ЛаЛига – Kurir.mk

Лопетеги побара пет недели за подготвки пред да се обнови Ла Лига

Дарко Андоновски — Mon, 27 Apr 2020 14:21:59 +0000

Поранешниот селектор на шпанската фудбалска репрезентација и актуелен тренер на Севиља – Хулен Лопетеги, смета дека на играчите треба да им се дадат најмалку пет недели за да се подготват пред рестартирањето на сезоната, која беше запрена во средината на март поради пандемијата од коронавирус. Лопетеги е категоричен дека брзањето да продолжи со мечевите за да се заврши кампањата може да предизвика сериозни повреди. – Мислам дека треба да се подготват најмалку пет недели. Ќе мора да играме натпревари на секои три дена. Од физички и емотивен аспект, ова ќе биде нешто со што не сме се соочиле порано. Значи, ќе треба да бидеме во што е можно подобра кондиција. Во фудбалот не сме искусиле такво нешто. Ова не е како враќање по пауза, ниту на физички или психички план. Сега играчите ќе бидат 20 проценти од нивната нормална состојба кога ќе се вратат на тренинзи. Убеден сум во тоа. Ситуацијата е многу комплицирана и емотивна. Луѓето мислат дека сите играчи имаат големи куќи и дворови, но тие всушност се малцинство, рече Лопетеги.

Шефот на Ла Лига кон клубовите: Заборавете на трансферите!

Дарко Андоновски — Thu, 23 Apr 2020 11:51:53 +0000

Претседателот на Ла Лига, Хавиер Тебас, ги повика шпанските клубови да бидат „потивки“ на претстојниот трансфер пазар. – Заборавете на трансферите како тие од порано! Мислете на тинејџерите и на момците, кои биле отстапени, рекол Тебас во еден од разговорите со клупските претставници, цитиран од „АС“. Пандемијата се очекува да доведе до намалени буџети за трансфери низ целиот свет. Сè уште не е јасно сепак, кога ќе се отвори прозорецот за трансфер.

Валверде: Титулата во Ла Лига е најтешка за освојување

Даниел Василев — Mon, 30 Apr 2018 07:16:25 +0000

Тренерот на Барселона, Ернесто Валверде по освоената титула синоќа изјави дека неговите момчиња биле најдобриот тим во шампионатот и заслужено триумфираа. - Успеавме да ја освоивме титулата иако има уште натпревари до крајот на сезоната. Сметам дека бевме најдобриот тим, прокоментира тренерот по мечот. Валверде објасни и која е тајната за успехот на тимот, кој оваа сезона се уште нема пораз во Ла Лига. - Се обидов да работам врз динамиката на тимот и да не менувам многу работи. Тајната е колективот да биде смирен. Тајната за успехот се крие во соблекувалната. Не сум првиот тренер кој станува шампион со овие играчи, вели стратегот на Каталонците. Тој смета дека Ла Лига е најтешкото натпреварување за освојување. - Во Купот на Шпанија и Лигата на шампионите може да отпаднеш по лоша вечер. Првенството е нешто друго, тука треба да си постојан во текот на неколку месеци, додаде Валверде.

ЛаЛига направи 3,6 милијарди, но не може да се приближи на Премиер лигата

Даниел Василев — Fri, 20 Apr 2018 19:37:42 +0000

Двете шпански најсилни фудбалски лиги ЛаЛига и Секунда оваа сезона имале приходи од неверојатни 3,6 милијади евра, што е за 496 милиони повеќе од минатата година. Четириесет отсто од таа сума лигата ги добила на име на телевизиски права (1,45 милијарди). Приходите на стадионите донеле 746 милиони евра, маркетингот 622 милиони, и трансфери вредни 475 милиони, како и неколку стотини милиони на други извори. -Ова е најдобрата сезона во финансиска смисла, изјави извршниот директор на Лалига, Хавиер Гомес за шпанските медиуми. Меѓутоа, Шпанците поприлично заработуваат, сепак се уште не можат да и пријдат на Премиер Лигата која самостојно прави многу повеќе пари. Англичаните уште во сезоната 2015/2016 заработија 4,9 милијарди долари, а според проценките, во минатата сезона сумата пораснала на 5,2 милијарди евра.