Куп на ЕХФ – Kurir.mk

Еурофарм Пелистер елиминиран од Нексе кој славеше и во Битола

Бошко Тасиќ — Tue, 05 Apr 2022 20:18:17 +0000

Битолски Еурофарм Пелистер со втор пораз во осминафиналето се прости од Европската лига на ЕХФ. Битолчани денеска и на домашен терен во салата „Боро Чурлевски“ загубија со 21-22. Хрватскиот тим со гранитна одбрана и расположен голман заслужено оди во четвртфиналето. Битолчани добро тргнаа во натпреварот и имаа постојано водство, а најмногу со 7-3. Хрватите првото полувреме го завршија со серија од 1-4 за да го преземат водството, но на паузата резултатот беше 11-11. Нашиот тим очајно го почна второто полувреме и речиси седум минути не можеше да постигне гол па Нексе се одлепи на +3. Оваа разлика гостите ја одржуваа речиси до крајот, кога Пелистер притисна силно, но иако дојде до 20-20 не можеше барем со победа да се прости од Европската лига. Нексе заслужено по втор пат го победи македонскиот вицепрвак овој пат со 21-22. Стипе Мандалиниќ со шест голови и Реинер Табоада со пет беа најефикасни во нашиот тим, додека голманот Мартон Секељ имаше осум интервенции. Кај Нексе, Марин Јелиниќ постигна пет голови, додека голманот Михаило Радовановиќ забележа 13 одбрани.

Лазаров доби место меѓу најдобрите голови на колото во ЕЛ (ВИДЕО)

Бошко Тасиќ — Thu, 09 Dec 2021 17:19:25 +0000

Македонскиот ракометен репрезентативец Кирил Лазаров постигна еден погодок во ремито на Нант и Бенфика (33-33), но тој доби место меѓу најдобрите според атрактивноста и убавината Шут од десетина метри заврши во мрежата на португалскиот тим, а тоа беше доволно за ЕХФ да го смести погодокот на нашиот најдобар ракометар на петтото место. https://www.youtube.com/watch?v=4yKlFxys_7M&feature=emb_title

Моќен Еурофарм Пелистер за победа против Спортинг

Бошко Тасиќ — Tue, 07 Dec 2021 21:20:28 +0000

Е.Пелистер ја искористи новата шанса, го совлада Спортинг Лисабон на домашен терен со 31-25 (14-13) во последниот меч од оваа календарска година во Европската лига. Битолчани имаат скор три победи, две ремија и еден пораз по шест одиграни кола на паузата заминуваат како второпласирани. Атмосфера во салата „Боро Чурлевски“ беше прекрасна, истата за првпат оваа сезона беше целосно распродадена. Ракометарите на македонскиот вицепрвак имаа силна поддршка од трибините, благодарение на своите фанови се издигнаа во тешките моменти. Најдобри кај Еурофарм Пелистер беа Стипе Мандалиниќ и Јосип Периќ со по седум постигнати гола, пред Табоада и Граџан со по четири гола. Секели собра 12 одбрани. Кај гостите, Салвадор реализира шест пати. Вреди да се напомене дека Португалците имаа само една одбрана и тоа во последниот напад во вториот дел. Во следното коло Еурофарм Пелистер гостува кај Ним во Франција овој меч ќе биде битка за првото место.