кумановка – Kurir.mk

Приведена кумановка, осомничена за кражба

Тале Кристо — Fri, 17 Mar 2023 12:19:57 +0000

На 16.03.2023 година во 22.30 часот, полициски службеници од СВР Куманово ја лишиле од слобода М.З.(24) од Куманово. Таа се сомничи дека на 07.03.2023 година влегла во приватен имот на улицата „100“ во Куманово и одзела пари. М.З. била приведена во полициска станица и по целосно документирање на случајот против неа ќе следува соодветна пријава.

ЦЕЛ МЕСЕЦ ГОЛГОТА: Се трага по исчезнати мајка и ќерка во Македонија

Тале Кристо — Wed, 28 Sep 2022 16:53:53 +0000

Семејството, роднините и пријателите речиси месец дена ги бараат исчезнатите мајка и ќерка од кумановската населба „Бавчи”. Денеска до медиумите се обрати и советникот Самет Салиевски кој побара каква било информација од граѓаните за 32- годишната Сабина Сабединовска и нејзината седумгодишна ќерка, Елиф. Тој ги повика граѓаните доколку имаат каква било информација да се јават на 071/ 329-068 или во најблиската полициска станица. Секторот за внатрешни работи Куманово информираше дека на 9 септември годинава во 14:30 часот во СВР Куманово И.Н.(59) од Скопје пријавил дека од домот се оддалечила неговата внука С.С.(32), која со себе ја повела и нејзината малолетна ќерка. Од полицијата велат дека се преземаат мерки за пронаоѓање на лицето. Дежурниот обвинител од Куманово усно е информиран за настанот, велат од Основно јавно обвинителство Куманово.

Измамена кумановка – на скопјенец му платила 810 евра за наводен државен паричен надоместок

Тале Кристо — Wed, 05 May 2021 11:52:04 +0000

Кумановка пријавила во полицијата дека била измамена, платила 810 евра на скопјанец кој ѝ се понудил да ѝ обезбеди наводен паричен надоместок од државата, соопшти денеска, СВР Куманово. 48 годишната жена вчера го пријавила случајот во кумановската полиција. – Според пријавеното, на крајот на април 2021 година лицето и се јавило и ѝ понудило да ѝ помогне, односно да ѝ обезбеди паричен надомест од државата за временски период колку има работено претходно. Според пријавата, откако се договориле, во два наврати ги предала парите на лице од Скопје, по што веќе не можела да стапи во контакт со него и се посомневала дека била измамена, соопшти СВР Куманово. Полицијата презема мерки за расчистување на случајот.

„Гатачка“ измамила кумановка за 500 евра

Тале Кристо — Tue, 08 Dec 2020 15:57:19 +0000

На 07.12.2020 во 18.00 часот во СВР Куманово, 24-годишна жена од Куманово пријавила дека била измамена од С.Н. од Штип за сума од околу 30.000 денари. Според пријавеното, таа во октомври на социјалната мрежа „Фејсбук“ прочитала објава „жена што помага на луѓе“ и стапила во контакт со неа. Исто така, според пријавеното, 24-годишната жена во повеќе наврати по брза пошта ѝ праќала пари и златен накит на штипјанката, но по некое време С.Н. не била достапна, по што пријавителката заклучила дека била измамена. Се работи на расчистување на случајот.

Кумановка, член на ИД, убиена во Сирија

Ивона Петрова — Wed, 14 Feb 2018 08:27:14 +0000

Во Сирија е убиена кумановка, прпадничка на групата Исламска држава. Веста ја потврдиле блиски роднини. - Кумановката пред четири години заминала од дома, а подоцна се дознало дека таа се наоѓа во Сирија, во редовите на војската на ИД, пишува порталот Реалитети. Досега, на боиштата во Сирија и Ирак убени се најмалку 15 лица од Македонија. Инаку, во изминатите два дена косовските медуми јавија дека во Сирија се убиени и двајца Косовци, припадници на ИД, со што бројот на косовските државјани што ги загубија животите на боиштата на Блискиот Исток се искачи на 76. МИА