кумановска болница – Kurir.mk

Нападната и повредена вработена во кумановската болница

Ивана Ефремовски — Thu, 29 Sep 2022 14:49:44 +0000

На 29.09.2022 година во 01:40 часот, полициски службеници од СВР Куманово го лишиле од слобода Ф.Ј.(38) од Куманово, затоа што со остар предмет нападнал и повредил вработена на Инфективното одделение во Општата болница Куманово. Тој бил задржан во полициска станица и по целосно документирање на случајот против него ќе следува соодветна пријава.

Директорката на кумановската болница позитивна на коронавирус

Тале Кристо — Fri, 03 Jul 2020 08:37:33 +0000

Директорката на Општа болница Куманово, Снежана Захариева, утрово на социјалните мрежи објави дека е позитивна на КОВИД-19. – Позитивен резултат од тестот за САРС-КоВ-2. Без маска само дома, пет месеци работа – дома, но имунитетот попушти. Хроничниот стрес и премореноста си го направија своето. Чувајте се. Инаку, тестот го направив вчера напладне, благодарност до МАНУ за брзиот резултат, напиша Захариева. Од почетокот на пандемијата во кумановската општа болница беше заразен поголем дел од здравствениот персонал. Одделенијата работеа со редуциран кадар, доаѓаа лекари од други градови. Состојбата по извесен период се стабилизираше.

Инфективно одделение во кумановската болница скоро полно!

Дарко Андоновски — Mon, 15 Jun 2020 12:22:06 +0000

Пополнети се капацитетите на одделот за инфективни болести во Општата болница Куманово, соопштија денеска надлежните од оваа установа. Од вкупниот капацитет на 18 кревети, исполнети се 17, изјави денеска директорот на болницата во Куманово, д-р Снежана Захариева. - Десет пациенти се на кислородна поддршка, што значи дека имаат умерена до тешка клиничка слика. Другите пациенти имаат умерена клиничка слика. Гужва има и во амбулантскиот оддел каде што пациентите доаѓаат, примаат терапија и се пуштаат на домашно лекување. Пациентите од Куманово кои се позитивни во Ковид-19, без оглед на нивната состојба, се во постојана комуникација и контакт со нашите специјалисти за заразни болести, рече Захариева. Во овој период, четири медицински сестри од одделот за заразни болести се позитивни во Ковид-19, што е една болничка смена. Захариева вели дека се ангажирани сестри од други одделенија во болницата кои помагаат во одделот за заразни болести.

80 здравствени работници од Кумановската болница се во самоизолација

Дарко Андоновски — Thu, 09 Apr 2020 11:43:02 +0000

– Од 700 вработени има уште 80 кои се во самоизолација и ќе се тестираат согласно периодот на инкубација. Во Кумановската болница 18 вработени се позитивни и работата таму е реорганизирана, - рече Филипче. Според податоците на Институтот за јавно здравје до 7 април, регистрирани се 72 случаи на заболени здравствени работници од коронавирус во земјава.