квалификации СП 2022 – Kurir.mk

Претставници на ФФМ го посетија Палермо

Бошко Тасиќ — Mon, 28 Feb 2022 18:38:32 +0000

За помалку од еден месец Македонија ќе ѝ гостува на Италија во бараж меч за пласман на СП, па претставници на ФФМ денеска го посетија градот и стадионот на кој ќе се игра натпреварот. „Претставници на Фудбалската федерација на Македонија се наоѓаат во работна посета на Палермо, градот домаќин на бараж натпреварот меѓу Италија и Македонија за пласман на Светското првенство во Катар 2022. Нашата најдобра репрезентација на 24. март гостува на стадионот “Ренцо Барбара” во Палермо за мечот против европскиот првак, Италија. Претставници од администрацијата на ФФМ, посетата на Палермо ја користат за увид на условите на стадионот, детално се запознаваат со условите на теренот и надвор од него, како и градот домаќин на еден од бараж дуелите за место на миндијалот во Катар. Исто така, со претставници на италијанската федерација се разговара и за распределбата на билети за мечот на 24. март во согласност со правилата на УЕФА, како и за мерките кои важат за влез во Италија поради Ковид-19 ограничувањата. Намерата на нашата федерација е во најбрзо можно време да добиеме официјална информација за добивање билети за мечот, а потоа да ја споделиме со заинтересираните наши поддржувачи за следење на натпреварот во Палермо. Исто така, постојано ги следиме промените во ограничувањата за влез во Италија поради епидемиолошката состојба. Претставници на ФФМ во следниот период ќе бидат во официјална посета и на Порто во Португалија и градот Коња во Турција, како едни од можните домаќини на финалниот меч за пласман на Светското првенство“, стои во соопштението на ФФМ.

Милевски: Мечот со Исланд дополнително не мотивира

Бошко Тасиќ — Sat, 13 Nov 2021 21:22:45 +0000

Во пресрет на натпреварот, на официјалната прес-конференција пред дуелот зборуваше селекторот Благоја Милевски. „Не би рекол дека Исланд е најтежок натпревар. Нè очекува последен дуел во квалификациите. Ништо поинаку не се подготвуваме, туку како и за сите предходни. Сите натпревари се важни, а тоа што имаме шанса за пласман во баражот не нè оптеретува, туку нè мотивира дополнително.Не чувствуваме посебен притисок, секако подобро е сам да одлучуваш отколку да чекаш од други. Публиката може да ни даде мотив и ветер во грб, а не притисок. Натпреварот со Ерменија е веќе зад нас. Очекувам сосема поинаков натпревар утре, но ние сме спремни и се надевам ќе одговориме на предизвикот. Имаме план како да го победиме Исланд, се надевам ќе нема индивидуални грешки како на минатиот дуел. Секогаш се случуваат грешки, ама се надевам ќе ги избегнеме и ќе дојдеме до посакуваниот резултат. Прво очекувам да одиграме поинаков меч од тој во Исланд. Дали ќе играат на ист начин како против Романија, не знам. Сепак, ние сме спремни како да играме против нив. Исланд е поинаков од Ерменија и затоа натпреварот не може да биде ист како претходниот“, изјави Милевски.

Меси: Срамота, зошто го правите оваа сега ?

Бошко Тасиќ — Sun, 05 Sep 2021 20:04:40 +0000

Аргентинците реагираа бурно по прекинот на дуелот против Бразил во квалификациите за Мундијалот 2022 година. Бразилската полиција стави крај на мечот поради четворица гостински фудбалери, кои наводно прекршиле ковид-протоколи. Се работи за имиња кои настапуваат во Премиер лигата и кои немаа право на влез во земјата. Лионел Меси беше меѓу првите на теренот и бараа објаснување за овој несекојдневен инцидент. „Ова е срамота, тука сме три дена и ништо не се случи и сега ви текна на вакви глупости“ , беа зборовите на Меси.

Нов предизвик за нашите фудбалери – Исланд

Бошко Тасиќ — Sun, 05 Sep 2021 09:10:03 +0000

По дебито на Благоја Милевски како селектор на домашен терен против Ерменија (0-0), Македонија во квалификациите за Светското првенство (СП) кое ќе се игра во 2022 година во Катарсе соочува со првото септемвриско гостување и тоа против Исланд. Исланд оваа година има само три победи на последните 15 средби имаат избраниците на Арнар Видарсон. А, сè уште во тимот се играчи како Сигурдсон, Гунарсон, Халфредсон... „Рибарите“ во изминатите 365 дена успеаја да победат против Романија (2-1) во квалификациите за Европско првенство, против Литхенштајн (4-1) во квалификациите за Светско првенство и против Фарски Острови (1-0) во пријателски натпревар. За Македонија и Исланд ова ќе биде прва меѓусебна средба по дванаесет години. Последен пат двете селекции играа во 2009 година во рамки на мундијалските квалификации. Во Скопје победи Македонија со головите на Аце Стојков и Филип Ивановски (2-0), додека во Рејкјавик се доживеа минимален пораз (0-1). Овие тимови играа еден против друг и во квалификациите за СП 1998, а билансот беше домашна победа на Македонија и гостинско реми (1-0 и 1-1).

Фудбалската репрезентација на Ерменија пристигна во Скопје

Бошко Тасиќ — Mon, 30 Aug 2021 15:04:16 +0000

Ерменската фудбалска делегација пристигна во Скопје во пресрет на дуелот од четвртото коло од мундијалските квалификации против нашата репрезентација. Хоакин Капарос ја предводи репрезентацијата на Ерменија која не знае за пораз по првите три меча. Лидерот во групата Ј е единствен тим со перфектни три победи од исто толку настапи.