куповна моќ – Kurir.mk

Монстат: Според стандардот на куповна моќ, Македонија е на ниво од 42 проценти од европскиот просек

Ивона Петрова — Sat, 17 Dec 2022 09:21:21 +0000

Црногорскиот Завод за статистика Монстат ги објави Бруто домашниот производ (БДП) и реалната индивидуална потрошувачка по глава на жител, според Стандардот за куповна моќ (ППС). „Од земјите членки на ЕУ, највисок БДП по глава на жител според стандардот на куповната моќ е забележан во Луксембург, чие ниво е повеќе од два и пол пати повисоко од просекот на ЕУ, и изнесува 268 отсто од европскиот просек, додека Бугарија е на најниско ниво со 57 отсто од просекот на ЕУ“, соопшти Монстат. Од земјите во регионот, Хрватска има највисок БДП по глава на жител според стандардот за куповна моќ, што е 70 отсто од просекот на ЕУ, додека Црна Гора е на второ место со 48 проценти од просекот на ЕУ. Србија е на ниво од 44 отсто од европскиот просек, Северна Македонија на ниво од 42 проценти, Босна и Херцеговина на ниво од 33 отсто, додека Албанија е на ниво од 32 отсто од европскиот просек. „Реалната индивидуална потрошувачка по жител според СКМ, според конечните податоци меѓу земјите-членки, се движеше од 65 отсто од просекот на ЕУ во Бугарија до 144 проценти од просекот на ЕУ во Луксембург“, посочува Монстат.

Битиќи признава: Паѓа куповната моќ на граѓаните

Ивона Петрова — Fri, 22 Apr 2022 20:59:09 +0000

Вицепремиерот за економски прашања, Фатмир Битиќи, во емисијата „360 Степени“ на Алсат кажа која е причината за поскапувањето, прогнозирајќи до кога би можел да се очекува таквиот тренд. -Она што е најважно е животниот стандард на населението и неговата куповна моќ. Отворено кажувам и дека гледаме, чувствуваме дека паѓа куповната моќ на граѓаните затоа што цената расте. Јас не сум од оние што прават споредби ако цените на производите се поевтини во регионот, затоа што не треба да се споредува бидејќи куповната моќ е различна и во регионот. Важно е што можеме да направиме. Тоа што сме во слободна економија, секоја државна интервенција не е во согласност со пазарните правила, но и покрај тоа направивме да замрзнат цените, но и ова има свои граници до кога. Мислам дека се постигнати максималните цени на прехранбените производи и моите предвидувања се дека тие всушност не треба да одат понатаму бидејќи нема фактори кои би требало да поттикнат уште поголем раст, рече тој. -Во моментов има зголемување на маслото за јадење бидејќи имаме прекин во синџирот на снабдување, всушност сончоглед, сончогледово семе или нерафинирано масло да дојде овде и да го рафинира за да го извади по пониска цена, нагласи Битиќи.

Евростат: Бугарите со најниска куповна моќ во ЕУ во 2020 година

Магдалена Андонова — Thu, 16 Dec 2021 08:32:10 +0000

Најлош животен стандард во ЕУ имаат во Бугарија (39 отсто под просекот за ЕУ-27 ниво во 2020), следи Хрватска каде во 2020 бил за една третина (32 отсто) понизок од просекот во Европската унија, се вели во извештајот на Евростат. Бугарија е и со најнизок БДП по човек од населението – 45 отсто под просечното ниво за ЕУ-27. Евростат го мери стандардот според вистинската индивидуална потрошувачка по глава на жител, што покажува колку стоки и услуги потрошиле поединците, дали самите платиле за нив или трошоците се на товар на државите или невладините организации, забележува Европскиот завод за статистика. Фактичката индивидуална потрошувачка (SIP) по глава на жител се изразува во стандардите за куповна моќ, вештачка валута која ги елиминира разликите во цените меѓу земјите. Во 2020 година, највисокиот стандард, изразен во фактичката индивидуална потрошувачка по глава на жител, е забележан во Луксембург, 45 отсто повисок од просекот на Европската унија, според најновата проценка на Евростат. Следат Германија и Данска, каде што беше за 24 и 22 отсто повеќе од просекот, а блиску се и Холандија и Австрија, каде беше за 17 и 16 отсто над европскиот просек. Најблиску до просекот во однос на фактичката индивидуална потрошувачка по глава на жител во 2020 година беа Кипар, Италија и Литванија, каде стандардот беше околу четири отсто понизок од просекот на ниво на Унијата. Во Ирска беше 10 отсто пониско, а во Франција исто толку над просекот. (МИА)