куман – Kurir.mk

Тренерот на Барселона бара нови засилувања за подобри резултати

Тале Кристо — Sun, 24 Jan 2021 13:08:30 +0000

Тренерот на Барселона, Роналд Куман смета дека е потребно да се засили составот за да се постигнат подобри резултати. – Мојот став е познат. Немаме доволно играчи, но економската состојба во клубот има влијание. Мислам дека сите мислиме на ист начин. Ако никој не дојде, јас ќе го прифатам тоа и ќе продолжиме да настапуваме како што правиме сега. Ако сакаме повеќе, тогаш мора да купиме играчи, изјави Куман. Барселона моментално е рангирана на 4. позиција во поредокот во Ла Лига со 34 бода по 18 натпревари.

Куман: Барселона ќе се врати на вообичаеното место на табелата

Тале Кристо — Thu, 17 Dec 2020 07:36:32 +0000

Тренерот на Барселона, Роналд Куман по синоќешната победа над Реал Сосиедад со 2:1 во Шпанското фудбалско првенство, рече дека неговиот тим ќе се врати на табелата, онаму каде што е вообичаено за нив. – Со таква посветеност и игра, ќе се вратиме таму каде што треба да бидеме на табелата. Барселона денес ја имаше својата најдобра партија оваа сезона. Ја контролиравме топката и совршено притискавме. Заслуживме да победиме, изјави Куман. Барселона е на 5. место во поредокот во Шпанија со 20 бода од 12 натпревари.

Куман: Барселона загуби од Јуве во првиот половина час

Тале Кристо — Wed, 09 Dec 2020 09:14:51 +0000

Тренерот на Барселона, Роналд Куман ги сумираше впечатоците од натпреварот против Јувентус во рамките на 6. коло од групната фаза во Лигата на шампионите, кој заврши со голем пораз за каталонскиот тим (0:3). – Поразот беше резултат на првите 25 минути од натпреварот. Почнавме лошо, со страв, ни недостасуваше агресија. Се чинеше како да сме излегле со цел да не загубиме. Одигравме нездраво во одбраната, го загубивме мечот во првиот половина час. Не игравме на нашето вообичаено ниво. Но, нашата форма во Лигата на шампионите беше добра. Овој пораз е по наша, сопствена вина. Во првиот половина час сè тргна наопаку. Претходно игравме против Јувентус и изгледавме добро. Ова е неопходна лекција за нас. Противникот влезе во игра со многу подобар став, истакна Куман. Барселона исто како и Јувентус Г-групата ја заврши со пет победи и еден пораз и како второпласирана се пласира во плејофот на Лигата на шампионите.

Куман: Ова е нашата најдобра игра во сезоната

Тале Кристо — Thu, 29 Oct 2020 07:58:03 +0000

Тренерот на Барселона, Роналд Куман беше задоволен од учинокот на неговиот тим на натпреварот од 2. коло на Лигата на шампионите против Јувентус (2:0). Тој објасни и зошто Каталонците играа со тројца дефанзивци. – Ова е нашата најдобра игра во сезоната. Многу важна победа против силен европски тим, успеавме да му го наметнеме својот фудбал на противникот. Сакав да играм тројца дефанзивци, така што еден играч ќе се турка напред и ќе создаде нумеричка предност на средината на теренот. Благодарение на ова, создадовме многу шанси за гол и, да бидам искрен, требаше да го решиме исходот на натпреварот многу порано. Презадоволен сум од фудбалот што го игравме денес, задоволен од резултатот и карактерот што ги покажа мојот тим, рече Куман во изјава за веб-страницата на УЕФА. Каталонците по две кола имаат максимални шест бода.

Куман: Гризман не може да игра на позицијата што ја посакува

Тале Кристо — Fri, 16 Oct 2020 18:01:54 +0000

Селекторот на Барселона, Роналд Куман ги коментираше изјавите на Антоан Гризман. По натпреварот на Франција против Хрватска, на кој Гризман постигна гол, а фудбалерот коментираше дека националниот селектор Дидие Дешамп точно знае како да го искористи и тоа е причината зошто тој е поефикасен за „петлите“. – Секој има право да каже што сака. Зборував вчера со Антоан затоа што сакав, а не поради тоа што го рече. Му реков дека размислувам за доброто на тимот. Знам дека тој може да игра десно на други позиции. Тој работи напорно, нема проблеми со дисциплината и сега треба да има поголема среќа со последниот допир. Имаше две ситуации против Севиља во кои тој можеше да се справи подобро. Во однос на неговата позиција, тренерот е тој што го одредува ова. Немам проблеми со Антоан, го барам само најдоброто за тимот и клубот. Нема да барам играч да игра улога што е далеку од неговите можности. Не го правам тоа ниту со Гризман, бидејќи тој може да игра десно. Разбирам дека има веројатно позиции кои тој ги претпочита, но не можеме да играме со двајца играчи на позицијата 10, прокоментира Куман.

Куман: Суарез можеше да остане во Барса и да докаже дека не сум во право, но реши да си замине

Тале Кристо — Sun, 11 Oct 2020 20:45:57 +0000

Тренерот на Барселона, Роналд Куман го сподели своето мислење за трансферот на напаѓачот Луис Суарез од каталонскиот клуб во Атлетико Мадрид, На Суарез му стана многу потешко да влезе на теренот уште од првите минути и го информирав за тоа. Тешко му беше, но никогаш немав проблеми со него. Тој тренираше добро. На крајот, Луис донесе одлука да замине, а јас реков: „Ако не заминеш од која било причина, тогаш ќе бидеш дел од овој тим и ќе можеш да докажеш дека не сум бил во право“. Да, тој можеше да остане, истакна Куман. Се однесував добро со Луис, но клубот сметаше дека ни треба подмладување. Сега е навистина забележливо. Игра Ансу Фати, тој има 17 години. Го имаме Педри исто така 17-годишен, Араухо има 21 година. Тринкау има 20 години. Го зедовме Сержињо Деста, кој има 19 години. Сите тие се играчи на иднината, смета холандскиот стручњак.

Куман ги критикуваше своите напаѓачи

Тале Кристо — Sat, 10 Oct 2020 08:16:36 +0000

Тренерот на Барселона, Роналд Куман изрази мислење дека системот 4-3-3 не е најсоодветен за неговата филозофија и затоа ќе наметне 4-2-3-1. – Со оваа постава и овој вид играчи, моето мислење е дека 4-2-3-1 е најдобрата формација. Овој систем е совршен за нас ако погледнеме на квалитетот на играчите што ги имаме, изјави Холанѓанецот. Куман започна со две последователни победи против Виљареал и Селта, но нерешениот резултат 1:1 со Севиља покажа некои слабости на Каталонците. – Генерално, тимот изгледаше многу добро, особено на првите два натпревари. Ако го анализираме натпреварот со Севиља, можеме да го подобриме нашиот пресинг. Постојат детали што треба да се поправат. Одбраната секогаш започнува од нападот. Ако добро притискаат, тогаш дефанзивците ќе немаат толку многу проблеми. Одбраната е тимска работа, додаде Куман.

Куман и Бартомеу причини за одлуката на Меси да ја напушти Барселона

Тале Кристо — Wed, 26 Aug 2020 06:57:22 +0000

Се појавија информации за тоа зошто напаѓачот на Барселона, Лионел Меси одлучи да го напушти тимот. Според голем број шпански медиуми, вклучително и „АС“ и „Депорте Куатро“, новиот главен тренер на Барселона, Роналд Куман, се сретнал со Меси и му рекол дека веќе никој нема да има привилегии и уживање во тимот. Се посочува дека откако разговарал со тренерот, аргентинскиот фудбалер решил да го напушти тимот. Според „Мундо Депортиво“, одлуката на играчот била и под влијание на тоа што Барселона одлучи да се ослободи од неговиот пријател Луис Суарез. Куман му соопшти на уругвајскиот напаѓач дека не смета на него. Други извори пишуваат и за конфликтот на Лионел со раководството на клубот и особено со претседателот Јосеп Марија Бартомеу. Имаше информација дека Меси е подготвен да остане само во случај на оставка од Бартомеу. Самиот претседател ја негираше веста за неговото заминување од клубот. Во исто време, „РАЦ 1“ пренесува дека напаѓачот изразил недоверба во управата на клубот. Тој верува дека сегашните лидери не се во состојба да ја променат ситуацијата на подобро и да создадат конкурентен тим, а исто така ги обвинува претставниците на клубот за непочитување на однос кон некои од играчите. Лионел Меси е во Барселона од 2004 година. Оттогаш има одиграно 731 натпревар за каталонскиот клуб во сите натпреварувања, со постигнато 634 гола и 285 асистенции. Фудбалерот поднесе барање за раскинување на договорот, но Барселона одби, наведувајќи го фактот дека еднострано истекол клаузулата за предвремено раскинување на договорот. Претходно беше објавено дека Меси има намера да се пресели во Манчестер сити.

Новиот тренер на Барселона, Куман: Секој знае дека Барса е мојот клуб од соништата

Тале Кристо — Wed, 19 Aug 2020 12:13:38 +0000

Новиот тренер на Барселона, Роналд Коман изрази задоволство од започнувањето на соработката со каталонскиот клуб. – Секој знае дека Барселона е мојот клуб од соништата. Можноста да работам во овој клуб кај мене предизвикува посебни чувства, изјави Куман. Тој ја коментираше својата оставка како селектор на холандската репрезентација. – За мене беше чест да работам со репрезентацијата на Холандија. Во текот на изминатите две и пол години, се обидов да направам сè што е во моја моќ за да постигнам успех со тимот. Гледам со гордост на нашите заеднички достигнувања. Овој тим има одлична иднина, сигурен сум, додаде Куман.

Бартомеу потврди: Куман ќе биде новиот тренер на Барсeлона

Тале Кристо — Tue, 18 Aug 2020 20:18:06 +0000

Претседателот на Барселона, Пеп Бартомеу потврди дека нов главен тренер на тимот ќе биде Роналд Коман. Официјалното назначување на Холанѓанецот уште не е факт, но е само формалност. – Сите медиуми пишуваат за тоа. Ако работите одат онака како што сакаме, Куман ќе го предводи тимот и ќе го објавиме тоа. Ние се обложуваме на него затоа што многу добро го познаваме, призна Бартомеу.