кумановци – Kurir.mk

Не ја почитувале забраната за движење – петмина кумановци заработиле кривични пријави –

Тале Кристо — Tue, 01 Feb 2022 15:24:28 +0000

СВР Куманово поднесе кривични пријави против Б.Р.(44), Ш.А.(27), И.М.(36), Б.И.(25), В.В.(44), сите од Куманово и А.А.(44) од општина Липково, поради постоење основи на сомнение за сторени кривични дела „непостапување според здравствените прописи за време на епидемија“. Во периодот од 16.04.2021 до 29.04.2021, пријавените биле затекнати како се движат без да поседуваат дозвола за движење за време на забрана за движење на населението.

Девет кумановци имаат заедничка мака, некој им ги оштетил гумите на автомобилите

Ивана Ефремовски — Wed, 08 Dec 2021 16:12:36 +0000

Девет кумановци, вчера пријавиле во полицијата дека им биле оштетени гумите на автомобилите, соопшти денеска МВР. Автомобилите на кумановците биле паркирани на три улици во центарот и поширокото централно градско подрачје. -Вчера, во 20:30 и 20:40 часот во СВР Куманово двајца граѓани пријавиле дека на улица „Иго Тричковиќ“ во Куманово биле оштетени гумите од нивните возила кои биле паркирани на улицата. Исто така, во периодот од 20:05 до 20:35 часот во СВР Куманово, седум граѓани пријавиле дека биле оштетени гумите од нивните возила паркирани на улица „Народна Револуција“ и на улица „Перо Шварц“-соопшти МВР. Полицијата презема мерки за расчистување на случајот. (МИА)

Уапсени четворица кумановци за тешка кражба во два оделни случаи

Дарко Андоновски — Thu, 02 Dec 2021 14:21:46 +0000

Кумановската полиција денеска уапси четворица кумановци во два одделни случаи за тешка кражба, соопштиja денеска од СВР Куманово. Двајца се сомничат дека краделе од две куќи и деловен објект, другите двајца пак краделе од гаража. – Утрово во 06: 00 часот, полициски службеници од СВР Куманово, врз основа на судска наредба од Основен суд Куманово, ги лишиле од слобода дваесет и деветгодишниот М.З. (29) и четириесет и седумгодишниот Р.Е.поради постоење основи на сомнение дека во три наврати, на 19- ти февруари, 9 и 19-ти април годинава, со употреба на сила влегле во две куќи и еден деловен објект и одзеле разни предмети, соопштија од СВР Куманово. Исто така, утрово во 06:50 часот, кумановската полиција врз основа на судска наредба од Основен суд Куманово, ги лишиле од слобода Ч.М.(19) и Е.С.(20), двајцата од Куманово, поради постоење основи на сомнение дека на 3-ти февруари годинава, со употреба на сила од гаража на Ф.Н. на улица „Пелинска“ одзеле повеќе разни предмети. Четворицата уапсени биле спроведени во Основен суд Куманово за понатамошна постапка.

Кумановци не ги почитувале мерките за групирање на повеќе од 4 лица, соседите ги пријавиле па заработиле кривични

Тале Кристо — Fri, 08 Jan 2021 11:18:38 +0000

На 08.01.2021 година во 01.45 часот во СВР Куманово било пријавено дека во зграда лоцирана во центарот на градот имало поголема група граѓани кои ги вознемирувале станарите. Од страна на полициските службеници е влезено во станот во кој биле затекнати 10 лица и било утврдено дека се работи за кривично дело Непостапување според здравствени прописи за време на пандемија“. По целосно документирање на случајот ќе биде поднесена соодветна пријава.

Казни од по 1.000 евра за тројца кумановци и четворица кратовци, го прекршиле полицискиот час

Тале Кристо — Thu, 23 Apr 2020 13:56:12 +0000

Основното јавно обвинителство Куманово поднесе предлози за издавање парични казнени против седум лица за прекршување на полицискиот час. – Тројца од нив се движеле пеш или со возило во Куманово, за време додека во сила бил полицискиот час односно во сила биле прописите и наредбите со кои се определуваат мерки за сузбивање или спречување на заразната болест Ковид– 19. Четворица обвинети се движеле низ Кратово и со тоа постапиле спротивно на Одлуката за забрана и посебен режим на движeње на територијата на Република Северна Македонија, информираат од ОЈО. За стореното кривично дело, јавен обвинител на судот му предложил да изрече парична казна за обвинетите во висина од по 100 дневни глоби, при што висината на една дневна глоба да биде определена на износ од 10 евра во денарска противвредност. Сите се обвинети за кривично дело – непостапување според здравствените прописи за време на епидемија од член 206 став 1 од Кривичниот законик.

Неколку мина Кумановци не ги почитувале мерките, им се заканува казна од по 1.000 евра

Тале Кристо — Tue, 07 Apr 2020 13:04:01 +0000

Основното јавно обвинителство Куманово поднесе предлози за издавање казнени налози против седум лица, обвинети за кривично дело „непостапување според здравствените прописи за време на епидемија“, информираат од Јавното обвинителство. – Обвинетите за време на полицискиот час со возило или пеш се движеле низ градот и околината и со тоа не постапиле според прописите и наредбите со кои се определуваат мерки за сузбивање или спречување на заразната болест Ковид-19, односно не ја почитувале Одлуката за забрана и посебен режим на движeње на територијата на Република Македонија, велат од ОЈО-Куманово. За стореното кривично дело, јавен обвинител на Основниот суд во Куманово му предложи да изрече парична казна за обвинетите во висина од по вкупно 1000 евра во денарска противвредност.

Мицкоски: Моите мисли се со кумановчани, загрижен сум што се повеќе доктори се под сериозен ризик да не се стигматизираат заразените од коронавирусот

Тале Кристо — Sat, 04 Apr 2020 12:02:34 +0000

Во овие моменти на тешка здравствена криза, но и економска моите мисли се со кумановчани каде заразата се шири со значителна прогресија. Куманово секогаш бил слободарски град, првенец во многу работи, пишува лидерот н а ВМРО-ДПМНЕ Христијан Мицкоски. -Денес кумановчани како и сите ние имаме поинаков предизвик, борбата против короната. Меѓу луѓето со право владее страв и неизвесност. Но нема поефикасна борба од таа да се почитуваат мерките за самоизолација и да се остане во домовите. Воедно во овие тешки мигови моите мисли се и со здравствените работници, полицијата кои се во првите редови во борбата поротив зарзата. Додека сите ние во времето на полицискиот час седиме во домовите, има луѓе кои даваат се и се борат. Загрижен сум што процентот на заразени доктори и здравствени работници станува се поголем. Секој човек ни е важен и секој живот вреди. Да ги рушиме стереотипите и да не се стигматизираат луѓето заразени од овој опасен вирус. Македонија е земја на хуманоста и таа била одлика на нашиот народ со децении и векови. Без оглед на исклучоците, хуманоста е лицето на Македонија, додава Мицкоски. Заедно ќе се бориме и заедно ќе победиме, затоа што ја сакаме Македонија, порачува Мицкоски.

Мисaјловски до Кумановци: Ја имате мојата поддршка, но и на целата јавност – Куманово ќе победи!

Тале Кристо — Sat, 04 Apr 2020 10:49:21 +0000

Кумановци се едни од најведрите и најпозитивните луѓе што ги познавам. На Македонија и треба вашата позитивна енергија. Ја имате мојата поддршка, но и на целата јавност. Куманово ќе победи. Се гледаме повторно во Куманово, пишува преку Фејсбук потпретседателот на ВМРО-ДПМНЕ Владо Мисајловски.

Не го почитувале полицискиот час: Казни од по 1.000 евра за тројца Кумановци

Тале Кристо — Fri, 03 Apr 2020 10:55:49 +0000

Основното јавно обвинителство Куманово поднесе предлози за изрекување казни во висина од по 1 000 евра за три лица кои не го почитувале полицискиот час. – Обвинетите на 29 март не ја почитувале Одлуката за забрана и посебен режим на движење на населението во деновите од викендот, па за време на полицискиот час биле затекнати надвор од своите домови, информирата од ОЈО. Надлежните јавни обвинители на Основниот суд Куманово му предложија за секој од обвинетите да изрече парична казна во вкупен износ од 1.000 евра во денарска противвредност. Сите три лица се товарат за кривично дело – Непостапување според здравствените прописи за време на епидемија од член 206 став 1 од Кривичниот законик.

Двајца браќа од Куманово претепани пред угостителски објект во скопски парк- веднаш ги пренеле во Ургентен центар

Дарко Андоновски — Sat, 15 Jun 2019 13:25:43 +0000

На 15.06.2019 година во 04.00 часот во СВР Скопје, од Ургентен центар при комплексот клиники „Мајка Тереза“ било пријавено дека кај нив биле донесени две лица со повреди здобиени од физички напад кој се случил пред угостителски објект во градски парк. Според пријавеното, околу 03.30 часот П.К.(38) од Куманово и неговиот брат П.К.(32) биле физички нападнати од повеќе непознати лица. Се работи на расчистување на случајот, информираат од МВР.