квентин тарантино – Kurir.mk

Брус Вилис се враќа на глумата и покрај болеста? Познатиот режисер му понудил улога

Ивона Петрова — Tue, 01 Aug 2023 17:44:57 +0000

Пред речиси една година светот беше шокиран од веста дека еден од најдобрите акциони херои се повлекува од филмскиот свет. На Брус Вилис првично му беше дијагностицирана афазија, болест која предизвикува губење на способноста за зборување, за подоцна да му биде дијагностицирана и ретка форма на деменција. Сепак, странските медиуми пренесуваат дека славниот актер наскоро би можел да се најде на филмското платно, што ги израдува неговите многубројни обожаватели. Според пишувањата, познатиот режисер Квентин Тарантино наводно сака да му даде улога на Брус Вилис во неговото ново дело. Тарантино веќе добро се подготвува за новиот филм „Филмски критичар“, а Брус ќе има помала улога во оваа продукција. Иако Тарантино, наводно, сè уште не го контактирал семејството на актерот, тој планира да ја почитува нивната одлука доколку кажат дека Вилис е премногу лошо за да учествува во филмот. Во тој случај, во филмот ќе вметнат снимки од некои претходни дела на Вилис. Неодамна неговата поранешна девојка Марија Браво проговори за состојбата на Вилис: „Се влошува и се влошува. Не е добро. Зборував со неговата сопруга Ема и за жал, тоа е прогресивна болест. Му испраќам многу позитивна енергија и љубов“, изјави Марија.

Фетишот на Квентин Тарантино на кој потрошил десет илјади долари

Ивона Петрова — Tue, 30 May 2023 13:59:39 +0000

За фетишот на женското стапало на Квентин Тарантино се шпекулира веќе некое време, а сега се појавија прилично изненадувачки детали. Американскиот режисер Квентин Тарантино повторно е во центарот на вниманието бидејќи се шпекулираше дека на една жена која работи во стриптиз бар наводно и платил дури 10 илјади долари само за да и ги излиже нозете. Вработен во холивудскиот ноќен клуб Crazy Girls ги раскажаl деталите во подкастот „Get in the car“ - тој тврди дека Тарантино побарал ВИП соба со танчерка. Инаку, сцените од филмовите на Тарантино често содржат кадри од човечки стапала. -Во многу добри режисерски филмови има многу стапала. Пред мене, личноста која го дефинираше фетишизмот на нозете беше Луис Буњуел, друг филмски режисер. И Хичкок беше обвинет за тоа, а Софија Копола беше обвинета за тоа, изјави Квентин за GQ во 2021 година. Само една година претходно својот фетиш го спомена и познатиот актер Бред Пит, притоа добивајќи ја наградата за најдобра споредна машка улога за улогата во неговиот филм „Беше еднаш во Холивуд“.

Тарантино: Има само седум „совршени“ филмови

Ивона Петрова — Mon, 31 Oct 2022 07:29:48 +0000

Квентин Тарантино гостуваше во „Шоуто на Џими Кимел“ и, меѓу другото, откри дека, според него, досега во историјата имало само седум „совршени“ филмови. Ниту еден од неговите филмови не е на тој список, а оние што ги наброја се издадени 1970-тите и 80-тите. – Тоа само покажува дека снимањето филмови е тешко!, истакна тој. Остварувањата се: „Тексашкиот масакр со моторна пила“ од 1974 година, „Ајкула“ на Стивен Спилберг, „Егзорцист“ (1973), комедијата „Ени Хол“, „Младиот Франкенштајн“ на Мел Брукс (1974), „Враќање во иднината“ (1985) и „Дивата орда“. Последниов, седми на листата, „сепак не е совршен, но несовршеностите го прават совршен“, вели Тарантино. Режисерот, исто така, ја искористи приликата да се осврне на неодамнешните коментари на Кање Вест кој тврдеше дека Тарантино „му ја украл идејата“ за филмот „Џанго Разузданиот“ (Django Unchained). – Не е така. Идејата јас ја имав уште пред да го запознаам Вест, рече тој.

РАДОСТ ВО ДОМОТ НА ПОЗНАТ РЕЖИСЕР: Квентин Тарантино повторно стана татко!

Ивана Ефремовски — Thu, 07 Jul 2022 08:59:00 +0000

Квентин Тарантино и неговата сопруга Даниела повторно се остварија во улогата на родители. Според изјава за „Пипл“, наследничката на познатиот израелски музичар Свика Пицка се породила на втори јули. Даниела и Квентин со голема радост објавија дека добија ќерка на 2 јули. Нивниот син Лео сега е постар брат – истакна блогот за споменатите медиуми, додека името на девојчето уште не и е познато на јавноста. Да потсетиме, денес среќните родители на две деца почнаа да се забавуваат во 2009 година откако се запознаа на промоцијата на „Ingloious Basterds“ Свршувачката се случи осум години подоцна во јуни, а свадбата во ноември 2018 година. Тие добија син во февруари 2020 година. Зборувајќи за татковството на „Џими Кимел во живо“, Квентин откри дека тој и неговата сопруга, и покрај гласините, не му го дале името на детето по Леонардо ди Каприо. -За малку не успеа, бидејќи знаевме што ќе кажат луѓето... На крајот сепак му го дадовме името Лео, но по дедо ми, а и затоа што тој е нашиот мал лав, изјави тогаш.

Тарантино вторпат ќе биде татко

Ивона Петрова — Thu, 10 Feb 2022 09:37:09 +0000

Познатиот режисер Квентин Тарантино (58) и неговата сопруга го очекуваат своето второ дете. Веста доаѓа две години откако двојката го доби своето прво дете – синот Лео, во февруари 2020 година. Тарантино и неговата 20 години помлада сопруга, израелската пејачка и топ-модел Даниела Пик, првпат се сретнаа 2009 година додека режисерот во Израел го промовираше својот филм „Неславни копилиња“. Двојката се сврши во јуни 2017., а се венчаа во ноември 2018. во Лос Анџелес. Во интервју со Џими Кимел лани, Тарантино објасни зошто на својот син му го дал името Лео – за кого многумина мислеа дека е именуван по Леонардо ди Каприо, со кого режисерот соработуваше на филмовите „Џанго незауздан“ и „Си беше еднаш во Холивуд“. Тоа испадна дека не е точно, зашто бебето било крстено по дедото на Даниела, „но и затоа што во нашите срца, тој беше нашиот мал лав“, како што изјави тогаш оскаровецот. Тарантино и неговото семејство во мигов живеат во Тел Авив, Израел, а Лео учи да говори и англиски и хебрејски јазик.

Награда за животно дело за Квентин Тарантино

Ивана Ефремовски — Thu, 21 Oct 2021 06:57:39 +0000

На американскиот режисер Квентин Тарантино, познат по филмовите „Убиј го Бил“ и „Неславни копилиња“, му беше доделена наградата за животно дело на Филмскиот фестивал во Рим. Одличјето му го додели италијанскиот режисер на хорор-филмови, Дарио Арџенто, кој стои зад насловите „Суспирија“ и „Длабоко црвено“. -Фактот дека 30 години подоцна сум овде во Рим и добивам награда за животно дело, а граѓаните на Рим знаат кој сум, е, просто – посебно!, рече Тарантино. Тарантино (58) присуствуваше на настанот за да ја прими наградата, заедно со неговата сопруга. Во својата 30-годишна кариера, Тарантино напиша и режираше девет хитови, меѓу кои „Џеки Браун“, „Уличи кучиња“ и „Си беше еднаш во Холивуд“. Сценаристот и режисер направи своевидна револуција во начинот на снимање филмови. Тој беше награден со два Оскари за најдобро оригинално сценарио за „Евтини приказни“ во 1995 година и „Џанго без окови“ во 2013 година. Фестивалот во италијанската престолнина беше отворен на 14 октомври со „Очите на Тами Феј“ и ќе трае до 24 октомври. Во сабота награда за животно ќе добие и режисерот Тим Бартон. Официјалната селекција на фестивалот вклучува 23 филма од различни жанрови и различни облици на изразување. Учествуваат 23 земји, меѓу кои Саудиска Арабија, Доминиканската Република и Косово. Фестивалот ќе ја затвори својата програма со филмот „Вечна“ на оскаровката Клои Жао. (МИА)

Бред Пит ја откри тајната на Квентин Тарантино

Ивона Петрова — Mon, 20 Jan 2020 09:09:29 +0000

На синоќешното доделување на наградите на американското Здружение на актери во Лос Анџелес, Бред Пит е прогласен за најдобар спореден глумец за улогата „Беше еднаш во Холивуд“. Во говорот, тој откри една тајна за режисерот на филмот – Квентин Тарантино, околу неговиот „фетиш“ да снима женски стапала… – Би сакал да им се заблагодарам на моите колеги: Лео (ди Каприо), Марго Роби, стапалата на Марго Роби, стапалата на Маргарет Квејли, стапалата на Дакота Фенинг… Сериозно, Квентин обожава да ги собува жените, рече Бред откако ја прими наградата. Наградата за главна машка улога ја доби Хоакин Феникс, кој истата му ја посвети на својот починат колега Хит Леџер. И двајцата се прославија со улогата на антагонистот „Џокер“. Наградите за женска главна и споредна улога, отидоа кај Рене Зелвегер за филмот „Џуди“ и Лора Дерн за „Брачна приказна“. Најдобрата актерска екипа, според американските глумци, ја има јужнокорејскатапродукција „Паразит“.

Николас Кејџ како Николас Кејџ во филм за Николас Кејџ

Ивона Петрова — Mon, 18 Nov 2019 09:59:30 +0000

Холивудскиот актер Николас Кејџ наводно е во преговори да се глуми самиот себе во филм кој го следи него како се обидува да добие улога во новото остварување на Квентин Тарантино. Филмот „Unbearable Weight of Massive Talent“ е во последната фаза преговори и планови да биде превземен од продукциската куќа Лајонсгејт. Во остварувањето Кејџ наводно и зборува на егоистичната верзија на самиот себе, која истовремено ја исмева својата идна верзија што не станала позната и што има снимено голем број нискобуџетни филмови. Ликот на Кејџ се обидува да се избори и со долгови, па прифаќа да се појави на роденденска забава на обожавател и член на мексиканскиот нарко-картел. Паралелно со сите случување, Кејџ се обидува да ја усреќи својата ќерка тинејџерка.

Сопругата на Квентин Тарантино е бремена

Ивона Петрова — Thu, 22 Aug 2019 07:13:25 +0000

Познатиот режисер Квентин Тарантино (56) и неговата сопруга Даниела Пик соопштија дека го очекуваат нивното прво дете. Тарантино и израелската манекенка-пејачка, која е 21 година помлада од него, периодов се на патувања заради промоцијата на неговиот нов филм „Беше еднаш во Холивуд“, кој досега заработи над 180 милиони долари. Тие се венчаа кон крајот на минатата година, а се запознаа 2009 година, во Ерусалим, на промоција на „Неславни копилиња“, што исто така, е во режија на Тарантино.

Ќерката на Брус Ли се скара со Тарантино

Дарко Андоновски — Thu, 15 Aug 2019 16:32:25 +0000

Ќерката на легендарната филмска ѕвезда Брус Ли, Шенон, влезе во расправија со режисерот Квентин Тарантино поради несоодветнo прикажаниот лик на нејзиниот татко во најновиот филм на Тарантино. Според неа во својот последен филм, „Беше еднаш во Холивуд“, режисерот создал вообразен и горд лик на Брус Ли кој наликува на човек со „заостанат“ карактер. -Тој не беше таков и никогаш никого не задевал ниту пак говорел во надмен тон, изјави Шенон за списанието „Вараети“. Критики доаѓаат и од поранешни соработници на Ли. На пример, се укажува дека карате ѕвездата никогаш не говорела дека може да го „скрши“ боксерот Мухамед Али, туку напротив, им давал совети на своите ученици да користат движења од боксерите како него. Тарантино до завчера беше во посета на Москва на руската премиера на својот филм, каде прашан од новинарите призна дека навистина дал малку поекспресивен лик за Брус Ли, но дека во целина манирот на арогантното поведение е предадено верно, бидејќи самиот го знае и го слушал карате мастерот. На ова, Шенон одговори дека режисерот треба да „замолкне“ и да се извини, јави „Вараети“. -Тој треба да признае дека лаже во филмот, а не за реалните луѓе да предава блескави филмски ликови.