куманово-крива паланка – Kurir.mk

Четири лица повредени во сообраќајка на магистралниот пат Куманово-Крива Паланка

Ивана Ефремовски — Tue, 31 Oct 2023 11:28:20 +0000

На 30.10.2023 во 15:45 часот во СВР Куманово било пријавено дека на магистралниот пат Куманово-Крива Паланка, во атар на с.Сув Орах, се случила сообраќајна несреќа помеѓу патничко моторно возило „ауди“ со пробни регистарски ознаки, управувано од Ф.С.(20) од с.Петровец, скопско и патничко моторно возило „мазда“ со кривопаланечки регистарски ознаки, управувано од Н.Ц.(29) од с.Псача, општина Ранковце. Во несреќата со тешки телесни повреди се здобиле двајцата возачи и нивните двајца сопатници, А.Д.(18) од с.Петровец и С.Ц.(37) од с.Псача, констатирани во Општа болница Куманово. Увид на местото на несреќата извршила увидна екипа од СВР Куманово.

Тешка сообраќајна несреќа на патот Куманово-Крива Паланка, сообраќајот во целосен прекин

Тале Кристо — Tue, 22 Feb 2022 16:39:57 +0000

Поради сообраќајка незгода што се случила попладнево во 16.10 часот, сообраќајот на регионалниот пат А2, Куманово – Крива Паланка е во целосен прекин. Според информациите од портпаролот на СВР Куманово, Ивана Младеновска, екипите на Министерството за внатрешни работи се на терен и полицискиот увид сѐ уште трае. Според првичните информации, во незгодата учествувало товарно возило кое целосно го попречило патот. Информации колку возила учествувале во незгодата и дали има повредени МВР ќе соопшти по завршувањето на увидот.

Судир на две патнички возила кај Длабочица, сообраќајот на патот Куманово-Крива Паланка-Деве Баир во целосен прекин

Тале Кристо — Mon, 18 Jan 2021 21:21:29 +0000

Две патнички возила се судрија вечерва во атарот на селото Длабочица, кривопаланечко, поради што сообраќајот на патот Куманово – Крива Паланка- Деве Баир е целосно во прекин. Од Секторот за внатрешни работи Куманово информираат дека сообраќајната несреќа се случила околу 20:20 часот, а сообраќајот на магистралниот пат Куманово- Крива Паланка – Деве Баир е во прекин од 20:30 минути. Оттаму засега потврдија дека станува збор за две патнички возила, а увидот од страна на екипите на Министерството за внатрешни работи сѐуште трае. Детали за несреќата од МВР најавуваат по завршувањето на увидот.

Поради сообраќајка, во прекин сообраќајот на патот Куманово – Крива Паланка

Дарко Андоновски — Sat, 29 Jun 2019 11:44:22 +0000

Патниот правец Куманово – Крива Паланка е во прекин, поради случена сообраќајна незгода, соопштија од АМСМ. „Во 13:00 часот, поради случена сообраќајна незгода, сообраќајот на магистралниот пат А2 Страцин-Крива Паланка е во прекин во двата правци.“, велат од АМСМ. Се очекуваат повеќе детали за случената незгода.

„Пасат“ и „Мерцедес“ се судриле кај Крива Паланка, скопјанец тешко повреден

Предраг Кукиќ — Mon, 19 Nov 2018 09:31:31 +0000

Вчера околу 14 часот на магистралниот пат Куманово – Крива Паланка, во село Псача, на место викано „Бунар“, се случила сообраќајна незгода помеѓу патничко возило „Фолксваген Пасат“ со бугарски регистарски ознаки, управувано од П.Н. (48) од Скопје и патничко возило „Мерцедес“ со албански регистарски ознаки, управувано од А.А. (46) од Република Албанија. Во незгодата со тешки телесни повреди се здобил П.Н., кој бил пренесен во комплексот клиники „Мајка Тереза“ – Скопје. Увид на местото извршила екипа од Полицската станица Крива Паланка.