Курт Расел сака да се пензионира

Ивона Петрова — Thu, 26 Nov 2020 09:02:45 +0000

Во својата славна, речиси 60-годишна актерска кариера, Курт Расел ги глумеше 12-годишниот Мајк во „Се случи во светот на реалноста“ со Елвис Присли, понатаму – „змијата“ Снејк Плискен („Бегство од Њујорк“ и „Бегство од Лос Анџелес“), Мекреди („Нештото“ / The Thing), Вајат Ерп, Брукс, Семоќниот Јас („Чувари на галаксијата 2“)… Сепак, се чини дека неговата улога на Дедо Мраз во филмот „Божиќни хроники 2“ (The Christmas Chronicles 2) на Нетфликс може да му биде и последна. Тоа, барем според Крис Колумбос, славниот режисер од „Сам дома“ и „Хари Потер“, кој беше одушевен со Расел и неговата изведба во првиот дел од семејната божиќна драма од 2018 година. Тој седна на режсерското столче и заради продолжението, чие прво прикажување се случи вчера. – Кога ова момче (Расел, 69) го глуми Дедо Мраз, тоа, главно не „се сфаќа сериозно“. Кога го толкува Дедо Мраз, тој пишува 170 страници од приказната и митологијата на овој човек. Тоа е обврска на глумецот. Тој е посветен на оваа улога на начин на кој вие би очекувале (Роберт) Де Ниро да му биде посветен на Џејк ЛаМота („Разјарениот бик“), изјави Колумбос за „Јаху ентертејнмент“. Според режисерот, токму тоа ја докажува големината на Расел како глумец. – Во една прилика ми рече: Сакам да појдам кон залезот, ова е последната улога што ја толкувам. Тој сака да продолжи да го прави ова… Длабоко во неговата душа, тој е посветен на оваа улога. Тоа значи дека осум недели растење на брадата со малку додатоци, работејќи со сценариото секоја вечер пред да снима со мене. Тоа е силна посветеност. И тој го сфаќа тоа многу сериозно, вели Колумбос. Во новиот филм глуми и Голди Хоун – долгогодишна животна сопатничка и добро позната негова филмска партнерка во повеќе други филмови.

Беше холивудски заводник, а сега е брадест дедо: Подготвен за улогата која сите ја чекаат (ФОТО)

Ивана Ефремовски — Wed, 13 Nov 2019 17:37:33 +0000

Курт Расел (68) се прошета низ сончевиот Брентвуд со партнерката Голди Хаун (73) и синот Вајат (33), но речиси никој не го препозна поради густата бела брада и косата. Всушност, актерот се подготовка за новата улога на Дедо Мраз, која Курт очигледно реши да ја одигра што е можно поверно. Станува збор за продолжение на филмот „Божиќна хроника“. Интересно е што во првото продолжение Баба Мразица ја играше неговата животна партнерка Голди Хоун, но не е познато дали улогата уште еднаш ѝ припадна нејзе.

Неговото срце е сè уште нејзино, а тие се заедно уште од 1983 година. Заедно го имаат синот Вајат, кој е роден во 1986 година. Голди од пропаднатиот брак со Бил Хадсон ја има ќерката Кејт Хадсон, која смета дека нејзин татко е Курт.

Курт Расел – Kurir.mk

Курт Расел сака да се пензионира

Беше холивудски заводник, а сега е брадест дедо: Подготвен за улогата која сите ја чекаат (ФОТО)