк побрза да го спаси последното живеалиште на славната русокоса откако во средата дозна дека сопствениците - креативната интернет-страна „Глори оф д Сноу траст“ (Glory of the Snow Trust), побарале дозвола да ја урне култното здание во шпански колонијален стил, објави „Лос Анџелес тајмс“. - Јас и мојот тим веднаш тргнавме во акција... Но, за жал, Секторот за градежништво и безбедност издаде дозвола за уривање пред мојот тим и јас да можеме целосно да интервенираме и да го решиме ова прашање, рече Парк непосредно пред седницата на Градското собрание во петокот. Таа одржа говор најавувајќи предлог за разгледување на статусот на домот на американската пејачка и глумица како историски споменик на културата. - Денеска сум тука со вас како чувар на областа во којашто се наоѓа последната резиденција на Мерилин Монро. Денеска сум тука и како бранител на богатата историја и наследство на нашиот град, рече Парк. Предлогот претставен пред Советот бара итен почеток на разгледување домот да биде прогласен за историски и културен споменик. Натаму се наведува дека со тоа нема да му се одземат никакви права на сопственикот на куќата, но оти треба да се проценат историските и културните вредности на имотот.

ВИДЕО: Крадци среде бел дел се обидуваат да влезат во куќа во Пржино, им излезе сопственикот

Ивона Петрова — Sun, 27 Aug 2023 12:14:17 +0000

Двајца крадци вчера среде бел ден се обиделе да влезат во куќа на улицата „Благоја Горан“ во Пржино. Камерата од видео надзорот снимила две машки лица кои околу 12:45 часот вчера, најпрво проверуваат дали некој има во куќата, а потоа се обидуваат да влезат во неа. Но, во намерата биле спречени од сопственикот, кој бил дома. Од снимката јасно се гледа дека едниот носи црна фантомка, а другиот има капа и заштитна маска на лицето. Објавена е и фотографија на која се крадците кои по неуспешниот обид за кражба избегале со мотор. Во коментар на објавата се наведува дека истите лица на 4-ти август во скопски Хром ограбиле неколку станови.