курто дудуш – Kurir.mk

СДСМ во Шутка ажурира во просториите на Општината

Ивана Ефремовски — Wed, 10 Feb 2021 16:47:01 +0000

Градоначалникот на Шуто Оризари, Курто Дудуш, спротивно на законот врши партиско ажурирање на членови во просториите на Општината. Тој на својата Фејсбук страница се пофали дека членството на неговата партија постојано расте и објави слики од луѓе кои потпишуваат пристапници. Некои од нив, се и вработени во општинската администрација, како и луѓе вработени во Општината со договор на дело. Дополнително на ова, е тоа што ажурирањето се врши за време на работно време, што е исто така казниво. Поради ова, Ерџан Демир претседател на ВМРО-ДПМНЕ ОК Шуто Оризари побара институциите да реагираат на ова шерифско однесување на градоначалникот Дудуш. -Такво шерифско однесување е недозволиво и некој мора да понесе одговорност почнувајќи од градоначалникот и итно невладината организација која добила простории во општинската зграда истите да ги напушти, напиша тој на својот Фејсбук. Според него, ваквите партиски активности во простории на локални самоуправи се строго забранети и казниви. -До кога вака? Ова е максимална злоупотреба. По сликте може да се констатира дека некои од луѓето се вработени во општинската администрација како и луѓе вработени со договор на дело и тоа го праваат за време на работното време исто така законски не е дозволиво! Па, уште слики постирате на луѓе кои поплнуваат пристапници и се фалите. На сликите има и луѓе активисти, "хуманитарци" од невладината организација која е сместена во просториите на општинската зграда итн. Се прашувам што ли што ли уште човек да очекува од вас, што ли уште сте спремни да направите се со цел само да ги задржите вашите удобни фотељи. Не заборавајте дека народот гледа се и не заборава, и за тоа ќе ве казни, напиша Демир.

Дудуш во ек на коронавирус дели канти- животот на педесетина граѓани ставени во опасност (ФОТО)

Дарко Андоновски — Wed, 03 Jun 2020 22:10:28 +0000

Градоначалникот од редовите на СДСМ на Шуто Оризари не престанува да прави скандали откако е на власт во оваа општина. Тој денеска делеше канти за отпадоци на луѓе без заштитна опрема со што ги става во опасност животите на речици педесетина луѓе, вклучувајќи го и неговиот. Ова според многумина стручни лица е жариште на коронавирусот, додека градоначалникот тера политичка кампања во името на СДСМ. Дали со ова делење на канти СДСМ сака да дефокусира се што ветило, но не направило за граѓаните на Шуто Оризари останува да видиме.

СДСМ со казни и притисок до гласови на ромските пазарџии од Шутка (ФОТО)

Ивана Ефремовски — Fri, 07 Feb 2020 18:34:18 +0000

Поразителните политики кои ги води градоначалникот на општина Шуто Оризари, Курто Дудуш, кулминараа деновиве со закани, казни и притисоци врз пазарџиите во општина Шуто Оризари. Физичките напади врз двајца Роми очигледно не го задоволија, сега почна да удира и по џебовите на пазарџиите и тоа по 50 евра само поради поставен штанд ѝ без срам и перде како што ја призна вината дека го нападна лицето Демир Исмаил пред суд и истиот само го опомена, а сега според кажувањата на пазарџиит,е без срам и перде истите ги свикал во општина и јавно им се закани дека само на ваков начин може да ги доведе пред себе и да го молат и работат за него за престојните избори. Ова е само уште еден пример за праксата кој ја користи СДСМ и нивните функционери за притисок врз гласачите, посебно кон Ромите. За самоволното и каубојско фунционирање на градоначалникот Курто Дудуш доказ е и неговата постапка каде ги казнува само пазарџиите Роми, а останатите може слободно и на улица да продаваат зашто позади нив стојат пратеници и потпретседатели на СДСМ и “негови се“. За неговата лага да нема крај најпрвин од пазарџиите зел податоци пред неколку дена пред да ги казни со образложение дека е за потребите на општината и евиденција, за потоа истите податоци да ги користи за давање на казни кои им стигнаа на домашна адреса.

ВИДЕО: Курто Дудуш продолжува да дели правда

Тале Кристо — Thu, 23 Jan 2020 19:17:42 +0000

Шест дена откако градоначалникот на општина Шуто Оризари, Курто Дудуш, ја доби пресудата – судска опомена од судијата Ѓоко Ристов од Кривичниот суд по приватната тужба од тужителот Демир Исмаил, во која тој беше обвинет за нанесување на телесна повреда, Дудуш се огласи на Твитер. Иако тогаш и му се извини, Курто денеска преку социјалната мрежа го навреди Исмаил, пишува Плусинфо.мк. Инаку, Исмаил бил удрен од Дудуш на ромски бал кој во минатата година се одржал во хотелот „Александар палас“, како што беше наведено во тужбата, а уште тогаш тој најави дека ќе го тужи Дудуш и дека парите ќе ги донира. Како главна причина за нападот Исмаил претпоставуваше дека е фактот што неговата организација донира храна и облека за жителите на општината, а Дудуш се обидувал да го спречи во тоа. Обвинетиот градоначалник Дудуш, бранејќи се пред судскиот совет, пред една недела рече дека настанот се случил во афектна состојба . – Му се извинувам официјално. Ова немаше да се случи, да можам да го вратам времето – рече обвинетиот Дудуш. А оштетениот Исмаил најави граѓанска тужба за парична оштета против Дудуш и дека парите ќе ги донира за децата без родители. А еве што денеска изјави Дудуш на Твитер:

Демо јадеше ќотек и ќутеше како пиќка, нека не “глуминела” сега - Куцо pic.twitter.com/iJypQK6JVU
— Демир (@Trollowsky) January 22, 2020

Вонбрачната партнерка на Курто Дудуш како претседател на Советот на Општина Шутка си ја вработила мајка си иако таа не се појавува на работа

Дарко Андоновски — Thu, 23 Jan 2020 16:02:15 +0000

Фатима Османовска претседател на Советот на општина Шуто Оризари која истовремено е вонбрачен партнер на Курто Дудуш откако станала претседател на Советот ја вработила својата мајка Наргизе Османова во основното општинско училиште „Браќа Рамиз Хамид“. Таа таму била вработена со договор на дело иако во моментов е редовен однос во ГТЦ Скопје. Директор на училиштето во кое е вработена мајката чиј зет е Дудуш е Алвин Салимовски поставен директно од Курто Дудуш. Мајката на Фатима во период од 24-25 месеци се стекнала со 300 илјади денари пари со кои е оштетен буџетот на општината Шуто Оризари. Нејзиниот месечен надоместок е 12.312 денари и работи како хигиеничарка додека нема работено ниту еден ден во истото училиште.

Ѓорчев: Заев каде е оставката на Дудуш?

Ивона Петрова — Wed, 22 Jan 2020 12:19:13 +0000

Пратеникот на ВМРО-ДПМНЕ Влатко Ѓорчев го прашува претседателот на СДСМ Зоран Заев каде е оставката која најавуваше дека ќе ја побара доколку се потврди дека градоначалникот на Општина Шуто Оризари Курто Дудуш нападнал сограѓанин. За потсетување, пред неколку дена Дудуш по даденото извинување пред судот за нападот, помина со судска опомена од судијата.

Курто Дудуш прво го претепа, а сега и јавно го навредува Исмаил: Големиот маж Демо, не е маж- за мене тој е жена (ВИДЕО)

Катерина Бојаџиева — Wed, 22 Jan 2020 10:45:23 +0000

Градоначалникот на Шуто Оризари Курто Дудуш, на Фејсбук објави видео во кое го навредува претепаниот Демо Исмаил, кој пак го тужеше поради физички напад во хотелот Александар Палас. -Демо да не глуми голем хуманитарец, да не се прави наудрен зошто кога беше во Шутка ќутеше како да не кажам што, крајот му го немаше. Дури бил задоволен од пресудата. Големиот маж Демо не е маж, за мене тој е жена, вели Дудуш во видеото. Инаку, Судот пресуди во корист на Демо, а Дудуш се извлече со опомена. Градоначалникот на Шуто Оризари од СДСМ во петокот беше осуден за претепувањето на Исмаил, но мина само со „судска опомена“ за стореното кривично дело. За да биде скандалот уште поголем, во судницата, градоначалникот призна вина и рече дека жали за стореното. Нападниот Исмаил не се помири со пресудата и најави дека и покрај признанието на вина, во друг судски спор ќе бара оштета од Дудуш и најави дека парите ќе ги донира во хуманитарни цели.

СДСМ нема ништо против тепачот Курто Дудуш и градоначалникот кој се заканува во Демир Хисар, но им пречи Цветан Трипуновски!

Ивана Ефремовски — Sat, 18 Jan 2020 15:12:10 +0000

Градоначалникот на Шуто оризари, Курто Дудуш, кој е и поранешен пратеник од редовите на СДСМ на изборите во 2016-та во оваа држава смее да тепа, киднапира, навредува и да се заканува, а да не биде казнет ниту со ден поминат во затвор ниту со парична казна. За физичкиот напад врз Демир Исмаил, кој е претседател на Европската ромска дијаспора, Дудуш остана неказнет. Изненадувачко за сите кои барем малку веруваат во правниот систем, за крвничко претепување, Дудуш помина само со судска опомена. Во судницата, градоначалникот призна вина и рече дека жали за стореното. И верувале или не-ТОЛКУ! СДСМ, партијата која застана зад Курто Дудуш и му ја даде поддршката, не се изјасни по оваа пресуда. Дудуш инаку е вмешан и во уште поголем скандал и кршење на закон, ни ниту тоа не е доволно за СДСМ да се огради од него и да повика да биде казнет. За постетување – свиркач до редакцијата на „Економски Лидер“ достави аудио снимка на која се слуша како градоначалникот на скопската општина Шуто Оризари, лишува од слобода, тепа и измачува човек во неговиот кабинет. -Ајде седни, чекај да ја заклучам вратата за да не ми избегаш. Имам со тебе да завршам некоја работа. – вака со лишување од слобода, почнува аудио снимката, која свиркачот ја достави до нашата редакција. Понатаму во аудиото, се слуша како градоначалникот Курто Дудуш го прашува киднапираниот зошто го пцуел „на сред центар“ и почнува физички да го измачува. Во снимката во неколку наврати се слушаат силни удари и тепање на извесниот Сенат, кој е заклучен во канцеларијата на Дудуш. Градоначалникот Курто Дудуш, кој е и поранешен пратеник од редовите на СДСМ на изборите во 2016, на снимката додека го тепа Сенат, се слуша и како користи навредливи зборови како „чергар“, „п*дер“, „племето да ти го е*ам“, „мртвите да ти ги е*ам“… Се слуша и како Дудуш, додека тепа, вели дека тој е градоначалник и тепаниот не му може ништо затоа што гласот не му се слуша во Шутка. Во моментот се води постапка за новинарот кој ја објави снимката и кој веројатно ќе добие поголема казна од казната која за нападот врз Исмаил, вториот случај кој прв доби пресуда, само со судска опомена мина градоначалникот Дудуш.

Градоначалник на СДСМ прислушкува и се заканува, партијата нема ништо против

Граданочалникот на Општина Демир Хисар од СДСМ, Марјанче Стојановски им се заканува на вработените во училиштата дека ги прислушува нивните телефонски разговори и следи што прават и каде одат. Економски Лидер стигна до ексклузивно видео од состанок на Стојановски со вработените кои се бунтувале на перманентниот притисок од негова страна и заканите кои постојано ги добиваат од општината за преместување од нивните работни места и отпуштања. -Заборавате дека во МВР работев, заборавате дека ви слушам сите телефонски јавувања. Одење од куќи и така натаму, им вели разбеснатиот Стојановски на вработените во училиштето. Овој скандал не ги вознемири многу во неговата матична партија. СДСМ не покажа дека има против ваквото однесување на своите функционери. Но, им пречи Цветан Трипуновски, заменик министер во МЗШВ во техничката Влада. „Со неовластеното снимање на вработените во подрачната единица Трипуновски сторил грубо прекршување на Законот за приватност на вработени во јавен или приватен сектор. Ништо друго и не може да се очекува од кадар на Груевски, лице против кое се води кривична пријава за злоупотреба на службената должност и човек кој организира протести на лажни земјоделци. Неовластено снимање, упади, заплашување малтретирање и закани кон вработени во администрацијата, тоа е понудата на ВМРО-ДПМНЕ и Христијан Мицкоски. ВМРО-ДПМНЕ не е поместена ниту милиметар надвор од насилничката, режимска матрица и затоа се што може да очекува на 12 април е нов убедлив пораз“-се наведува во соопштението на СДСМ. Трипуновски од ВМРО-ДПМНЕ влезе во секторот ветувајќи бескомпромисна борба против секој кој се огрешил пред земјоделците. Обелоденувајќи скандали во работењето на функционерите на СДСМ, Трипуновски го разбуди стравот од разобличување на сопартијците на Заев. Затоа, овој човек им пречи на социјалдемократите. Тие, не поддршуваат луѓе како Трипуновски, туку насилници како Дудуш и заканувачи како Стојановски.

Курто Дудуш утре на суд за насилството врз Исмаил

Ивона Петрова — Thu, 16 Jan 2020 11:02:03 +0000

Градоначалникот на Општина Шуто Оризари, Курто Дудуш утре треба да се појави во Кривичниот суд како обвинет во случајот со нападот врз Демир Исмаил. За потсетување, Исмаил кој е претседател на Европската ромска дијаспора „Асва“, го обвини Дудуш, дека го нападнал за време на одржувањето на ромскиот бал. Исмаил смета дека причина за нападот е тоа што неговата организација донира храна и облека за жителите на општината, но тоа не му се допаднало на Дудуш и се обидувал да го спречи. -Проблемот настана откако повеќе не сакавме да соработуваме со градоначалникот. Во 2018 година бев поканет на Ромски бал во хотелот „Александар Палас“. Таму јавно ме нападна Дудуш. За тоа имам снимки и лекарско уверение. Имам тешки повреди и тоа трае веќе две години – раскажува Исмаил за Пресинг ТВ. Исмаил, кој живее во Брисел, поднел пријава против градоначалникот за насилства, очекува судот да пресуди во негова корист, а не да штити луѓе кои се насилни и под заштита на актуелната власт.

Курто Дудуш признава дека има аудио снимка од тепањето во неговата канцеларија

Предраг Кукиќ — Tue, 29 Oct 2019 14:32:42 +0000

Градоначалникот на општина Шуто Оризари Курто Дудуш ги користи сите правни можности за да ја избегне правдата..Основен суд Скопје 1 по првото рочиште одлучи, со спогодбена одлука да се реши случајот во кој Дудуш, физички нападнал свој некогашен соработник. Човекот добил телесни повреди по блиската средба со Дудуш за која постои и аудио материјал… Дудуш денеска требаше да одговара за уште еден физички напад во кој жртва е странски државјанин. Сепак рочиштето.беше одложено по барање на обвинетиот градоначалник кој не сакаше да даде изјава без својот бранител, кој пак не беше присутен во судница… Курто Дудуш на 12 септември во судот изјавил дека задоцнил на рочиштето во кое требаше да се сослушаат странките за случајот со физичкиот напад врз странски државјанин и истото беше одложено, но само недела подоцна, во интервју за Алфа ТВ , тој изјави дека судењето е одложено бидејќи направил смена на адвокатот. Во обид да ја дознаеме висината денес се упативме во општина Шуто Оризари. Дудуш ненајавен се појави пред нашата камера и си ја призна вината за аудио материјалите, но на останатите прашања наместо да ни одговори го сврте грбот и си замина. Инаку, пред месец дена граѓаните се јавија во редакцијата на Алфа и реагираа дека градоначалникот Курто Дудуш не се појавува на работното место а тие со денови чекаат на ред за да дојдат до него. Група на граѓани организираа и протести во знак на револт за раскопаните дупки по улиците и катастрофалните услови во кои се наоѓа општината а за кои Курто Дудуш смета дека не се приоритет. ИЗВОР: АЛФА