лага – Kurir.mk

Уште една лага на СДСМ падна против Мицкоски, обвинителството констатираше – нема докази за делчевски ниви

Тале Кристо — Thu, 19 Oct 2023 10:33:22 +0000

Основното јавно обвинителство донесе одлука за запирање на истрагата за делчевски ниви, притоа констатирајќи дека нема докази за овој предмет, и со тоа во вода падна уште една лага на СДСМ против лидерот на ВМРО-ДПМНЕ Христијан Мицкоски.ѓ По анализата на кривичната пријава, исказите на сведоците, исказите на осомничените како и сите обезбедени материјални докази во текот на истражната постапка, се констатира дека од конкретната истражна постапка не произлегоа ниту материјали, ниту вербални докази кои би потврдиле основано сомнение дека делата кои им се ставаат на товар на осомничените се кривични дела за кои се гони по службена должност, односно произлезе дека пријавените не превзеле дејствија кои ги сочинуваат битијата на пријавените кривични дела, стои во констатацијата на обвинителството. Обвинувањата во медиумите беа дека парите од нивите во Делчево допираат до ВМРО-ДПМНЕ, но после донесената констатација и наредбата за запирање на истражната постапка за конкретниот предмет, станува јасно целта била намерно оцрнување на најголемата опозициска партија и на нивниоот лидер. Паднаа во вода и шпекулаците дека истрагата е до детаљ завршена, целата комуникација е фатена и се се знае и дека за тоа точно се знае кој и како и со кој и каква улога имал во предметот ,,Делчевски ниви”. Од крајниот епилог во целата ситуација и по одлуката на ОЈО, јавноста може да заклучи дека целта била намерна, а тоа е да се оцрни најголемата опозициона партија и нејзиниот лидер.

Бела куќа: Лага е дека САД се вклучени во нападите со дронови на Кремљ

Тале Кристо — Thu, 04 May 2023 18:39:46 +0000

Изјавите на Русија дека нападот со дронови на Кремљ е организиран од САД се лажни, изјави денеска Џон Кирби, координатор за стратешки комуникации на Советот за национална безбедност во Белата куќа. -Очигледно тоа е апсурдно тврдење, рече Кирби во интервју за Си-Ен-Ен. - Соединетите Држави со ова никако не се поврзани. Ние дури не знаеме што всушност се случило, но можам да ве уверам дека Соединетите Држави не играат никаква улога во ова, изјави Кирби. Додаде дека Путин е агресор и може да го заврши конфликтот со повлекување на војската од територијата на Украина. Тој исто така изјави дека не му се познати разузнавачки информации дека Русија има намера да врши напади на системите на критична инфраструктура на НАТО. Коментарот доаѓа по изјавата на првиот човек на разузнавањето на НАТО дека Русија може да саботира подводни кабли за да се одмазди на западните земји за помошта што ја даваат на Украина. Во врска со ова Алијансата ја засили заштитата на подводната инфраструктура по експлозиите на гасоводот „Северен тек“ лани во септември. -За тоа ние помниме и внимателно следиме уште од самиот почеток на војната, изјави Кирби. Во врска со нападите на дронови на Кремљ и денешното обвинување од Русија дека зад тие напади стојат САД, а со цел убиство на претседателот Владимир Путин, Кирби за Ем-Ес-Ен-Би-Си изјави дека портпаролот на Кремљ, Димитриј Песков, лаже. -Тој едноставно лаже, изјави Кирби за телевизијата.

НА КАЖУВАЈТЕ ЛАГИ: Повеќе се штетни за вас отколку за тие кои ги лажете

Ивана Ефремовски — Sun, 06 Mar 2022 15:37:55 +0000

Веројатно не постои човек кој барем неколкупати во животот не кажал некоја лага. Многумина честопати кажуваат т.н. бели лаги со цел да избегнат повредување на нечии чувства или да се извлечат од некои непријатни ситуации. Но кога лажењето ќе прерасне во навика и од секоја ситуација ќе се обидувате да се извлечете со лага, во телото доаѓа до низа реакции кои сериозно се одразуваат врз здравјето. Животот со лаги воопшто не е лесен и едноставен. Иако за миг се чини дека сте се извлекле од некоја ситуација, долгорочно гледано лажењето и тоа како ви штети. Еве што им се случува на оние за кои лагата е секојдневие: Постојаното лажење полека и неосетно води до голем стрес, анксиозност и депресија. Истражувањата покажуваат дека животот исполнет со лаги го ослабува имунитетот, предизвикува силни главоболки, исцрпува и доведува до низа стресни ситуации. Ако тргнеме од фактот дека стресот е тесно поврзан со појавата на рак, можете да замислите колку многу ни штети лажењето. Лажењето го пореметува сонот, па лицата кои често кажуваат лаги со текот на времето се соочуваат со проблеми со спиењето, што повторно доведува до низа здравствени проблеми, како и зголемување на телесната тежина и депресија. Пореметувањето на исхраната, честото лошо расположение, чувството на замор и ред други непријатни здравствени проблеми се реакција на изборот постојано да се лаже, наместо да се застане на цврсти нозе при соочувањето со секојдневните предизвици. Лагата е тивок убиец кој може да ви го уништи животот. Размислете колку често кажувате лаги и изберете живот исполнет со искреност. Секоја ситуација има повеќе решенија, а лагата е најлошото од сите.

Престанете да лажете: Бидете искрени за да бидете поздрави

Ивана Ефремовски — Sat, 06 Nov 2021 22:59:06 +0000

За да бидете здрави, јадете многу овошје и зеленчук, редовно вежбајте и – престанете да лажете. Половината од 110 испитаници имале задача да престанат да лажат на десет недели, додека другата половина биле во контролната група. „Искрените“ подоцна забележале дека имаат главоболки, дека се помалку напнати и анксиозни отколку вообичаено. Претходните истражувања покажуваат дека луѓето во просек изговараат 11 лаги неделно. -Сметам дека лажењето предизвикува многу стресови меѓу луѓето. Искреноста, не само што е добра за врските, туку и за поединецот, рекол д-р Брајан Бруно, шеф на Одделението за психијатрија во болницата Ленокс хил во Њујорк. На крајот на десетнеделната студија, некои учесници пронашле многу паметни начини да ја избегнат лагата. Една од истражувачите, Анита Кели, професор по психологија, забележала дека некои сфатиле дека можат едноставно да ја кажат вистината, наместо да преувеличуваат, додека други на „скокотливи прашања“ одговарале со ново прашање, со цел со искреноста да не повредат некоја личност. -Сметам дека и најситните лаги се проблематични. Целта е целосно да се ослободиме од нив. Барем можеме да ги намалиме, вели Кели.

Лажеше на Фејсбук дека плаќал заразени од корона да лижат предмети во продавници, па заврши во затвор

Катерина Бојаџиева — Wed, 06 Oct 2021 15:39:53 +0000

Еден човек од Тексас беше осуден на повеќе од една година затвор за ширење лажни информации поврзани со Ковид-19 на социјалните мрежи. „Кристофер Чарлс Перез (40) објави две заканувачки пораки на Фејсбук во април 2020 година, лажно тврдејќи дека платил некој заразен со Ковид-19 да лиже предмети во продавници“, соопшти Канцеларијата на американскиот јавен обвинител. Перез беше прогласен за виновен за две точки од обвинението за кршење на федералниот закон кој ги криминализира лажните информации и измамата со биолошко оружје, изјавија обвинителите, пренесува Си -Ен -Ен. Тој ги објавил овие лажни тврдења на социјалните медиуми со цел да ги заплаши луѓето во време кога коронавирусот почна да се шири во Соединетите Американски Држави. Покрај 15-месечната затворска казна, Перез треба да плати и парична казна од 1.000 долари.

Некој во најважните државни институции лаже за НАТО сертификатите

Тале Кристо — Sat, 13 Feb 2021 13:39:43 +0000

До овој момент меѓу 40 и 50 високи функционери во државата, од службите до политиката, имаат добиено НАТО сертификати, а уште стотина се во процедура да добијат. Ниту еден политичар на локално или централно ниво нема добиено негативно решение, вели претседателот Стево Пендаровски. -Не е точно дека само Пендровски има безбедносен сертификат. До овој момент меѓу 40 и 50 високи функционери во државата, од службите до политиката, имаат добиено НАТО сертификати. До овој момент уште стотина се во процедура да добијат, изјави Пендаровски во гостување во емисијата Стадион на радио Канал 77. Овие информации на шефот на државата се сосема различни од тие што ги дава главниот македонски функционер за класифицирани, директорот на ДБКИ, пишува порталот Експрес.мк. Во интервју за Слободна Европа Стојан Славески директор на Дирекцијата за безбедност на класифицирани информации дава дијаметрално спротивни податоци од Пендаровски што укажува дека некој во највисоките државни институции лаже и прави огромна штета за сметка на довербата на НАТО во македонската држава. “Според големината на државата меѓу 500 и 600 македонски државјани треба да добијат сертификат за безбедност од НАТО, а постапката на барање на сертификати е почната за околу 300”, објаснува за Радио Слободна Европа Стојан Славески, директор на Дирекцијата за безбедност на класифицирани информации. Преку оваа институција одат сите барања за безбедносен сертификат од Македонија од каде според Славески има 200 од 300 функционери кои досега добиле безбедносни сертификати за работа на класифицирани информации на НАТО. Десетина пак, не ја поминале безбедносната проверка, додава тој. Според Пендаровски има вкупно околу 150 барања од македонски функционери од кои досега само 40 до 50 добиле сертификат. Меѓу бројките на Пендаровски и Славески има фрапантна разлика од околу 300 луѓе во вкупната бројка на луѓе во македонските институции за кои ќе се бараат сертификати, и околу 150 за кои досега е добиен сертификат. Зошто меѓу шефот на државата и најодговорната и најкомпетентната институција на ова тема постои ваква дискрепанца не може ни да се претпостави. Директорот на ДБКИ е поставен од владата и тој е директно под контрола на премиерот што дава поинаква перспектива за различните податоци кои ги кажуваат Пендаровски и Славески. Линкови со различните податоци за НАТО сертификатите Пендаровски: Ниту еден политичар не е одбиен од НАТО за безбеносен сертификат Околу 150 лица се на проверка за НАТО-сертификат, досега се одбиени двајца Славески: Десетина баратели досега одбиени за НАТО сертификат

Димитриеска Кочоска: Владата дебело лаже за јавниот долг со нереални проекции

Тале Кристо — Sat, 12 Dec 2020 13:59:00 +0000

Владата лаже за јавниот долг, има нереални проекции додека задолжувањата растат, реагира преку социјалната мрежа на Фејсбук Гирдана Димитриеска Кочоска, член на ИК на ВМРО-ДПМНЕ. Во Стратегијата 2021-2025 Владата пишала дека јавниот долг до 2025 ќе биде 58,8% од БДП. Исто така наведуваат дека во периодов на Корона криза ќе има отстапување од тој процент. Сега БДП за 2020 се пресметува со помал пад од она што ќе биде реално. Тоа понатаму значи дека јавниот долг за 2020 ќе биде повисок од досега проектираниот. Во следните години ќе се опоравуваме многу тешко ама долгот ќе расте забрзано. Имено, во буџетот за 2021 имаат напишано дека капитални инвестиции за 2021-2025 ќе бидат 3,1 милијарди евра од кои 1,84 милијарди од кредити. Можеби математиката е тешка да ја сфатите, но заклучокот е следен: некој дебело нѐ лаже. Или во 2025 нема да имаме јавен долг 58,8% од БДП (не гледам како ќе расте економијата, гледам како ја уништуваат само) туку многу поголем, или 3,1 милијарда евра е само ставено на хартија. А најголемата трагедија е што нѐ испозадолжија, ама трошењето на продуктивни работи не се гледа. А ќе враќаат кредити многу генерации во иднина. П.С. Ајде советниците одбранете ја математиката на Владата, пишува во својата објава Димитриеска Кочоска.

Шекеринска лаже! „Република“ не се извинила и нема да се извини!

Дарко Андоновски — Mon, 22 Jun 2020 18:07:55 +0000

„Република“ ги измешала конците и се извини – вака гласеше изјавата на потпретседателката на СДСМ, Радмила Шекеринска во вечерашното ТВ дуел со нејзиниот колега од ВМРО-ДПМНЕ, Александар Николоски. И Шекеринска повторно лаже. Јавно, на телевизија, во дебата, таа изнесува невистини, зборува лаги…, објвавува Република. Малку безобразно од ваша страна. Некој тука ги измешал конците, но тоа не сме ние, госпоѓо Шекеринска. Очигледно Вие сте ги измешале конците. Еве повелете, посочите кога, на кого, во која ситуација сме се извиниле? Ви тврдиме дека очигледно „Република“ ви е болната точка. Се обидувате постојано со закани, уцени и казни да не замолчите. Како партија изнесовте многу невистини за „Република“, говоревте пред вратата на редакцијата, раскажувавте приказни, во која, веројатно, намерно ги измешавте конците. И замислете вие не сте мислеле за нашата „Република“, случајно вашите сопартијци ги пративте тука. Епа госпоѓо Шекеринска тоа е разкажување приказни за јавност прикажувајќи ги работите како што вие сакавте да бидат, а не како што реално се… Но и тоа не не замолчи! Нема да не замолчат вашите закани, вашите лаги и обиди за притисок врз медуим кој е критички настроен кон работата на власта. Каде е сега вашиот тим за лажни вести да ја санкционира вашата лага?! Или лага е само она што не и одговара на Власта. Уште еднаш, да не разберете погрешно, па повторно да мислите дека ви се извинуваме за нешто. Не госпоѓо Шекеринска, не сме се извиниле. Особено не сме ви се извиниле вам. Да, наша обврска е да објавиме демант и тоа го правиме секогаш кога вие или било кој друг ќе испрати реакција за објавен текст. Но објавувањето на демантот е дел од нашиот професионален настап, а не некакво признание дека објавениот текст е лага. Значи некој лаже, а воопшто не е исклучено дека вие лажете во демантот. Но ние професионално и етички го објавуваме и тоа, па дури и кога со сигурност знаеме дека лажете во него. Но да расчистиме некои работи. Објавувањето на демантот не е извинување. Демантот е став на споменатата страна во одреден текст. Демантот не е ниту извинување, ниту вистина. И самата знаете колку неискрени деманти сте испратиле до нашата редакција… Како, на пример, вашиот демант откако го објавивме исказот на сведокот од случајот „Рекет“, за кој дури и обвинителката потврди дека е веродостоен… Е тогаш вие лажевте, ама ние демантот ви го објвивме. И тогаш госпоѓо Шекеринска искоментиравме… толку многу гнев во една навидум кревка жена… Жално. И денеска повторно истото го мислиме! Толку многу гнев и толку многу невистини. Нејсе, ваши се!

Комисии на ВМРО-ДПМНЕ: И културата не е поштедена од лагите на Шилегов (ВИДЕО)

Дарко Андоновски — Tue, 16 Jun 2020 20:32:18 +0000

Комисиите на ВМРО-ДПМНЕ преку статус на Фејсбук пишуваат дека ниту културата не е поштедена од лагите на Шилегов во предизборната кампања за градоначалник во 2017 година. -И КУЛТУРАТА НЕ Е ПОШТЕДЕНА ОД ЛАГИТЕ НА ШИЛЕГОВ Поминаа скоро три години откако Петре Шилегов е градоначалник на Град Скопје, тоа е период во кој тој се покажа како еден од најнеспособните градоначалници на сите времиња. Дека кажуваше лаги, а не проекти се гледа во сите области и општини. Ќе направиме осврт на лажните и неостварени ветувања во областа на културата. Во предизборната програма, Петре Шилегов и СДСМ ветуваа изградба на нова Универзална сала во Скопје, објект кој е од посебна важност за скопјани. Наместо тоа, до овој момент објектот на Универзалната сала е оставена на пропаѓа и ништо не е направено. Се потпиша само Меморандум за некаква соработка со поранешниот министер за култура Роберт Алаѓозовски. Очигледно истиот беше за пи-ар потребите на власта, граѓаните се вообичаено заборавени од СДСМ. Скопскиот Аквадукт е уште еден од објектите за кои Шилегов и СДСМ ветуваа дека ќе го реконструираат и вратат на стариот сјај. Шилегов во својата програма вети дека тој во рамките на градските ингеренции ќе го отворат просторот околу акведуктот, ќе го хуманизираат со урбана опрема со цел да биде убаво место за прошетки, велеа ќе го уредат пристапот и паркингот на автомобилите до локацијата. И вообичаено, Шилегов излажа. До овој момент, освен една посета заедно со поранешниот министер Алаѓозовски и поранешниот премиер Заев за нивните пи-ар потреби нема ништо друго. Тие само се сликаа пред Аквадуктот, и баш ништо не е превземаа за заштита и реставрација на истиот, како и просторот околу него и неговата пристапност. Во програмата Шилегов вети и излажа и за изградба на нов Културен дом во Шуто Оризари, кој би требало да служи на жителите од оваа општина. По скоро три години нема ништо, ниту има културен центар во Шуто Оризари, ниту Шилегов го споменува. И за културата, како и за останите работи, важи истото - Шилегов вети, а не оствари. Даде збор и го погази. Отвори уста и излажа, стои во нивниот пост на Фејсбук. https://www.facebook.com/komisiinavmrodpmne/posts/142774304072729

Кога мажите ги кажуваат овие работи – лажат!

Ивана Ефремовски — Tue, 02 Jun 2020 07:06:23 +0000

„Жал ми е“ – моќна реченица што намрштеното лице веднаш ќе го направи насмеано. Повеќето мажи тоа одамна добро го знаат, па ја изговараат секогаш кога ќе направат нешто што не треба. После тоа следува познатото„Нема да се повтори“, или „Ќе се сменам“… „Ма какви стриптизети, тоа не ме интересира“. Како што многу жени гледаат сапуници, мажите сакаат да гледаат убави жени како танцуваат голи, меѓутоа знаат дека за своите партнерки ова е неприфатливо, па полесно им е да излажат. „Подоцна ќе разговараме“. Оваа реченица е оружје кое мажите го употребуваат секогаш кога ќе сакаат да избегнат тема која не им одговара. Иако велат дека за тоа ќе разговараат подоцна, всушност мислат „Никогаш“. „Не сум ни помислил на друга“…Да, да! Фантазирање за друга жена одвреме навреме не е злосторство. Психолозите дури и го препорачуваат тоа, но повеќето жени не се согласуваат. И за да избегнат непотребни расправии мажите избираат да излажат. „Не драга, не си дебела“. Се спремате за излегување и откако ќе се облечете прашувате- „Дали изгледам добро?“ На тоа веднаш добиваш одговор-„Не драга, секако дека не изгледаш дебело!“ Мажите мислат дека е ова единствениот одговор што жената сака да го слушне, па мислеле така или не, тие ќе ви го кажат.