куп на македонија – Kurir.mk

Работнички ја доби Куп драмата со Шкендија

Бошко Тасиќ — Wed, 25 Oct 2023 16:46:24 +0000

Фудбалските Работнички и Шкендија го одиграа најинтересниот натпревар од денешните осминафинални пресметки во Македонскиот фудбалски куп (3:2), а тетовци го завршија настапот заедно со Струга ТЛ, која пак доживеа елиминација на пенали. „Романтичарите“ први поведоа, па дозволиja пресврт од страна на Шкендија, за на крајот со нов пресврт, Работнички да стигне до 3:2 и голема победа во оваа рунда. Стојановски, Гандо и Мазари беа стрелци на погодоците за победникот, додека Елези и Цаке погодија за гостите од Тетово. АП Брера и Воска Спорт славеа на пенали во дуелите со Гостивар, односно Струга ТЛ и си обезбедија место во четвртфиналето, а Силекс обезбеди следна рунда со триумфот над Башкими со 3:2. Вардар загуби од Македонија Ѓ.П во скопската пресметка (0:1), а со истиот резултат Тиквеш славеше над Пелистер (1:0). Најубедлив беше тимот на Брегалница, екипа која славеше со 11:0 во дуелот со Јанг Тим, додека Шкупи оствари рутинска победа над Охрид со резултат 4:0.

Извлечени осминафиналните двојки во Купот на Македонија

Тале Кристо — Tue, 26 Sep 2023 12:12:36 +0000

Познати се двојките од осминафиналето во Купот на Македонија. Бранителот на трофејот, Македонија Ѓорче Петров ќе игра против Вардар. Финалистот од ланската сезона во натпреварувањето, Струга Трим Лум ќе гостува кај Воска. Двојки за осминафиналето во фудбалскиот Куп на Македонија: Вардар – Македонија Ѓ.П. Брегалница – Јанг Тим Работнички – Шкендија Силекс – Башкими Пелистер – Тиквеш Брера – Гостивар Шкупи – Охрид Воска – Струга.

Македонија ЃП го одбрани трофејот во фудбалскиот Куп на Македонија

Бошко Тасиќ — Sat, 20 May 2023 18:03:29 +0000

Фудбалерите на Македонија ЃП ја одбрани титулата во фудбалскиот Куп на Македонија. Во финалето „Лавовите“ славеа против актуелнот шампион Струга ТЛ по подоброто изведување на пенали. Натпреварот по 120 минути игра заврши 1:1, а пенал-рулетот и припадна на Македонија ЃП со 2:0. Македонија ЃП од една од ретките добри акции во првиот дел успеа да избори пенал. Топката во раката го погоди Кочоски, а судијата Стојчевски и покрај жестоките протести на стружани досуди пенал. Сигурен реализатор на најстрогата казна беша Мишевски во 28.минута. По слично сценарио си играше и во втрото полувреме. Струга ТЛ ја имаше топката, но не успеваше да дојде до голот на Македонија ЃП. Од друга страна во периодот од 55. до 61.минута „лавовите“ имаа можност да постигнат гол преку Фазли и Стојкоски. Иницијативата стружани ја материјализираа во 78.минута преку Незири кој ја нафрли топката од десната страна, Стефковски го одбрани ударот на Радиќ, но на одбиената топка налета Јусуфи и ја смести во голот. До крајот немаше возбудувања, па натпреварот влезе во дополнителните 30 минути. На стратот од првото продолжение, Радески се обиде од 20.метри, а топката одеше во Стефковски кој лесно интервенираше. Девет минути подоцна се обиде стрелецот на израмнувачкиот гол, Јусуфи, но неговиот удар ззаврши над голот. Македонија ЃП, првата закана во продолжението ја имаше во 103.минута Самаке, неговиот удар одеше по средните на голот. Ќосески лесно одбрани. Во наредниот напад Шабани од добра позиција упати непрецизен удар. Илиески имаше добра шанса за Македонија ЃП во 106.минута, но неговиот удар беше блокиран и заврши во корнер. Ова беше единственото нешто што се случи на теренот до крајот на продолжението. Струга ТЛ: Таири (над голот), Радески (греда), Незири (греда), Шабани (Стефковски брани ) Македонија ЃП: Мишевски (Ќосевски брани), Личина ((0:1), Алексовски (брани Ќосевски), Скендери (0:2). foto: gol.mk

ЖФК Љуботен го освои женскиот фудбалски куп на Македонија

Бошко Тасиќ — Wed, 17 May 2023 04:11:27 +0000

Актуелните шампионките на Македонија ЖФК Љуботен за првпат во својата историја дојдоа до трофејот од националниот куп откако во денешното финале кое се играше во Ѓорче Петров, со 4-0 ја победија Каменица Саса. Три од четирите голови за Љуботен беа дело на бразилските фудбалерки во тетовскиот тим. Серијата ја почна Делгадо со гол со глава по корнер во 18. минута, Гоја две минути подоцна зголеми на 2-0, а Едите Силва по шест минути игра во вториот дел ја обезбеди победата. Конечните 4-0 ги постави Бојана Петкова. Љуботен има големи шанси да дојде и до двојната круна затоа што се актуелни лидерки на табелата. Во последните две кола играат со Шкендија и Каменица Саса, имаат бод предност во завршницата од сезоната.

Вардар преку Алкалоид до финале во ракометниот Куп на Македонија

Бошко Тасиќ — Thu, 11 May 2023 19:42:22 +0000

Ракометарите на Вардар се вториот финалист во Купот на Македонија откако во полуфиналниот натпревар во СЦ „Билјанини извори“ во Охрид триумфираа против Алкалоид со 31-22. „Вардарци“ од самиот почеток на мечот презедоа контрола на натпреварот сакајќи со време да ја осигураат победата, па на полувремето дојдоа до предност од 14-9. Најефикасен во победничкиот тим беше Манасков со 12 гола, а Георгиевски постигна шест погодоци, а Томовски беше одличен на голот со 17 одбрани кај „црвено-црните“. Мартин Серафимов кај Алкалоид запиша шест погодоци. Во 30-то издание на ракометниот Куп на Македонија во финалето ќе играат Вардар и Еурофарм Пелистер. Вардар во своето 22-ро финале во Купот ќе го брка 16-от трофеј.

ЖРК Металург го откажа настапот во Купот на Македонија

Бошко Тасиќ — Thu, 11 May 2023 18:55:40 +0000

Бранителот на трофејот во ракометниот Куп на Македонија во женска конкуренција,ЖРК Металург, нема да настапи на завршниот турнир кој ќе започне утре во Охрид. ЖРК Металург се повлече од Купот поради штрајкот на ракометарките за неисплатени плати. Поради штрајкот ЖРК Металург не го одигра натпреварот против Чаир, а исто така нема да патува и во Битола на дуелот со Пелистер во последното коло, во Суперлигата. Откажувањето на ЖРК Металург значи дека директен пласман во финалето изборија ракометарките на Куманово. За второто место во финалето ќе се борат ЖРК Ѓорче Петров и ЖРК Вардар.

Финалето од Купот на Македонија место во Струмица ќе се игра на тренинг-центарот „Петар Милошевски“ во Скопје

Бошко Тасиќ — Fri, 05 May 2023 04:32:46 +0000

Иако беше најавено дека фудбалскиот Куп на Македонија на 20-ти мај во кој ќе играат Струга Трим Лум и бранителот на трофејот Македонија Ѓорче Петров ќе се игра во Струмица, сепак ФФМ се одлучи тој да се одигра во Скопје. Пред скоро еден месец Управниот одбор на Фудбалската федерација на Македонија донесе одлука финалето да се игра во Струмица за првпат по пет години. Сепак, на стадионот „Благој Истатов подолг период има проблеми со тревната подлага и ФФМ ја смени одлуката. Место во Струмица Струга Трим Лум и Македонија Ѓорче Петров ќе играат во Скопје и тоа на тренинг центарот на ФФМ „Петар Милошевски“. На Националната Арена нема можност да се игра затоа што ќе биде затворена поради јунскиот квалификаицски натпревар против Украина.

Финалето на македонскиот фудбалски Куп во Струмица

Ивона Петрова — Mon, 10 Apr 2023 17:40:54 +0000

Финалето на годинешното издание на Купот на Македонија ќе се одржи во Струмица, соопшти попладнево Фудбалската федерација на Македонија (ФФМ), по завршување на седницата на Управниот одбор. ФФМ дополнително се очекува да го објави датумот и терминот на финалето во кое ќе играат актуелниот освојувач на трофејот Македонија Ѓорче Петров и Струга. Струмица во минатото беше домаќин на куп финалињата во 2017 и 2018 година. Управниот одбор на денешната седница одлучи редовното Генерално собрание на ФФМ да се одржи на 27 мај во Скопје.

Претстојниот викенд во Радовиш ќе се одржи завршниот турнир во одбојкарскиот Куп на Македонија

Бошко Тасиќ — Wed, 22 Mar 2023 06:03:00 +0000

Осум екипи, по четири во машка и во женска конкуренција, од четврток до сабота ќе се борат за трофејот во Купот на Македонија. Завршниот турнир ќе биде одржан во салата „25-ти Мај“ во Радовиш, а првите полуфинални пресметки ќе бидат во машка конкуренција. Бранителот на трофејот, Струмица Никоб, е апсолутен фаворит против Универзитет Тетово, а ГОК Борец ќе се обиде да ја предизвика Шкендија во дуелот на третата и втората екипа на табелата во шампионатот. Петокот е резервиран за дамите, Работнички Скопје ќе игра против Јанта Волеј, додека Наковски волеј игра против Вардар. Финалните натпревари треба да се играат в сабота, стартот на машкото финале е во 13 часот, додека женското е закажано за 16 часот. Сите натпревари од завршниот турнир ќе се емитуваат на националниот сервис и тоа на третиот канал. Полуфинале (мажи) , четврток: Струмица Никоб – Универзитет Тетово (17.30) ГОК Борец – Шкендија (20.00) Финале (мажи), сабота (13.00) Полуфинале (жени), петок Јанта волеј – Работнички Скопје (17.30) Вардар – Наковски волеј (20.00) Финале (жени), сабота (16.00)

Алкалоид доминантно до билет за Ф4 во Купот на Македонија

Бошко Тасиќ — Sun, 19 Mar 2023 21:13:13 +0000

РК Алкалоид славеше над Вардар Неготино со убедливи 36-23 и за првпат во клупската историја обезбеди учество на завршниот турнир од Купот на Македонија. Амбициозниот скопски проект главната работа во својата група ја заврши со триумфот во вчерашното полуфинале над градскиот ривал Бутел, по што избраниците на Кире Лазаров во денешното финале ја оправдаа фаворитската улога и обезбедија билет за Ф4. Дамјан Митев со седум гола беше најефикасен во победничкиот тим, во чии редови Стојков постигна шест, а Кофилоски, Стојковиќ и Симоноски по четири погодоци. Најдобар поединец во таборот на Вардар Неготино беше Адамовиќ со девет гола, осум од нив во првото полувреме. За потсетување, пред Алкалоид учеството на Ф4 во Купот на Македонија како победници во своите групи го обезбедија и Пролет, Еурофарм Пелистер и Вардар.