ладно време – Kurir.mk

Најладно во Берово, во Полошко намалена видливост од 50 до 200 метри

Катерина Бојаџиева — Thu, 22 Dec 2022 08:17:05 +0000

Утрово најладно е во Берово со – 7 степени, а најтопло со 4 степени е на Попова Шапка. Како што информираа од УХМР измерени се – 6 степени во Струмица, -5 во Скопје-Петровец, Битола, Демир Капија, -4 степени во Тетово, Штип, Гевгелија, Крива Паланка, -3 степени во Прилеп, Куманово, -2 Скопје-Зајчев Рид, Маврови Анови, -1 Охрид, Претор, Виница, 0 во Дојран и еден степен во Крушево. По одделни котлини утрово има појава на магла или ниска облачност. Во Полошко има намалена видливост од 50 до 200 метри. Поради појава на температурна инверзија на планините температурата е повисока отколку во пониските места.

Не кријте се од студот: Прошетките во есен и зима носат корисни благодети за вас – дознајте кои се тие

Ивана Ефремовски — Wed, 23 Nov 2022 11:16:18 +0000

Често слушаме дека студот е добар за нашето здравје, но дали точно ги знаете бенефитите кои нашето тело и ум ги имаат од ниските температури? Ви откриваме 10 корисни благодети од ладното време поради кои уште повеќе ги сакаме есента и зимата. 1.Имаме повеќе енергија Сакате да имате енергија? Изложеноста на ниски температури, како на пример прошетка по ладно, ќе ве исполни со енергија, па ќе бидете енергични уште неколку часови после прошетката. За да има таков ефект студот, не мора да бидете долго изложени. Доволно ќе биде и некое кратко време – затоа тргнете на брзо одење. 2.Подобро спиеме Луѓето кои патат од несоница имаат поголема телесна температура, па спиењето во лесно разладена просторија (идеално од 16 до 20 степени) ќе помогне подобро да спијат. 3.Студот поттикнува согорување на калориите во кафеното масно ткиво Кафеното масно ткиво произведува топлина и ги согорува мастите, а кај бебињата служи за регулирање на телесната температура. Кај возрасните овие кафени масни клетки се наоѓаат во помал број 4.Мозокот работи подобро Докажано е дека при високи температури луѓето многу поретко донесуваат големи, сложени одлуки. Топлото време побрзо ги исцрпува нашите резерви на глукоза, со оглед на тоа што глукозата ја користиме во менталните процеси, недостатокот исто така, влијае врз нашата способност за носење одлуки. 5.Поради почистиот воздух подобро дишеме Есента и зимата обично значат и поквалитетен воздух, па поради тоа, долгите прошетки во природа и длабокото дишење се идеални во овој период. 6.Совршена температура за трчање Дали некогаш сте се запрашале зошто маратоните се одржуваат во доцна есен? Тоа е затоа што на пониски температури е полесно и попријатно за трчање. Трчањето при топло и влажно време делува исцрпувачки на нашето тело. 7.Студот ги намалува воспаленијата и ги елиминира инфекциите Воспаление на мускули често се ублажува со ставање на мраз врз отеченото и болно место. Но истиот ефект го имаат и ниските температури на воздухот. Многу атлетичари во лекувањето на воспаленијата и повредите користат криотерапија, односно терапија со мраз, што значи изложување на екстремно ладни темпартури. Престојот ве прави поотпорни. Тоа е затоа што голем број клетки се борат против инфекциите. 8.Се чувствуваме подобро во сопствена кожа На ладно време не мора да се грижиме за тоа како изгледаме во бикини, со што всушност ни се подига самодовербата. Тоа е исто така период од годината кога размислуваме за вежбање поради носење на новогодишни одлуки. 9.Повеќе ги цениме деновите кои доаѓаат Истражувањата покажуваат дека луѓето кои живеат во области каде е секогаш топло и сончево, всушност не се посреќни од останатите. Луѓето имаат најдобро расположение после долг период на студено и тмурно време. Затоа, се радувате дека топлите и сончевите денови повторно ќе дојдат. 10.На ладно време нема комарци Ниските темпертури ги убиваат комарците, што значи дека не мора да се браните од овие ситни штетници кои може да пренесат болести.

Грешки кои ги правите на ладното време

Предраг Кукиќ — Sun, 06 Jan 2019 19:05:17 +0000

Во зима кожата почнува да го губи својот сјај и да станува сува и осетлива. Ова се неколку работи со кои несвесно ја оштетувате кожата. Долго туширање под жешка вода Долгото туширање под жешка вода може да ве опушти, но ќе ви ја исуши кожата. За време на ладните месеци туширајте се пократко и не користете премногу топла вода, за да не ги отстраните сите есенцијални масла од кожата. По можност, користете и непарфимирани сапуни. Користите премногу тоник Тоникот за лице е одлично средство за повремено освежување на изгледот на кожата додека е топло времето, но не и кога ќе залади. Тој може да ја отстрани природната маснотија на вашето лице, поради што кожата ќе ја произведува во поголеми количини, а со тоа ќе се зголеми и појавата на акни. Тоникот на база на алкохол особено ја суши кожата и најдобро е во целост да го избегнувате. Не користите крема за заштита од сонце Без разлика на времето, постојано треба да ја заштитувате кожата од сончевите зраци. Постојаната заштита од сонце ќе ви помогне да ги намалите шансите за рак на кожа и ќе се намали појавата на ситни брчки. Чувајте ја кремата со заштитен фактор во близина на останатите продукти кои редовно ги користите, за да не заборавате постојано да се мачкате. Користите премногу парфем Голем број парфеми и тоалетни води содржат алкохол, што може да предизвика сува и иритирана кожа или да го влоши здравјето на веќе испуканата кожа. Парфемот нанесете го на облеката, а не на кожата. Ако имате чувствителна кожа, подобро заборавете на парфемите. Недостаток на хидратација Хидратацијата е камен-темелник на здравата кожа во кое било годишно време, но тоа е најизразено во ладните месеци. Вашите раце, пети, колена и вратот се подрачја на кои морате да им посветите повеќе внимание. Не вежбате Голем број луѓе престануваат да вежбаат штом ќе дојдат ладните месеци. Кондицијата треба да ја одржувате во текот на целата година. Недостатокот на активност е директно поврзан со зголемен стрес, зголемена тежина и лош сон, што влијае врз целокупното здравје. Ја оштетувате кожата со несоодветни продукти Ладното време не е единствената причина за сува кожа. Чести кривци се и сапуните, купките, геловите за туширање и многу други продукти. Затоа подобро користете купки на база на масла, кремасти гелови и средства за бањање кои не се базираат на сапун. Не ја миете косата доволно често За време на ладниот период од годината, повеќето луѓе не ја мијат косата толку редовно како во летниот период. Честото миење на косата помага при размената на клетки на темето и е добро за нејзиното здравје. Хидратацијата е исто така важна, затоа користете балсами и маски за коса. Заборавате на усните Остриот студ во спој со греењето во затворените простории е лоша комбинација за вашите усни. Усните немаат лојни жлезди кои на остатокот од телото му пружаат заштита (затоа на усните не може да дојде до појава на акни). Лижењето на усните може да пружи моментално олеснување, но тоа дополнително ќе ги исуши. Балсамите за усни ќе ви помогнат да ја одржите нивната влажност. Солените јадења и циметот ги сушат усните, па пробајте да ги одбегнувате. Пазете и да не ви останува паста за заби на усните, бидејќи и таа ги суши.