кумановски театар – Kurir.mk

Кумановскиот театар ја изведе претставата ,,Црвенкапа”

Ивана Ефремовски — Thu, 31 Aug 2023 06:55:45 +0000

Кумановскиот театар, вчера премиерно ја изведе претставата „Црвенкапа“. Најмладите уживаа во преставата во која играат актерите: Александра Михајловска, Анастасија Величковиќ, Матеј Стојковски, Никица Јанковски и Владанка Крстевски. Режијата е на Никица Јанковски и Бојана Краљевска, сценографијата е на Крсто Богојевски, костимите се на Кети Пауновска Стевковска Дарко Илиевски, музика Јован Цветковиќ и драматургија Сашо Костовски. Актерите почнаа да ја подготвуваат претставата во текот на јуни, а како што нагласуваат од театарот, детската претстава се реализира со делумна финансиска поддршка од Министерството за култура. -Вечната приказна за Црвенкапа, приказната за доброто и лошото, која се игра во сите театри беше вистинско освежување за најмалит. Интересот за детските претстави е секогаш е голем кај кумановската публика. Наскоро ќе биде закажана и првата реприза на претставата. Со претставата „Црвенкапа“ ќе се претставиме и на Фестивалот ,,Малиот принц" што се оддржува во Штип од 18 до 20 септември, годинава, информираат од театарот.

Одложени сите претстави во кумановскиот театар до 6-ти март

Ивана Ефремовски — Sat, 29 Feb 2020 10:10:59 +0000

Кумановскиот театар ги одложи закажаните претстави до 6 март, годинава, согласно препораките на Владата за неодржување јавни настани, соопштија денеска надлежните од Националната установа Центар за култура „Трајко Прокопиев“ Куманово. Вчера беше откажана една претстава во Кумановскиот театар. -Одложен е театарскиот маратон што беше предвиден да се одржи наредната недела од 5 до 7 март, на кој беа предвидени да се одржат по две претстави тие денови за симболична цена како и премиерата на детската претстава „Трнорушка“ која беше закажана за 4 март, изјави директорот на установата, Сашо Тодоровски. Од НУЦК „Трајко Прокопиев“ информираа дека дополнително ќе известат за одржување на термините за претставите.

Кумановскиот театар премиерно ќе ја изведе детската претстава „Малата сирена“

Ивана Ефремовски — Thu, 07 Mar 2019 10:37:26 +0000

Кумановскиот театар утревечер со почеток во 18:30 часот, премирно ќе ја изведе преставата „Малата сирена“ по мотиви на Ханс Кристијан Андерсен, во режија на Бојана Краљевска. Ова е прва претстава наменета за најмладите во тековната година, информираа актерите на денешната прес-конференција. Режисерката Краљевска, посочи дека било предизвик да се работи и вклопи актерската игра со корографијата, сценографијата, со песна и игра. Публиката ќе може да ужива во двата света, морскиот и копнениот, светот на принцови, морнарите, на сирените рибите, школките, коралите. -Се надевам дека успевме и нема да ги разочараме најмладите, напротив ќе ги освоиме, изјави Краљевска. Актерката Русеска ја толкува улогата на малата сирена. -Приказната зборува за вистинска љубов која секогаш победува, рече Русеска. Нејзините колеги Јовановски и Дончевска Илиќ ги толкуваат улогите на рибата Ушко и на вештерката од морското дно. Тие ги повикаа најмладите да ја проследат претставата, да ги остават мобилните телефони, да уживаат во сплетките на рибите и ракчињата. -Во детските претстави секогаш има и добро и лошо и мора да кажам дека децата умеат да го одвојат доброто од злото, вели Дончевска Илиќ. Во претставата играат осум актери од театарот Сања Русеска, Марко Трајковиќ, Александра Михајловска, Никица Јовановски, Дубравка Киселички, Кети Дончевска Илиќ, Жарко Јовановиќ и Владо Дојчиновски.