куп на америка – Kurir.mk

Meси: Мојот најголем сон е да добијам титула во овој дрес

Магдалена Андонова — Mon, 14 Jun 2021 06:35:16 +0000

Аргентинскиот фудбалер Лионел Меси ги сподели своите очекувања од Копа Америка. – Ние работиме добро, но ни треба победа. Секогаш е важно да започнете со три бода затоа што ви дава мир на умот. Знаеме дека ова е тешко, но се надеваме дека можеме да го постигнеме. И покрај фактот дека се појавија нови момци, мислам дека идејата и како игра репрезентацијата се доволно јасни. Мислам дека е време за трофеј и овој Куп е одлична можност. Јас сум секогаш достапен за репрезентацијата. Мојот најголем сон е да добијам титула во овој дрес. Бев многу близу неколку пати. Ова не се случи, но јас ќе продолжам да се обидувам. Јас секогаш ќе се борам за тоа, ги цитира зборовите на Меси, официјалниот Твитер на аргентинската репрезентација. Аргентинците на првиот натпревар ќе се сретнат со Чиле, средбата ќе се одигра вечер во Рио де Жанеиро со почеток во 23 часот. Во групата А се уште и селекциите на Парагвај, Боливија и Уругвај. Купот на Америка 2021 се игра од 13 јуни до 10 јули во Бразил. Домаќин на турнирот ќе бидат градовите Бразилија, Кујаба, Гојана и Рио де Жанеиро.(МИА)

Финалето на Купот на Америка ќе се игра на „Маракана“

Ивона Петрова — Thu, 03 Jun 2021 10:44:46 +0000

Последниот натпревар од Купот на Америка ќе се одржи на 10 јули на стадионот „Маракана“ во Рио де Жанеиро, соопштено е на веб-страницата на Јужноамериканската фудбалска конфедерација (КОНМЕБОЛ). Турнирот ќе се одржи во Бразил од 13 јуни до 10 јули. Воведниот натпревар ќе се одржи на стадионот „Гаринча“ во главниот град на Бразилија. Во него домаќините на турнирот ќе се сретнат со репрезентацијата на Венецуела. Првично, Купот на Америка требаше да се одржи во Колумбија и Аргентина. Колумбија беше лишена од ова право поради масовните протести во земјата, а Аргентина поради неповолната епидемиолошка состојба со коронавирус.

Купот на Америка може да биде откажан, преместен во САД, или даден на Чиле и Парагвај

Тале Кристо — Mon, 31 May 2021 10:18:59 +0000

Стана познато каде може да се одржи Купот на Америка 2021 година, кој започнува за 13 дена. Се разгледуваат неколку опции. Првата е да се даде турнирот на Чиле и Парагвај. Оваа опција изгледа подобро бидејќи Чиле има добра состојба со коронавирус и вакцинацијата напредува добро. Сепак, во Парагвај ситуацијата сега е слична на Аргентина, на која и беше одземена организацијата на натпреварувањето токму поради Ковид. Друга опција е да се премести турнирот во Северна Америка, поточно во САД. Јужноамериканската фудбалска конфедерација (КОНМЕБОЛ) првично сакаше да биде домаќин на турнирот во Јужна Америка, па на почетокот дури и не ја разгледуваше оваа можност. Иако Јужна Америка останува приоритет, сепак се разгледува и можност САД да се домаќини. Постои можност и за откажување на турнирот, втор пат по ред. Купот на Америка не се одржа ниту во 2020 година. Првично, заеднички домаќини на престижното фудбалско натпреварување требаше да бидат Колумбија и Аргентина, но Колумбија беше повлечена поради политичката ситуација во земјата, а Аргентина – поради медицинската.