ладилник – Kurir.mk

Чоколадото не смеете да го чувате во фрижидер, еве зошто

Ивана Ефремовски — Tue, 15 Feb 2022 20:03:01 +0000

Чоколадата никогаш не би требало да се чува во фрижидер, дури ни во лето кога температурите се високи. Многу ниските температури може да влијаат на вкусот и густината на чоколадата, исто како и многу високите температури. Последица од чувањето на чоколадото во фрижидер е лош вкус и намалено испуштање на слаткост и богатство на вкусот кој чоколадата го содржи. Наместо во ладилник, чоколадата би требало да се чува на студено и темно место, идеално помеѓу 10 и 20 степени Целзиусови. Идеална температура за чоколада е 15 степени. Во ладилник треба да ја ставите само ако температурата во домот е повисока од 28 степени Целзиусови.

Германската вакцина може да се чува во ладилник три месеца

Тале Кристо — Fri, 13 Nov 2020 07:35:47 +0000

Германската биотехнолошка компанија „КjурВак“ соопшти дека нејзината вакцина против коронавирусот може безбедно да се чува до три месеци во обичен ладилник, што веројатно ќе помогне да се избегне големата логистичка пречка кога станува збор за нејзината дистрибуција, пренесе „Фокс Њуз“. Во денеска лиферуваното соопштение од компанијата се наведува дека нејзиниот лек, што е кандидат за вакцина темелена на mRNA, CVnCoV, останал стабилен и во рамките на дефинираните спецификации најмалку три месеци кога се чува на пет степени Целзиусови и до 24 часа на собна темепература кога е подготвен како вакцина за употреба. -Транспортот и чувањето на вакцините за кои е потребна ултра-ниска температура за да бидат стабилни, беше предмет на интензивна дебата и загриженост во поглед на изводливоста, дополнителните трошоци и расипувањето, рече д-р Флоријан фон дер Мулбе од „KјурВак“. Тој додаде дека компанијата е „многу охрабрена од извонредната стабилност на нашиот кандидат за вакцина против Ковид-19“ кога се чува во стандарден ладилник, како и со примената на собна температура“. -Оваа компатибилност, исто така, потенцијално овозможува децентрализирано складирање и може значително да ги олесни напорите за големи вакцинации за време на тековната пандемија, додаде Фон дер Мулбе.

Кинеската амбасада: Не е потврдено државјанството на починатите 39 лица

Ивона Петрова — Fri, 25 Oct 2019 07:16:40 +0000

Кинеската амбасада во Лондон соопшти дека британската полиција се уште не може да потврди дали 39-те лица кои беа мртви пронајдени во камион, биле кинески државјани. Медиумите претходно јавија дека британската полиција соопшти, а Пекинг потврдил дека починатите 31 маж и осум жени биле државјани на Кина. -Британската полиција рече дека го проверува идентитетот на починатите и не е во можност сега со сигурност да каже дека лицата се кинески државјани, наведува амбасадата на Кина во Лондон. Во меѓувреме, Глобал Тајмс оценува дека не е можно да се каже колкава е одговорноста за трагедијата, но напоменува дека „толку сериозна хуманитарна катастрофа се случила пред очите на Британците и Европејците“, пренесува Ројтерс.

Почувствувале непријатна миризба, а кога ја отвориле приколката виделе ужас: Внатре имало над 100 мртви

Ивана Ефремовски — Tue, 18 Sep 2018 14:13:25 +0000

Страшна слика виделе полицајците кога отвориле камионска приколка–ладилник во која имало најмалку 100 безживотни тела. Соседите се пожалиле дека од приколката се шири неподнослива смрдеа, по што било открено дека ладилникот е полн со мртовци. Најпрвин помислиле дека станува збор за жртви на картелите, но подоцна сфатиле дека мртовците се во приколката зашто во мртовечницата во местото Гуадалајеро снемало место. Законите во Мексико не дозволуваат кремирање , а во мртовечницата и на гробиштата немало место поради зголемениот број насилства.