кутии – Kurir.mk

Се снима краткиот игран филм „КУТИИ” по сценарио и режија на Ангела Димеска

Ивана Ефремовски — Tue, 13 Dec 2022 10:29:03 +0000

Во изминатиов период на неколку локации низ Скопје се снимаше новиот краток игран филм на младата режисерка и сценаристка, Ангела Димеска. Во реализацијата на овој нов македонски краток игран филм е вклучена екипа која брои повеќе автори и филмски професионалци. Во филмот главен лик е Даниела Ивановска, заедно со Билјана Јовановска, Филип Трајковиќ и Жаклина Стефковска. Кинематографер на филмот е Дејан Димески, костимографер на филмот е Емилија Ивановска Атанасовска, сценограф е Влатко Зафирковски, монтажер е Владимир Митревски, а продуцент е Огнен Антов. Краткиот игран филм „Кутии“ е во продукција на македонската продукциска куќа „Контраст филм“, во соработка со “Дрим Фектори Македонија”, а доби финансиска подршка и од „Агенцијата за Филм на Република С.Македонија“. КУТИИ ја следи приказната на Лидија (Даниела Ивановска), жена која сакајќи да го подобри егзистенцијалниот статус на своето семејство и здравствената состојба на својата ќерка, станува дел од нелегалниот бизнис со дрога на нејзината пријателка Марија (Билјана Јовановска). Ангела Димеска е режисерка од младата генерација македонски режисери, чиј опус вклучува неколку кратки играни филмови и телевизиски проекти. Нејзиниот дебитантски, краток игран филм “Перики”, е прикажуван и наградуван на десетина престижни филмски фестивали.

Во Сарај се полнат кутии, набљудувачите избркани

Ивана Ефремовски — Sun, 17 Oct 2021 15:32:03 +0000

Изборни нерегуларности се забележани во скопски Сарај. Како што дознаваме, во избирачко место луѓе полнеле гласачки кутии, а за да нема сведоци на ова прекршување, тие ги избркале сите набљудувачи од избирачкото место.

Родители, правите голема грешка ако ја пакувате храната на вашето дете, дознајте зошто мора да престанете со тоа

Ивана Ефремовски — Wed, 17 Jun 2020 07:54:37 +0000

Научниците открија дека пакуваните производи се загреваат до температура на која се развиваат опасни бактерии. Ако сте еден од грижливите родители кои на своите деца им пакуваат ужина за градинка или за на на училиште, а и самите на работа носите пакувана храна, време е да размислите дали тие намирници се исто здрави како и кога сте ги спакувале во кутија или кеса. Истражувачите анализирале над 700 спакувани ужини и ручеци и дошле до заклучок дека намирниците во торбите се загреваат до тој степен, што претставуваат потенцијален ризик за здравјето. Тие ја мереле температурата на стотина сендвичи, јогурти и други оброци. Биле шокирани кога сфатиле дека 97% од месото и месните преработки, 99% од млечните производи и 99% од зеленчукот спакуван во кеса или кутија, биле загреани до температура на која се развиваат опасни бактерии како ешерихија коли, салмонела и стафилокока ауреус. Бидејќи бактериите се разможуваат на температура од 4 до 60 степени, храната која се чува на тие температури треба да се фрли доколку не се искористи во рок од 2 часа. Просечната температура на храната што е анализирана била 18 степени, а научниците тврдат дека тоа е “опасна зона“. Децата се повеќе изложени на ризик, бидејќи помалите од четири години пет пати повеќе се разболуваат од бактериски инфекции. Експертите советуваат во оброците кои ги носите со себе или ги пакувате за децата да избегнувате мајонез, да не ги чувате во кеса во фрижидер бидејќи така не можат да се изладат, а во торбата со ужина ставајте замрзната вода или сокови кои ќе ја одржуваат храната ладна подолг период.

Во кутии од сладолед чувате храна? Веднаш престанете, тоа може да биде многу опасно за здравјето!

Ивана Ефремовски — Wed, 21 Aug 2019 20:04:26 +0000

Пластичните кутии за сладолед изгледаат многу практични и многумина не ги фрлаат откако ќе ја изедат целата содржина. Убаво ги мијат и подоцна ги користат за чување на остатоци од ручек или замрзнување храна. Сепак, ваквите практики во голема мера го загрозуваат здравјето на луѓето. Имено, празните кутии за сладолед можат да пренесат хемикалии на храната што ја чувате во нив. Во тоа се вклучуваат хемикалии како што се УВ стабилизатори, омекнувачи или супстанции кои се наоѓаат во пластика и можат да се пренесат од пластика во храна, велат експертите. Опасни при висока температура Производителите гарантираат безгрижна употреба и консумација на сладолед кој е во кутија, но кога ќе се испразни, кутијата мора да се фрли во ѓубре. Кутиите се особено опасни ако се мијат со топла вода или се загреваат во микробранова печка. Тие се дизајнирани во нив да се чува сладолед и ништо друго. Затоа, немојте во нив да чувате храна што има различен состав од сладоледот и може да ја ”кородира“ пластиката. Подобро да купите специјални пластични садови направени специјално од пластика кои се безбедни за чување храна и кои можат повеќе пати да се користат.

Мицкоски објави скандал: Дојде човек кој ми призна дека се полнеле кутии за време на референдумот, ОЈО знае за ова, а не реагира

Ивана Ефремовски — Tue, 16 Apr 2019 20:43:34 +0000

Лидерот на ВМРО-ДПМНЕ, Христијан Мицкоски, во вечерашното гостување во емисијата Клик Плус на ТВ 21 објави скандал поврзан со гласањето на референдумот на 30-ти септември за промена на уставното име на Република Македонија. Тиој вели дека на него лично човек му кажал дека за време на референдумот се полнеле кутиите, но како што рече Мицкоски Основното Јавно обвинителство знаело за случајот, но за жал се уште не реагирале. -Еве ќе ви кажам една неформална информација. Мене ми пријде човек кој што ми кажа дека полнел кутии тој ден. Не го кажувам името од објективни причини, но кога ќе има вистински реформи во судството и обвинителството подготвен е човекот да сведочи и кој го мотивирал и како го мотивирал, вели Мицкоски. Мицкоски посочи дека доколку конечно се отвори истрага за овие предмети, тој е спремен да сведочи. -Ги повикувам да дојдам да сведочам, кога ќе ја започнат истрагата, подготвен сум тогаш да им кажам, нагласи Мицкоски.

На таванот пронашол кутии, со нив ја открил тајната која неговата сопруга ја криела 40 години (ВИДЕО)

Ивана Ефремовски — Fri, 23 Mar 2018 21:21:51 +0000

Правилото дека во брак не треба да се крие ништо од партнерот, не е случај и кај овој пар. Меѓутоа ако тајна е тоа што Крис Бреснан го направила, тогаш и не е толку лошо. Но, секоја тајна кога-тогаш се открива. Оваа жена цели 40 години на таванот криела кутии од својот сопруг. Имено, тој секој ден откако се запознале ѝ пишувал по едно љубовно писмо. Понекогаш дури и на салфети, но секогаш добивала по едно. Нејзиниот сопруг не можел ни да замисли дека таа вака уредно и внимателно ги чува. Погледнете: