кумановец – Kurir.mk

Кумановец завршил зад решетки: Полицијата му пронашла повеќе видови на дрога и голема сума на пари

Тале Кристо — Sat, 07 Oct 2023 08:41:09 +0000

Вчера (06.10.2023) полициски службеници од Отсекот за недозволена трговија и оружје при СВР Куманово го лишиле од слобода Б.Б.(51) од Куманово. При претрес во неговиот дом во Куманово, извршен по судска наредба, биле пронајдени марихуана, хероин, амфетамин, кокаин и поголема сума на пари во различни валути. Дополнително, при претрес во неговиот деловен објект во Куманово бил пронајден хероин. Б.Б. бил приведен во полициска станица и по целосно документирање на случајот против него ќе следува соодветна пријава до надлежното обвинителство.

Приведен кумановец, управувал возило со украдени таблички

Дарко Андоновски — Wed, 20 Sep 2023 10:16:58 +0000

На 19.09.2023 во 14.30 часот во реонот на с.Богородица, гевгелиско, полициски службеници од Полициската станица за граничен премин и граничен надзор Богородица го лишиле од слобода Љ.М.(47) од Куманово. При контрола на патничко возило „крајслер“ со битолски регистарски ознаки, кое го управувал, било констатирано дека регистарските таблички се од друго патничко возило, сопственост на лице од Скопје, а кои биле пријавени за украдени во Полициската станица Драчево. Возилото било одземено и за настанот бил известен јавен обвинител. По целосно документирање на случајот против лицето ќе следува соодветна пријава.

Приведени кумановец и тетовчанец за повеќе кривични дела

Тале Кристо — Tue, 05 Sep 2023 13:05:21 +0000

Полициски службеници од СВР Куманово, вчера ги лишиле од слобода М.Ј.(27) од Тетово и Ш.Ш.(46) од Куманово за извршување повеќе кривични дела во изминатите два дена. Од Министерството за внатрешни работи известуваат дека лицата се сомничат дека, вчера во Градски парк во Куманово физички нападнале вработени во Јавно претпријатие „Чистота и зеленило“ и им се заканиле со остар предмет. Истиот ден влегле во угостителски објект на улицата „11 Октомври“ во Куманово и одзеле чанта. Додека, на 3 месецов се обиделе да одземат чанта од угостителски објект на улицата „Гоце Делчев“ во Куманово. Двајцата осомничени кога биле приведени во полициска станица се обиделе со остар предмет да нападнат полициски службеници. МВР известува дека лицата се задржани во полициска станица и по целосно документирање на случајот против нив ќе бидат поднесени соодветни пријави.

Откриен кокаин кај кумановец, поведена истрага

Тале Кристо — Fri, 14 Apr 2023 09:41:00 +0000

Основното јавно обвинителство Куманово донесе Наредба за спроведување истражна постапка против едно лице за кое постои основано сомнение дека сторило кривично дело – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик. При претрес извршен на 12 април во куќата на осомничениот на улицата „Јоско Илиевски“ во Куманово, била пронајдена наркотична дрога – кокаин во вкупна нето маса од 6,8 грама. Осомничениот ја набавил дрогата наменета за натамошна препродажба, ја препакувал во девет помали пакувања и ја чувал во домот заедно со дигитална вага. Надлежниот јавен обвинител до судијата на претходна постапка од Основниот суд Куманово достави предлог за определување мерка притвор за осомничениот. Но, предлогот не беше прифатен и судот со решение на осомничениот му определи мерки на претпазливост – привремено одземање на патна исправа и обврска да се јавува еднаш неделно кај определено службено лице.

Кумановец нападнат од сограѓанин

Ивана Ефремовски — Sun, 02 Apr 2023 19:10:40 +0000

На 01.04.2023 во 17.32 час во СВР Куманово Ф.Г.(31) од Куманово пријавил дека во Куманово, по претходна расправија, бил физички нападнат со тврд предмет од Г.Ф.(33) од Куманово. Се преземаат мерки за расчистување на случајот.

Полицијата и семејството трагаат по исчезнат кумановец

Дарко Андоновски — Mon, 26 Dec 2022 13:16:28 +0000

Триесет и петгодишниот кумановец, Самир Салиевски од вчера од 10 часот се води како исчезнат. Случајот е пријавен и во полицијата. Од СВР Куманово денеска информираат дека вчера во 22:00 часот во СВР Куманово, С.С.(21) од Куманово пријавила дека од домот се оддалечил нејзиниот брат С.С.(35) од Куманово. Полицијата презема мерки за пронаоѓање на лицето. Семејството денеска апелираше до граѓаните доколку имаат каква било информација да пријават во полициската станица или на контакт телефон 071 329 068. Според нив последен пат лицето било забележано во кумановското село Доброшане. Од семејството нагласуваат дека лицето е глувонемо.

Кумановец осомничен за разбојништво

Тале Кристо — Sat, 24 Dec 2022 09:19:09 +0000

Основното јавно обвинителство Куманово донесе Наредба за спроведување истражна постапка против 38-годишен кумановец за кого постои основано сомнение дека сторил кривично дело – Разбојништво од член 237 став 4 во врска со став 1 од Кривичниот законик. На 21 декември, во обложувалница на улицата „Тоде Мендол“ во Куманово, осомничениот влегол со дрвена палка и му се заканил на вработениот дека ќе го убие ако не му даде 1.000 евра. Оштетениот, исплашен за својот живот, заедно со осомничениот влегол зад пултот, ја отворил касата и му го предал целокупниот промет во износ од 7.000 денари. Осомничениот со парите веднаш избегал од местото. Јавниот обвинител до судијата на претходна постапка на Основниот суд во Куманово поднесе предлог за определување мерка притвор против осомничениот, бидејќи постои основан страв дека ќе ја попречува кривичната постапка со влијание врз сведоците, како и оправдан страв дека може да се даде во бегство, но и да го повтори кривичното дело со оглед на тоа дека се работи за лице кое претходно е осудувано за истородни кривични дела против имотот.

Кривична пријава против кумановец за фалсификување пари

Тале Кристо — Tue, 20 Dec 2022 13:48:30 +0000

СВР Скопје – Единица за економски и компјутерски криминал поднесе кривична пријава против С.Д.(40) од Куманово, поради постоење основи на сомнение за сторено кривично дело „фалсификување пари" по член 268 од Кривичниот законик. Пријавениот набавил фалсификувана банкнота од 2.000 денари и на 10.03.2022 ја употребил при купување гориво на бензинска станица во Скопје.

Приведено едно лице во Куманово при обид за кражба

Тале Кристо — Mon, 19 Dec 2022 09:45:16 +0000

На 18.12.2022 во 18.30 часот, полициски службеници од СВР Куманово ја лишиле од слобода М.З.(24) од Куманово. Таа била затекната при обид да одземе предмети во куќа на улицата „Братство Единство“ Куманово. М.З. била приведена во полициска станица и по целосно документирање на случајот против неа ќе следува соодветна пријава.

Кумановец заврши зад решетки, извршил кражба во автомобил

Тале Кристо — Mon, 21 Nov 2022 20:56:57 +0000

На 19.11.2022 во 23.00 часот во Куманово, полициски службеници од СВР Куманово го лишиле од слобода Ј.Л.(34) од Куманово. Тој се сомничи дека на 18.11.2022 година одзел повеќе предмети од паркирано патничко возило „фолксваген амарок“ на улицата „Моша Пијаде“ во Куманово. Ј.Л. бил приведен во полициска станица и по целосно документирање на случајот против него ќе биде поднесена соодветна пријава.