квалификации – Kurir.mk

Квалификации ЕУРО2024: Утре почнува продажба на влезници за гостувањето на Италија

Тале Кристо — Tue, 29 Aug 2023 15:34:03 +0000

Продажбата на влезници за претстојниот натпревар на македонската фудбалска репрезентација против актуелниот европски првак Италија во Скопје во рамки на квалификациите за ЕУРО 2024 ќе почне утре, објави Фудбалската федерација на Македонија (ФФМ). Билетите ќе се продаваат по цена од 300 и 500 денари. ФФМ објави дека „продажбата на билети за натпреварот Македонија – Италија ќе се организира исклучиво преку продажната мрежа на MKTickets со физичко присуство на купувачите“. Европскиот првак Италија ќе гостува во Скопје на 9 септември, а натпреварот со почеток од 20:45 часот на Националната арена „Тодор Проески“ е во рамки на квалификациската група Ц во која македонската репрезентација е на претпоследното, четврто, место со три бодови од исто толку натпревари.

Шпанија во Сарагоса домаќин на македонските кошаркари

Магдалена Андонова — Tue, 03 May 2022 16:01:32 +0000

Натпреварот од 5. коло од квалификациите за Светскиот кошаркарски Куп 2023 меѓу шпанската и македонската репрезентација ќе се игра на 1 јули во Сарагоса, одлучи денеска Кошаркарската федерација на Шпанија. На првиот ден од јули македонските кошаркари ќе играат против топ-фаворитот во групата „Г“ во салата која го носи името на „Принцот Фелипе“ и место каде своите натпревари ги игра членот на АЦБ лигата, Касадемонт Сарагоса. Станува збор за едно модерно здание, во кое првиот кошаркарски натпревар бил одигран на 17 април, 1990 година, а има капацитет од 10.744 седишта. (МИА)

Вечерва финална „глазура“ на „Ренцо Барбера“ пред утрешниот меч со Италија

Ристе Здравков — Wed, 23 Mar 2022 08:16:57 +0000

Македонскиот селектор Благоја Милевски комплетната тактичка обработка околу изгледот на националниот тим на утрешниот натпревар против Италија во полуфиналето од баражот за пласман на СП 2022 ја заврши во Скопје. Вечерва во Палермо ќе биде само заокружување на мини-подготовките како начин единствено за почувствување на амбиентот на најголемиот стадион на Сицилија. По вчерашното пристигнување во Палермо во вечерните часови, денеска македонската репрезентација ќе го реализира единствено официјалниот тренинг на „Ренцо Барбера“ од 19:30 часот за довршување на финалната „глазура“ на тимот. Претходно, закажана е официјалната прес-конференција на македонската репрезентација пред утрешниот дуел. Милевски може да смета на сите повикани фудбалери од кои, со една до две дилеми, веќе и се насетува стартниот тим за пресметката со Италијанците закажана за утре од 20:45 часот.

Алжир ја обвини Буркина Фасо дека користела црна магија пред нивниот дуел во квалификациите СП и повикаа егзорцист

Тале Кристо — Wed, 17 Nov 2021 13:31:15 +0000

Репрезентацијата на Алжир вчера ремизираше со селекцијата на Буркина Фасо во домашниот натпревар од квалификациите за Светското првенство 2022 година. Средбата заврши нерешено 2:2. Алжир два пати водеше, гостите два пати го израмнуваа резултатот. Домаќините пред почетокот на натпреварот ги обвинија противниците дека користат црна магија на теренот. Алжирците повикале егзорцист за да ја прекинат наводната магија. По шест кола во А-групата од Мундијалските квалификации, Алжир го зазема првото место со 14 бодови, Буркина Фасо е на второто место со 12 бодови.

Квалификации СП: Барди се враќа во репрезентацијата, Етеми ново име

Тале Кристо — Wed, 03 Nov 2021 10:25:32 +0000

Селекторот на македонската фудбалска репрезентација Благоја Милевски денеска го објави списокот со 24 фудбалери на кои ќе смета за претстојните дуели против Ерменија и Исланд во рамки на квалификациите за пласман на Светското првенство 2022 во Катар. Ново име на списокот на Милевски е фудбалерот на турскиот прволигаш Истанбулспор, Ваљон Етеми, кој на 27-годишпна возраст ќе има шанса да дебитира во националниот дрес, а по надминување на проблемите со повредата во тимот се враќа Енис Барди. Македонските фудбалери влегуваат во завршниот ноемвриски циклус од мундијалските квалификации и дуелите против Ерменија, во Ереван на 11 ноември, и Исланд во Скопје на 14-ти овој месец, како третопласирани во групата Ј со 12 бодови, еден помалку од Романија на второто место, кое носи пласман во баражот. Повикани репрезентативци за натпреварите против Ерменија и Исланд: Голмани: Столе Димитриевски, Дамјан Шишковски, Ристе Јанков Одбрана: Стефан Ристовски, Дарко Велковски, Висар Муслиу, Кире Ристевски, Езѓан Алиоски, Тодор Тодоровски, Стефан Ашковски, Ѓоко Зајков, Никола Серафимов Среден ред: Елиф Елмас, Енис Барди, Стефан Спировски, Тихомир Костадинов, Ердал Ракип, Јани Атанасов Напад: Адис Јаховиќ, Милан Ристовски, Бојан Миовски, Александар Трајковски, Дарко Чурлинов, Ваљон Етеми.

Лазаров: Нема да се оптоваруваме и си ја знаеме нашата работа.

Бошко Тасиќ — Sun, 31 Oct 2021 21:37:58 +0000

Ракометната репрезентација на Македонија го одработува првиот собир во пресрет на Европското првенство 2022 кое ќе се одржи во јануари во Унгарија и Словачка. Притоа неделата на ЕХФ нашите репрезентативци ќе ја искористат да одработат контролни дуели со полуфиналистот од Олимписките игри, Египет. Пред медиумите збруваше селекторот Кирил Лазаров кој вели дека има јасен план за тоа што следи.

„Сам и заедно со стурчниот тим направивме комплетна анализа од квалификациите за ЕП против Данска, Финска и Швајцарија. Имаме анализирано, студирано, запишано кои се добри работи, а кои се лоши и треба да се поправат. Имаме јасна идеја како да одиме напред и што да работиме за да го дочекаме ЕП подготвени. Задоволен сум и морам да ги пофалам момците иако имаме уште време за напредок. Треба да бидеме многу трезвени бидејќи ни следи голем предизвик. Кога баравме противници инсистирав тоа да биде селекција од европско и светско реноме. Сакав тоа да биде силен ривал и не беше воопшто лесно со оглед на конекциите и Ковид ситуацијата. Првата опција беше Шпанија и жал ми е што не успеавме да се договориме. Тие се собираат во Хихон и прават натпревар за простување на Раул Ентрериос, но требаше со три лета и автобус. Сепак, и втората опција, Египет е повеќе од добра бидејќи оваа репрезентација играше полуфинале на Олимписките игри. Како што најавив за секоја ЕХФ недела ќе бараме квалитетни противници. Клише е да кажам дека резултатот не ни е важен бидејќи сè ни е важно. Тоа е само изговор. Нема да се оптоваруваме и си ја знаеме нашата работа. Оваа недела ќе ја искористиме максимално да одработиме. Ќе се базираме на два сегменти во ракометната игра. Не можеме да опфатиме сè за да не загубиме глава. Се надевам дека на крајот на декември ќе имаме јасна слика за да се надогравиме и да изгледаме сериозно. Не чека сериозен испит против сериозни противници. Друго е квалификации и еден натпревар, а друго е Европско првенство, турнирски систем без разлика дали си победил или загубил мора да се одмориш, рекуперираш, да се вратиш ментално и да тргнеш во друга битка“, вели Лазаров, кој се осврна и на дуелот со Египет.

„Кога разговарав со Парондо рече дека сака нешто да проба, но сега имам информација дека ги повика сите интернационалци. И со него се случи непланирано да се најде на тренерската позиција во Мелзунген и да му дозволат. Имаше и двојба. Можеше и да замине, но се одлучи да ги води на Купот на Африка. Му се заменија концепциите бидејќи води и клуб и потешко е да комбинира. Немаме разговарано околу тоа дали ќе има линк или ќе биде од затворен тип. Деновиве ќе разговараме“ Притоа селекторот говореше и за вчерашната сензација во Супер-лигата каде Еурофарм Пелистер 2 го совлада актуелниот шампион Вардар. „Ме радува многу и допрва ќе ме радува. Проекти како Еурофарм Пелистер 2, Алкалоид…Треба да се пофали одлуката да ги внесат Вардар и Еурофарм Пелистер во домашно првенство. Доколку не беше така немаше да го имаме она што се случи вчера и да го имаме ова задоволство вие како медиуми и јас како селектор и цела Македонија. Ќе останеше Сеха лига каде нема натпревари и само ќе се тренираше. Ова е за пофалба и се виде дека еден аутсајдер може да победи. Тоа е процес. Тие деца загубија од Тиквеш дома, одиграа нерешено против Струга како гости, а сега го победија Вардар. Ме радува, но сум внимателен. Многу е полесно да се работи со професионалци, испфорилирани отколку со младински категории. Многупати сум кажал дека големите репрезентации имаат систем во кој поставуваат големи имиња на селекторски позиции за работа со младинските категориии тоа не е воопшто лесно. Ова се играчи кои имаат осцилации. Сепак, ова од вчера е за радување. Можеме да зборуваме дека Вардар не бил мотивиран, не бил комплетен, но победа е победа и тоа никој не може да го оспори и треба да им се честита“, додава Лазаров. Селекторот се осврна и кон младите ракометари на кои им порача да бидат подготвени во секој момент бидејќи не се знае кога ќе добијат шанса. „Не можам да кажам уште сега бидејќи треба да ме убедат и да ми стават до знаење. На ЕП против Словенија, Црна Гора и Данска еден пад може да не чини и натпревар. Треба да бидеме подготвени да ги играме тие натпревари. Мора да сме подготвени. Затоа уфрламе новитети, имаме поширок список, имаме резерви. Мора во секој момент да знаат и да се подготвени да одговорат на потребите. Еве што се случи со Дејан Манасков. Но тоа е дел од спортот. Јасно ни е на сите колку значи Дејан за тимот. Тој е играч кој ќе ја земе топклата и без стратегија и тактика ни придонесува за победа“, смета Лазаров.

Квалификации СП2022: Нови победи на Бразил и Аргентина

Ивона Петрова — Fri, 15 Oct 2021 07:57:39 +0000

По одиграни две третини од јужноамериканските мундијалски квалификации, Бразил речиси го обезбеди настапот на завршниот турнир идната година во Катар, откако синоќа во рамки на 12. коло триумфираше убедливо над Уругвај со 4:1(2:0). Лидерот Бразил сега има 31 бодови од 11 натпревари, 15 повеќе од четвртопласираниот Уругвај, кој има одиграно и натпревар повеќе. Директен пласман во Катар ќе обезбедат првите четирипласирани репрезентации од Јужна Америка и за тоа на Бразил ќе му бидат потребни уште четири бодови од преостанатите седум натпревари. На чекор до пласман на Мундијалот во Катар дојде и репрезентацијата на Аргентина, која синоќа со 1:0 го совлада Перу во Буенос Аирес. Резултати 12 коло: Боливија – Парагвај 4:0 (Рамаљо 21, Виљароел 53, Абрего 84, Фернандез 90+4) Колумбија – Еквадор 0:0 Аргентина – Перу 1:0 (Лаутаро 43) Чиле – Венецуела 3:0 (Пулгар 18, 37, Бреретон 73) Бразил – Уругвај 4:1 (Нејмар 10, Рафиња 18, 58, Габриел Барбоса 83 / Суарез 77) ТАБЕЛА: Бразил 11 10 1 0 26-4 31 Аргентина 11 7 4 0 19-6 25 Еквадор 12 5 2 5 20-13 17 Колумбија 12 3 7 2 16-16 16 Уругвај 12 4 4 4 14-17 16 Чиле 12 3 4 5 14-14 13 Боливија 12 3 3 6 17-25 12 Парагвај 12 2 6 4 9-17 12 Перу 12 3 2 7 10-19 11 Венецуела 12 2 1 9 8-22 7.

Бразил прв пат не победи во квалификациите, Аргентина рутински (ВИДЕО)

Ристе Здравков — Mon, 11 Oct 2021 08:05:03 +0000

Бразил синоќа одигра само 0-0 на гостувањето кај Колумбија во рамки на квалификациите за Светското првенство во Катар 2022 година. „Кариоките“ прв пат не победија во квалификациите и по девет победи по ред конечно нивната серија застана во Баранкилја. Аргентина рутиски стигна до трите бода против Уругвај со победа од 3-0. Лионел Меси го најави триумфот во 38.минута, а Родриго де Пол во финишот на првото полувреме зголеми на 2-0. Точка на натпреварот стави Лаутаро Мартинез во 62.минута. На останатите натпревари, Чиле со 2-0 беше подобар од Парагвај, Венецуела со 2-1 го совлада Еквадор додека Боливија со минимални 1-0 славеше над Перу. На табелата Бразил води со 28 бода, пред Аргентина која има 22, Еквадор е трет со 16, колку што има и Уругвај. Најдобрите пет репрезентации ги заокружува Колумбија со 15 бодови.

Втор пораз за македонските фудбалерки во квалификациите за СП

Тале Кристо — Tue, 21 Sep 2021 18:29:51 +0000

Македонската женска фудбалска федерација вечерва во Скопје загуби од Австрија со 6:0. Головите на Национална арена „Тодор Проески“ ги постигнаа Била (три), Ашуер (два) и Хобингер. Ова е втор пораз за избраничките на селекторот Кирил Изов во исто толку натпревари во квалификациите за Светското првенство 2023, додека Австријките имаат максимални две победи. Следниот натпревар „црвено-жолтите“ го играат на гостински терен со Летонија на 21 октомври.

Бразил реди само победи во мундијалските квалификации

Ивона Петрова — Fri, 03 Sep 2021 11:09:15 +0000

Бразилската фудбалска репрезентација ја забележа седмата последователна победа во јужноамериканските квалификации за Светското првенство 2022 во Катар и го задржа лидерското место во групата со максимален ефект. Петкратниот светски првак синоќа го совлада Чиле на гостински терен со 1-0, а стрелец на единствениот гол беше Евертон Рибеиро во 64 минута. Аргентина беше поуспешна од Венецуела со 3-1 (Лаутаро Мартинез 45, Жоаким Кореа 71, Анхел Кореа 74 – Џеферсон Сотелдо 90+4)) и остана второпласирана со шест бодови зад Бразил. Во преостанатите три натпревари од јужноамериканските квалификации, Еквадор го победи Парагвај (2-0), додека Боливија и Колумбија, и Перу против Уругвај одиграа нерешено 1-1.