ла лејкерс – Kurir.mk

Леброн Џејмс има посебен мотив пред стартот на новата сезона во НБА лигата

Бошко Тасиќ — Sat, 07 Oct 2023 05:20:05 +0000

Леброн Џејмс е подготвен за новата сезона во НБА лигата, која ќе биде 21. во неговата кариера. Првиот пик од драфтот во 2003 година ќе го носи бројот 23 во екипата на Лос Анџелес Лејкерс, тим со кој ќе ја нападне титулата во најсилното клупско кошаркарско натпреварување. Како што самиот вели, новата сезона му ја посветува на синот Брони, кој во јули доживеа срцев удар за време на тренинг на колеџ. - Оваа сезона му ја посветувам на Брони поради инцидентот што се случи летово. Тоа става сè во поинаква перспектива. Не е важно што се случува во вашиот живот во тој момент, единственото нешто што е важно е семејството. Гледајќи низ што помина, низ што минуваше овие месеци, тоа е многу, истакна Џејмс. Брони сè уште не се вратил максимално на кошаркарските тренинзи, додека тимот ја следи неговата здравствена состојба. -Брони работи исклучително добро. Тој го започна процесот на закрепнување за да се врати на теренот оваа сезона со своите соиграчи од УСЦ (Универзитетот во Јужна Калифорнија). По успешната операција што ја имаше, тој само напредува. Поминавме низ бура од емоции ова лето, но најважно е што сме сите заедно. Се зближивме и му дадовме сила на Брони да го помине целиот процес и среќни сме каде е денес, изјави Леброн. На помладиот Џејмс му била дијагностицирана вродена срцева мана која најверојатно предизвикала срцев удар, но лекарите очекуваат тој да може да се врати на кошарката.

Дресот на легендарниот Вилт Чембрлен продаден за скоро пет милиони долари

Бошко Тасиќ — Fri, 29 Sep 2023 04:11:19 +0000

Дресот на Вилт Џембрлен од Лос Анџелес Лејкерс од сезоната 1972 година е продаден на аукција за огромни 4.9 милион идолари. Чембрлен во таа година беше еден од најважните кошаркари на Лејкерс кои славеа во финалето против Њујорк Никси. Чембрлен во финалето постигна 24 поени, додавајкќи 29 скокови и осума асистенции. Својата професионална кариера Чембрлен ја започна во 1958 година, а ја заврши во 1973 година освојувајќи голем број награди и признанија. Кариерата ја заврши со 31.419 постигнати поени.

ЛА Лејкерс доведе големо засилување

Бошко Тасиќ — Thu, 07 Sep 2023 03:57:31 +0000

Екипата на Лос Анџелес Лејкерс формира тим за новата НБА-сезона и потпиша договор со Кристијан Вуд. Играчот кој ги покрива крилните позиции, а игра и како центар, ќе биде дел од „езерџиите“ во следните две сезони затоа што потпиша договор кој ги покрива 2023/24 и 2024/25, а според кој ќе заработува 5,7 милиони долари. Вуд ќе биде големо засилување за Лејкерси во борбата за враќање на врвот во Западната конференција. Минатата сезона високиот играч во просек имаше 16 поени и 7,3 скока по меч во дресот на Далас Маверикс. Пред Далас Маверикс, Кристијан Вуд беше дел од Хјустон Рокет

Од ЛА Лејкерс заминуваат неколку ѕвезди

Бошко Тасиќ — Sun, 28 May 2023 05:15:22 +0000

Американските медиуми силно шпекулираа деновиве дека Леброн Џејмс бил крајно разочаран од елиминацијата во „плеј-офот“ од Денвер Нагетс и дека размислува за пензионирање, но новите информации говорат нешто сосема поинакво. Сè поизвесно е дека „кралот“ ќе продолжи да игра и ќе ја започне новата сезона како член на Лејкерси, но големо прашање каде ќе замине по стартот на новата сезона. Договорите им истекуваат на дури осум кошаркари, а Генералниот менаџер на клубот Роб Пелинка веќе најави дека управата планира да преземе сериозни чекори за создавање нов тим. ДиАнџело Расел и Малик Бизли наскоро остануваат без договори, Лони Вокер и Руи Хачимура имаат опција во договорот да одберат и друга екипа по желба, додека слободни агенти стануваат Денис Шрудер и Остин Ривс како и двајца играчи кои не добиваа преголема минутажа, а тоа се Трој Браун и Вењен Габриел.

НБА: Нов триумф на Денвер кој сега води со 3-0 во финалето на Западот (ВИДЕО)

Бошко Тасиќ — Sun, 21 May 2023 06:21:08 +0000

Џамал Мареј и Никола Јокиќ го однесоа Денвер нагетс на еден чекор од првото големо финале во својата клупска историја. Нагетси ноќеска славеа во Лос Анџелес против Лејкерс со 119-108 и сега водат со 3-0 во финалето од Западот и се на една победа пред пласман в големото финале. Мареј со 37 поени беше прв стрелец на Денвер, а Јокиќ постигна 24 поени имаше осум асистеции и шест скока. https://www.youtube.com/watch?v=dP2iRG2X1Tk&embeds_referring_euri=https%3A%2F%2Fsportmedia.mk%2F&source_ve_path=MjM4NTE&feature=emb_title

Трипл-дабл на Јокиќ за прва победа на Денвер во финалето на Западот (ВИДЕО)

Бошко Тасиќ — Wed, 17 May 2023 06:11:52 +0000

Кошаркарите на Денвер поведоа со 1:0 во финалето на Западната конференција на НБА лигата, откако синоќа ги совладаа ЛА Лејкерс со 132:126. Домашните имаа двоцифрена предност на половина од првата четвртина, која продолжи да се зголемува до максимални плус 21 во третата четвртина. Лејкерси се разбудија на крајот од мечот и успеаја да дојдат до поднослива негатива, а со тројката на Остин Ривс на три минути и 23 секунди до крајот стигнаа до минус три (124:121), но не беа подготвени за целосен пресврт. Никола Јокиќ во победата на Денвер го забележа шестиот трипл-дабл во овосезонскиот плеј-оф со 34 поени, 21 скок и 14 асистенции, а забележа и две блокади. Џамал Мареј иако беше болен, настапи и постигна 31 поен за домашниот тим, со пет скока и асистенции. Ентони Дејвис беше најефикасен во тимот на ЛА Лејкерс со 40 поени и 10 скока, а Леброн Џејмс беше на една асистенција до трипл-дабл со 26 поени, 12 скока и девет асистенции. https://www.youtube.com/watch?v=I9v_84Fppfk&embeds_referring_euri=https%3A%2F%2Fsportmedia.mk%2F&source_ve_path=MjM4NTE&feature=emb_title

Л.А.Лејкерс го исфрлија шампионот и се пласираа во финалето на Западот

Бошко Тасиќ — Sat, 13 May 2023 06:21:37 +0000

Лос Анџелес Лејкерс го елиминира актуелниот шампион Голден Стејт Вориорс откако во шестиот меч го совлада со 122:101 и со тоа стигна со севкупна победа од 4:2 во полуфиналната серија. Со тоа Лејкерс станаа првиот тим кој го елиминирал Голден Стејт пред НБА финалето уште од 2014 година. Голден Стејт играше на шест од осум НБА финалиња, а два пати го пропушти плеј-офот. Кај Лејкерс најдобар беше Леброн Џејмс кој го заврши мечот со 30 поени, девет скокови и девет асистенции. По него следуваат Ривс со 23 поени, Расел со 19, Дејвис со 17 поени. Кај Вориорс Стеф Кари постигна 32 поени, имаше и шест скокови и пет асистенции. Па така во конференциското финале (на Западот) Леброн и Лејкерс ќе играат против Денвер Нагетс предводени од Никола Јокиќ. Првиот меч се игра на 17 мај.

НБА: Лејкерси го декласираа Голден Стејт за ново водство од 2-1 во серијата

Бошко Тасиќ — Sun, 07 May 2023 06:19:28 +0000

Кошаркарите на Лос Анџелес Лејкерс, одново победија на домашен терен во дуелот со Голден Стејт, и повторно водат во серијата со 2-1 во полуфиналето на Западната Конференција. Лејкерси убедливо со 30 разлика 127-97 го совладаа противникот, благодаренире на одличната игра во втората и во четвтрата четвртина кога го „декласираа“ противникот. Иако ја загубија првата четвртина со 23-30, во втората целосно се вратија и ја добија со дури 18 разлика, за предност на полувремето. Третата четвртина ја зголемија предноста добивајќи ја со 27-20, а целосниот „потоп“ на Голден Стејт се случи во последниот период кога тимот од Лос Анџелес уфрли 41 поен, наспроти противничките 29. Дејвис со 25 поени го предводеше домашниот тим во победата, додека Леброн со 21 беше вториот најефикасен кај победничката екипа. Кај гостите Кари беше најдобар со 23 поени.

НБА: ЛА Лејкерс направи брејк против Мемфис

Бошко Тасиќ — Mon, 17 Apr 2023 05:49:56 +0000

Кошаркарите на Лос Анџелес Лејкерс со победа со стартуваа плејофот и тоа на гости над Мемфис од 128:112. Многу драма беше забележана во завршницата од мечот, кога Лејкерс имаше предност од само четири поени на неколку минути пред крајот, но екипата предводена од Леброн Џејмс го засили темпото и оствари значајна победа. Најефикасен кај „езерџиите“ Хачимура со 29 поени, шест скокови и една асистенција, додека прво име кај Мемфис беше Џексон со 31 поен, пет скокови и четири асистенции.

ЛА Лејкерс се засили со двајца играчи пред новата фаза во НБА лигата

Бошко Тасиќ — Tue, 11 Apr 2023 04:25:26 +0000

НБА тимот на Лос Анџелес Лејкерс не успеа да обезбеди директно место во плејофот во НБА лигата, односно ќе мора преку плејин фазата да дојде до посакуваното разигрување за пехарот. „Езерџиите“ во завршија регуларниот дел на седмото место во Западот, а тоа ќе значи дека ќе имаат два шанси да дојдат до плејофот, првата е против Минесота Тимбервулвс и ако победат одат на соочување со Мемфис Гризлис. Ако загубат од „волците“ тогаш ќе го чекаат подобриот од Њу Орлеанс Пеликанс-Окламоха Сити Тандер за да се обидат да не ја завршат сезоната. Пред овие натпревари клубот од Лос Анџелес ги засили своите редови со две имиња од кои едното веќе долго време настапува во НБА лигата и има шампионски прстен. Се работи за Тристан Томпсон кој заедно со Леброн Џејмс се радуваше на пехарот во 2016 година. Вториот играч е Шакил Херисон кој е плејмејкер, негов последен тим беше Портланд Трејл Блејзерс.