куп – Kurir.mk

Еурофарм Пелистер прв финалист во македонскиот ракометен Куп

Тале Кристо — Thu, 11 May 2023 17:27:52 +0000

Ракометарите на Еурофарм Пелистер ја оправдаа фаворитската улога вечерва во полуфиналната пресметка против Тинекс Пролет и со победа од 28-21 обезбедија пласман во дуелот за трофејот во македонскиот Куп во ракомет во машка конкуренција. Во ниту еден момент од натпреварот во Охрид не беше доведена во прашање победата на битолскиот состав, кој веќе на полувреме имаше убедливо водство од 17-10. Во второто полуфинале, кое е на програмата вечерва од 20 часот, ќе играат Вардар 1961 против Алкалоид. Титулата ја брани Вардар 1961, кој со 15 трофеи е рекордер во натпреварувањата во националниот Куп, додека Алкалоид е дебитант на завршниот турнир.

ВИДЕО: Барселона со три хеликоптери пристигна на осминафиналниот натпревар во Купот на Шпанија

Тале Кристо — Fri, 20 Jan 2023 08:15:56 +0000

Откако во неделата во Ријад го победија Реал Мадрид со 3-1 и го освоија првиот трофеј сезонава, фудбалерите на Барселона немаа многу време за одмор по враќањето во Каталонија, бидејќи ги чекаше уште едно гостување, овој пат на северот на Африка во рамки на осминафиналето на Купот на Шпанија. Противник на Барселона беше третолигашот Сеута од истоимениот град на северот на Африка. Сеута е „автономен шпански град“, со површина од 18.5 километри и нешто повеќе од 85.000 жители, кој политички ѝ припаѓа на Шпанија, а географски е на територијата на Мароко. Барселона на пат тргна ден пред натпреварот. Бидејќи Сеута нема аеродром кој може да прими големи авиони, каталонскиот клуб прво со авион пристигна во Малага, а потоа преку Гибралтарскиот теснец прелета со хеликоптери. Делегацијата на Барселона беше распоредена во три хеликоптери од марката „Аугуста Вестланд 139“ од кои секој чини 12 милиони евра и има капацитет за 15 патници. Доаѓањето на шпанскиот фудбалски гигант беше голем празник за жителите на Сеута, а на хелиодромот фудбалерите на Барселона беа пречекани од стотици навивачи и покрај силното обезбедување. Натпреварот на резултатски план не донесе изненадување и Барселона со убедливи 5-0 обезбеди пласман во четвртфиналето, со головите на Рафиња (41 минута), Роберт Левандовски (50, 90), Ансу Фати (71) и Франк Кеси (77). Пласман во четвртфиналето обезбеди и Реал Мадрид, триумфирајќи на гостински терен над Виљареал со 3-2.

We travel by helicopter today 🚁 pic.twitter.com/VlOL6njvgR
— FC Barcelona (@FCBarcelona) January 19, 2023

Јувентус против Интер во финалето на Купот на Италија (ВИДЕО)

Ристе Здравков — Wed, 20 Apr 2022 21:09:57 +0000

Големите ривали Јувентус и Интер ќе се борат за трофејот од Купот на Италија откако старата дама уште еднаш ја победи Фиорентина, овојпат со 2-0 и со вкупни 3-0 се пласираше во финалето. Јувентус мечот го почна со предност од 1-0 остварена во Фиренца, па момците на Алегри беа големи фаворити за пласман во финале кое го заверија со нов триумф. Резултатот беше отворен во 32. минута со гол на Бернанрдески. Во 62. минута повторно се затресе мрежата на Фиорентина, но погодокот на Рабио беше поништен поради офсајд. Кога се очекуваше крај на мечот, Данило даде гол во 94. минута и ги постави конечните 2-0 за Јувентус.

Натпреварот на Баерн во Купот на Германија е одложен поради карантин на Бремер

Тале Кристо — Wed, 04 Aug 2021 06:05:56 +0000

Натпреварот од првото коло во Купот на Германија помеѓу Баерн Минхен и Бремер, клуб од 5. дивизија е одложен на неодредено време. Средбата беше закажана за в петок, но е откажана поради наметнатите карантински мерки за домаќинот, клубот од Бремен. Германскиот фудбалски сојуз во блиска иднина ќе се обиде со клубовите да се договори за нов датум за натпреварот.

Реал Мадрид елиминиран од теретолигаш од купот на Шпанија

Тале Кристо — Thu, 21 Jan 2021 08:04:17 +0000

Реал Мадрид синоќа беше поразен во 1/16 финалето од Купот на Шпанија од третолигашот Алкојано со 2:1 по продолженија, откако по 90 минути средбата заврши нерешено 1:1. Едер Милитау на крајот од првото полувреме го донесе Реал во водство, но противникот успеа да направи прсврт. Најпрво Солбес изедначи во 80. минута, а изненадувањето го најави Казанова со голот во 115. минута. Од 110. минута Алкојано играше со фудбалер помалку поради црвениот картон на Лопез, но и тоа не ги спречи да извојуваат победа над големиот фаворит.

ВИДЕО: Милер груб кон новинарката по елиминацијата на Баерн од германскиот куп

Тале Кристо — Thu, 14 Jan 2021 08:26:54 +0000

Напаѓачот на Баерн Минхен, Томас Милер се скара со новинарката која му земаше изјава по синоќешниот пораз од Кил во 1/16 финалето од германскиот куп. Баварците загубија на пенали, а поразот предизвика нервоза кај фудбалерот кој не беше задоволен од насмевката на Валеска Хомбург од АРД која поставуваше прашања. Милер не едно од прашањата одговори: Што мислиш? Сега се смеете овде. Хомбург се обиде да разјасни дека не му се смее на Баерн, но Милер ја прекина: „Секако дека се смееше.

Пиоли: Милан секогаш верува во својата сила

Тале Кристо — Wed, 13 Jan 2021 07:30:35 +0000

Тренерот на Милан, Стефано Пиоли, по победата над Торино во Купот на Италија, истакна дека тимот секогаш верува во себе. Тој исто така потсети додаде дека „росонерите“ го одиграа четвртиот натпревар за девет дена. – Не можам да не бидам задоволен од играта, бидејќи тоа беше четврти натпревар во рок од девет дена, но никогаш не ни недостасуваше духот или интензитетот. Штета што не победивме за 90 минути, но сепак го покажавме нашето ниво, бидејќи не е лесно да се реализираат пет од пет пенали. Ние веруваме во нашата сила. Ние секогаш размислуваме позитивно за време на игрите и остануваме фокусирани, истакна Пиоли за „Фудбал Италија“. Милан синоќа во осминафиналето на Купот на Италија го победи Торино на пенали со 5:4, откако основните 90 и дополнителни 30 минути завршија без победник 0:0. Во четвртфиналето, фудбалерите на Пиоли ќе играат со подобриот од дуелот Интер – Фиорентина.

Ширер: Мурињо го донесе Тотенхем во финалето на Купот, го смени менталитетот на тимот

Тале Кристо — Mon, 11 Jan 2021 13:12:20 +0000

Поранешниот англиски репрезентативец, Алан Ширер искажа пофални зборови за настапите на Тотенхем под водство на Жозе Мурињо. – Со Мурињо на тренерската позиција Тотенхем веќе се пласира до едно финале (англиски Лига куп), тимот игра добро во Премеир лигата и ќе продолжи да се развива. Има промена во менталитетот на играчите, изјави Ширер. Жозе Мурињо беше назначен за тренер на Тотенхем во ноември 2019 година. „Спарс“ по 17 кола во Премиер лигата се на 4. место со 29 бода и натпревар помалку. Пред Тотенхем се Лестер со 32, Манчестер јунајтед со 33 и Ливерпул исто така со 33 бода.

Баер прв финалист во Купот на Германија

Тале Кристо — Wed, 10 Jun 2020 07:38:09 +0000

Екипата на Баер Леверкузен ќе игра во финалето фудбалскиот Купот на Германија, откако синоќа во полуфиналето како гостин го совлада Сарбрикен. „Фармацевтите“ немаа поголеми проблеми со клубот од четвртата дивизија во германското првенство и на крајот триумфираа со 3:0. Во финалето, ривал на Баер ќе биде победник од вечерашниот дуел Баерн – Ајнтрахт. Овој меч ќе се игра во Минхен со почеток во 20:45 часот.

Барселона го освои Суперкупот на Каталонија, Андонова постигна два гола

Ристе Здравков — Sun, 26 Aug 2018 07:13:41 +0000

Женскиот фудбалски тим на Барселона го освои Суперкупот на Каталонија, откако во финалето со убедливи 7:0 го совлада Еспањол. Најдобрата македонска фудбалерка Наташа Андонова одигра одличен натпревар и постигна два гола за Барселона, првиот во 12 минута, а вториот гол го реализираше во 29 минута. По два гола постигнаа и Дуган и Хамрауи, а Барбара Латоре еднаш се запиша во листата на стрелците. Претходно, Андонова имаше извонреден настап и во полуфиналето против Пардињес, кога постигна хет-трик и Барселона триумфираше со 9:0.