куршуми – Kurir.mk

Претрес во Штип, пронајдени дрога, куршуми, сигнален пиштол

Ивана Ефремовски — Tue, 24 Oct 2023 09:22:49 +0000

На 23.10.2023 полициски службеници од СВР Штип ги лишиле од слобода Р.А.(33), С.С.(23) и еден малолетник, сите тројца од Штип. При извршен претрес во домот на Р.А. биле пронајдени куршуми, додека кај С.С. била пронајдена марихуана, дробилка и сигнален пиштол. За случајот било известено Основно јавно обвинителство Штип, а по целосно документирање на случајот, ќе биде поднесена соодветна кривична пријава.

Кај скопјанец најдени 49 куршуми

Ивана Ефремовски — Tue, 17 Oct 2023 20:38:30 +0000

СВР Скопје поднесе кривична пријава против С.А.(29) од Скопје поради постоење основи на сомнение за сторено кривично дело „неовластено изработување, држење, посредување и тргување со оружје или распрскувачки материи“. На 25.07.2023 во село Сарај, полициски службеници извршиле преглед на патничко возило „ауди“, во кое сопатник бил пријавениот, при што кај него биле пронајдени и одземени 49 куршуми калибар 7,62 мм.

Куршуми во автомобилот, пиштол во близина на домот – приведен млад охриѓанец

Ивана Ефремовски — Tue, 30 May 2023 11:04:46 +0000

На 29.05.2023 во 22:45 часот на улица „Пирин планина“ во Охрид, полициски службеници од СВР Охрид го лишиле од слобода М.О.(33) од Охрид, затоа што при преглед во возилото „фолксваген голф“, кое го управувал, биле пронајдени и одземени куршуми и футрола за пиштол. Подоцна при извршен преглед, во близина на неговиот дом во Охрид, бил пронајден и одземен пиштол. По целосно документирање на случајот, против него ќе биде поднесена соодветна пријава.

Полицијата кај маж од Велес најде пиштол и куршуми за кои немал дозвола

Ивана Ефремовски — Thu, 13 Apr 2023 16:28:02 +0000

СВР Штип поднесе кривична пријава против В.С.(38) од Велес поради постоење основи на сомнение за сторено кривично дело „недозволено изработување, држење и тргување со оружје или распрскувачки материјал“. На 10.11.2022 во Штип, полициски службеници извршиле преглед над пријавениот и неговото патничко возило „ауди“, при што во возилото биле пронајдени пиштол „Црвена застава“ калибар 7,65 мм и шест боеви куршуми за пиштол калибар 7,65 мм, а за кои не поседувал дозвола.

Залутани куршуми оштетиле две возила, продавница и казино во Скопје

Ивана Ефремовски — Tue, 07 Feb 2023 17:34:55 +0000

Денеска (07.02.2023) во 01:51 часот во СВР Скопје, З.З.(34) од Скопје пријавил дека на ул.„Бутелска“ од залутано зрно од огнено оружје било оштетено неговото патничко возило „сеат леон“ со скопски регистарски ознаки. Полициски службеници од Полициска станица Чаир излегле на местото, при што било констатирано дека од залутано зрно било оштетено и патничко возило „фиат“ со скопски регистарски ознаки, сопственост на Х.Н. (24) од Скопје, како и продажен објект и казино. Се преземаат мерки за расчистување на случајот.

Штипјанец славел со куршуми: Пукал во двор, полицијата собирала чаури

Ивана Ефремовски — Mon, 19 Dec 2022 17:31:24 +0000

На 18.12.2022 во 19:45 часот во Полициската станица Штип било пријавено дека А.Љ.(41) од Штип, за време на семејна веселба во неговиот двор на ул.„Каваклија“ во Штип, со пиштол испукал неколку куршуми во воздух. Полициски службеници излегле на местото и пронашле и одзеле 5 чаури 9мм од сигнален пиштол. По документирање на случајот против него ќе биде поднесен соодветен поднесок.

Носел со себе 237 куршуми, кривична пријава за лице од Кочани

Ивана Ефремовски — Sun, 09 Oct 2022 17:26:44 +0000

СВР Скопје поднесе кривична пријава против Д.И. од Кочани, со престој во Скопје, поради постоење основи на сомнение за сторено кривично дело „недозволено изработување, држење, посредување и тргување со оружје или распрскувачки материи“. Пријавениот неовластено поседувал и носел со себе 237 куршуми маневарска муниција со калибар 7.62 х 39 мм.

Залутан куршум и во скопски Бутел, паднало и оштетило таван на правно лице

Ристе Здравков — Sun, 28 Aug 2022 15:02:22 +0000

На 27.08.2022 во 13.30 часот С.П.(42) пријавила дека на подрачјето на Бутел во правно лице бил оштетен таванот од залутан куршум. Се работи на расчистување на случајот.

Имал пиштол и куршуми, но немал документација – кривична пријава за скопјанец

Ивана Ефремовски — Tue, 02 Aug 2022 15:32:06 +0000

СВР Скопје поднесе кривична пријава против Ф.Џ.(47) од Скопје, поради постоење основи на сомнение на за сторено кривично дело „недозволено изработување, држење и тргување со оружје или распрскувачки материи“. На 19.07.2022, полициски службеници извршиле претрес во домот на пријавениот, при што пронашле и одзеле еден пиштол „Зораки“, една рамка и 55 куршуми без документација.

Велешани ќе одговараат за поседување пиштол и куршуми

Ивана Ефремовски — Mon, 04 Jul 2022 10:21:27 +0000

На 02.07.2022 во 23:15 часот на ул.„Гоце Делчев“ во Велес, полициски службеници од СВР Велес ги лишиле од слобода Н.Л.(28) и Ј.Б.(25), двајцата од Велес, затоа што при преглед во возило „фиат панда“, со велешки регистерски ознаки, во кое се превезувале, биле пронајдени четири куршуми за пиштол со калибар 7.65мм. По целосно документирање на случајот ќе биде поднесен соодветен поднесок.