Квича Кварацхелија – Kurir.mk

Кварацхелија одбил мултимилионска понуда од Њукасл

Ристе Здравков — Wed, 23 Aug 2023 12:32:03 +0000

Ѕвездата на Наполи, Квича Кварацхелија, кој за една сезона во Серија А го сврте вниманието на најголемите европски клубови, одбил голема и пребогата понуда од англиски Њукасл за летово да се пресели на „Сент Џејмс Парк“, објавија англиски меидуми. За Кварацхелија долга беше листата на заинтересирани, но малку клубови може да си го дозволат да го ангажираат, зашто цената му е најмалку 100 милиони евра колку што би барал Наполи, но Њукасл се обидел да му пристапи и со многу богата понуда да го договори, а потоа да тргне во разговори за трансфер обесштетување со Аурелио де Лаурентис. Ако што објави „Ил Матино“, Кварацхелија веднаш го одбил Њукасл, иако понудата била многу голема, а истото им го повторил и на уште неколку други клубови, дека во фокус му е во моментов настап само за Наполи. Кварацхелија има само 1,2 милиони евра плата откако лани дојде од Динамо Батуми, но во најава е дека наскоро ќе добие нов договор со многу поголема плата, од шест милиони евра по сезона.

Кварацхелија потпишува нов договор со Наполи

Бошко Тасиќ — Wed, 26 Jul 2023 04:14:25 +0000

Фудбалерот од редовите на италијанскиот шампион Наполи, Квича Кварацхелија е пред продолжување на договорот со наполитанскиот клуб . Новиот договор на играчот со Наполи ќе важи до 2028 година. Платата на Грузиецот ќе се зголеми од 1,1 милион на 3 милиони евра годишно. Со тоа паѓаат во вода сите претходни најави дека Њукасл е сериозен во намерите да го купи популарниот Квича во своите редови.

Кварацхелија им се обрати на навивачите на Наполи

Ристе Здравков — Wed, 19 Apr 2023 07:33:43 +0000

Фудбалерот од средниот ред на Наполи, Квича Кварацхелија по ремито со Милан (1:1) синоќа во реваншот од четвртфиналето на Лигата на шампионите им се обрати на навивачите. Наполитанците беа елиминирани од турнирот, а Грузиецот промаши пенал за израмнување на петнаесетина минути пред крајот. - Тешко ми е да ги видам вашите очи полни со солзи, сфаќајќи дека не можам да ти донесам среќа. Ќе дадам се од себе да научам од денешното искуство. Длабоко ми е жал и апсолутно благодарен за вашата поддршка, која ја чувствувам секоја секунда! Ве сакам сите и ветувам дека ќе се вратиме посилни! Претстојат многу натпревари, па сонот продолжува“, напиша Квича на социјалната мрежа. Екипата на Милан се пласираше во полуфиналето, бидејќи на првата средба победи со 1:0. Следен противник на Росонерите ќе биде победникот од мечот Интер – Бенфика (2:0 прв натпревар).

Кварадона останува во Наполи, без разлика на што го посакуваат најголемите!

Ристе Здравков — Wed, 29 Mar 2023 14:22:29 +0000

Грузискиот фудбалер, Квича Кварацхелија ќе го продолжи договорот со Наполи. Според „Фут Меркато“, играчот од средниот ред се согласил на нов договор со италијанскиот тим. Ќе се пресметува до 2028 година. Останува партиите да се договорат за последните детали. Платата на играчот ќе порасне од 1 милион евра на 2,5 милиони годишно. Земајќи ги предвид бонусите, годишниот приход на грузиски фудбалер може да достигне 4 милиони евра. Висината на надоместокот не е вклучена во договорот. Наполи може да размисли за продажба на Кварацхелија во 2024 година или подоцна, но ќе наплати најмалку 100 милиони евра за трансферот. Фудбалерот оваа сезона во Серија А настапи на 23 натпревари и постигна 12 гола и 10 асистенции.

Кварацкелија пак се повреди

Бошко Тасиќ — Fri, 06 Jan 2023 09:00:38 +0000

Грузискиот интернационалец Kвича Кварацхелија го пропушти тренингот на Наполи, што му предизвикува дополнителни главоболки на тренерот Лучијано Спалет. Крилниот играчот стартуваше и одигра 76 минути, а потоа беше заменет од Елиф Елмас. Кварацкелија доби неколку силни удари од противниците, а тоа става сомнеж дали ќе може да настапи на неделното гостување кај Сампдорија. 21-годишниот репрезентативец на Грузија постигна осум гола и реализира 10 асистенции на 18 натпревари за Наполи во сите натпреварувања од почетокот на сезоната, но пропушти три последовни натпревари поради болки во грбот пред дуелот со Интер.

Наполи е подготвен да му понуди на Кварацхелија договор до 2028 година и двојно поголема плата

Ивана Ефремовски — Thu, 22 Dec 2022 16:40:14 +0000

Наполи е пред потпишување нов договор со играчот од средниот ред Квича Кварацхелија. Според „La Gazzetta dello Sport“ наполитанците имаат намера да го задржат 21-годишниот Грузиец кај себе и покрај интересот од голем број европски тимови. Италијанскиот клуб е подготвен да му понуди на играчот договор до крајот на јуни 2028 година и да ја удвои неговата плата (сега играчот заработува 1,2 милиони евра годишно). Кварацхелија се пресели во Наполи во јули годинава, на 17 натпревари за тимот има осум гола и 10 асистенции. (МИА)

Фудбалерот од средниот ред на Наполи цел на повеќе европски гиганти

Тале Кристо — Thu, 03 Nov 2022 12:10:40 +0000

Фудбалерот од средниот ред на Наполи, Квича Кварацхелија привлекува интерес од големи европски клубови. Според инсајдерот Николо Шира, 21-годишниот Грузиец е следен од пет врвни клубови одеднаш. На оваа листа се Реал Мадрид, Манчестер сити, Челзи, Тотенхем и Ливерпул. Скаутите на клубовите се во Италија и ги следат настапите на Квичи. Сепак, раководството на Наполи нема да го продаде играчот во блиска иднина. Грузискиот играч за врска во летниот преоден рок се пресели од Динамо Батуми во Наполи за 10 милиони евра. Оваа сезона Кварацхелија учествуваше на 17 натпревари, постигнувајќи осум гола и 10 асистенции во сите натпреварувања.

Гвардиола подготви 75 милиони за фудбалерот на Наполи

Бошко Тасиќ — Sun, 23 Oct 2022 16:12:43 +0000

Грузискиот интернационалец Квича Кварацхелија игра одлично во дресот на Наполи, па Пеп Гвардиола и сака да го доведе во Манчестер Сити. Кварацхелија веќе на првите натпревари во дресот на Наполи го воодушеви фудбалскиот свет и покажа дека може да биде нова голема фудбалска ѕвезда.Наполи за неговиот потпис плати 10 милиони евра, а сега неговата цена вртоглаво порасна. Италијанските медиуми пренесуваат дека Гвардиола нема да жали пари за да го довесе на „Етихад“ и е спремен да понуди 75 милиони евра за неговиот потпис.