квебек – Kurir.mk

Квебек: Двајца загинати, деветмина повредени откако комбе влета во група пешаци

Тале Кристо — Tue, 14 Mar 2023 07:45:31 +0000

Две лица загинаа, а девет се повредени кога комбе влета во пешаци во источен Квебек, соопшти канадската полиција. Возачот на комбето е уапсен на местото на настанот, а истрагата е во тек, изјави портпаролката на локалната полиција. Таа додаде дека се верува дека станува збор за изолиран инцидент. Несреќата се случила околу 15 часот по локално време, во градот Амкви со околу 6.000 жители. Канадскиот премиер Џастин Трудо упати сочувство за несреќата.

Комбе влета во група пешаци: Двајца загинати, деветмина повредени во Квебек

Ивона Петрова — Tue, 14 Mar 2023 07:43:53 +0000

Напаѓачот во Квебек го извршил злосторството поради лични причини

Тале Кристо — Sun, 01 Nov 2020 19:29:47 +0000

Полицијата во Квебек соопшти дека уапсениот осомничен кој уби две лица и рани пет лица во напад со нож дека првичните резултати од истрагата покажуваат дека злосторството е извршено од лични причини, а не од било која друга причина. Млад човек облечен во средновековна облека и вооружен со меч уби две лица и рани петмина во неделата вечерта во центарот на Квебек. Набрзо беше уапсен. „На крајот од потрагата во стариот дел на градот, уапсивме маж на дваесетгодишна возраст во еден часот по полноќ по локално време“, изјави за медиумите Етиен Дојон, портпарол на полицијата. „Според наше прво сознание, осомничениот го стори тоа од лични причини, а не од која било друга причина“, се вели во полицискиот твит. Мажот е официјално идентификуван, но полицијата не го објави неговиот идентитет ниту откри дали тој бил претходно познат на нивните служби.

Во Квебек 120 училишта пријавија случаи на коронавирус

Ивана Ефремовски — Wed, 09 Sep 2020 06:52:21 +0000

Само неколку дена по отворањето, во речиси 50 училишта во канадската провинција Квебек беа пријавени случаи на Ковид-19, а четири дена подоцна тројно се зголеми бројот на училишта во кои се регистрирани заразени со коронавирусот. Според канадскиот весник Ла Прес, вкупно 120 училишта пријавиле случаи на Ковид-19. Од овој број, случаите пријавени во 50 училишта се проверуваат, бидејќи информациите „не биле пренесени во согласност со утврдените правила“. Сепак, 70 основни и средни училишта низ провинцијата имаат барем еден потврден случај на коронавирус. Бројот на заразени расте низ цела Канада. Главната канадска лекарка за јавно здравје, Тереза Там, вели дека бавното, но постојано зголемување на бројот на луѓе кои имаат позитивен тест за Ковид-19 е причина за загриженост. Вкупно, 3.955 луѓе биле позитивни на тестот ширум Канада во изминатата недела, а 28 лица починале од последици на Ковид-19. Ако се спореди со 3.044 позитивни тестови и 44 смртни случаи од претходната недела, се забележува зголемување од 25 проценти на нови случаи за само една недела. (МИА)

Едно од 10 работни места на Квебек затворено поради Ковид-19

Тале Кристо — Wed, 12 Aug 2020 06:29:28 +0000

Едно од 10 работни места што постоеше минатата година во канадската провинција Квебек, е затворено за време на пандемијата на новиот коронавирус. Според статистичките податоци кризата особено ја погоди помладата популација на Квебек. За лицата на возраст од 15 до 24 години, скоро 25 проценти од работните места што постоеја на пазарот помеѓу март и јуни 2019 година исчезнаа во истиот период оваа година, покажуваат податоците објавени од Бирото за статистика на Квебек. Според податоците презентирани во неодамнешното истражување, жените биле повеќе погодени од падот на обемот на работа во Квебек. Од речиси 450.000 работни места изгубени меѓу март и јуни, 238.100 изгубија жени, наспроти 209.100 изгубени од мажи. Бирото за статистика на Квебек покажа дека повеќето работни места, скоро 100.000, се зарворени во услужната индустрија, како што се ресторани и сместување.

Трудо: Испраќаме 125 канадски војници да помогнат во покраината Квебек

Ивона Петрова — Sat, 18 Apr 2020 06:34:41 +0000

Премиерот на Канада, Џастин Трудо соопшти синоќа дека 125 војници ќе и помогнат на покраината Квебек, силно погодена од новиот коронавирус. Трудо додаде дека тие припадници на канадските вооружени сили имаат медицинска обука. Извор на канадската Влада соопшти дека над 2.000 луѓе се пријавиле и се подготвени да волонтираат во Квебек, каде што Ковид-19 зарази луѓе во повеќе домови за стари лица. Трудо, исто така, објави дека Отава ќе ослободи милијарда долари дополнителни финансиски средства за агенциите за регионален развој. Премиерот најави дека ќе му помогне и на секторот за уметност, култура и спорт со 500 милиони долари. Канада планира да инвестира 1,7 милијарди долари за финансирање на деконтаминација на напуштените нафтени наоѓалишта, за зачувување работни места во енергетскиот сектор и создавање нови. Според најновите информации, Квебек има 15.557 потврдени случаи на заразени со новиот коронавирус и 630 смртни случаи од кои половина од смртните случаи се во домови за грижа за стари лица.