куманово – Kurir.mk

Поради одрон затворен патот од Куманово до Кратово и Крива Паланка

Тале Кристо — Sat, 04 Nov 2023 10:16:37 +0000

Поради одрони на патот кај село Ругинце од 10:20 часот затворени за сообраќај се патните правци Куманово-Кратово и Куманово-Крива Паланка, информира АМСМ. Екипите на Македонија пат се упатени на местото и работат на расчистување на одронот.

Приведен крадец во Куманово

Ивана Ефремовски — Tue, 31 Oct 2023 10:07:19 +0000

На 30.10.2023 во 15:20 часот во Куманово, полициски службеници од СВР Куманово го лишиле од слобода М.Д. (42) од Куманово. Тој се сомничи дека на 29.10.2023 насилно влегол во деловен објект на бул. „Октомвриска револуција“ во Куманово и одзел повеќе предмети. М.Д. бил приведен во полициска станица и по целосно документирање на случајот против него ќе следува соодветна пријава.

Приведен крадец во Куманово, одземеното вратено на сопственикот

Ивана Ефремовски — Thu, 26 Oct 2023 09:13:23 +0000

На 25.10.2023 во 02:00 часот, полициски службеници од СВР Куманово го лишиле од слобода С.И. (26) од Куманово поради основано сомнение дека на 24.10.2023 влегол во деловен објект во Куманово и одзел повеќе предмети. При преглед на неговото возило биле пронајдени предметите и тие се вратени на сопственикот. С.И. бил приведен во полициска станица и по целосно документирање на случајот против него ќе следува соодветна пријава.

Претреси на две локации во Куманово, пронајдени дрога, пиштол и куршуми

Тале Кристо — Mon, 23 Oct 2023 15:39:11 +0000

Полициски службеници од Отсекот за недозволена трговија со дрога и оружје од Одделението за криминалистичка полиција при СВР Куманово и службеници од Одделот за криминалистичка полиција при БЈБ на МВР, Сектор за недозволена трговија со дрога оружје и опасни материи и полициски службеници од Единицата за службени кучиња на МВР денеска извршија претрес на две локации кај М.Д.(29). Како што информираат од Министерството за внатрешни работи (МВР), при претресот во викенд куќа во место викано „Стари лозја“ во Куманово, атар на населба Карпош, била пронајдена марихуана, а при претресот во неговиот дом во Куманово пронајден бил пиштол „Валтер“ кал.7.65мм. и 11 куршуми кал.7.65мм. Лицето не било пронајдено во домот и по него се трага, а за случајот е известено ОЈО Куманово.

Се заканува епидемија со морбили во Куманово

Ивана Ефремовски — Thu, 19 Oct 2023 18:43:18 +0000

Алармантни 40 проценти на вакцинирани со МРП во Куманово. Во град со 100 илјади жители има најмал опфат на вакцинација против морбили во земјата, а со тоа и опасност од појава на епидемија. Кумановчани немаат отпор само кон оваа вакцина бидејќи под 50 проценти е и имунизацијата со Ди те пер. За да не се повторни 2019 кога имаше и смртни случаи од мали сипаници, неопходна е доверба во безбедноста на процесот. -Во моментот кога ќе се намали бројот на вакцинирани, кога ќе се намали опфатот со вакцинација, ризикот од појава на морбили е исклучително висок, посебно во општини како што го споменавте Куманово, каде има релативно голема популација а малку вакцинирани, вели проф. д-р Александра Грозданова, национален координатор за имунизација. -Треба да се најдат најдобрите примери, како што е Кочани каде опфатот е над 95 проценти и тие искуства да се пренесат во места каде има мал опфат. Да се промени и налинот на комуникација на здравствени работници со населението, вели д-р Злате Мехмедовиќ, претседател на Комисија за заразни болести.

Викендов казнети 179 возачи во Куманово, еве какви прекршоци направиле

Ивана Ефремовски — Mon, 16 Oct 2023 12:58:32 +0000

Во текот на изминатиот викенд, полициски службеници од СВР Куманово спроведоа акциска контрола за санкционирање на возачи кои не ги почитуваат сообраќајните прописи, при што на подрачјето на Куманово санкционирани се вкупно 179 возачи. Од нив 137 управувале возило со брзина поголема од пропишаната, 22 санкции се изречени за возачи кои управувале возило под дејство на алкохол, 16 за управување возило без возачка дозвола и 4 за нерегистрирани возила. -Сообраќајните контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, велат од МВР.

Претрес во Куманово, пронајдени хероин, кокаин, крек, марихуана…

Катерина Бојаџиева — Thu, 05 Oct 2023 07:22:27 +0000

На 04.10.2023 во 21.35 часот во Куманово, полициски службеници од Отсекот за недозволена трговија со дрога и оружје од Одделението за криминалистичка полиција при СВР Куманово го лишиле од слобода Д.М.(43) од Куманово. При претрес во неговиот дом, извршен со судска наредба, биле пронајдени и одземени хероин, кокаин, бела кристална материја – крек, марихуана и две дигитални ваги со остатоци од различни видови дрога. Лицето било задржано во полициска станица и за настанот бил известен јавен обвинител. По целосно документирање на случајот против него ќе биде поднесена соодветна пријава.

Девојка од Куманово нападната од жена во Карпош

Ивана Ефремовски — Thu, 28 Sep 2023 20:13:26 +0000

На 27.09.2023 во 20:00 часот во СВР Скопје, И.С.(22) од Куманово пријавила дека на 26.09.2023 околу 10:00 часот на подрачјето на Карпош, по претходна расправија, била физички била нападната од М.Н. - женско лице. Се преземаат мерки за расчистување на случајот.

Со мотоцикл удрил малолетен пешак во Куманово, еве ги деталите

Дарко Андоновски — Fri, 22 Sep 2023 10:22:07 +0000

На 21.09.2023 во 13.05 часот во СВР Куманово било пријавено дека на крстосница од улиците „100“ и „21“ во населбата Карпош во Куманово, мотоцикл со кумановски регистарски ознаки, управуван од Л.Р.(38) од Куманово, удрил во малолетен пешак. Во несреќата мотоциклистот и пешакот се здобиле со тешки телесни повреди констатирани во Општа болница Куманово. Екипа од СВР Куманово извршила увид на местото на несреќата.

Биљана Ивановска нова директорка на Oпшта болница Kуманово

Тале Кристо — Thu, 21 Sep 2023 14:55:38 +0000

Биљана Ивановска е нова директорка на Општа болница Куманово и ја презема функцијата од д-р Снежана Захариева на која ѝ истече мандатот. Ивановска е магистер, вработена во здравствената установа како психолог на психијатрискиот оддел. Таа е член на Комора на психолози и лиценциран психолог. Ивановска нагласи дека ќе се залага за соодветна и квалитетна здравствена грижа за пациентите од Куманово и општините од североистокот, за набавка на нова опрема, вложување во лекарите и останатиот персонал во нивна доедукација. - Отворена сум за соработка со пациентите, за нивните евентуални забелешки, критики и сугестии за подобрување на функционирањето на установата, изјави Ивановска. Кумановската болница е една од најголемите во државата со повеќе од 700 вработени и им дава здравствена помош на пациентите од североисточниот дел од земјава, со приближно 180 000 жители.