квалификации за СП – Kurir.mk

На Чесите им се расипа авионот: Баксуз пред квалификации за СП

Ивана Ефремовски — Tue, 22 Mar 2022 21:02:23 +0000

Поради дефект на авионот чешката фудбалска репрезентација денеска беше принудена за 24 часа да го пролонгира поаѓањето за Шведска за полуфиналниот мундијалски бараж в четврток. -Чешката репрезентација ќе го промени својот распоред и за Шведска ќе отпатува дури в среда поради дефект на авионот, изјави портпаролот Петр Седиви, не изнесувајќи детали околу дефектот на леталото. Натпреварот од полуфиналниот бараж за пласман на Мундијалот 2022 меѓу Шведска и Чешка ќе се одигра во Солна, задутре со почеток во 20:45 часот, а победникот во финалето за противник ќе ја има Полска. Ова не е првпат Чесите да се соочуваат со проблеми со авионите. Минатото лето, за време на ЕУРО2020, доцнеа на летот од Прага до Будимпешта, каде во осминафиналниот натпревар ја совладаа Холандија со 2-0. (МИА)

Скариоло ги одреди 12-те кошаркари со кои ќе настапи против Македонија

Бошко Тасиќ — Thu, 25 Nov 2021 21:40:16 +0000

Македонската кошаркарска репрезентација утре со почеток од 19 часот и 30 минути во СЦ „Јане Сандански“ силите ќе си ги одмери со актуелниот светски првак, Шпанија во првото коло од квалификациите за Светското првенство 2023. Шпанците нема да настапат со НБА ѕвезди и кошаркари од Евролигата, но ќе имаат силен состав предводен од играчи кои подолго време бележат настапи во европските клупски натпреварување.

Дванаесетте Шпанците кои ќе истрчаат на теренот во се: Дарио Бризуела (Андора), Квино Колум (АЕК Атина), Алберто Диаз (Уникаха), Дани Диез (Бургос), Џејми Фернандез (Уникаха), Фран Гуера (Тенерифе), Џаби Лопез-Аростеги (Валенсија), Џоел Пара (Хувентуд), Дани Перез (Манреса), Џејми Прадила (Валенсија), Жоан Састре (Тенерифе) и Јанкуба Сима (Манреса).

Од првичниот состав отпаднаа: Виктор Артеага (Андора), Џонатан Бареиро (Уникаха), Ориол Паули (Андора), Мигел Салво (Гран Канарија).

Србија се пласира директно на СП во Катар,Португалија во бараж

Бошко Тасиќ — Sun, 14 Nov 2021 22:29:03 +0000

На Португалија и одговараше реми, а Србите мораше да победат за да одат на Светско, тоа и се случи. Португалија одлично го отвори мечот, уште во втората минута поведоа со гол на Санчез. Но Србија изедначи во 33. минута со погодок на Тадиќ. И кога се очекуваше мечот да заврши нерешено, Александар Митровиќ погоди со глава за победа на Србија од 2-1. Србија оди на Светското првенство, а Португалија ќе игра бараж и тие ќе бидат една од шестте селекции кои може да ги добие Македонија.

Како може Македонија на СП во Катар?

Бошко Тасиќ — Sat, 13 Nov 2021 06:34:01 +0000

Македонија ги игра најдобрите мундијалски квалификации во историјата со рекорден број на освоени бодови, рекорден број на голови на гости, како и на освојување прва победа над велесила како Германија. Во квалификациите за ЕП најдобриот пласман е третото место од минатата година. Класичниот бараж за Светско во кој се добиваше само еден противник повеќе не важи, а новиот потсеќа на финишот за пласман на Европското до кое стигнавме преку Косово и Грузија. Исто ќе биде и сега со плејоф, во кој за да испишеме нова историја ќе треба да совладаме два противника, кои ќе бидат многу потешки. Во бараж битките за Светско ќе играат сите 10 второпласирани репрезентации од квалификациите, плус најдобрите две селекции од Лига на нации. Тоа се оние две кои ќе бидат освојувачи во своите групи, а не се наоѓаат меѓу првите две преку редовните квалификации. Тие 12 репрезентации ќе бидат поделени на носители и неносители. Шесте најдобри ќе бидат носители, а преостанатите четири и двете од Лига на нации неносители. Потоа ќе бидат поделени во три мини турнири со по четири селекции кои ќе играат полуфинале и финале. Трите земји кои ќе ги освојат финалињата одат на Светско. Вака стојат засега работите во останатите групи: Од тие причини не е исклучено во бараж да одат селекции како Италија, Шпанија, Португалија Холандија, а и Хрватска која не е ниту прва во група. Од директните дуели уште едно коло до крај имаат: ГРУПА А Португалија – Србија (14 ноември) ГРУПА Б Шпанија – Шведска (14 ноември) ГРУПА Х Хрватска – Русија (14 ноември) А со директи дуели и две кола до крај се: ГРУПА Г Норвешка – Летонија (13 ноември) Црна Гора – Холандија (13 ноември) Холандија – Норвешка (16 ноември) ГРУПА Ц Италија – Швајцарија (12 ноември) Северна Ирска – Италија (15 ноември) Швајцарија – Бугарија (15 ноември)